Fréttablaðið - 26.02.2010, Síða 30
6 •
Vignir Snær Vigfússon var
gítarleikari og aðallagahöf-
undur Írafárs. Það bar mikið
á honum á meðan Birgitta
Haukdal söng sig inn í hjörtu
landsmanna með ægigrípandi
popplögum Vignis, en síðan
Írafár og Birgitta hurfu úr
sviðsljósinu hefur ekki borið
mikið á honum. Vignir starfar
sem upptökumaður og kenn-
ari í Tónlistarskóla Þorvaldar
Bjarna, er mikill græjunörd og
á þrjátíu gítara.
Benda ekki þrjátíu gítarar til einhvers
konar geðsýki?
„Jú, ætli það ekki. Þú getur spurt
konuna að því!“ segir Vignir.
Er hún ekki hrifin?
„Jú jú, hún lætur þetta eftir mér.
Við reynum að taka eina og eina
utanlandsferð inn á milli og þá gefur
hún mér einn dag til að fara í hljóð-
færabúðirnar. Þetta er náttúrlega
rosalegt áhugamál hjá mér. Ef maður
finnur gamla og verðmæta gítara þá
verður maður helst að grípa þá. Það
er oft sem einhverjir eru að leggja
gítarinn á hilluna og þá bjóðast mér
þeir til kaups. Þetta er allt meira og
minna keypt á Íslandi. Ég held ég sé
að fá gítarana á sæmilegum prís, en
ef þú ert að borga fyrir 63-módelið
af Gibson þarftu náttúrlega að borga
slatta.“
Lærði af Einari Melax
Vignir ólst upp á Kirkjubæjar-
klaustri.
„Ég byrjaði 9-10 ára að læra á
klassískan gítar, aðallega vegna
þess að ég var að elta elsta bróður
minn sem spilaði á gítar. Mér fannst
það voðalega flott. Það var tónlist-
arkennsla en eins og oft vill verða á
litlum stöðum var bara einn kennari
sem kenndi á öll hljóðfærin. Minn
fyrsti gítarkennari var Einar Melax
sem var í Kukli og Sykurmolunum.
Hann er svo músíkalskur karlinn að
hann bara lærði með nemendunum
og gat alltaf miðlað einhverju.“
Snemma fór að bera á rokk-
áhuga.
„Ég fór í skólaband og fyrsti
rafmagnsgítarinn var af tegund-
inni Phantom, bara svona ódýr
gítar. Þetta er eini gítarinn sem
ég hef selt og ég hef alltaf séð
eftir honum. Langar dálítið til að
kaupa hann aftur. Mig grunar hvar
hann er niðurkominn. Ég keypti
svo fyrsta alvöru gítarinn minn í
Hljóðfæraverslun Pauls Bernburg,
rétt áður en sú verslun hætti. Það
var fyrsti gítarinn sem kostaði ein-
hvern pening, sjö strengja Ibanez
með djúpum B sem sjöunda streng.
Ég keypti hann þegar svona gítarar
voru alveg dottnir úr tísku – maður
var úr sveitinni og svona“
Vantar fullt enn þá
Vignir var að böðlast í grugginu í
Músíktilraunum 1997 (árið sem Soðin
fiðla sigraði), en stofnaði svo Írafár
árið eftir. Eftir að Birgitta Haukdal
gekk í bandið fóru hjólin að snúast
og fyrsta lagið, Hvar er ég?, sem kom
út árið 2000 varð smellur. Síðan tók
við gífurlegur uppgangur og þrjár
plötur, sú síðasta kom út 2005 og
þá virtist sem þreyta væri komin í
mannskapinn.
„Á Írafár-árunum notaði ég mest
Les Paul custom-gítar frá Gibson.
Ég keypti hann af Hössa sem var í
hljómsveitinni Spoon.“
Hvaða gítarar eru mestu gersem-
arnar?
„Tja. Ég á tvo gamla „hollowbody“-
Gibsona og einn Fender-gítar/bassa,
sem heitir Fender 6. Bítlarnir notuðu
svona sem bassa, en það er hægt
að nota hann sem mjög djúpan
gítar líka með því að smella einum
takka. Jóhann G. Jóhannsson átti
þessa græju.“
Eru einhver markmið eftir í
gítaráráttunni?
„Já, ég ætla að halda ótrauður
áfram að safna og mig vantar fullt.
Til dæmis góðan Rickenbacker-gítar
og PRS (Paul Reed Smith) gítar líka.
Ætli það sé ekki það næsta sem
maður fer í.“
drgunni@frettabladid.is
Á ÞRJÁTÍU GÍTARA
OG ÞARF FLEIRI
VIGNIR SNÆR MEÐ FORLÁTA GRETSCH-GÍTAR „Ég hef brennandi áhuga á gíturum.“ FRÉTTABLAÐIÐ/GVA
POPPGÚRÚ: VIGNIR SNÆR UM ROSALEGA ÁHUGAMÁLIÐ
VERKEFNIÐ
„Næsta verkefni er trúba-
doraplata sem ég er að
vinna með Hreimi, Jógvani,
Sjonna Brink og Gunna Óla,
en við stefnum á að koma
henni út fyrir sumarið. Svo
er þetta reglubundna sem
er alltaf í gangi hjá mér,
rekstur Tónvinnsluskólans
og ýmis smærri verkefni,
svo sem upptökur á lögum
og að spila inn á plötur. Í
sumar ætla ég svo að reyna
að vera í fæðingarorlofi þar
sem þriðji strákurinn bætt-
ist í hópinn í nóvember.
Mögulega nýti ég tímann
og prjóna peysur á alla
fjölskylduna úr krullunum á
kollinum á mér.“
DÓTAKASSINN:
„Ég á um þrjátíu gítara: Gretsch, Fender, Gibson, Taylor, Martin,
Yamaha og ýmsa fleiri. Ég á þrjár bassalufsur: Fender, Warwick
og Ibanes. Einnig mandólín, lapsteel, dobro, rhodes, píano og
trommusett. Helstu magnarar eru Mesa boogie, Marshall, Fend-
er, Vox, Orange og Egnater. Ég á allt of mikið af effektum sem
ég nota ekki. Svo á ég náttúrulega Pro tools HD-upptökukerfi,
nokkra pre-ampa, míkrafóna og allt sem því fylgir að reka stúd-
íó og upptökuskóla.“
FERILL
„Lagahöfundur og gítarleik-
ari Írafárs, tónlistarstjórn
í Idol, X-factor & Bandinu
hans Bubba, spilaði í söng-
leikjum svo sem Grease,
Hárinu & Footloose. Hefur
tekið þátt í Eurovision
nokkrum sinnum í ýmsum
hlutverkum, samið fyrir,
tekið upp, útsett fyrir ýmsa,
til dæmis Jógvan, Skíta-
móral, Birgittu og fleiri.“
Tónastöðin er með meiriháttar úrval
magnara í öllum stærðum og gerðum
frá heimsþekktum framleiðendum!
Hjá okkur færðu faglega þjónustu,
byggða á þekkingu og áratuga reynslu.
gerðu tónlist á makkann þinn
Í fremstu röð í framleiðslu á hljóðversbúnaði.
nýtt í Tónastö
ðinni