Fréttablaðið - 02.03.2010, Blaðsíða 6
6 2. mars 2010 ÞRIÐJUDAGUR
EVRÓPUSAMBANDIÐ Í greiningar-
skýrslu framkvæmdastjórnar
Evrópusambandsins er fundið að
því að markvissa stefnu í málefn-
um dreifbýlisins skorti á Íslandi.
Miklar aðfinnslur eru gerðar við
stjórnsýslu landbúnaðarmála, ekki
síst það að stjórnvöld feli Bænda-
samtökunum lykilhlutverk í stjórn-
sýslu málaflokksins og engar opin-
berar upplýsingar séu aðgengilegar
um það hverjir njóta landbúnaðar-
styrkja. Fjölmargar stuðningsað-
gerðir stangist á við reglur ESB um
samkeppni og ríkisstyrki.
Beingreiðslur íslenska ríkisins
til bænda séu ekki í samræmi við
ESB-reglur; ESB miðar nú við að 85
prósent ríkisstyrkja séu óháð fram-
leiðslumagni bænda. Það hlutfall á
að auka í 93 prósent fyrir árið 2013,
samkvæmt endurskoðaðri landbún-
aðarstefnu ESB. Mikið vantar á það
hlutfall hér á landi enda eru styrk-
ir að langmestu leyti framleiðslu-
tengdir.
„Íslendingar munu þurfa að koma
upp upplýsingakerfi fyrir móttak-
endur landbúnaðarstyrkja undir
sameiginlegri stjórn og tryggja
þarf að árlega verði birtar upp-
lýsingar um nöfn þeirra sem njóta
styrkjanna,“ segir í skýrslunni.
Enn fremur segir að landbúnað-
ar- og sjávarútvegsráðuneytið sé of
veikburða til þess að sinna stjórn-
sýslu landbúnaðarmála. Um 40
starfsmenn þess sinni stefnumót-
unarvinnu en framkvæmdinni hafi
verið úthýst til hagsmunasamtaka
bænda. Bændasamtökin hafi meðal
annars það hlutverk að greiða ríkis-
styrki til einstakra bænda. Öll töl-
fræði um íslenskan landbúnað sé
vanþróuð. Í mörgum tilfellum bygg-
ist hún á áætluðum stærðum frekar
en rauntölum.
Í heild sé íslensk landbúnaðar-
löggjöf ekki í samræmi við löggjöf
Evróusambandsins og þarfnist
mikillar aðlögunar.
Varðandi dreifbýlisstefnu segir
í skýrslunni að engin stofnun beri
heildarábyrð á byggðaþróun og
byggðastuðningi. Heildarstefnu sem
svari til stefnu Evrópusambands-
ins í málaflokknum sé ekki fylgt.
Hins vegar sé unnið að fjölmörg-
um smærri áætlunum og aðgerð-
um innan fjölmargra sjóða og stofn-
ana. Nauðsynlegt verði að setja á fót
stofnun sem annist greiðslur dreif-
býlisstyrkja. peturg@frettabladid.is
Birta þarf upplýs-
ingar um styrkþega
Í greiningarskýrslu ESB eru gerðar athugasemdir við að bændasamtökum sé
falin stjórnsýsla landbúnaðarmála. Tölfræði sögð ófullkomin og byggð á ágisk-
unum. Birta þarf upplýsingar um styrkveitingar.
Árið 2009 námu styrkir til íslenskra bænda 51 prósentum af framleiðslu-
verðmæti en í ríkjum ESB var samsvarandi hlutfall 25 prósent.
1,4 prósent af landsframleiðslu Íslands árið 2008 áttu rætur að rekja til
landbúnaðar. Í ríkjum ESB var hlutfallið að meðaltali 1,2 prósent. 2,5 pró-
sent af vinnuafli á Íslandi starfa í landbúnaði en 5,6 prósent í ríkjum ESB.
Framleiðsla Íslendinga á mjólk, lambakjöti og nautakjöti nam um eða innan
við 0,1 prósenti af heildarframleiðslu ESB-ríkjanna.
