Fréttablaðið - 26.02.2010, Blaðsíða 10
10 26. febrúar 2010 FÖSTUDAGUR
Meira í leiðinni
WWW.N1.IS
Sími 440 1000
Þú ert fljótari
í brekkurnar með N1
N1 HÖRGÁRBRAUT, AKUREYRI
Þú færð lyftupassann í Hlíðarfjall á N1 Hörgárbraut.
Þannig sparar þú tíma og peninga því þú færð 10%
afslátt af passanum og getur náð þér í gott nesti í
leiðinni. Renndu við hjá okkur áður en þú rennir þér
niður Hlíðarfjall!afsláttu
r af
lyftupö
ssum
10%
DÓMSMÁL Handtaka mótmælandans Hauks
Hilmarssonar, sem leiddi til uppþots við lög-
reglustöðina á Hverfisgötu í nóvember 2008,
var ólögmæt. Héraðsdómur dæmdi Hauki
í gær 150 þúsund krónur í bætur vegna hennar.
Haukur átti eftir að afplána eftirstöðvar
sektardóms sem hann hlaut árið 2006 fyrir
mótmæli á Kárahnjúkum. Vegna þess var hann
handtekinn fyrirvaralaust eftir vettvangsferð
í Alþingishúsið með öðrum háskólanemum 21.
nóvember 2008 og færður í fangageymslu.
Haukur mótmælti handtökunni, og benti
meðal annars á að boða ætti menn í afplánun
með þriggja vikna fyrirvara. Á þessi rök fellst
héraðsdómur. Að sögn lögreglu urðu mistök
starfsmanna innheimtumiðstöðvar sekta og
sakarkostnaðar til þess að Haukur var ekki
boðaður til afplánunar.
Héraðsdómur telur einnig að handtakan hafi
verið óþarflega harkaleg og niðurlægjandi, þar
sem setið var fyrir Hauki í miðbænum þar sem
hann var í hópi samnemenda sinna.
Haukur, sem hafði verið virkur í mótmælum
og meðal annars dregið Bónusfána að húni á
þaki Alþingishússins, fullyrti einnig að hann
hefði verið handtekinn til að koma í veg fyrir
frekari þátttöku hans í mótmælum og skerða
þannig tjáningarfrelsi hans. Dómurinn taldi
það ekki sannað.
Handtakan vakti mikil viðbrögð. Mótmæl-
endur hópuðust að lögreglustöðinni við Hverf-
isgötu þegar fregnaðist af henni og freistuðu
þess að frelsa Hauk úr haldi. Einn lögreglu-
maður slasaðist í átökunum. Eftir nokkur átök
var Hauki að lokum sleppt. - sh
Mótmælandanum Hauki Hilmarssyni dæmdar 150 þúsund krónur fyrir ólögmæta handtöku:
Bónusflaggarinn fær bætur frá ríkinu
MÓTMÆLT Haukur var leystur úr haldi eftir mikil mót-
mæli við lögreglustöðina. FRÉTTABLAÐIÐ/DANÍEL
STJÓRNSÝSLA Íslendingar þurfa að
fella sig við æðsta vald Evrópu-
sambandsins í sjávarútvegsmál-
um. Íslensk lög, sem takmarka
fjárfestingar í sjávarútvegi og
aðgang erlendra skipa að íslenskri
lögsögu og þjónustu í höfnum,
stangast á við lögsögu ESB.
Þetta kemur fram í sjávar-
útvegskafla greiningarskýrslu
framkvæmdastjórnar ESB, sem
lögð var fram í fyrradag um leið
og tilkynnt var að Ísland uppfyllti
allar kröfur sem gerðar eru til
umsóknarríkis.
„Í íslenskri löggjöf um fjárfest-
ingar í sjávarútvegi er að finna
takmarkanir gegn fjárfestingum
sem eru ekki í samræmi við reglu-
verk ESB,“ segir í skýrslunni.
„Íslensk lög kveða á um að
aðeins skip í eigu íslenskra lög-
aðila og íslenskra borgara, sem
búsettir eru á Íslandi, megi skrá
til fiskveiða í íslenskri lögsögu,“
segir enn fremur. „Framseljan-
legar aflaheimildir eru gefnar út
til skipa en útlendingar geta ekki
eignast þær.“ Útlendingar megi
ekki eiga nema minnihluta hluta-
bréfa í íslenskum fyrirtækjum
sem veiða og vinna fisk.
„Íslendingar takmarka aðgang
erlendra skipa að höfnum og þjón-
ustu í höfnum. Þessar takmark-
anir eru ekki í samræmi við regl-
ur Evrópusambandsins,“ segir
enn fremur og er þar bæði vísað
til dómaframkvæmdar og til
reglna sem standa vörð um frjálst
flæði fjármagns og tryggja rétt
til að stofna fyrirtæki og veita
þjónustu.
