Fréttablaðið - 26.02.2010, Blaðsíða 6
6 26. febrúar 2010 FÖSTUDAGUR
3 dagar eftir
af Potta og pönnudögum
20-50% afsláttur af öllum pottum
og pönnum, yfi r 100 tegundir.
Mjög auðveld kaup fyrir traustann aðila
með reynslu af veitingarekstri. Um er að ræða
veitingastað með góða veltu og mikla mögu-
leika. Staðurinn er vel tækjum búinn, í góðu
húsnæði og vel markaðssettur.
Útborgun ekki nauðsynleg.
Allar nánari upplýsingar í síma 841-8208
STJÓRNSÝSLA „Með því að brjóta
lög um opinber innkaup kunna
stofnanir ríkisins að skapa rík-
inu skaðabótaskyldu,“ segir
Lárus Ögmundsson, sviðsstjóri
hjá Ríkisendurskoðun.
Í nýrri skýrslu Ríkisendurskoð-
unar er sagður misbrestur á því
að ríkisstofnanir fylgi ákvæð-
um laga um útboðsskyldu, verð-
samanburð, gagnsæi og jafnræði
í opinberum innkaupum. Lárus
segir að virði stofnanir ekki, þrátt
fyrir ítrekuð fyrirmæli, ákvæði
laga um innkaup þá hljóti að
vakna spurningin um hvort ekki
verði að beita úrræðum starfs-
mannalaga á þá sem ekki sinni
störfum sínum, lögum og reglum
eða fyrirmælum.
Allmörg dæmi eru sögð um að
stofnanir fylgi ekki ákvæðum
laga um að bjóða út innkaup þegar
fjárhæðir fara yfir tiltekin mörk
og um að bera saman verð þegar
fjárhæðir eru undir þeim. „Að
þessu leyti hafa stofnanir ekki
gætt þess að leyfa öllum sem hafa
til þess hæfni og getu að keppa
um viðskiptin, líkt og lög kveða
á um,“ segir í kynningu Ríkis-
endurskoðunar á niðurstöðum
skýrslunnar.
Könnuð voru viðskipti yfir
hálfri milljón króna að verðmæti
á tímabilinu janúar til október
2009. Gerðar voru athugasemdir
við viðskipti 45 stofnana og fjár-
lagaliða við 104 birgja, eða 13
prósenta úrtaksins.
Einungis voru undir stofnanir
sem nota bókhaldskerfi ríkisins
og náði könnunin því ekki til stofn-
ana á borð við Skógrækt ríkisins,
Vegagerðarinnar, Þjóðkirkjunn-
ar, eða Landspítala – háskóla-
sjúkrahúss. „En það er alls ekki
ólíklegt að við gerum sambæri-
lega könnun í öðrum kerfum, það
kæmi vel til greina,“ segir Lárus
og kveður niðurstöðurnar nú sýna
að bæta megi vinnulag hjá opin-
berum stofnunum. „Þetta ber vott
um dálítið agaleysi. Fram hjá því
verður ekki horft.“
Meðal ráðlegginga Ríkisend-
urskoðunar til úrbóta er að fjár-
málaráðuneytið komi á fót mið-
lægum auglýsingavef „til að auka
jafnræði og gagnsæi“. Þá mælist
stofnunin til þess að mótaður
verði gátlisti um verðkannan-
ir innkaupa þegar þau eru undir
viðmiðunarfjárhæðum. „Ef menn
eru með gátlista þá er auðveldara
að halda utan um hlutina,“ segir
Lárus. olikr@frettabladid.is
SVÍNAHRAUN Vegagerðin, Skógrækt ríkisins, Landspítalinn og Þjóðkirkjan eru meðal
stofnana sem ný könnun Ríkisendurskoðunar um vinnulag við opinber innkaup náði
ekki til þar sem þær nota önnur bókhaldskerfi en Orra, kerfi ríkisins. FRÉTTABLAÐIÐ/VALLI
Stofnanir brjóta lög
um opinber innkaup
Ekki er að finna agaviðurlög í lögum um opinber innkaup. Ríkisendurskoðun
leggur til leiðir til úrbóta eftir könnun sem leitt hefur í ljós misbrest í vinnulagi.
