Fréttablaðið - 01.03.2010, Síða 40
24 1. mars 2010 MÁNUDAGUR
sport@frettabladid.is
Eimskipsbikar karla
Haukar-Valur 23-15 (9-8)
Mörk Hauka (skot): Guðmundur Árni Ólafsson
7/3 (7/3), Björgvin Þór Hólmgeirsson 5 (12),
Sigurbergur Sveinsson 4/2 (12/2), Elías Már Hall-
dórsson 3 (4), Freyr Brynjarsson 2 (5), Gunnar
Berg Viktorsson 1 (1), Heimir Óli Heimisson 1 (2),
Þórður Rafn Guðmundsson 0/1 (1/1).
Varin skot: Birkir Ívar Guðmundsson 25/1 (40,
63%), Aron Rafn Eðvarðsson 1 (2, 50%)
Hraðaupphlaup: 5 (Elías Már 2, Guðmundur
Árni, Sigurbergur, Gunnar Berg)
Fiskuð víti: 6 (Pétur, Freyr, Sigurbergur, Guð-
mundur Árni, Heimir Óli, Björgvin Þór)
Utan vallar: 4 mínútur
Mörk Vals (skot): Sigurður Eggertsson 7 (11),
Ernir Hrafn Arnarson 3 (7), Orri Freyr Gíslason
2 (2), Arnór Þór Gunnarsson 2 (10/1), Fannar
Þór Friðgeirsson 1 (9), Ingvar Árnason 0 (2),
Gunnar Ingi Jóhannsson 0 (1), Baldvin Þorsteins-
son 0 (1).
Varin skot: Hlynur Mortens 19 (41/3, 46%),
Ingvar Guðmundsson 2/1 (3/2, 67%)
Hraðaupphlaup: 3 (Arnór Þór 2, Sigurður)
Fiskuð víti: 1 (Orri Freyr)
Utan vallar: 4 mínútur
Eimskipsbikar kvenna
Fram-Valur 20-19 (13-9)
Mörk Fram (skot): Stella Sigurðardóttir 6/1
(17/2), Karen Knútsdóttir 4/1 (10/3), Hildur
Þorgeirsdóttir 3 (8), Guðrún Þóra Hálfdánsdóttir
2 (2), Ásta Birna Gunnarsdóttir 2 (3), Marthe
Sördal 1 (3), Pavla Nevarilova 1 (3), Sigurbjörg
Jóhannsdóttir 1 (4).
Varin skot: Íris Björk Símonardóttir 23/1 (42/5,
55%)
Hraðaupphlaup: 6 (Guðrún Þóra, Marthe, Stella,
Karen, Ásta Birna, Hildur)
Fiskuð víti: 5 (Karen 2, Stella, Marthe, Pavla)
Utan vallar: 6 mínútur
Mörk Vals (skot): Hrafnhildur Skúladóttir 8/4
(19/5), Rebekka Rut Skúladóttir 2 (3), Katrín
Andrésdóttir 2 (3), Kristín Guðmundsdóttir 2 (6),
Brynja Dögg Steinsen 1 (1), Íris Ásta Pétursdóttir
1 (3), Anna Úrsúla Guðmundsdóttir 0 (1).
Varin skot: Berglind Íris Hansdóttir 23/2 (43/5,
53%)
Hraðaupphlaup: 4 (Hrafnhildur, Ágústa Edda,
Rebekka Rut)
Fiskuð víti: 5 (Hrafnhildur 2, Rebekka Rut,
Kristín, Brynja Dögg)
Utan vallar: 2 mínútur
ÚRSLIT
HANDBOLTI „Við erum búnar að
bíða eftir þessum titli í langan
tíma og það eru ellefu ár síðan
Fram vann síðast. Þá var ég bara
lukkutröll uppi í stúku að horfa
á Gurrý [Guðríði Guðjónsdóttur,
aðstoðarþjálfara Fram] og það
er líklega ein af mínum fyrstu
minningum af handboltanum.
