Fréttablaðið - 27.02.2010, Blaðsíða 86

54 27. febrúar 2010 LAUGARDAGUR
sport@frettabladid.is
HANDBOLTI „Ástandið hefur bara
verið mjög erfitt og það þýðir
ekkert að fela það,“ segir Óskar
Bjarni Óskarsson, þjálfari Vals-
manna sem freista þess að verja
bikarmeistaratitil sinn í dag.
Liðið hefur glímt við meiðsli í
vetur en Óskar reiknar samt
sem áður með því að tefla fram
öllum sínum mönnum í þessum
bikarúrslitaleik.
„Það hafa verið vandræði með
mannskapinn í síðustu leikjum
og það hefur tekið á. Margir hafa
verið að glíma við meiðsli, við
höfum verið án stórra bita og ég
er ekki viss um að mörg lið myndu
þola svona lagað,“ segir Óskar en
Fannar Friðgeirsson, Sigfús Páll
Sigfússon og Sigurður Eggertsson
hafa allir verið í miklu kapphlaupi
við tímann til að verða klárir fyrir
leikinn.
„Þegar komið er út í bikar-
úrslitaleik þarf að tjasla öllum
saman og allir að vera með. Sam-
kvæmt læknum og öðru eiga þeir
ekki að vera tilbúnir í þennan leik.
Þeir eru hins vegar allir afreks-
íþróttamenn og munu gera sitt
besta til að koma inn í þennan
leik. Ég á ekki von á öðru en að
það takist,“ segir Óskar.
Haukar sitja á toppi N1-deild-
arinnar með tuttugu stig en Vals-
menn hafa leikið leik meira og
eru fjórum stigum á eftir. Hlíð-
arendapiltum hefur gengið illa að
undanförnu.
„Síðustu tveir leikir hjá okkur
hafa verið mjög slakir. Það truflar
mig samt ekkert og ekki strákana
heldur. Í þessum úrslitaleik eru að
fara að mætast tvö topplið og ekk-
ert annað skiptir máli. Menn eru
bara spenntir að spila og gera sitt
besta,“ segir Óskar.
Valur hefur unnið bikarkeppn-
ina oftast allra liða í karlaflokki,
alls sjö sinnum. Síðustu tvö ár
hefur liðið hrósað sigri í keppninni
en aðeins einu liði hefur tekist að
vinna hana oftar en tvisvar í röð.
„Í fyrra komumst við í sögu-
bækur Vals með því að vinna
annað árið í röð. Engin af þessum
gullaldarkynslóðum Vals náði því.
Nú má segja að við getum farið í
sögubækur HSÍ. Það eru bara Vík-
ingar sem hafa náð að vinna titil-
inn þrisvar eða oftar samkvæmt
mínum kokkabókum, þeir tóku
dolluna fjögur ár í röð með Bog-
dan. Ef við náum að vinna þriðja
árið í röð finnst mér það óhugnan-
lega góður árangur.“
Aron Kristjánsson, þjálfari
Hauka, er spenntur fyrir þessum
bikarúrslitaleik en Hafnarfjarð-
arliðið hampaði bikarnum síðast
fyrir átta árum.
„Það er mikil tilhlökkun í hópn-
um hjá mér enda höfum við lagt
mikla áherslu á bikarkeppn-
ina í vetur. Það er því ánægja
að við séum komnir alla leið í
úrslitaleikinn,“ segir Aron.
Þrátt fyrir brösugt gengi Vals
að undanförnu veit Aron vel að
hans menn mega ekkert gefa eftir
í þessum úrslitaleik. „Valsarar eru
með hörkulið. Þeirra aðalstyrk-
leiki í vetur hefur verið varnar-
leikurinn og svo hefur Hlynur
Morthens varið vel í markinu. Það
eru kannski hlutir sem við þurfum
að finna lausnir á. Í varnarleiknum
er svo mikilvægt að við náum að
stöðva þessa hröðu og lipru leik-
menn hjá þeim,“ segir Aron sem er
búinn að undirbúa sína menn vel
fyrir leikinn.
„Við förum aðeins betur yfir leik
andstæðingsins en fyrir venjuleg-
an leik og reynum að búa til meiri
stemningu í liðinu. Undirbúning-
urinn er því ekki alveg eins og
fyrir venjulegan leik.“
elvargeir@frettabladid.is
Haukar ætla að stöðva einokun Vals
Ljóst er að Valsmenn eiga erfitt verkefni fyrir höndum í dag þegar þeir reyna að vinna bikarkeppnina
þriðja árið í röð. Mótherjarnir eru Haukar sem tróna á toppi N1-deildarinnar og búast má við hörkuleik.
