Fréttablaðið - 27.02.2010, Blaðsíða 34

MENNING 2
menning kemur út mánaðarlega með laugardagsblaði Fréttablaðsins. Ritstjórn: Anna Margrét Björnsson Hönnun: Kristín Agnarsdóttir
Forsíðumynd: Vilhelm Gunnarsson Auglýsingar: Bjarni Þór Sigurðsson bjarnithor@365.is
Í Listasafninu er stór svartur flygill. Mér gefst ekki oft tækifæri til að spila á svona gott hljóðfæri og þess vegna mun ég mest spila píanólög á tónleik-unum,“ segir Kristín Anna Valtýsdótt-
ir, sem einnig gengur undir nafninu Kría
Brekkan. Kristín heldur tónleika í Lista-
safni Íslands annað kvöld, sunnudaginn 28.
febrúar.
Kristín var meðlimur hljómsveitarinnar
múm og hefur einnig meðal annars leikið
með Stórsveit Nix Noltes og Slowblow. Hún
sagði skilið við múm árið 2006 og sama ár
fluttist hún til New York, þegar hún gift-
ist tónlistarmanninum David Portner úr
hljómsveitinni Animal Collective. Krist-
ín og Dave gáfu saman út plötuna Pullhair
Rubeye árið 2007 og Kristín lék einnig inn
á plötuna Feels með Animal Collective
sem kom út árið 2005. Undir nafninu Kría
Brekkan hefur Kristín sent frá sér nokkr-
ar smáskífur og einnig EP-plötuna Apo-
tropaíosong Armor frá 2008. Þá plötu vann
Kristín upp á eigin spýtur, bjó til umslagið
og dreifði á eigin vegum.Hún sneri aftur
til Íslands síðastliðið haust og hefur að
eigin sögn verið að vinna í ýmsum málum
síðan.
Þegar ég bjó í New York fékk ég mörg til-
boð um að spila og hafði í nógu að snúast,
spilaði kannski einu sinni í mánuði og und-
irbjó hverja uppákomu vel,“ segir Kristín.
„Nálgunin er öðruvísi hér á Íslandi, lík-
lega vegna þess að hrærigrauturinn er ekki
nægilega mikill til að vinna á þennan hátt.
Hérna gengur þetta meira út á ákveðna rút-
ínu, að taka upp plötu, kynna hana innan-
lands og utan og þar fram eftir götunum.
Undanfarin ár hef ég ekki verið að ganga
á eftir þessum strúktúr. Ég hef ekki sinnt
upptökuhliðinni að ráði vegna þess að ég
hef mestan áhuga á að koma fram og þá
ekki endilega á sérhönnuðu tónleikasviði.
Sérstakar uppákomur heilla mig, eins og til
dæmis að koma fram í Listasafni Íslands.
Ég er mikið að velta fyrir mér öðruvísi
nálgunum að tónlistarflutningi en ég hef
hingað til verið vön.“
Kristín segir uppistöðu tónleikadag-
skrárinnar í Listasafninu vera lög frá síð-
ustu fjórum árum. Þegar hún er beðin um
að lýsa tónlist sinni segir hún slíkt ávallt
erfitt. „Þetta eru persónuleg og dálítið til-
finningarík lög sem flæða úr einu í annað.
Sum lögin eru poppuð og þriggja mínútna
löng, önnur líklega skrýtnari og meira
út í klassík, eiginlega bara út um allt. Ég
syng öðruvísi en áður og syng til að mynda
mun meira en ég gerði með múm,“ segir
Kristín.
Tónlistarkonan heldur utan í næstu viku
og kemur fram á tónleikum í Englandi, Hol-
landi og Þýskalandi. Aðspurð segist hún
ekki vita hvort hún sé alkomin til Íslands
aftur. „Ég hef ekki gert nein plön langt
fram í tímann. Ég er að tengjast rótunum
hér á Íslandi en hef þó á tilfinningunni að
ég komi til með að flytja aftur til útlanda.
Svo á ég alltaf eftir að fara í nám, eitthvert
annað nám en það sem skóli lífsins býður
upp á,“ segir Kristín Anna Valtýsdóttir.
Tónleikar Kristínar hefjast í Listasafni
Íslands klukkan 21 og aðgangseyrir er
1.000 krónur.
NÁLGAST FLUTNINGINN
Á ANNAN HÁTT
Þetta eru persónuleg og dálítið tilfinningarík lög
sem flæða úr einu í annað. Sum lögin eru poppuð
og þriggja mínútna löng, önnur líklega skrýtnari og
meira út í klassík, eiginlega bara út um allt. Ég syng
öðruvísi en áður og syng til að mynda mun meira
en ég gerði með múm
Kristín
Anna Val-
týsdóttir,
sem einnig
gengur
undir nafn-
inu Kría
Brekkan,
fl utti til
Íslands í
haust eftir
nokkur ár í
New York.
Hún segir
lögin sem
hún fl ytur
í Listasafni
Íslands
annað
kvöld vera
persónuleg,
tilfi nn-
ingarík
og fl æða
úr einu í
annað.
TÓNLIST
KJARTAN GUÐ-
MUNDSSON
Í vikunni var tilkynnt um tilnefningar til viðurkenningar Hagþenk-
is – félags höfunda fræðirita og kennslugagna – fyrir fræðirit
útgefin í fyrra.
Verðlaunaupphæðin er kr. 750.000 sem er sama upphæð og
Félag íslenskra bókaútgefenda veitir til íslensku bókmenntaverð-
launanna í hvorum flokki fyrir sig.
Eftirfarandi höfundar og rit eru tilnefnd til Viðurkenningar
Hagþenkis 2009:
Aðalsteinn Ingólfsson - Ásgerður Búadóttir: Veftir
Árni Heimir Ingólfsson - Jón Leifs – Líf í tónum
Guðrún Ása Grímsdóttir - Ættartölusafnrit séra Þórðar Jónsson-
ar í Hítardal. I-II
Guðjón Ármann Eyjólfsson - Vestmannaeyjar – Ferðafélag
Íslands árbók 2009
Gunnar Harðarson - Blindramminn á bak við söguna
Helgi Björnsson - Jöklar á Íslandi
Hugrún Ösp Reynisdóttir - Saga viðskiptaráðuneytisins 1939-
1994. Frá höftum til viðskiptafrelsis
Pétur Gunnarsson - ÞÞ – Í forheimskunnar landi og ÞÞ í fátækt-
arlandi
Sigrún Sigurðardóttir - Afturgöngur og afskipti af sannleikanum
Sæunn Kjartansdóttir - Árin sem enginn man
Um miðjan mars verður svo tilkynnt hvaða höfundur hlýtur við-
urkenningu við hátíðlega athöfn í Þjóðarbókhlöðunni.
HAGÞENKIR TILNEFNIR TÍU BÆKUR
Mikið úrval af píanóum.
Píanóstillingar, viðgerðir og þjónusta.
Rangárseli 6 | 109 Reykjavík | Við Seljakirkju | Símar 553 2845 - 663 2845
hl.palmars@simnet.is | www.palmar.is
Kristín eða Kría hefur verið í hljómsveitunum múm og Slowblow. FRÉTTABLAÐIÐ/STEFÁN