Fréttablaðið - 18.02.2010, Blaðsíða 52

36 18. febrúar 2010 FIMMTUDAGUR
bio@frettabladid.is
Kvikmyndin Brothers
verður frumsýnd á morgun.
Sigurjón Sighvatsson fram-
leiðir myndina og hefur hún
hlotið mikla umfjöllun í
Bandaríkjunum.
Brothers er endurgerð á dönsku
kvikmyndinni Brødre eftir
Susanne Bier. Myndin segir frá
bræðrunum Sam og Tommy Cahill
sem hafa fetað ólíkar brautir í lífi
sínu. Tommy hefur verið frekar
rótlaus og aldrei fundið sína fjöl
en Sam hefur náð miklum frama
innan bandaríska hersins, á fal-
lega konu og börn. En líf þeirra
breytist til frambúðar þegar Sam
er sendur í stríðið í Afganistan
og er talinn hafa týnt lífi í einni
árásinni. Tommy ákveður að taka
að sér fjölskyldu Sams og fell-
ur fyrir mágkonu sinni, Grace
og gengur börnunum í föður-
stað. Þegar Sam rís síðan óvænt
upp frá dauðum er uppgjör milli
bræðranna óumflýjanlegt. Með
helstu hlutverkin í myndinni fara
þau Jake Gyllenhaal, Natalie Port-
man og Tobey Maguire en hann
var tilnefndur til Golden Globe-
verðlauna fyrir leik sinn í mynd-
inni. Leikstjóri er Jim Sheridan en
lag myndarinnar, Winter, er samið
af U2.
Sigurjón keypti endurgerðar-
réttinn að myndinni 2007 og hóf
strax vinnu við að koma myndinni
á koppinn. Það vakti mikla athygli
þegar hann fékk þríeykið Gyllen-
haal, Portman og Maguire til að
sameinast á hvíta tjaldinu enda
þau meðal bestu ungu leikaranna
í Hollywood. Myndin hefur feng-
ið ágætis dóma í Bandaríkjunum
og spjallþáttastjórnandinn David
Letterman sagði hana eina bestu
mynd síðustu tuttugu ára. Enda fór
það svo að Sigurjón og hans menn
fóru í rándýra Óskarsherferð til
að eiga möguleika á því að hljóta
tilnefningu til þessara æðstu kvik-
myndaverðlauna heims.
„Það voru nokkur vonbrigði að
fá ekki tilnefningu. Lagið hefði átt
að fá tilnefningu og þótt við hefð-
um ekki átt möguleika í fimm
efstu sætin þá áttum við tvímæla-
laust heima meðal tíu efstu,“ segir
Sigurjón sem var staddur á flug-
vellinum í Berlín þegar Frétta-
blaðið náði tali af honum. „Menn-
irnir í markaðsdeildinni misstu
svolítið móðinn þegar við fengum
ekki Golden Globe en það þýðir
ekkert í þessum bransa, svo má
náttúrlega ekki gleyma því að inn
í þetta blandast svo meiri pening-
ar og pólitík. En við áttum okkar
tækifæri en nýttum þau ekki.“
Sigurjón segir að myndin hafi
fengið misjafna dóma í Ameríku
og það hafi komið honum svolítið
á óvart. Evrópskir gagnrýnend-
ur hafi hins vegar verið ákaflega
hrifnir. „Við fengum fín viðbrögð
frá áhorfendum og myndin gekk
vel í miðasölu. Auðvitað lentum
við, eins og allar aðrar kvikmynd-
ir, í þessum Avatar-fellibyl en
samt sem áður náðum við okkar
markmiðum hvað miðasölu varð-
ar.“ Sigurjón hefur fulla trú á því
að myndin eigi eftir að vegna vel
hér á landi. „Þetta er mjög sterkur
leikhópur og hún á eftir að pluma
sig vel, ég er alveg sannfærður um
það.“ freyrgigja@frettabladid.is
Martin Scorsese upplýsir af hverju
hann hefur notast við Leonardo
DiCaprio í fjórum myndum í röð í við-
tali við Cynthiu McFadden hjá Nightli-
fe-þætti ABC. Þessi áhugaverðasti
kvikmyndadúett seinni tíma mætti til
Berlínar í vikunni og frumsýndi nýj-
ustu kvikmynd sína, Shutter Island, en
hún verður tekin til sýningar í Banda-
ríkjunum á morgun. DiCaprio hefur án
nokkurs vafa notið góðs af þessu sam-
starfi en kvikmynda nirðir hafa tekið
hann í sátt eftir að hafa úthrópað hann
sem sykursætt „onehitwonder“ í tengsl-
um við Titanic.
Scorsese sagði í viðtalinu við Night life
að DiCaprio væri skáldagyðjan sín.
„Þegar þú ákveður að gera kvikmynd
þá þarftu einhver hughrif og leikarinn
er lykillinn,“ sagði Scorsese í viðtalinu.
„Við erum vissulega ekki af sömu kyn-
slóðinni en við höfum svipaðan smekk.
Við þróuðum samband okkar við gerð
Gangs of New York, það varð betra
þegar við gerðum Aviator og svo var
það fínpússað í The Departed,“ útskýr-
ir Scorsese en DiCaprio lék aðalhlut-
verkin í öllum þessum kvikmyndum.
Scorsese, sem er lifandi goðsögn í
Hollywood, útilokaði ekki í viðtalinu að
þeir félagar kynnu að gera fleiri kvik-
myndir saman á næstunni.
Hann hafi í hyggju að gera
ævisögulega kvikmynd
um líf og starf stórsöngv-
arans Frank Sinatra. Og
viðurkenndi um leið að
DiCaprio myndi smella
eins og flís við rass í hlut-
verkið.