FYRIRLIÐARNIR Ingvar Árnason Valsari og Birkir Ívar Guðmundsson, markvörður Hauka, með bikarinn góða. Aðeins annar þeirra
fær að handleika hann eftir leikinn í dag. FRÉTTABLAÐIÐ/VILHELM
HANDBOLTI Það verður hart barist í
kvennaleiknum þar sem Fram og
Valur mætast. Valur varð síðast
bikarmeistari kvenna fyrir tíu
árum og Fram fyrir ellefu svo
báðum félögum er farið að þyrsta
í þennan titil.
„Eitt af markmiðum okkar
var að komast í þennan leik.
Markmiðið er hreinlega að vinna
hann, við eigum eitt skref eftir og
ætlum okkur að taka það,“ segir
Einar Jónsson, þjálfari Fram.
Hans lið tók deildarbikarinn milli
jóla og nýárs en stefnir nú á þann
stóra.
„Þetta eru tvö skemmtilegustu
liðin og spila nútímahandbolta. Það
hefur verið hörkubarátta í deild-
arleikjum þessara liða og mikil
skemmtun fram á síðustu mín-
útu. Það verður þannig í Höllinni
á laugardaginn,“ segir Einar en
Framkonur sitja í öðru sæti N1-
deildarinnar, fimm stigum á eftir
Val en eiga leik inni.
„Þetta verður bara baráttan um
borgina. Þetta verður mjög gaman.
Þessi tvö lið hafa eldað grátt silf-
ur og búa yfir mikilli hefð,“ segir
Einar sem breytir ekki út af
vananum í sínum undirbúningi.
„Við erum í okkar hefðbundnu rút-
ínu, bætum aðeins við en gerum
ekki of mikið úr þessu.“
Stefán Arnarson, hinn reyndi
þjálfari Vals, segir að sitt lið sé
tilbúið í slaginn. „Það vill enginn
missa af svona leik. Þetta eru tvö
lið sem eru mjög hröð og gaman að
horfa á. Þetta verður frábær leik-
ur. Þessi lið hafa mæst tvisvar í
deildinni og þeir leikir voru jafnir
og skemmtilegir, jafntefli í Vals-
heimilinu og svo sigur hjá okkur,“
segir Stefán.
„Fram er með góða markvörslu
og góðan varnarleik og er eitt
besta sóknarlið deildarinnar að
mínu mati. Á móti kemur að við
erum besta varnarliðið og með
besta markvörðinn. Þetta eru samt
mjög jöfn lið og þetta verður bara
gaman,“ segir Stefán Arnarson
sem segir undirbúning sinn ósköp
hefðbundinn. - egm
Tvö efstu lið N1-deildar kvenna eigast við í úrslitaleiknum í kvennaflokki, Reykjavíkurliðin Fram og Valur:
Baráttan um borgina í kvennaleiknum
REYKJAVÍKURSLAGUR Fyrirliðarnir Berglind Hansdóttir hjá Val og Ásta Birna Gunnars-
dóttir hjá Fram. FRÉTTABLAÐIÐ/VILHELM
> Einar á batavegi
Stórskyttan Einar Hólmgeirsson mun að öllum líkindum
snúa aftur á handboltavöllinn í dag er félag
hans, Grosswallstadt, leikur gegn Mel-
sungen í þýsku úrvalsdeildinni. Það verður
hans fyrsti leikur í langan tíma. Einar hefur
verið ótrúlega óheppinn með meiðsli
síðustu ár og hefur varla spilað í allan
vetur vegna meiðsla. Hann er þó á
góðum batavegi og verður loksins
í leikmannahópi Grosswallstadt
í dag.
FÓTBOLTI Aganefnd enska knatt-
spyrnusambandsins hefur
úrskurðað að framherjinn Emm-
anuel Adebayor hjá Manchester
City skuli dæmdur í fjögurra
leikja bann.
Adebayor fékk rautt spjald
fyrir að slá til varnarmannsins
Ryans Shawcross í 3-1 tapi gegn
Stoke í FA-bikarnum og hefði
eðlilega átt að sitja hjá í þrjá
leiki en þar sem þetta er í annað
sinn sem framherjinn kemst upp
á kant við aganefndina þá var
einum leik bætt við bannið.
