Fréttablaðið - 18.02.2010, Blaðsíða 12
12 18. febrúar 2010 FIMMTUDAGUR
nær og fjær
„ORÐRÉTT“
„Hér er allt á fullum krafti. Við erum að klára
myndina okkar og frumsýnum 25. febrúar,“ segir
fjölmiðlamaðurinn Þorsteinn J. Vilhjálmsson um
heimildarmyndina Burkina Faso 8600 km sem
hann hefur síðastliðið ár unnið í félagi við Veru
Sölvadóttur.
Burkina Faso 8600 km fjallar um hjónin Hinrik
og Gullý úr Fljótshlíðinni sem finna ráð við því
hvernig fjármagna má barnaskóla í fjarlægu
landi í fjárþurrð. Þau kaupa tvo notaða Toyota-
jeppa með afslætti í Reykjavík og láta flytja þá
með skipi til Rotterdam í Hollandi. Síðan aka
þau jeppunum ásamt félaga sínum Paolo frá
Brasilíu en er búsettur á Hvolsvelli niður til Bur-
kina Faso í Afríku. Þar reka hjálparsamtökin ABC
skóla. Þremenningarnir selja annan jeppann og
gefa skólanum.
Þorsteinn segir þetta annars konar mynd
um efnahagsástandið. „Hún er eiginlega um
afstöðu, samanburð á tveimur heimum. Um það
hvað hægt er að gera þegar ekkert virðist hægt.
Burkina Faso hefur lengi verið þriðja fátækasta
ríki í heimi. En það er erfitt að segja hvar Ísland
er í raun,“ segir hann.
Þau Þorsteinn og Vera snúa hlut-
unum svolítið á hvolf. Myndin,
sem kvikmyndagerðarfólkið fjár-
magnaði sjálft, verður frumsýnd
á vefsvæði Þorsteins áður en hún
kemur á markað. Þar verður hún
ókeypis. Þorsteinn segir ástæðuna
einfalda: „Þetta er flott mynd,
sem verður að sjá strax. Ef hún
fer í sjónvarp færi hún inn í
vetrardagskrá og kæmi síðan
út í DVD-formi. Nú verður
það seinni tíma mál,“
segir Þorsteinn.
HVAÐ ER AÐ FRÉTTA? ÞORSTEINN J. VILHJÁLMSSON FJÖLMIÐLAMAÐUR
Gefur öðruvísi kreppumynd Á 19. öld fylltust bændur í Evrópu
áhuga á því að hreinrækta stofna. Í
því fólst meðal annars í að láta kindur
verða sem allra líkastar hvora annarri
í útliti og vexti. Þetta varð til þess að
víða erlendis var mislitum kindum
nánast útrýmt. Þessi ræktunarstefna
náði aldrei fótfestu hér á landi.
Það var trú manna ef jörð var hvít
um fengitímann að flest lömbin
yrðu þá hvít um vorið. Ef hún var
rauð urðu mörg lömb mórauð,
grá og svört, en ef jörð var flekkótt
mátti eiga von á mörgum mislitum
lömbum.
Mórauði liturinn skipar sérstakan
sess í þjóðsögum. Margar sagnir fjalla
um mórautt fé og yfirnáttúruleg fyr-
irbæri. Grátt græðir, svart særir, hvítt
gerir hvorugt en mórautt myrðir, segir
máltækið.
SAUÐFÉ
LITRÍKARA HÉR Á LANDI
Samband íslenskra kvikmyndaframleiðenda
Association of Icelandic Film Producers
SÍK – Samband íslenskra kvikmyndaframleiðenda
auglýsir eftir umsóknum um greiðslur úr IHM sjóði félagsins.
Rétt til umsókna úr sjóðnum eiga sjálfstæðir
kvikmyndaframleiðendur sem framleitt hafa kvikmyndir sem
sýndar hafa verið í sjónvarpi á árinu 2008.