Scorsese sækir innblástur til Leo
Tölvuhakkarinn Lisbeth Sal-
ander og blaðamaður Millenni-
um, Kalli Blómkvist, snúa aftur í
kvikmyndinni Loftkastalinn sem
hrundi. Þetta er þriðja og síðasta
kvikmyndin sem byggð er á þrí-
leik sænska rithöfundarins Stieg
Larsson. Að þessu sinni er komið
að uppgjörinu mikla við hið opin-
bera þar sem reynir á bæði traust
og vináttu Salander og Blómkvists
fyrir alvöru og að sjálfsögðu er
Blomkvist með augun opin fyrir
nýjum ástarsamböndum við þær
konur sem hann rekst á. Noomi
Rapace fer að sjálfsögðu með hlut-
verk Salander og Michael Nyqvist
leikur Kalla.
Bæði Karlar sem hata konur og
Stúlkan sem lék sér að eldinum
nutu mikilla vinsælda á síðasta ári
og yfir áttatíu þúsund áhorfendur
sáu þær í bíó. Það verður að teljast
nokkuð sérstakt á Íslandi þar sem
myndir á annarri tungu en ensku
og íslensku njóta yfirleitt ekki
sannmælis hjá íslenskum kvik-
myndaáhugamönnum. Þeir sem
eru með ofnæmi fyrir „framandi“
tungumálum eins og sænsku geta
huggað sig við að framleiðslufyr-
irtæki Scotts Rudin, sem á heiður-
inn af kvikmyndum á borð við No
Country for Old Men og There Will
Be Blood, hefur tryggt sér endur-
gerðarréttinn og er handritsvinn-
an þegar hafin. Samkvæmt imdb.
com er áætlað að tökur á Körlum …
hefjist á árinu 2011 og myndin
verði frumsýnd 2012. Reikna má
með að hinar fylgi í kjölfarið og
nú er bara að vona að Hollywood
klúðri ekki leikaravalinu. En þang-
að til verða aðdáendur Larssons að
notast við sænsku og upprunalegu
útgáfuna.
Salander snýr aftur
Kvikmyndin Valentine‘s Day var
frumsýnd í Bandaríkjunum á sjálf-
an Valentínusardaginn sem er 14.
febrúar. Þetta herbragð heppnað-
ist fullkomlega því kvikmyndin
halaði inn rúmum 52 milljónum
Bandaríkjadala á aðeins þremur
dögum. Kvikmyndasérfræðing-
ar höfðu vissulega búist við góðri
aðsókn en þessi fjöldi kom þeim í
opna skjöldu.
Myndin er stjörnum prýdd og
skartar meðal annars Ashton Kut-
cher, Jessicu Alba, Jessicu Biel,
Bradley Cooper (The Hangov-
er), Jamie Foxx, Jennifer Garner
og drottningu rómantísku kvik-
myndanna, Juliu Roberts, í helstu
hlutverkum. Myndin segir sögu
nokkurra para í Los Angeles en
þau glíma öll við þá miklu pressu
sem fylgir Valentínusardegin-
um í Bandaríkjunum. Sum pör ná
saman á meðan önnur fjarlægj-
ast og hætta saman. Leikstjóri
myndarinnar er Garry Mars-
hall en hann skrifaði meðal
annars handritið að sjónvarps-
þáttunum Happy Days.
Töluvert hefur verið rætt
um kvikmyndina á netinu
og á spjallborði IMDB.
com velta menn vöng-
um yfir því hver sé
munurinn á Val-
entine‘s Day og
bresku gaman-
myndinni Love
Actually. „Eini
munurinn sem ég
sé er að Valentine‘s
Day er gerð í Bandaríkj-
unum, það eru bandarísk-
ir leikarar og hún gerist í
febrúar en ekki í desember,“
skrifar einn á vefsíðuna.
Valentine‘s Day hefur
fengið ágætis dóma en
flestir eru sammála um
að allur þessi haugur af
stjörnuleikurum fái ekki
nóg úr að moða og sumir
stórleikaranna hrein-
lega týnist í fjöldan-
um.
Valentínus vinsæll í Ameríku
DROTTNINGIN Julia
Roberts leikur eitt
aðahlutverkanna í Val-
entine‘s Day en hún
er án nokkurs vafa
drottning rómantísku
kvikmyndanna.
Svekkelsi að fá ekki til-
nefningu til Óskarsins
> NÓG AÐ GERA
Steven Soderbergh hefur nóg að gera.
Hann er um þessar mundir við tökur
á kvikmyndinni Knockout með Ewan
McGregor, ætlar að gera Liberace með Mi-
chael Douglas og hefur ráðið Gwyneth
Paltrow í vírusmyndina Conta-
gion þar sem fyrir voru Matt
Damon,
Kate Wins-
let og Jude
Law.
SVEKKELSI
Sigurjón segir það
vonbrigði að hafa ekki
fengið neina tilnefn-
ingu til Óskarsverð-
launa. Hann hafi gert
sér vonir um tilnefningu
fyrir besta lagið og að
Brothers væri tvímæla-
laust betri en margar af
þeim tíu myndum sem
hlutu þessa eftirsóttu
tilnefningu.
FRÉTTABLAÐIÐ/ANTON
ENDAPUNKTUR Loft-
kastalinn sem hrundi
er síðasta myndin
um ævintýri Lisbeth
Salander og Kalla
Blómkvist.
ENGIN ENDALOK Ekkiert virðist benda til
þess að DiCaprio og Scorsese séu hættir
að gera kvikmyndir saman en nýjasta
afurð þeirra, Shutter Island, verður frum-
sýnd í Bandaríkjunum á morgun.