Það var því frábær tilfinning að
vera komin í þennan leik núna
og uppskera með þessum hætti,“
sagði stórskyttan Stella Sigurðar-
dóttir hjá Fram sem skoraði 6
mörk í sigri liðs síns gegn Val í
úrslitaleik Eimskipsbikarsins.
„Við byrjuðum leikinn af mikl-
um krafti og það var mikil sam-
heldni í liðinu og þetta er alltaf að
verða betra og betra með hverj-
um leik hjá okkur. Við lögðum
grunninn að þessum sigri með
mjög sterkri vörn auk þess sem
Íris Björk stóð sig alveg frábær-
lega í markinu. Við erum samt
ekkert hættar núna. Þetta er bara
rétt að byrja hjá okkur,“ sagði
Stella ánægð. - óþ
Stella Sigurðardóttir:
Alltaf að verða
betra og betra
ÖFLUG Stella var markahæst hjá Fram
með sex mörk. FRÉTTABLAÐIÐ/DANÍEL
HANDBOLTI Haukar urðu bikarmeist-
arar karla í handbolta árið 2010 um
helgina eftir 23-15 sigur gegn Val
en Valsmenn höfðu unnið bikarinn
í tvö ár þar á undan. Haukar höfðu
beðið í átta ár eftir því að vinna
bikarinn aftur en Hafnarfjarðar-
liðið vann bikarinn tvö ár í röð á
árunum 2001 og 2002.
„Ég er gríðarlega stoltur af
strákunum því við erum búnir að
stefna á að vinna þennan bikar
og hann var stór áherslupunkt-
ur fyrir veturinn þar sem þetta
lið vantaði hann í safnið. Þetta er
því stór dagur fyrir Hauka,“ sagði
Aron Kristjánsson, þjálfari Hauka,
í leikslok.
Haukar voru alltaf skrefinu á
undan Val í fyrri hálfleik þó svo
að munurinn hafi aðeins verið eitt
mark, 9-8, þegar hálfleiksflautan
gall. Fyrri hálfleikurinn einkennd-
ist af gríðarlegri baráttu og stífum
varnarleik og markverðir beggja
liða voru í fínu formi.
Upphaf seinni hálfleiksins gaf
til kynna um að úrslitin myndu
líklega ráðast á lokamínútunum
eða í framlengingu þar sem mikið
jafnræði var með liðunum. Í stöð-
unni 14-14 mölbrotnaði hins vegar
niður leikur Valsmanna og Hauka-
menn gengu á lagið og skoruðu
átta mörk í röð og unnu að lokum
öruggan 23-15 sigur.
„Varnarleikurinn var náttúru-
lega frábær hjá okkur og Birkir
Ívar stórkostlegur þar fyrir aftan.
Þessi öflugi varnarleikur okkar
gerði það að verkum að við vorum
með frumkvæðið allan leikinn og
á síðustu tíu mínútunum þegar
við skiptum yfir í 6-0 vörn þá áttu
Valsararnir bara engin svör og
við keyrðum yfir þá. Það var því
fyrst og fremst varnarleikurinn
sem skóp sigurinn,“ sagði Aron
ánægður en kollegi hans, Óskar
Bjarni Óskarsson hjá Val, var
vitanlega súr í bragði í leikslok.
„Lokastaðan segir ekkert um
það hvernig leikurinn spilaðist
fram að þessum slæma leikkafla
hjá okkur. Ég hélt að þetta ætlaði
að stefna í einhverja háspennu og
jafnvel framlengingu en það var
ekki tilfellið. Mér fannst dómar-
arnir Anton og Hlynur dæma vel
yfir heildina litið en á þessum
lokaleikkafla fannst mér flest öll
vafaatriði falla með Haukum og
nokkrir furðudómar litu dagsins
ljós. Það þýðir hins vegar ekkert
að tala um það núna og svona er
bara handboltinn stundum.
