Fréttablaðið - 01.03.2010, Side 6

6 1. mars 2010 MÁNUDAGUR
Lífrænn barnamatur
sem kitlar bragðlaukana
Engin erfðabreytt innihaldsefni
Ræktað án notkunar meindýraeiturs
EVRÓPUSAMBANDIÐ Sjálfstæði Seðlabanka Íslands
gagnvart stjórnvöldum er ekki nægilega tryggt í
íslenskri löggjöf. Þetta hefur dregið úr trúverðug-
leika og virkni peningastefnu íslenskra stjórnvalda,
segir greiningarskýrslu framkvæmdastjórnar
Evrópusambandsins.
Skýrslan var kynnt var í vikunni. Meginniður-
staða hennar er að Ísland fullnægi öllum skilyrðum
sem umsóknarríki um aðild að sambandinu.
Í skýrslunni segir að þótt Seðlabanka Íslands
sé tryggt sjálfstæði í störfum sínum sé stofn-
analegt sjálfstæði bankans ekki nægilega
tryggt. Í sumum tilvikum sé honum uppálagt
að taka við fyrirmælum frá öðrum
stjórnvöldum. Seðlabankinn sé í
eigu ríkisins og stjórn-
skipulega á
ábyrgð við-
skipta- og
efnahagsráðuneytisins. Það geti haft áhrif á sjálf-
stæði bankans. Því þurfi að breyta með lögum.
Eins er sjálfstæði þeirra einstaklinga sem taka
ákvarðanir innan stofnana Seðlabankans ekki talið
nægilega tryggt. Þar er vísað til seðlabankastjóra,
peningastefnunefndar og bankaráðs.
Auk ákvæða um sjálfstæði Seðlabankans þurfi að
herða reglur íslenskra laga um bann við lánveiting-
um Seðlabankans til íslenska ríkisins
til þess að ryðja úr vegi þeim laga-
legu hindrunum sem eru í vegi
fyrir því að Ísland fái aðild að
Efnahags- og myntbanda-
laginu. - pg
Greiningarskýrsla Evrópusambandsins vegna aðildarumsóknar Íslands:
Seðlabanka Íslands er ekki
tryggt nægilegt sjálfstæði
SEÐLABANKI ÍSLANDS Bankan-
um er ekki tryggt nægilegt sjálf-
stæði, að því er segir í skýrslu
Evrópusambandsins.
STJÓRNMÁL Árni Sigfússon, bæjar-
stjóri og núverandi oddviti sjálf-
stæðismanna í Reykjanesbæ,
fékk yfirburðakosningu í fyrsta
sætið í próf-
kjöri flokks-
ins í fyrradag
eða 92 prósent.
Hörð keppni
var um annað
sætið, svo fór
að Gunnar Þór-
arinsson náði
öðru sætinu en
Böðvar Jóns-
son lenti í því
þriðja. Gunnar fékk tæplega 60
fleiri atkvæði en Böðvar í annað
sætið. Magnea Guðmundsdóttir
endaði í fjórða sæti og Einar Þ.
Magnússon í því fimmta. Á kjör-
skrá voru 2902 og greiddi 1621
atkvæði. Kosningin er bindandi
fyrir sjö efstu frambjóðendur.
D-listinn í Reykjanesbæ:
Árni hlaut yfir-
burðakosningu
STJÓRNMÁL Friðjón Einarsson
verkefnisstjóri sigraði í prófkjöri
Samfylkingarinnar í Reykjanes-
bæ á laugardag. Guðbrandur Ein-
arsson bæjarfulltrúi, sem sóttist
einnig eftir fyrsta sætinu, hafn-
aði í öðru sæti. Í þriðja sæti varð
Guðný Kristjánsdóttir og í því
fjórða Eysteinn Eyjólfsson.
Alls kusu 1302 í prófkjörinu.
Ekki reyndi á kynjareglu fram-
boðsins en samkvæmt henni
þurftu að minnsta kosti tveir af
hvoru kyni að vera í fimm efstu
sætunum.