47 prósent af útflutningi íslenskra landbúnaðarafurða voru til ríkja ESB
árið 2008. 65 prósent af innfluttum landbúnaðarvörum á Íslandi komu þá
frá ESB-ríkjum.
Um helmingur fjárlaga ESB fer til landbúnaðar, sem svarar til um 70
milljörðum evra, eða 12.200 milljörðum íslenskra króna. Í skýrslunni segir
að líklega kæmu innan við 0,15 af þeirri fjárhæð í hlut íslensks landbúnaðar
við aðild.
STYRKIR 51% Á ÍSLANDI EN 25% Í ESB
LANDBÚNAÐUR Eini þáttur íslensks landbúnaðar sem er í samræmi við reglur
ESB er lífrænn landbúnaður en 1 prósent íslenskra bænda tengist lífrænum
landbúnaði, að því er segir í greiningarskýrslu ESB um Ísland. FRÉTTABLAÐIÐ/STEFÁN
EVRÓPUMÁL Í grundvallaratriðum er íslensk stjórn-
sýsla skilvirk og málefnaleg og laus undan pólitísk-
um afskiptum. Hún stendur traustum fótum í sömu
grunngildum og einkenna stjórnsýslu Evrópusam-
bandsríkjanna, að því er fram kemur í greiningar-
skýrslu Framkvæmdastjórnar Evrópusambandsins
vegna aðildarumsóknar Íslands.
Þó er lýst áhyggjum af sterkum ítökum dóms- og
mannréttindaráðherra í málefnum dómsvaldsins og
ákæruvaldsins. „Það er svigrúm til úrbóta á ferli
sem fylgt er við skipun dómara í því skyni að tryggja
betur sjálfstæði dómsvaldsins,“ segir í skýrslunni.
Þar sem dómsmálaráðherra skipi einn dómara í
embætti að fengnum ráðgefandi umsögnum val-
nefndar eða Hæstiréttar vakni spurningar um raun-
verulegt sjálfstæði íslenskra dómara. Einnig er fund-
ið að því að ráðherra geti tekið ákvörðun um að víkja
dómara og saksóknara tímabundið úr embætti og að
ekki sé hægt að kæra úrskurði nefndar um dómara-
störf til hærra setts stjórnvalds. - pg
Greiningarskýrsla Framkvæmdastjórnar Evrópusambandsins um Ísland:
Áhyggjur af stöðu dómstóla
HANNAÐ AF FAGFÓLKI - Á VERÐI FYRIR ÞIG
LJÓST HÁR
Sérhönnuð hárvörulína fyrir
Lengir tímann sem liturinn endist í hárinu
Jóhann Ólafsson & Co
NÚNA!
SKIPTU
OSRAM SPARPERU
R
ALLT AÐ
80%
ORKU-
SPARNAÐ
UR
SPARAÐU með OSRAM
SPARPERUM.
LÖGREGLUMÁL „Það fyrsta sem ger-
ist þegar næst til strokufanga er
að hann er úrskurðaður í einangr-
un. Í tilviki af þessu tagi um það
bil fimmtán daga, sem er agavið-
urlög. Þá falla öll áunnin réttindi
í fangelsinu niður.“
Þetta segir Páll E. Winkel, for-
stjóri Fangelsismálastofnunar,
spurður um viðurlög sem fangi
sætir þegar hann strýkur úr fang-
elsi eða skilar sér ekki úr lög-
bundnu leyfi, en fer huldu höfði.
Lögreglan leitaði Guðbjarna
Traustasonar, fanga á Litla-
Hrauni, enn þegar blaðið fór í
prentun í gær-
kvöld. Lögregl-
an á höfuðborg-
arsvæðinu var
þá komin með
málið á sitt
borð og lýsti
eftir honum.
Guðbjarni er
27 ára, um það
bil 185 sentí-
metrar á hæð
og um 70 kíló.
Hann skilaði
sér ekki úr lögbundnu dagsleyfi
frá fangelsinu um helgina og
eftirgrennslan eftir honum hefur
ekki skilað árangri.
Talið er að Guðbjarni, sem
ekki er álitinn hættulegur, dvelji
á höfuðborgarsvæðinu. Þeir sem
geta gefið upplýsingar um ferð-
ir hans eða dvalarstað eru beðn-
ir að hafa samband við lögregl-
una á höfuðborgarsvæðinu í síma
444-1000.