Adebayor fékk þriggja leikja
bann í september fyrir brot á
Robin Van Persie í leik gegn
Arsenal en þá gerði hann jafn-
framt allt brjálað með því að
fagna marki sínu í leiknum fyrir
framan stuðningsmenn Arsenal.
Hann lék sem kunnugt er með
Lundúna félaginu áður en hann
kom til City síðasta sumar. - óþ
Áfall fyrir Man. City:
Adebayor í
langt bann
ADEBAYOR Hefur ekki gengið sem skyldi
í vetur. NORDIC PHOTOS/GETTY IMAGES
FÓTBOLTI Portsmouth er svo gott
sem fallið úr ensku úrvalsdeild-
inni en í gær var endanlega stað-
fest að Portsmouth sé komið í
greiðslustöðvun og verður þar
með fyrsta úrvalsdeildarfélagið
til þess að ganga í gegnum það
ferli.
Nú tekur við mikil vinna við að
endurskipuleggja fjármál félags-
ins sem sérstakur endurskoðandi
á vegum ensku úrvalsdeildarinn-
ar lýsti yfir að væru í algjörum
hnút auk þess sem semja þarf við
lánardrottna félagsins.
Reglugerð ensku úrvalsdeildar-
innar segir til um að félaginu
skuli refsað með því að draga
níu stig af því sem þýðir að Port-
smouth er nú langneðst í deild-
inni með 7 stig og er 17 stigum
frá öruggu sæti þegar 12 leikir
eru eftir í deildinni.
Það virðist því fátt geta komið
í veg fyrir að Hermann Hreiðars-
son og félagar falli úr deildinni.
- óþ
Portsmouth í greiðslustöðvun:
Tapaði níu stig-
um í deildinni
HERMANN HREIÐARSSON Var bikar-
meistari með Portsmouth fyrir tveim
árum. NORDIC PHOTOS/GETTY
Íslenska kvennalandsliðið í knattspyrnu steinlá fyrir Svíum, 5-1,
þegar landsliðin mættust á Algarve Cup í gær. Íslenska liðið
stóð vel að vígi í leikhléi en þá var Ísland 1-0 yfir en Hólmfríður
Magnúsdóttir skoraði mark íslenska liðsins.
Leikur íslenska liðsins hrundi aftur á móti í síðari hálfleik og
þá fékk liðið á sig fimm mörk á aðeins 25 mínútna kafla.
Það getur ekki verið ásættanlegt.
„Ég veit hreinlega ekki hvað gerðist í síðari hálfleik
hjá okkur. Ég verð eiginlega að spyrja stelpurnar að
því því ég geri mér ekki grein fyrir því,“ sagði Sigurð-
ur Ragnar Eyjólfsson landsliðsþjálfari eftir leikinn en
hann var að vonum svekktur.
„Ég man hreinlega ekki eftir því að hafa upplifað
svona leik áður. Fyrri hálfleikur var frábær hjá okkur
en þar vorum við betri en Svíarnir á öllum sviðum.
Liðið var afar þétt í vörninni, við skoruðum gott mark
og allt frábært. Svo fáum við á okkur mark á fyrstu mínútu síðari
hálfleiks. Ódýrt mark þar sem er ekki verið að dekka. Skömmu
síðar erum við undir. Ég veit hreinlega ekki hvort liðið brotnar
við það en það lítur svo sannarlega þannig út,“ sagði Sigurður en
hvernig stendur á þessu hruni?
„Ég veit ekki hvort leikmenn eru þreyttir eða hreinlega hafi
misst einbeitinguna. Leikmenn sjálfir geta ekki útskýrt hvað
gerðist. Þessi leikur var algjörlega eins og svart og hvítt.“
Sigurður segir það vera ánægjuefni hversu vel liðið hafi
verið að leika í fyrri hálfleik í báðum leikjum en að sama
skapi áhyggjuefni hvernig liðið brotni við mótlæti.
„Seinni hálfleikarnir hafa verið í allt öðrum klassa en
fyrri hálfleikarnir. Það stóð hreinlega ekki steinn yfir steini
í leik okkar í síðari og við verðum að ræða veikleika
okkar og reyna að laga þá fyrir næsta leik gegn Noregi á
mánudag.“
SIGURÐUR RAGNAR EYJÓLFSSON LANDSLIÐSÞJÁLFARI: ÓSÁTTUR VIÐ HRUN Í LEIK ÍSLANDS Í SÍÐARI HÁLFLEIK
Það stóð ekki steinn yfir steini í leik okkar