Fyrir fjórum árum bauð Sam-
fylkingin fram ásamt Fram-
sóknarflokknum undir merkjum
A-listans. A-listinn fékk fjóra
bæjarfulltrúa kjörna og Sjálf-
stæðisflokkurinn sjö.
Prófkjör í Reykjanesbæ:
Friðjón oddviti
Samfylkingar
ÁRNI SIGFÚSSON
SVISS, AP Svissneska stjórnin hefur
ekkert viljað segja um yfirlýsingu
Moammars Gaddafi Líbíuleiðtoga,
sem lýsti yfir „heilögu stríði“ gegn
Sviss í síðustu viku.
Gaddafi hefur undanfarin miss-
eri gripið til ýmiskonar aðgerða
gegn Svisslendingum, eða allt frá
því sonur hans, Hannibal, og eig-
inkona hans voru handtekin í Sviss
árið 2008 fyrir slæma meðferð á
þjónustufólki. Þau sátu tvo daga í
haldi.
Líbíumenn hafa síðan kallað
sendiherra sinn heim frá Sviss,
tekið fé úr svissneskum bönkum,
tafið olíuflutning til Sviss og mein-
að tveimur Svisslendingum að fara
frá Líbíu. - gb
Gaddafi Líbíuleiðtogi:
Lýsti yfir helgu
stríði gegn Sviss
FRAKKLAND, AP Meira en 50 manns létu
lífið þegar fárviðri gekk yfir Portúgal,
Spán, Frakkland, Belgíu og Þýskaland
í gær. Nokkuð á annan tug manna var
saknað og tugir voru særðir.
Flestir hinna látnu drukknuðu en
nokkrir létu lífið þegar þeir urðu fyrir
trjám sem fuku í veðrinu eða braki úr
byggingum. Mannskæðast varð veðr-
ið í Frakklandi, þar sem verra veður
hefur ekki komið síðan 1999 þegar 90
manns fórust.
Lægðinni, sem nefnd var Xynthia,
fylgdi mikið úrhelli sem varð til þess
að ár flæddu yfir bakka sína á Bretan-
íuskaga og háar öldur gerðu verulegan
usla á strandsvæðum. Í París fuku
vélhjól um koll og rusl fauk um götur
borgarinnar. Tafir urðu á flugsam-
göngum og sums staðar þurfti að
fresta lestarferðum vegna þess að
flætt hafði yfir teinana.
Vitað var um fjörutíu manns sem
létust í Frakklandi, þrjá á Spáni, einn
í Belgíu, einn í Þýskalandi og tíu ára
gamall drengur lét lífið í Portúgal.
Rafmagnið fór af meira en milljón
íbúðum í Frakklandi. Veðrið stefndi í
átt til Danmerkur seint í gærkvöld, en
eitthvað var þó talið að draga myndi
úr krafti þess áður en þangað kæmi.
- gb
Lægðin Xynthia gekk yfir nokkur lönd Evrópu og fylgdi henni gríðarleg úrkoma:
Fárviðri kostaði tugi manns lífið í Evrópu
ALLT Á KAFI Flóð urðu víða í vesturhluta Frakklands. Þessi mynd er tekin í
Chatellaillon þar sem nota þurfti báta á götunum. NORDICPHOTOS/AFP
NEYTENDUR Á næstu tveimur árum
ætlar Síminn að tengja um 42
þúsund heimili við nýtt Ljósnet
Símans, eða um 60 til 70 prósent
heimila á höfuðborgarsvæðinu.
Ljósnetið gefur aðgang að allt að
100 Mb hraða á sekúndu. Um er
að ræða umfangsmiklar breyting-
ar á Breiðbandi Símans. Með þeim
er Síminn tilbúinn fyrir allar þær
tæknilegu breytingar sem fyrir-
sjáanlegar eru á Netinu næstu tíu
árin, svo sem tilkomu þrívíddar-
sjónvarps, að sögn Sævars Freys
Þráinssonar, forstjóra Símans.
Tæknin felur í sér notkun á
ljósleiðurum sem þegar eru til
staðar og liggja inn í breiðbands-
götuskápa eða beint inn á heim-
ili. „Þannig er notast við ljósleið-
ara 90 til 95 prósenta af leiðinni
heim til notandans. Síðan notum
við koparinn sem fyrir er það sem
eftir er leiðarinnar. Það hefur
orðið gríðarleg framþróun á þess-
ari tækni á undanförnum árum.
