Fréttablaðið - 26.02.2010, Blaðsíða 58
26 26. febrúar 2010 FÖSTUDAGUR
sport@frettabladid.is
IE-deild karla:
Stjarnan-Grindavík 76-81
Stig Stjörnunnar: Jovan Zdravevski 22, Justin
Shouse 21, Djorde Pantelic 15, Fannar Helgason
12, Kjartan Kjartansson 6.
Stig Grindavíkur: Páll Axel Vilbergsson 24, Darrell
Flake 18, Þorleifur Ólafsson 13, Ólafur Ólafsson
11, Ómar Sævarsson 10, Brenton Birmingham 5.
Fjölnir-FSu 92-69
Stig Fjölnis: Christopher Smith 27, Magni
Hafsteinsson 20, Arnþór Freyr Guðmundsson 13,
Ægir Þór Steinarsson 10, Jón Sverrisson 8, Tómas
Heiðar Tómasson 8, Sindri Kárason 4.
Stig FSu: Christopher Caird 19, Richard Williams
17, Aleksas Zimnickas 15, Jake Wyatt 8, Kjartan
Kárason 7, Orri Jónsson 2.
STAÐA EFSTU LIÐA:
KR 17 14 3 1575-1370 28
Keflavík 17 13 4 1602-1364 26
Grindavík 18 13 5 1694-1452 26
Stjarnan 18 13 5 1542-1454 26
Snæfell 17 12 5 1613-1399 24
Evrópudeildin:
Unirea-Liverpool 1-3
Fernandes - Mascherano, Babel, Gerrard.
1-4 fyrir Liverpool samanlagt.
Anderlecht-Athletic Bilbao 4-0
5-1 fyrir Anderlecht samanlagt.
AS Roma-Panathinaikos 2-3
Riise, Rossi - Cisse 2, Katsouranis
4-6 fyrir Panathinaikos samanlagt.
Galatasaray-Atletico Madrid 1-2
Keita - Simao, Forlan.
2-3 fyrir Atletico samanlagt.
Marseille-FC Copenhagen 3-1
6-1 fyrir Marseille samanlagt.
PSV Eindhoven-HSV 3-2
Tolvonen, Dzsudzsak, Koevermans - Petric,
Trochowski (víti)
3-3, HSV áfram á mörkum á útivelli.
Shaktar Donetsk-Fulham 1-1
Jadson - Hangeland
2-3 fyrir Fulham samanlagt.
Fenerbahce-Lille 1-1
2-3 fyrir Lille samanlagt.
Hapoel Tel Aviv-Rubin Kazan 0-0
0-3 fyrir Rubin Kazan samanlagt.
Juventus-Ajax 0-0
2-1 fyrir Juventus samanlagt.
Salzburg-Standard Liege 0-0
2-3 fyrir Standard samanlagt.
Sporting Lisbon-Everton 3-0
Veloso, Mendes, Fernandez.
4-2 fyrir Sporting samanlagt.
Valencia-Club Brugge
Leik ekki lokið þegar Fréttablaðið fór í prentun.
Werder Bremen-Twente 4-1
4-2 fyrir Werder Bremen samanlagt.
Wolfsburg-Villarreal 4-1
6-3 fyrir Wolfsburg samanlagt.
ÚRSLIT
> Ólafur ráðinn aðstoðarþjálfari Fylkis
Fylkismenn hafa tilkynnt um ráðningu á Ólafi Stígssyni
sem aðstoðarþjálfara liðsins. Ólafur tekur við hlutverki
Páls Einarssonar sem tók við sem aðalþjálfari Þróttar
eftir síðasta tímabil. Ólafur lagði skóna á hill-
una eftir síðasta tímabil en hann er leikjahæsti
leikmaður Fylkis frá upphafi. Hann var valinn
leikmaður ársins hjá félaginu síðasta
sumar. Ólafur Þórðarson er þjálfari Fylkis
eins og flestir vita.