Lögreglan skorar jafnframt
á Guðbjarna að gefa sig fram.
Hann afplánar sjö og hálfs árs
dóm fyrir aðild að smygli á
tæpum 40 kílóum af fíkniefnum
í svokölluðu Pólstjörnumáli. - jss
GUÐBJARNI
TRAUSTASON
Lögregla birtir mynd af Guðbjarna Traustasyni sem lét sig hverfa eftir dagsleyfi:
Strokufanga enn leitað í gærkvöld
HÆSTIRÉTTUR Sterk staða dómsmálaráðherra gagnvart dóm-
stólunum vekur efasemdir um sjálfstæði dómstólanna, segir í
greiningarskýrslu ESB.
Er nauðsynlegt að greiða
ríkisforstjórum yfir eina milljón
króna í mánaðarlaun?
JÁ 15,3%
NEI 84,7%
SPURNING DAGSINS Í DAG:
Horfðir þú á beina útsendingu
frá afhendingu Eddu-verðlaun-
anna?
Segðu þína skoðun á visir.is
SAMGÖNGUR Bæjarráð Kópavogs
hefur nú snúið fyrri ákvörðun
sinni um að synja Vegagerðinni
um breikkun á Suðurlandsvegi
ofan við Lögberg og heimilað
framkvæmdina.
„Í ljósi nýrra upplýsinga og ítar-
legri gagna styð ég málið,“ segir í
bókun Ólafs Þórs Gunnarssonar,
hjá Vinstri grænum. „Það er mitt
álit að hagsmunum Kópavogs
sé best gætt með því að tryggja
að mislæg gatnamót verði inni
á framkvæmdasvæðinu sem við
munum gefa framkvæmdaleyfi
fyrir á Suðurlandsvegi í landi
Kópavogs á vegakaflanum frá
Fossvöllum ofan Lögbergsbrekku
að sveitarfélagsmörkum Kópavogs
og Ölfuss. Þannig verði umferðar-
öryggi best tryggt,“ segir í bókum
Ómars Stefánssonar. - gar
Bæjarráð skiptir um skoðun:
Gefa grænt ljós
á tvöföldun
SLYS Ökumaður við Rauðavatn
komst í hann krappan þegar hann
vildi reyna þykkt íssins á vatn-
inu. Ísinn reyndist ekki bílheld-
ur og fékk maðurinn óþyrmilega
staðfestingu á því þegar hann gaf
sig og bíllinn fór í vatnið.
Ökumanni varð ekki meint af
volkinu og komst sjálfur á þurrt
og beið í öðrum bíl eftir aðstoð.
Aðstoð slökkviliðs og björgunar-
liðs þurfti hins vegar til að koma
jeppanum úr vökinni. Óvíst er
hvernig bíllinn fór út úr þessum
reynsluakstri. - kóp
Vildi reynar þykkt íssins:
Bíll lenti ofan í
Rauðavatni
Styrkja upplýsingamiðstöð
Samþykktur hefur verið samningur
um skilyrtan styrk Ferðamálastofu
við rekstur upplýsingamiðstöðvar á
Ísafirði. Hún þjónar Vestfjörðum og
Dölum, en rekstur hennar var í upp-
námi eftir að Ferðamálastofa sagði
samningnum upp. Frá þessu er sagt á
vef Bæjarins besta.
FERÐAMÁL
Funda hjá sáttasemjara
Fyrsti fundur samninganefndar stétt-
arfélaga og forsvarsmanna Norðuráls
var í gær með ríkissáttasemjara. Þetta
kemur fram í Skessuhorni.
KJARASAMNINGAR
Rússar gagnrýna Írana
Dmitrí Medvedev, forseti Rússlands,
sagðist í gær ekki geta staðfest að
kjarnorkuáætlun Írana væri á friðsam-
legum nótum. Þetta er talið auka líkur
á aðgerðum alþjóðasamfélagsins.
ALÞJÓÐASAMFÉLAGIÐ
KJÖRKASSINN