„Ísland mun þurfa að fallast á
meginreglurnar um æðsta vald
Evrópusambandsins og um aðgang
að hafsvæði, sem samkvæmt 17.
grein reglugerðarinnar um sam-
eiginlega fiskveiðistefnu ESB
tryggir skipum frá öllum aðildar-
ríkjum aðgang að lögsögu annarra
aðildarríkja, á grundvelli umsam-
inna reglna,“ segir í skýrslunni.
Að lokinni ítarlegri umfjöllun
um íslenskan sjávarútveg segir
að innganga Íslands hefði umtals-
verð áhrif á sameiginlega fisk-
veiðistefnu Evrópusambandsins.
Sú stefna sé nú til endurskoðun-
ar og eigi endurskoðuð stefna að
öðlast gildi 2013. Skýrsla fram-
kvæmdastjórnarinnar frá apríl
2009 bendi til þess að á sumum
sviðum muni stefna ESB færast
nær stefnu Íslendinga á sumum
sviðum. peturg@frettabladid.is
Ísland lúti
valdi ESB í
sjávarútvegi
Í skýrslu framkvæmdastjórnar ESB um sjávarútveg
er fundið að banni við fjárfestingum útlendinga og
takmörkunum á aðgangi að íslenskri lögsögu.
SJÁVARÚTVEGUR Ísland hefur vel þróað stjórnkerfi fiskveiða en þarf að tileinka sér
stjórntæki Evrópusambandsins á því sviði komi til aðildar, segir í greiningarskýrslu
framkvæmdastjórnar Evrópusambandsins. FRÉTTABLAÐIÐ/JÓN SIGURÐUR
GAMAN Í LEÐJUNNI Hin árlega leðju-
hátíð fór fram í Yotsukaido í Japan þar
sem þátttakendur mættu léttklæddir
og skemmtu sér hið besta.
NORDICPHOTOS/AFP
DÓMSMÁL Íslenska ríkið þarf ekki
að endurgreiða ítalska verktaka-
fyrirtækinu Impregilo skatta
upp á rúmlega 1,2 milljarða og
dráttarvexti sem líklega hefðu
nú verið komnir upp í nálega
milljarð króna. Hæstiréttur
kvað upp dóm þess efnis í gær
og sneri þannig við dómi Héraðs-
dóms Reykjavíkur frá því í
desember 2008.
Málið snerist um skatt sem
innheimtur hafði verið af vinnu
portúgalskra starfsmanna sem
störfuðu hjá Impregilo á Kára-
hnjúkum í gegnum tvær erlendar
starfsmannaleigur. Héraðsdóm-
ur komst að því að skatturinn
hefði verið oftekinn, en Hæsti-
réttur hefur nú snúið dómnum
við. - sh
Impregilo fær ekki endurgreitt:
Ríkið losnar
undan tveggja
milljarða skuld
EFNAHAGSMÁL Stjórnvöld
þurfa þegar að móta verk-
lag sem styðjast má við
vegna gengistryggðra
bílalána að mati Runólfs
Ólafssonar, framkvæmda-
stjóra Félags íslenskra bif-
reiðaeigenda, FÍB. „Það
er ekki hægt að bíða eftir
dómi Hæstaréttar sem er
ekki að vænta fyrr en eftir
hálft ár eða jafnvel enn
síðar,“ segir hann.
„Bílalánin eru hluti af skulda-
vanda heimilanna sem stjórnvöld
hafa sagst vilja taka á en vitað er
að ekki hefur verið nóg að gert,“
segir Runólfur.
Þó svo að fallnir séu tveir mis-
vísandi dómar héraðsdóms um
gengisbundin lán og úrskurðar
Hæstaréttar beðið þá segir Run-
ólfur það vera mat FÍB að seinni
dómurinn sé líklegri til að verða
staðfestur. „Það er margt
sem bendir til að þarna
hafi verið um óeðlilega
gjörninga að ræða og þess
vegna brýnt að stjórnvöld
móti einhverjar reglur um
framhaldið. Óvissan er
óþolandi og margir sem
hafa þegar lent í vandræð-
um, vörslusviptingu og þar
fram eftir götunum.“
Hann segir að til bóta
væri að stjórnvöld tækju
þegar afstöðu til álitamála á borð
við það hvernig fara eigi með hina
ýmsu lánasamninga sem kunna
að vera ólögmætir. „Myndu þeir
falla undir að vera bara með þá
vexti sem í upphafi voru settir inn
í samninginn og gengi á þeim tíma
sem lánið var veitt, eða færu þeir
undir ákvæði vísitölutryggðra lána
á þessum tíma? Þarna ríkir mikil
réttaróvissa.“ - óká
RUNÓLFUR
ÓLAFSSON
Framkvæmdastjóri FÍB um gengistryggð lán:
Óvissan er óþolandi