Könnunin nær til hluta stofnana ríkisins. Til greina kemur að kanna hinar síðar.
STJÓRNSÝSLA Brugghúsið Ölvisholt
lagði á mánudaginn fram stjórn-
sýslukæru til fjármálaráðherra
vegna þeirrar ákvörðunar
Áfengis- og tóbaksverslunar rík-
isins að hafna því að taka bjórinn
Heilagan papa í sölu. Synjun
ÁTVR byggðist á því að nafn og
flöskumiði bjórsins, sem sýnir
papa halda á krossi í greipum
sér, væru til þess fallin að brjóta
í bága við almennt velsæmi með
skírskotun til trúarbragða.
Í kærunni eru færð rök fyrir því
að enginn lagagrundvöllur sé fyrir
ákvörðuninni, hún fari gegn jafn-
ræðisreglu stjórnarskrárinnar
og brjóti gegn ákvæðum EES-
samningsins, auk þess sem það
sé ekki hlutverk ÁTVR að leggja
mat á hvað telst ósæmileg skír-
skotun til trúarbragða og því sé
farið gegn aðgreiningarreglu
stjórnsýsluréttarins. - sh
Ósáttir vegna Heilags papa:
Ölvisholt kærir
synjun ÁTVR
Háskóli Íslands gaf Ríkisendurskoðun engar skýr-
ingar á því hvað réði því að keyptur var fiskur til
rannsókna fyrir 14,3 milljónir króna af útgerðar-
félaginu Glófaxa frá því í nóvember í fyrra til
janúar á þessu ári. Ríkisendurskoðun segir alveg
ljóst að í þessu tilviki hafi skólanum borið að bjóða
viðskiptin út.
Ríkisendurskoðun taldi vegna könnunar á vinnu-
lagi ríkisstofnana við innkaup tilefni til að kanna
sérstaklega viðskipti við 21 af þeim 83 birgjum
sem skólinn keypti af vörur eða þjónustu á tíma-
bilinu. Í fimm tilvikum af þeim sem skoðuð voru
sérstaklega gaf skólinn engar skýringar á vali
birgis.
Af þeim opinberu stofnunum sem könnun Ríkis-
endurskoðunar náði til var Háskólinn með flest til-
vik sem ástæða þótti til að kanna nánar.
Þá gerði Ríkisendurskoðun athugasemd við að
enginn formlegur verðsamanburður hafi verið
gerður við þau kaup skólans sem skoðuð voru sér-
staklega utan ein, en í þeim segir stofnunin að
útboðsskylda hafi klárlega verið brotin.
Háskólinn óskaði tilboða vegna hreingerningar-
þjónustu. Í kjölfarið var samið við Hreingerninga-
þjónustu Axels sem fékk greiddar 54,4 milljónir
króna fyrir þjónustuna á tímabilinu. Fram kemur
að skólinn hafi ákveðið að bjóða þjónustuna út í
samstarfi við Ríkiskaup þegar gildandi samningar
renna út. - óká
HÁSKÓLINN Af 45 opinberum stofnunum sem nefndar eru í
nýrri skýrslu Ríkisendurskoðunar eru flestar athugasemdir gerðar
við viðskipti Háskólans. FRÉTTABLAÐIÐ/GVA
Ríkisendurskoðun þótti ástæða til að kanna fjórðung viðskipta Háskólans nánar:
Skýra ekki 14,3 milljóna viðskipti
Fé veitt til dagskrárgerðar
Eftirstöðvum Menningarsjóðs útvarps-
stöðva, alls 88,5 milljónum króna,
verður úthlutað til dagskrárgerðar fyrir
hljóðvarp og sjónvarp á þessu ári og
því næsta. Hefðbundinni starfsemi
sjóðsins lauk um aldamótin.