„Ég sá að varnarmaðurinn var fimm metrum frá mér svo það
kom ekkert annað til greina en að láta vaða,“ segir Gylfi Þór
Sigurðsson sem skaut Reading áfram í bikarnum á miðvikudag-
inn. Hann skoraði glæsilegt sigurmark í framlengingu gegn West
Bromwich Albion.
„Það var ansi ljúf tilfinning að ná að skora þetta mark.
Það kom samt snemma í framlengingunni svo við
urðum að halda einbeitingu allt til enda. Það hefur
gengið vel í bikarkeppninni og við náð að leggja
stórlið. Næst er bara komið að Aston Villa,“ segir Gylfi
sem hefur heldur betur leikið vel með Reading í
vetur.
Þá er liðið að rétta úr kútnum í ensku B-deildinni
og er komið úr fallsæti eftir gott gengi í síðustu
leikjum. „Við höfum verið að ná betri úrslitum en
það er of snemmt að byrja að fagna. Það er mjög
stutt niður aftur,“ segir Gylfi. Reading er sem stendur í 20. sæti af
24 liðum, tveimur stigum fyrir ofan fallsæti.
Margir bjuggust við því að sjá Gylfa í landsliðshópi Íslands sem
mætir Kýpur í vináttulandsleik ytra hinn 3. mars. Annað kom á
daginn. Bjóst Gylfi sjálfur við því að vera valinn? „Bæði og. Ég
er ekkert mjög svekktur yfir því að vera ekki valinn því það
er líka mjög mikilvægur leikur hjá U21-landsliðinu. Það er
líka skemmtilegt verkefni,“ segir Gylfi en U21-liðið mætir
Þýskalandi næsta þriðjudag. Íslensku strákarnir eru í öðru
sæti í sínum riðli í undankeppni EM.
Þegar Ólafur Jóhannesson landsliðsþjálfari var spurð-
ur að því í viðtali við Stöð 2 í vikunni af hverju Gylfi
væri ekki í hópnum var svar Ólafs það að hann hefði
einfaldlega valið þá tuttugu bestu. Spurður út í þau
ummæli svaraði Gylfi: „Ef hann heldur það þá held ég
bara annað.“
GYLFI ÞÓR SIGURÐSSON: EKKI EINN AF 20 BESTU FÓTBOLTAMÖNNUM LANDSINS AÐ MATI LANDSLIÐSÞJÁLFARANS
Ef hann heldur það þá held ég bara annað
Helgarblað
„Það er töff að vera á móti Eurovision“
Hera Björk og Sindri í Seabear setjast á Rökstóla
Ferðalög
Sirkus slær í gegn hjá Færeyingum – Íslenskur bar og íslensk
hönnun í Þórshöfn – Ferðalög fylgja Fréttablaðinu um helgina
Nýtt og gamalt
Unglingar og eldri borgarar ráða
í slangur fyrr og nú
FÓTBOLTI Þrátt fyrir áfall í fyrri
hálfleik gegn Unirea frá Rúm-
eníu reif Liverpool sig upp, skor-
aði þrjú mörk og komst áfram í
Evrópudeildinni.
Fyrri leik liðanna lyktaði með
sigri Liverpool, 1-0, og rimma lið-
anna opnaðist upp á gátt þegar
Bruno Fernandes kom Unirea yfir
í fyrri hálfleik. Hans fyrsta mark
síðan leiktíðina 2004-2005.
Leikmenn Unirea voru líklegri
til að skora þegar Javier Mas-
cherano átti þrumuskot utan teigs
sem söng í netinu. Gríðarlega
mikilvægt mark því nú þurfti Uni-
rea að skora tvö til viðbótar ætlaði
liðið sér að komast áfram.