Við höfum fylgst vel með henni og
beðið eftir að hún yrði nógu hag-
kvæm og vel útfærð. Nú er hún
orðin það, sem er tímapunktur
sem við vissum að myndi koma.“
Sævar segir tilkomu Ljósnetsins
verða til mikilla hagsbóta fyrir
neytendur. Verðið verði mjög lágt
miðað við það sem fyrir er í boði
á markaðnum. Gert er ráð fyrir
að mánaðarverð miðað við 50 Mb/
s og 10 GB af erlendu niðurhali
verði 3.650 krónur.
Hann segir uppbyggingu á
Ljósnetinu hagkvæmari en upp-
bygging Gagnaveitunnar á sínu
ljósleiðaraneti. „Okkar uppbygg-
ing mun kosta 790 milljónir sem
dreifist á tvö ár. Það er nálægt
þeirri upphæð sem fyrir liggur í
fjárfestingu í Breiðbandinu. Þetta
eru lágar upphæðir, miðað við þá
tólf milljarða sem hafa farið í upp-
byggingu ljósleiðaranets Gagna-
veitunnar, sem nær einungis til 20
þúsund heimila.“
Ekki er gert ráð fyrir að nýtt
starfsfólk verði ráðið til starfa
hjá Símanum vegna framkvæmd-
anna. „Við nýtum þann mann-
skap sem við höfum til að tengja
ljósnetið inn á heimili fólks. Hins
vegar munu samstarfsaðilar
okkar í uppsetningu njóta góðs
af þessu, auk þess að fjöldi fyrir-
tækja hefur viðurværi af þjónustu
í gegnum Netið, svo ýmis afleidd
störf geta skapast við tilkomu
Ljósnetsins,“ segir Sævar.
holmfridur@frettabladid.is
Breiðband Símans
verður að Ljósneti
Innan tveggja ára geta 60 til 70 prósent heimila á höfuðborgarsvæðinu tengst
Ljósneti Símans og fá aðgang að allt að 100 Mb/s. Með breytingunum er Síminn
tilbúinn fyrir allar breytingar á Netinu næstu tíu árin, segir forstjóri Símans.
SÆVAR FREYR ÞRÁINSSON Forstjóri Símans segir uppbyggingu Símans á Ljósneti sínu mun hagkvæmari en uppbyggingu Gagna-
veitunnar á hennar ljósleiðaraneti. FRÉTTABLAÐIÐ/ARNÞÓR
SVEITARSTJÓRNIR Gísli S. Einars-
son, bæjarstjóri á Akranesi, náði
ekki einu af sex efstu sætunum
í prófkjöri sjálfstæðismanna
vegna bæjar-
stjórnarkosn-
inganna í maí.
Gísli er ekki
bæjarfulltrúi
en vildi nú fá
þriðja sæti
á lista Sjálf-
stæðisflokks-
ins. Hann var
áður alþingis-
maður fyrir Alþýðuflokkinn og
starfaði í Samfylkingunni. Yfir-
burðakosningu í fyrsta sæti list-
ans hlaut Gunnar Sigurðsson,
forseti bæjarstjórnar. Einar
Brandsson sölustjóri varð í öðru
sæti og Karen Jónsdóttir bæjar-
fulltrúi í því þriðja. Þar á eftir
koma Eydís Aðalbjörnsdóttir
bæjar fulltrúi, Ragnar Már
Ragnarsson byggingafræðingur
og Anna María Þórðardóttir
fótaaðgerðafræðingur. - gar
Prófkjör hjá Sjálfstæðisflokki:
Bæjarstjórinn
úti í kuldanum
GÍSLI S. EINARSSON
Líkar þér vel við snjóinn sem
fallið hefur síðustu daga?
Já 51,1%
Nei 48,9%
SPURNING DAGSINS Í DAG
Er nauðsynlegt að greiða
ríkisforstjórum yfir eina milljón
króna í mánaðarlaun?
Segðu skoðun þína á vísir.is
KJÖRKASSINN