Fréttablaðið - 23.02.2010, Blaðsíða 8
8 23. febrúar 2010 ÞRIÐJUDAGUR
1 Á hvaða eyju urðu aurskriður
fjölda manns að bana?
2 Hve margir íslenskir kepp-
endur eru á vetrarólympíuleik-
unum í Vancouver?
3 Vinafélag hvaða lands ber
nafnið Hellas?
SVÖRIN ERU Á SÍÐU 30
MADEIRA Leitað var í húsarústum á
Madeira í gær en að minnsta kosti
fjögurra er saknað eftir flóð og aur-
skriður helgarinnar. Alls 42 létust
í hamförunum. Notast var við leit-
arhunda og björgunarsveitir grófu
bíla upp úr leðjuhraukum. Vatni og
leðju var og dælt úr bílakjallara
verslunarmiðstöðvar í miðbænum
þar sem óttast var að einhverjir
hefðu orðið innlyksa.
Flóðin féllu eftir að stormur reið
yfir eyjuna á laugardag. Aurskrið-
ur sem féllu niður fjallshlíðar í kjöl-
far rigninganna hrifu með sér tré,
bíla, hús, vegir eyðilögðust og brýr
hrundu. Eyðileggingin er gríðarleg
en stormurinn er sá versti í manna
minnum á Madeira.
Þó að opinberlega sé einung-
is fjögurra saknað óttast yfirvöld
mjög að þeir séu fleiri, sambands-
leysi vegna ónýtra símalína og vega
hefur komið í veg fyrir að yfirvöld
hafi yfirsýn yfir afleiðingar ham-
faranna.
Talsmaður stærsta sjúkrahússins
í Funchal, höfuðborgar Madeira,
sagði 151 hafa leitað lækninga við
sárum af völdum flóðanna. Yfir-
völd óttast fleiri aurskiður og hafa
beðið íbúa á hættusvæðum um að
yfirgefa heimili sín. Skólar voru
lokaðir í gær og íbúar voru hvattir
til að vera heima.
Madeira er stærst eyja í sam-
nefndum eyjaklasa í Atlantshafi
sem er um 480 kílómetra undan
vesturströnd Afríku. Eyjarnar til-
heyra Portúgal. Tæplega 250 þús-
und búa þar, nær allir á Madeira-
eyju. - sbt
42 látnir eftir flóð á Madeira:
Fórnarlamba ham-
fara leitað í rústum
Ólafur Ragnar Grímsson, forseti
Íslands, sendi í gær samúðarkveðj-
ur til forseta Portúgals, Aníbals
Cavaco Silva „vegna hinna hörmu-
legu náttúruhamfara á Madeira
en tugir manna hafa látið lífið og
margvíslegar hörmungar steðja að
íbúunum“, segir í tilkynningu frá
skrifstofu forsetans.
SAMÚÐARKVEÐJUR
FORSETA ÍSLANDS
LEITAÐ Í RÚSTUM Maður og börn hans leita eigna sinna í rústum húss síns í Funchal,
sem er höfuðborg eyjunnar. NORDICPHOTOS AFP
SAMGÖNGUR Samningar tókust í
kjaradeilu Flugvirkjafélags Íslands
og Icelandair í gærmorgun. Óveru-
legar tafir urðu á flugi vegna verk-
falls sem hófst á miðnætti, en var
aflýst um klukkan átta í gærmorg-
un.
Kristján Kristinsson, formaður
samninganefndar flugvirkja, segir
samninginn í takt við þjóðarsáttina
og aðra samninga sem gerðir hafi
verið undanfarið. Þar séu einnig
ákvæði um ákveðna hagræðingu í
starfi sem geti skilað flugvirkjum
umbun takist vel til.
Flugvirkjar höfðu upphaflega
krafist 25 prósenta launahækk-
unar, en Kristján segir niðurstöð-
una hvergi nærri þeirri kröfu, sem
sett hafi verið fram í samhengi við
þróun vísitölu neysluverðs.
Samningurinn verður nú kynnt-
ur fyrir félagsmönnum, og því næst
greidd um hann atkvæði. Flugliðar
höfðu boðað ótímabundið verkfall
frá 15. mars tækjust ekki samning-
ar fyrir þann tíma. Kristján segir
að því verkfalli hafi verið seinkað
um rúma viku, en verkfallsboðun-
in standi verði samningarnir ekki
samþykktir.
Guðjón Arngrímsson, upplýsinga-
fulltrúi Icelandair, segir að samið
hafi verið á svipuðum nótum og við
aðrar stéttir. Ekki hafi orðið miklar
truflanir á flugi vegna verkfallsins.
- bj
Verkfalli flugvirkja hjá Icelandair aflýst um átta klukkustundum eftir að það hófst:
Samið í takt við þjóðarsáttina
VERKFALL Flugvirkjar munu greiða
atkvæði um kjarasamninginn.