Umsóknir berist fyrir 4. mars til:
SÍK – Samband íslenskra kvikmyndaframleiðenda.
Túngötu 14, P.O. Box 5367, 125 Reykjavík
eða með tölvupósti á sik@producers.is
Nánari upplýsingar, reglur og umsóknareyðublöð eru á
vefsíðu SÍK – www.producers.is
Greiðslur úr
IHM sjóði SÍK
Háskólar landsins kynna
námsframboð næsta skóla-
árs laugardaginn 20. febrú-
ar og fer kynningin fram á
tveimur stöðum í borginni.
Framhaldsskólanemar sem
útskrifast í vor geta því
með hægu móti orðið sér úti
um upplýsingar um stefnu
framtíðarinnar.
Í Ráðhúsi Reykjavíkur verða
Háskólinn á Akureyri, Háskól-
inn á Bifröst, Háskólinn á Hólum,
Háskólinn í Reykjavík, Landbún-
aðarháskóli Íslands og Listahá-
skóli Íslands. Háskóli íslands verð-
ur með kynningu á Háskólatorgi,
Gimli og í Odda í Háskóla Íslands
og á sama tíma verður kynning á
dönskum og sænskum háskólum í
Norræna húsinu. Þar verða einnig
íslenskir námsmenn sem stundað
hafa nám við skólana, ásamt full-
trúa frá danska menntamálaráðu-
neytinu til skrafs og ráðagerða.
Á háskóladaginn geta nemendur
framhaldsskólanna og aðrir náms-
þyrstir átt þess kost að fá beint í
æð upplýsingar frá nemendum,
kennurum og námsráðgjöfum skól-
anna auk þess sem kynnt verður
margvísleg þjónustustarfsemi við
nemendur, svo sem sértæk náms-
úrræði, lánamál og húsnæðismál.
Nokkuð er um að foreldrar fylgi
afkvæmunum á kynninguna þegar
þau kynna sér stefnu framtíðar-
innar: verkfræði, læknisfræði,
heimspeki eða tungumál? Gert er
ráð fyrir rúmlega 3.000 gestum á
kynninguna, enda þiggja margir
persónulega ráðgjöf þegar verið
er að taka eina stærstu ákvörð-
un lífsins. Ekki er heldur hægt að
kvarta undan fábreytni, því kynnt-
ar verða yfir 500 námsleiðir, allt
frá hrossarækt til myndlistar.
„Námsleiðum við HÍ hefur fjölg-
að mjög undanfarin ár og margar
styttri námsleiðir orðið til sem
er ánægjuleg þróun og í takt við
þróun samfélagsins“ segir Dagný
Ósk Aradóttir Pind, verkefnisstjóri
á markaðs- og samskiptasviði HÍ.
Námskeiðum hefur einnig fjölgað
og meira er orðið um þverfaglegar
námsleiðir sem eykur á valmögu-
leika nemenda.
Dagný segir að í fyrra hafi gest-
ir á kynningardeginum verið fleiri
en í hittifyrra, og telur líklegt að
þeim fjölgi enn í ár.
Í sumum deildanna verður boðið
upp á skemmtiatriði og má meðal
annars nefna að djarfur hópur
efnafræðinema við HÍ stendur
fyrir háskasýningum í Háskóla-
bíói klukkan 12 og 14 á laugardag
og nemar við Listaháskóla verða
einnig með uppákomur á kynning-
unni í Ráðhúsi Reykjavíkur. Allar
frekari upplýsingar má finna á vef
háskóladagsins, www.haskoladag-
urinn.is.
Háskólarnir kynna námsframboð
KYNNING Í RÁÐHÚSINU Ungt fólk getur kynnt sér möguleika framtíðarinnar þegar háskólarnir kynna námsframboð næsta árs á kynningum víðsvegar um land á laugardaginn.