Liðið seldi sig dýrt og þjarmaði
nokkuð hraustlega að marki Liver-
pool. Liðið gætti þó ekki að sér í
vörninni og það nýtti Ryan Babel
sér er hann kom Liverpool yfir
í leiknum og í raun skaut liðinu
áfram í keppninni.
Steven Gerrard afgreiddi svo
Rúmenana endanlega með marki
í síðari hálfleik. Þungu fargi létt
af Liverpool sem mátti hafa fyrir
sigrinum.
„Þetta var alls ekki auðveldur
leikur. Völlurinn var ónýtur og
aðstæður gerðu okkur erfitt fyrir.
Við vissum að við þyrftum að eiga
toppleik hér í dag,“ sagði Rafa-
el Benitez, stjóri Liverpool, eftir
leikinn. Hann viðurkenndi að hafa
verið örlítið stressaður er Unirea
komst yfir í leiknum.
„Við vissum að þetta gæti gerst
og að þeir myndu magnast við að
skora. Aðstæður spiluðu þá einn-
ig með þeim. Það fór aðeins um
mig er þeir pressuðu á okkur en
markið frá Mascherano kom okkur
aftur í gang,“ sagði Benitez en það
er nú ekki á hverjum degi sem
Argentínumaðurinn skorar fyrir
Liverpool.
„Hann er að reyna að skora
meira og þetta var góð byrjun. Ég
var einnig ánægður með Babel
og markið hans. Hann hefur lagt
hart að sér á æfingum og menn
þurfa að leggja hart að sér til þess
að fá tækifæri. Haldi hann áfram
á sömu braut mun hann fá fleiri
tækifæri.“
Liverpool missti Martin Skrtel
af velli vegna meiðsla í leiknum.
Óvíst er um alvarleika meiðslanna.
henry@frettabladid.is
Rauði herinn marserar
áfram í Evrópudeildinni
Liverpool komst yfir fyrstu hindrunina í Evrópudeildinni er liðið vann góðan
útisigur, 1-3, á Unirea frá Rúmeníu. Eftir basl í upphafi var leiðin hjá Rauða
hernum greið að lokum. Liverpool mætir Lille í sextán liða úrslitum.
AFAR SÁTTUR Argentínumaðurinn Javier Mascherano fagnaði marki sínu ógurlega
enda kom það á besta tíma fyrir liðið. NORDIC PHOTOS/AFP
KÖRFUBOLTI Eftir vonbrigðin í bik-
arúrslitaleiknum náðu Grindvík-
ingar að rífa sig upp og taka tvö
stig í Garðabænum í gær. Þeir
lögðu Stjörnuna 76-81 í hörku-
spennandi leik.
„Við vorum að leika gegn þrusu-
fínu liði sem er komið með nýjan
mann sem styrkir þá gríðarlega
undir körfunni. Þeir sköpuðu
okkur töluverð vandræði og við
erum mjög ánægðir með stigin
tvö,“ sagði Friðrik Ragnarsson
og var að tala um serbneska mið-
herjann Djorde Pantelic sem
kominn er í raðir Stjörnunnar.
„Við töluðum um það fyrir leik-
inn að það er alltaf erfitt að koma
í svona leik eftir bikarúrslitaleik.
Það skiptir þá ekki máli hvort
maður hefur tapað eða unnið,
annaðhvort ertu langt niðri eða
hátt uppi. Hugarfarið var fínt og
við börðumst,“ sagði Friðrik.
Stjarnan var með fjögurra
stiga forystu í hálfleik en spenn-
an undir lokin var mikil. Grinda-
vík var með þriggja stiga for-
skot þegar skammt var eftir en
Stjarnan með boltann. Jovan
Zdravevski gerði slæm mistök,
tók þriggja stiga skot í engu jafn-
vægi þegar nægur tími var til
stefnu. - egm
Iceland Express-deild karla:
Hausinn í lagi
hjá Grindavík
HEITUR Páll Axel var sterkur í gær.
FRÉTTABLAÐIÐ/VALLI