Fréttablaðið - 26.02.2010, Blaðsíða 8

8 26. febrúar 2010 FÖSTUDAGUR
Í Ellingsen er mikið úrval eftirárs vélsleða frá Lynx,
árgerðir 2007 og 2008 á frábæru verði.
Komdu og skoðaðu leiktækin í verslun okkar að Fiskislóð 1
í Reykjavík eða hjá K2M, Gleráreyrum á Akureyri.
Tækniupplýsingar um sleðana eru á www.ellingsen.is.
www.ellingsen.is
Lynx RE 600 HO
1.600.000 kr.
Tilboð:
1.290.000
árgerð
2007
Lynx Rave RC 800 PT
1.700.000 kr.
Tilboð:
1.390.000
árgerð
2007
Lynx Xtrim 550
1.440.000 kr.
Tilboð:
995.000
árgerð
2008
Lynx RC 800 PT
1.930.000 kr.
Tilboð:
1.590.000
árgerð
2008
Lynx SM Rave 550
1.340.000 kr.
Tilboð:
915.000
árgerð
2008
Lynx Ra Xtrim 600 Sdi
1.740.000 kr.
Tilboð:
1.490.000
árgerð
2008
REYKJAVÍK
Fiskislóð 1 • Sími 580 8500
AKUREYRI
K2M, Gleráreyrum • Sími 464 7960
1. Hvaða leikkonur standa að
baki Skoppu og Skrítlu?
2. Hvað leika margir Íslending-
ar með enska 1. deildarliðinu
Reading?
3. Hvað heitir nýr stækkunar-
stjóri Evrópusambandsins?
SVÖRIN ERU Á SÍÐU 30
DÓMSMÁL Skiptastjóri þrotabús
Fons ehf. krefur Jón Ásgeir Jóhann-
esson um endurgreiðslu á einum
milljarði króna sem færður var úr
sjóðum Fons á bankareikning Jóns
í júlí 2008. Í stefnu skiptastjórans
segir að milljarðurinn sem Jón
fékk hafi í raun verið hluti af 2,5
milljarða króna láni til Fons vegna
félagsins FS38 ehf. sem var í eigu
Fons. Engin gögn finnist í bókum
Fons um umrædda greiðslu til Jóns.
Pálmi Haraldsson, framkvæmda-
stjóri Fons, hafi sagt að fjárhæðin
hafi í raun verið lánuð til félagsins
Þú Blásól ehf. sem ætlað hafi að
kaupa lið Willi-
ams í Formúlu
1-kappakstrin-
um. Skiptastjóri
Fons segir að
þótt samkomu-
lag um þessa
lánveitingu til
Þú Blásólar sé
að finna í bókum
Fons hafi það
félag aldrei fengið umrædda upp-
hæð. Skjölin um samkomulagið hafi
verið til málamynda.
Stefna skiptastjórans var þing-
fest í Héraðsdómi Reykjavíkur í
gær. Í henni eru taldar upp marg-
ar ástæður fyrir því að rifta beri
greiðslunni til Jóns. Um sé að ræða
gríðarlega fjárhæð sem hafi verið
gjöf til Jóns frá félagi sem í raun
hafi verið ógjaldfært. Kröfuhöfum
Fons sé þannig mismunað. Einn-
ig hafi Jón Ásgeir haft hag af ráð-
stöfuninni og vitað „allt um þær
aðstæður sem gerðu hana svo ótil-
hlýðilega sem raun ber vitni“.
Sigurður G. Guðjónsson, lög-
maður Jóns Ásgeirs, segir hann
hafna kröfu skiptastjóra Fons.
Þeir hafi nú fjórar vikur til að skila
greinargerð til héraðsdóms. - gar
Skiptastjóri Fons telur að miklum fjármunum hafi verið komið undan fyrir hrun:
Krefur Jón Ásgeir um milljarð
JÓN ÁSGEIR
JÓHANNESSON
VIÐSKIPTI Færeyjabanki hagnaðist
um 111 milljónir danskra króna,
jafnvirði 2,6 milljarða króna, í
fyrra. Þetta er um 23 milljónum
betri afkoma en árið á undan.
Fjórði ársfjórðungur nýliðins árs
kom illa við bankann, en þá tap-
aði hann tæpum 7,7 milljónum
danskra króna. Þetta var eini
mínusinn í bókum Færeyjabanka
á árinu.
Tekjur námu 455 milljónum
danskra króna, sem jafngildir 24
prósenta aukningu á milli ára.