VERKEFNISSTJÓRI HJÁ HÍ Dagný Ósk
býst við fjölda fólks á kynningu um nám
í háskólum.
Þröngt mega sáttir
sitja
„Hún vildi sitja í mínu sæti
til eilífðar.“
ÓLAFUR F. MAGNÚSSON BORGAR-
FULLTRÚI
DV 17. febrúar.
En kvenmannsfötum?
„Ég er svolítið svag fyrir rifn-
um kvenmannsröddum.“
ÞORVALDUR BJARNI ÞORVALDSSON
TÓNLISTARMAÐUR
Fréttablaðið 17. febrúar
■ Hvimleitt er það sem menn
eru orðnir langþreyttir á og
hafa af mikinn ama. Síðari
hluti orðsins er algengur og
þekktur. En hvað skyldi þetta
hvim vera? Það þarfnast nokk-
urrar skýringar. Áður fyrr var
orðið einum bókstaf lengra,
sá sem nú er hvimleiður var á
þeim tíma hveimleiður. Orðið
hefur síðan tekið breytingum.
Orðið var í þá daga samsett
úr hveim og leiður. Ekki er
þó víst að það hjálpi öllum að
átta sig á merkingunni, enda
er hveim beygingarmynd sem
horfið hefur úr íslensku máli.
Hveim er nefnilega gömul
þágufallsmynd fornafnsins
hver, sem í nútímamáli er
hverjum. Þá var algengt að
nota orðið hver á sama hátt og
við notum orðið sérhver nú til
dags.
Orðið hvimleiður merkir því
upphaflega hverjum leiður,
og er það átt við að sá sem er
hvimleiður sé sérhverjum leið-
ur, eða öllum til ama. - sh
TUNGUTAK
Hvimleiður er
öllum til ama
„Börnin fóru tómhent út úr verslunum Kringlunnar
með tárin í augunum og verslunareigendur voru farn-
ir að setja upp miða í gluggum hjá sér rétt rúmlega
ellefu um að allt sælgæti væri búið,“ segir Gunnar
Ólafsson sem var í Kringlunni í gærmorgun með átta
ára dóttur sinni, uppáklæddri í tilefni dagsins.
„Tvær verslanir á neðri hæðinni héldu áfram að
gefa börnunum sælgæti en annars staðar var ekk-
ert að hafa og ég fékk ekki betur séð en að verslun-
areigendur vildu ekki fá krakkana inn í búðirnar,“
segir Gunnar. Hann hafði samband við rekstrarstjóra
Kringlunnar sem sagði fyrirtækið ekki geta skikkað
verslunareigendur til að bjóða upp á sælgæti fram
eftir degi. Gunnar segir að víkingafélagið Einherjar
verði fyrir utan Kringluna á næsta ári með sælgæti
handa öllum börnum.
Sigurjón Örn Þórsson, rekstrarstjóri Kringlunn-
ar, segir að börnin hafi byrjað að streyma inn upp
úr klukkan tíu og hafi flest verið milli 8 og 10 þús-
und í húsinu. Hann kannast ekki við að sælgæti hafi
verið búið strax um klukkan ellefu en segir líklegt að
upp úr hádegi sé farið að sjá botn í skálum og þá fari
líka að fækka í húsinu. Spurður hvort til greina komi
að rekstrarfélag Kringlunnar geri samninga við inn-
flytjendur eða framleiðendur sælgætis til að koma
í veg fyrir sykurþurrð meðal yngri kynslóðarinnar
segir Sigurjón slíka samninga vera til staðar. Hann
áréttar þó að verslunareigendur ráði sjálfir hvaða leið
þeir fari, en hins vegar sé yfirleitt vel brugðist við og
verslunareigendur meðvitaðir um að öskudagur sé
dagur barnanna.
Nammið kláraðist í Kringlunni
HEPPNAR Þessar stelpur voru heppnar því þær náðu sér í
smávegis sælgæti í poka.