Ég tek samt auðvitað ekkert
af Haukunum því þeir risu upp á
lokamínútunum og kláruðu dæmið
og það er það sem skilur að þegar
upp er staðið,“ sagði Óskar Bjarni.
omar@frettabladid.is
Einokun Valsmanna á enda
Haukar bundu enda á sigurgöngu Vals í Eimskipsbikar karla eftir 23-15 sigur í
úrslitaleik í Laugardalshöll. Haukar skoruðu átta mörk í röð á lokakaflanum.
ARON Á FLUGI Þjálfarinn Aron Kristjánsson hjá Haukum er hér tolleraður eftir sigur-
inn gegn Val í úrslitaleik Eimskipsbikarsins. FRÉTTABLAÐIÐ/DANÍEL
HANDBOLTI „Þetta er náttúrulega
alveg ný reynsla fyrir mig að
spila svona stóran leik hér á
Íslandi. Ég hef náttúrulega spil-
að stóra leiki líka með unglinga-
landsliðinu en þetta var aðeins
öðruvísi og algjörlega frábært.
Það er gríðarlega sætt að vinna
þennan titil strax á mínu fyrsta
tímabili með Haukum,“ sagði
hinn 19 ára gamli Guðmundur
Árni Ólafsson, hornamaður hjá
Haukum, sem fór á kostum í
sigrinum gegn Val í úrslitaleik
Eimskipsbikarsins og skoraði
úr öllum sjö skotum sínum í
leiknum.
„Ég byrjaði á bekknum og
fann því ekki fyrir neinni pressu
þegar ég kom inn á og skoraði úr
vítakasti og það hjálpaði mér að
ná kuldanum aðeins úr mér. Ég
er bara mjög sáttur með mitt og
það er frábært að við séum búnir
að ná einum af stóru markmiðum
okkar fyrir veturinn,“ sagði
Guðmundur Árni. - óþ
Guðmundur Árni Ólafsson:
Ég er bara mjög
sáttur með mitt
FRÁBÆR Guðmundur fagnar hér ásamt
Pétri Pálssyni. FRÉTTBLAÐIÐ/DANÍEL
HANDBOLTI „Þetta var geðveikur
leikur. Ég veit ekkert hvað ég á að
segja. Það bara gekk allt upp hjá
okkur, sérstaklega vörn og mar-
kvarsla og ég er bara gríðarlega
stoltur af stelpunum,“ sagði Einar
Jónsson, þjálfari Fram, í sigur-
vímu eftir dramatískan sigur liðs
síns gegn Val í úrslitaleik Eim-
skipsbikarsins en línumaðurinn
Pavla Nevarilova tryggði Fram
sigurinn og þar með bikarinn með
marki nokkrum sekúndum fyrir
leikslok.
Fram byrjaði leikinn af mikl-
um krafti og komst í 5-0 forystu
snemma leiks og leiddi leikinn
13-9 í hálfleik. Valur lét þó ekki
slá sig út af laginu og í stöðunni
19-14 náðu Valsstúlkur að skora
fimm mörk í röð og jafna leikinn
þegar aðeins tæpar tvær mínútur
voru eftir. Valur fékk svo boltann
þegar tæp mínúta lifði leiks eftir
að Berglind Íris Hansdóttir, mark-
vörður Vals, hafði varið glæsilega.
Valsstúlkur fóru hins vegar illa af
ráði sínu og misstu boltann strax
í hendur Framara sem brunuðu í
sókn. Berglind Íris varði aftur vel
skot Sigurbjargar Jóhannsdóttur
en Pavla Nevarilova kastaði sér þá
inn í vítateiginn og náði að slá bolt-
ann í gegnum klofið á Berglindi
Írisi og tryggja Fram ótrúlegan
sigur.
„Ég hugsaði bara um að reyna
að ná til boltans og reyna að koma
honum í markið. Það var ótrúlega
sætt að sjá boltann liggja í netinu.
Þetta var frábært,“ sagði Pavla
hæstánægð í leikslok.
Stefán Arnarson, þjálfari Vals,
var að vonum svekktur í leiks-
lok en hrósaði þó liði sínu fyrir
að komast aftur inn í leikinn eftir
afleita byrjun.