FRÉTTABLAÐIÐ/ANTON
HEILBRIGÐISMÁL Ekki þarf leng-
ur að panta tíma í bólusetningu
vegna svínainflúensu á höfuð-
borgarsvæðinu heldur er hægt
að mæta í bólusetningu á virkum
dögum. Þetta kemur fram í frétta-
tilkynningu sóttvarnalæknis og
ríkislögreglustjóra. Hafið er bólu-
setningarátak gegn svínainflú-
ensu og eru landsmenn sem ekki
hafa látið bólusetja sig nú þegar
hvattir til þess að gera það. Með
útbreiddri bólusetningu verði
hægt að verjast nýju áhlaupi veik-
innar sem búist er við síðar. - sbt
Svínainflúensa:
Óþarfi að panta
í bólusetningu
SVEITARSTJÓRNIR „Umhleðslustöð
á gámasvæði sveitarfélagsins
mun geta sparað sveitarfélögum
á starfssvæði Sorpstöðvar Suð-
urlands um eða yfir 100 milljónir
króna á ári,“ segir í bókun meiri-
hlutans í bæjarstjórn Árborgar.
Bæjarstjórnin telur brýnt að
koma upp umhleðslustöð til að
draga úr kostnaði við flutning á
sorpi til urðunar á höfuðborgar-
svæðinu. „Í ljósi fyrirliggjandi
upplýsinga um eðli og umfang
starfseminnar og þann gríðar-
lega sparnað sem af henni mun
hljótast er lagt til að unnið verði
áfram að málinu í samvinnu við
Sorpstöð Suðurlands með það
markmið að umhleðslustöð geti
tekið til starfa sem allra fyrst,“
segir í bókuninni. - gar
Umhleðsla sunnlensks sorps:
Árlega sparast
100 milljónir
ATVINNUMÁL Yfir 700 íslenskir sér-
fræðingar á byggingarsviði og
flestar stærstu arkitekta- og verk-
fræðistofur landsins taka þátt í
hönnunarsamkeppni nýs Land-
spítala við Hringbraut.
Tilkynnt var um niðurstöður
forvals samkeppninnar í gær.
Alls bárust sjö umsóknir og
uppfylltu sex teymi tilskildar
hæfniskröfur.
Fimm teymum verður boðið að
taka þátt í hönnunarsamkeppn-
inni en ábyrgðaraðilar þeirra eru
Mannvit hf., Almenna verkfræði-
stofan hf., TBL arkitektar ehf.,
Verkís hf. og Efla hf.
Fjögur fyrstnefndu teymin
hlutu fullt hús stiga í hæfismat-
inu, 180 stig, og fimmta teymið
hlaut 160 stig en lágmarksstiga-
fjöldi teymis til að teljast hæft var
135 stig.
Meginforsenda hönnunarsam-
keppninnar er að ljúka samein-
ingu stóru spítalanna á höfuðborg-
arsvæðinu þannig að starfsemi
Landspítala í Fossvogi flytji á
Hringbraut.
Samkeppnin er tvíþætt og tekur
annars vegar til áfangaskipts
skipulags lóðar Landspítala við
Hringbraut í heild og hins vegar
til útfærslu á fyrsta áfanga þess
sem er spítalastarfsemi í 66 þús-
und fermetra nýbyggingu. - shá
Fimm teymi keppa um hönnun Landspítala:
Yfir 700 sérfræðingar
í hönnunarkeppninni
Skráning og nánari upplýsingar eru á landsbankinn.is og í síma 410 4000.
Allir velkomnir.
Landsbankinn kynnir röð fjármálanámskeiða
fyrir almenning undir yfirskriftinni Fimmtu-
dagskvöld eru fjármálakvöld. Markmið nám-
skeiðanna er að auðvelda fólki að öðlast
betri yfirsýn yfir fjármál heimilisins.
Fjármál heimilisins
Sérfræðingar bankans fjalla um skipulag og stýringu fjármála heimilisins,
útgjöld, endurskipu-lagningu, kosti heimilisbókhalds, sparnaðarleiðir og
lánamöguleika.
Fimmtudagskvöld
eru fjármálakvöld
N
B
I h
f.
(L
an
d
sb
an
ki
n
n
),
k
t.
4
71
0
0
8
-0
2
8
0
.
E
N
N
E
M
M
/
S
ÍA
/
N
M
40
46
6
25. febrúar Grafarholt Fjármál heimilisins
11. mars Sauðárkrókur Fjármál heimilisins
18. mars Snæfellsbær Fjármál heimilisins
Námskeiðin verða haldin í eftirtöldum útibúum:
Landssamband íslenzkra verzlunarmanna
LÍV krefst þess að efling
atvinnulífsins verði
algjört forgangsmál.
VEISTU SVARIÐ?