Fréttablaðið - 18.02.2010, Blaðsíða 54
38 18. febrúar 2010 FIMMTUDAGUR
folk@frettabladid.is
Rektor LHÍ fagnar því að
fagstjóri skólans skuli tjá
sig með opinberum hætti.
Formaður fatahönnunar-
félagsins segir bréf Lindu
Bjargar Árnadóttur til Evu
Maríu hafa verið óþarfi.
Heitar umræður hafa skapast
um bréf Lindu Bjargar Árnadótt-
ur, fagstjóra fatahönnunarbraut-
ar Listaháskóla Íslands, sem hún
sendi til sjónvarpskonunnar Evu
Maríu Jónsdóttur eftir úrslita-
kvöld Söngvakeppni sjónvarps-
ins laugardaginn 6. febrúar og
Fréttablaðið hefur greint frá. Þar
gagnrýndi Linda Björg klæða-
burð Evu og Ragnhildar Steinunn-
ar harðlega og sagði kjólana sem
þær klæddust hafa verið ákaflega
ljóta. Birta Björnsdóttir hjá Júní-
form, sem hannaði kjólana, sagði
gagnrýni Lindu vera bitra og fag-
stjórinn væri svekktur yfir því að
hennar nemendur hefðu ekki feng-
ið verkið.
Hjálmar Ragnarsson, rektor
Listaháskólans, sagði í samtali við
Fréttablaðið að hann hefði enga
skoðun á því hvort kjólarnir væru
ljótir eða ekki. Hann bæri hins
vegar fullt traust til fagstjórans:
„Hún hefur sýnt það með störf-
um sínum hér að hún er að byggja
upp mjög sterka fatahönnunar-
braut,“ segir Hjálmar sem þykir
mjög mikilvægt að háskólafólk,
sama í hvaða fagi það sé, segi hvað
því finnist á opinberum vettvangi.
„Ég hvet mína fagstjóra til að láta
í sér heyra og fagna því að Linda
skuli hafa látið sína skoðun í ljós,“
segir Hjálmar en bætir því við að
starfsmenn skólans komi fram á
eigin ábyrgð.
Gunnar Hilmarsson, formað-
ur Félags fatahönnuða, segir álit
Lindu hafa verið illa rökstutt.„Mér
fannst bréfið óþarfi. Birta hefur
rekið sitt fyrirtæki í tíu ár og það
segir sitt. Ég held að það sé vísinda-
lega ómögulegt að sanna hvort kjóll
sé ljótur eða flottur,“ segir Gunnar.
Hins vegar segir Gunnar að Linda
hafi sinnt starfi sínu í Listaháskól-
anum ákaflega vel og útskriftar-
nemendur hafi aukið fjölbreytnina
og gæðin í íslenskri fatahönnun til
muna. „Og Linda og skólinn eiga
þakkir skilið fyrir það.“
Sjónvarpskonan Eva María
Jónsdóttir sagði þetta vera eitt
skemmtilegasta erindið sem hún
hafi fengið inn á borð til sín. „Ann-
ars hef ég bara mjög einfaldan
smekk, hann er eflaust ljótur eins
og flestra. Ég er bara þessi týpíski
lopapeysulúði.“
freyrgigja@frettabladid.is
Rektor LHÍ stendur með Lindu í kjólamálinu
SKIPTAST Í TVO HÓPA
Hjálmar Ragnarsson, rektor
LHÍ, segist standa með fag-
stjóranum og fagnar því að
Linda skuli hafa látið álit sitt
í ljós. Gunnar Hilmarsson,
formaður Félags fatahönn-
uða, telur bréfið hafa verið
óþarft. Eva María segist
hins vegar bara vera þessi
týpíski lopapeysulúði.
> FRÚ COLE FLÝR LAND
Cheryl Cole er flúin til Bandaríkj-
anna og hefur skipt um hring á
baugfingri en breskir fjölmiðlar hafa
fjallað mikið um meint framhjá-
hald eiginmanns hennar, knatt-
spyrnu skúrksins Ashley Cole hjá
Chelsea. Breskir fjölmiðlar hafa
séð skilnað í kortunum hjá sér.
„Við erum byrjuð að æfa gamla
og góða slagara,“ segir söngkonan
Jóhanna Guðrún Jónsdóttir.
Jóhanna Guðrún og Ingólfur Þór-
arinsson, best þekktur sem Ingó í
Veðurguðunum, æfa nú saman tón-
leikadagskrá sem þau flytja saman í
Salnum í Kópavogi miðvikudaginn
10. mars.
Miðasala hófst um helgina, en
á dagskránni eru bæði frægir
dúettar og lög sem þau breyta í
dúetta, að sögn Jóhönnu. „Það
eru lög eins og Don‘t Go Break-
ing My Heart með Elton John og
Kiki Dee, lög með Johnny Cash
og June Carter; If I were a Carp-
enter og It Ain‘t Me Babe, Fever
með Elvis Presley, Hit the Road Jack
og fleiri,“ segir hún og játar að dag-
skráin sé fjörug. „Það þýðir
ekkert annað.“
Aðeins þessir einu tón-
leikar hafa verið bókaðir, en
Jóhanna útilokar ekki að þeir
verði fleiri ef áhugi fólks
verður mikill. Sam-
starf Jóhönnu
og Ingós er
á byrjunar-
stigi og þau
segjast ekki
vera farin
að íhuga
plötugerð,
þótt ekkert
sé útilokað.
- afb
Jóhanna og Ingó bóka Salinn
SAMSTARFIÐ HEFST
Jóhanna Guðrún og
Ingó eru byrjuð að
æfa upp tónleika-
dagskrá sem flutt
verður í Salnum í
Kópavogi í mars.
Árskort á
37.990-
Einkaþjálfun
Boxbrennsla