„Mér fannst frábært hvernig
við komum til baka í leiknum og
súrt að hafa ekki náð að klára
þetta í lokin. Í svona úrslitaleikj-
um er þetta bara spurning um
dagsformið og Fram var einfald-
lega sterkara liðið heilt yfir. Við
spiluðum ekki nægilega vel en ég
tek það ekki af Framliðinu að það
átti sigurinn skilið,“ sagði Stefán í
leikslok. - óþ
Fram vann 20-19 sigur gegn Val í æsispennandi úrslitaleik Eimskipsbikars kvenna í handbolta:
Fyrsti bikarmeistaratitill Fram í ellefu ár
LANGÞRÁÐUR SIGUR Framkonur urðu bikarmeistarar í fyrsta skipti í ellefu ár um
helgina og hér lyftir fyrirliðinn Ásta Birna Gunnarsdóttir bikarnum hátt á loft.
FRÉTTABLAÐIÐ/DANÍEL
Það var sannkölluð bikarstemning í Laugardalshöll
á laugardaginn þegar úrslitaleikir Eimskipsbikars
karla og kvenna í handbolta fóru fram. Mikil bar-
átta einkenndi báða úrslitaleikina þar sem stífur
varnarleikur var í aðalhlutverki. Raunar voru það
markverðir liðanna sem stálu senunni í höllinni
því í karlaleiknum var Birkir Ívar Guðmundsson
hjá Haukum stórkostlegur og Hlynur Morthens
hjá Val stóð einnig fyrir sínu. Í kvennaleiknum
fóru landsliðsmarkverðirnir Íris Björk Símonar-
dóttir hjá Fram og Berglind Íris Hansdóttir hjá
Val svo hamförum.
Birkir Ívar skellti í lás á stórum leikköflum í
23-15 sigri Hauka gegn Val en Valsmenn skoruðu
aðeins tvö mörk á fyrsta stundarfjórðungi leiksins
og aðeins eitt mark á síðustu tíu mínútum leiksins.
„Ég var búinn að koma tvisvar sinnum áður í höllina og tapaði þá í
bæði skiptin og í bæði skiptin voru það markverðir andstæðinganna
sem kláruðu leikina fyrir þá. Það var enginn möguleiki á að ég myndi
láta það gerast í þriðja sinn. Annars held ég að sigurinn
skrifist bara á hungrið, okkur hungraði einfaldlega meira í
titilinn,“ sagði Birkir þegar bikarmeistaratitillinn var í höfn.
Kvennalið Fram hefur ef til vill fyrst og fremst orð á sér
fyrir að vera frábært sóknarlið en Framstúlkur sýndu og
sönnuðu að þær geta einnig spilað frábæra vörn þegar
þær unnu 20-19 sigur gegn Val.
„Við mættum grimmar en samt afslappaðar til
leiks og það gerði gæfumuninn því þannig spilum
við best. Ég er ósammála því þegar fólk segir að
við séum bara sóknarlið því varnarleikurinn er
búinn að vera frábær hjá okkur í allan vetur og þessi
leikur var bara framhald af því,“ sagði Íris Björk.
EIMSKIPSBIKAR KARLA OG KVENNA: VARNARLEIKUR Í FYRIRRÚMI OG MARKVERÐIR LIÐANNA STÁLU SENUNNI
Okkur hungraði einfaldlega meira í titilinn
> Bikar-Gurrý stóð undir nafni
„Þetta var bara stórkostlegt og mér fannst þetta bara vera
virkilega verðskuldaður sigur. Frábært líka að Pæja [Pavla
Nevarilova] hafi skorað sigurmarkið því hún var yfir-
burðamaður í vörn hjá okkur þó svo að hún hafi
ekki fundið sig í sókninni,“ sagði Guðríður Guð-
jónsdóttir aðstoðarþjálfari nýkrýndra bikarmeist-
ara Fram. Guðríður þekkir manna best hvernig
er að vinna í höllinni en hún hefur alls
tekið þátt í 16 bikarúrslitaleikjum,
þar af 15 með Fram og unnið 13
sinnum eða öll skiptin sem Fram
hefur unnið bikarinn til þessa.