Haft er eftir Janusi Pedersen
bankastjóra að hin varfærna
stefna bankans hafi lagt grunn-
inn að vexti og hagnaði hjá
bankanum. - jab
Gott ár hjá Færeyingunum:
Gengu varlega
á erfiðu ári
JANUS PEDERSEN Bankastjóri Færeyja-
banka, hér fremstur á myndinni, segir
stjórnendur hafa gengið varfærnislega
gegnum síðasta ár. FRÉTTABLAÐIÐ/ANTON
SKIPULAGSMÁL Samningar Flóa-
hrepps um að fá vatn frá Árborg
eru á lokastigi. Samið hefur verið
við Landsvirkjun um að fyrirtæk-
ið greiði kostnað við aðveituna, en
samkvæmt samningnum fæst ekk-
ert greitt fyrr en virkjanir í neðri
hluta Þjórsár eru komnar á staðfest
aðalskipulag.
Aðalskipulagi hreppsins hafði
verið breytt til samræmis við óskir
Landsvirkjunar, en umhverfis-
ráðherra ákvað að staðfesta ekki
breytinguna. Ástæðan var sú að
Landsvirkjun greiddi útlagðan
kostnað Flóahrepps og Skeiða- og
Gnúpverjahrepps við breytingar á
aðalskipulaginu.
Aðalsteinn Sveinsson, oddviti
Flóahrepps, segir mikilvægt fyrir
hreppinn að ný vatnsveita komist
sem fyrst í notkun. Vatnsskorts
hafi gætt undanfarin tvö sumur
vegna þurrka. Hann óttast að vegna
úrskurðar umhverfisráðherra muni
gerð vatnsveitunnar tefjast.
Áformað er að hefja framkvæmd-
ir, sem áætlað er að taki fimm
til sex mánuði, í vor. Aðalsteinn
segir allt benda til þess að tafir
verði á vinnunni vegna niðurstöðu
ráðherra.
Viðbúið er að vatnsból hreppsins
raskist þegar Landsvirkjun reis-
ir Urriðafossvirkjun. Þess vegna
ákvað Landsvirkjun að semja um
að greiða fyrir kostnað við aðveitu,
segir Helgi Bjarnason, verkefnis-
stjóri virkjana í neðri hluta Þjórsár
hjá Landsvirkjun.
Landsvirkjun áætlar að kostnað-
ur við aðveituna verði á bilinu 120
til 140 milljónir króna, fyrir utan
virðisaukaskatt, segir Helgi. Samn-
ingurinn taki þó ekki gildi fyrr en
breytt aðalskipulag, þar sem gert
sé ráð fyrir Urriðafossvirkjun, taki
gildi.
Flóahreppur undirbýr nú gerð
nýs aðalskipulags eftir að ráðherra
neitaði að staðfesta fyrra skipulag.
Til stendur að auglýsa nýtt skipu-
lag í næsta mánuði. Aðalsteinn
segir að sótt verði um styrk vegna
kostnaðar við skipulagið úr skipu-
lagssjóði. Koma verði í ljós hversu
hár styrkur fáist úr sjóðnum.
Í svari Stefáns Thors, skipu-
lagsstjóra ríkisins, við fyrirspurn
Fréttablaðsins kemur fram að
sveitarfélag geti fengið greiddan
allt að helmingi kostnaðar við gerð
eða endurskoðun aðalskipulags úr
skipulagssjóði.
Flóahreppur fékk framlag úr
skipulagssjóði vegna vinnu við
aðalskipulag, segir í svari Stefáns.
Nú þurfi hreppurinn að kosta meiru
ti vegna úrskurðar ráðherra. For-
dæmi séu fyrir því að veitt
séu framlög úr sjóðnum vegna
breyttra forsenda. brjann@
Borga ekki vatnsveitu nema
fá virkjun á aðalskipulagið
Landsvirkjun ætlar ekki að borga kostnað við vatnsveitu Flóahrepps fyrr en virkjun í Þjórsá er komin á aðal-
skipulag. Sveitarfélagið vill hefja framkvæmdir í vor. Áætlaður kostnaður er á bilinu 120 til 140 milljónir.
URRIÐAFOSS Hætta er á að vatnsból Flóahrepps raskist þegar Urriðafossvirkjun
verður reist. Vatnsskorts hefur gætt í hreppnum síðustu tvö sumur vegna þurrka.
FRÉTTABLAÐIÐ/ANTON
UTANRÍKISMÁL Andorra hefur
skrifað undir samninga um skipti
á skattaupplýsingum við Norður-
löndin, Danmörku, Færeyjar,
Finnland, Grænland, Ísland,
Noreg og Svíþjóð.
Í tilkynningu Efnahags- og
samvinnustofnunarinnar, OECD,
kemur fram að fyrir hafi Andorra
skrifað undir tíu sambærilega
samninga. „Síðustu undirskrift-
ir gera alls sautján samninga og
uppfyllir landið þar með alþjóð-
lega staðla í skattamálum,“ segir í
tilkynningu OECD. - óká
Andorra semur við Ísland:
Skiptast á
upplýsingum
VEISTU SVARIÐ?