MENNING
ORKUMÁL Orkugeirinn er mikilvæg-
ari en svo að hann megi vera átaka-
vettvangur áfram næstu árin, nóg
er samt komið, sagði Katrín Júlí-
usdóttir iðnaðarráðherra á opnum
fundi um orkustefnu fyrir Ísland
sem haldinn var í náttúrufræðihúsi
Háskóla Íslands í gær.
Tilgangur fundarins var að gefa
áhugasömum kost á að fylgjast með
framgangi starfs stýrihóps sem
á að móta heildstæða orkustefnu
fyrir Ísland.
Spyrja verður hvort jarðvarma-
virkjanir henti til að knýja stór
verkefni eins og álver, enda það
alls ekki augljóst í ljósi óvissu um
endingartíma jarðhitasvæða, sagði
Svandís Svavarsdóttir umhverfis-
ráðherra, sem talaði fyrir hönd
Vinstri grænna á fundinum. Hún
sagði margfalt hagkvæmara að
nýta háhitasvæði, ekki bara til að
framleiða raforku heldur einnig til
dæmis til húshitunar.
Undir það tók Þór Saari, þing-
maður Hreyfingarinnar. Hann
benti á að aðeins fjórtán prósent
þeirrar orku sem komi úr iðrum
jarðar séu nýtt í þeim virkjunum
sem eingöngu framleiði raforku.
Engin þjóð hefur efni á því að
nýta ekki auðlindir sínar, sagði
Jón Gunnarsson, þingmaður
Sjálfstæðisflokksins. - bj
Orkugeirinn má ekki vera átakavettvangur næstu árin segir iðnaðarráðherra:
Vill frið um orkugeirann
ORKUFUNDUR Þingmenn allra flokka
sem sæti eiga á Alþingi ræddu áherslur
í orkumálum á fundi í Háskóla Íslands í
gær. FRÉTTABLAÐIÐ/STEFÁN
Með því að brjóta lög um
opinber innkaup kunna
stofnanir ríkisins að skapa ríkinu
skaðabótaskyldu.“
LÁRUS ÖGMUNDSSON
SVIÐSSTJÓRI HJÁ RÍKISENDURSKOÐUN
Mikið um dekkjaþjófnað
Dekkjaþjófar hafa látið greipar sópa
í höfuðborginni að undanförnu. Að
sögn lögreglu eru þjófnaðir algengir
í hverfum þar sem umferð er lítil að
kvöldlagi.
LÖGREGLUFRÉTTIR
Hætta framleiðslu Hummer
Fátt þykir geta komið í veg fyrir að
framleiðslu Hummer-jeppa verði
hætt. Salan hefur farið dvínandi og
hafa General Motors reynt að selja
merkið til annars framleiðanda við
engar undirtektir enn sem komið er.
BANDARÍKIN
DÓMSMÁL Hæstiréttur hefur dæmt
Áburðarverksmiðjuna til þess að
greiða konu rúmlega fjórar millj-
ónir í skaðabætur vegna loftmeng-
unar sem hún varð fyrir 30. sept-
ember 1998.
Sýruverksmiðja Áburðarverk-
smiðjunnar í Gufunesi var ræst
nálægt heimili konunnar. Við ræs-
inguna var hleypt út um 510 kíló-
um af ammoníaki í formi heitrar
gufu. Konan var ekki vöruð við.
Loftmengunin olli konunni lík-
amstjóni og var varanleg örorka
hennar metin fimmtán prósent. - jss
Dómur Hæstaréttar:
Skaðabætur
eftir mengun
Ætti að styrkja sjálfstæði
íslenskra dómstóla?
Já 89,6%
Nei 10,4%
SPURNING DAGSINS Í DAG:
Hefði íslenska samninga-
nefndin átt að fallast á síðustu
skilyrði Breta og Hollendinga í
Icesave-málinu?
Segðu þína skoðun á Vísi.is
aðila
KJÖRKASSINN