Fréttablaðið - 02.03.2010, Page 11
ÞRIÐJUDAGUR 2. mars 2010 11
SJÁVARÚTVEGUR Það er einróma
skoðun hagsmunaaðila í sjávar-
útvegi að stjórn, eða stjórnleysi,
makrílveiðanna árið 2009 hafi
verið sóun á verðmætum. Þetta
kom fram á málstofu um veiðar
og vinnslu á makríl sem sjávar-
útvegsráðuneytið stóð fyrir fyrir
skömmu.
Gunnþór Ingvason, framkvæmda-
stjóri Síldarvinnslunnar í Neskaup-
stað, telur skipulag veiðanna í fyrra
hafa valdið því að 4,5 milljörðum
króna minna fékkst fyrir afurðirn-
ar en ef útgerðir hefðu getað stýrt
veiðunum sjálfar.
Otto James-Olsen, fagstjóri
uppsjávarveiða hjá Samtökum
fiskvinnslustöðva í Noregi, var
sérstakur gestur málstofunnar.
Hann rakti samskipti Norðmanna
og Evrópusambandsins um makríl-
veiðar, en sem kunnugt er hafa þess-
ir aðilar tekist hart á um veiðirétt-
indi. Hann kom inn á hugsanlega
þátttöku Íslands í stjórn veiðanna og
sagði að sú aflahlutdeild, sem Ísland
kæmi til með að fá ef samningar
tækjust, yrði tekin af þeim 572.000
tonna heildarkvóta sem ákveðinn
hefði verið fyrir árið 2010.
Steinar Ingi Matthíasson, skrif-
stofustjóri sjávarútvegsráðuneyt-
isins, sagði þjóðréttarlega stöðu
Íslands ótvíræða í þessu sam-
hengi. Ísland hefur þekkst boð um
þátttöku í strandríkjafundi um
makrílveiðar í næsta mánuði. - shá
Stjórn makrílveiða þróast í áttina til fullvinnslu og meiri verðmætasköpunar:
Milljarðar króna töpuðust á síðasta ári
SIGHVATUR BJARNASON VE Uppsjávarskipin veiddu nær allan makrílkvótann á
rúmum mánuði í fyrra. Takmarka þurfti veiðar til að gera ráð fyrir meðafla í veiðum á
norsk-íslenskri síld. FRÉTTABLAÐIÐ/ÓSKAR
SVEITARSTJÓRNARMÁL Ómar Stefáns-
son, bæjarfulltrúi og formaður
bæjarráðs í Kópavogi, sigraði
í prófkjöri
framsóknar-
manna í Kópa-
vogi sem fram
fór á laugar-
dag. Ómar fékk
tæp 40 pró-
sent greiddra
atkvæða, eða
382 atkvæði.
Gísli Tryggva-
son sem sótt-
ist eftir fyrsta sætinu hafnaði í
fimmta sæti í prófkjörinu. Einar
Kristján Jónsson, fyrrum for-
maður skipulagsnefndar Kópa-
vogs, keppti einnig um oddvita-
sætið en endaði ekki meðal sex
efstu í prófkjörinu.
Á kjörskrá flokksins í Kópavogi
voru 1.817. Atkvæði greiddu 966,
gild atkvæði voru 936 og ógild 30.
- óká
ÓMAR STEFÁNSSON
Framsóknarflokkur Kópavogi:
Ómar Stefáns-
son í fyrsta sæti
PRÓFKJÖR FRAMSÓKNAR-
FLOKKSINS Í KÓPAVOGI
Sæti Atkvæði í sæti
1. Ómar Stefánsson 382 í 1.
2. Una María Óskarsdóttir 345 í 1.-2.
3. Andrés Pétursson 385 í 1.-3.
4. Alexander Arnarsson 433 í 1.-4.
5. Gísli Tryggvason 443 í 1.-5.
6. Ólöf Pálína Úlfarsdóttir 463 í 1.-6.
PRÓFKJÖR VG Í KÓPAVOGI
Nafn Sæti
Ólafur Þór Gunnarsson 1.
Guðný Dóra Gestsdóttir 2.
Karólína Einarsdóttir 3.
Guðbjörg Sveinsdóttir 4.
Arnþór Sigurðsson 5.
Hreggviður Norðdahl 6.
SVEITARSTJÓRNARMÁL Ólafur Þór
Gunnarsson hlaut flest atkvæði
í prófkjöri Vinstrihreyfingar-
innar – græns framboðs (VG) í
Kópavogi um
helgina. Hann
leiðir því lista
flokksins í bæj-
arstjórnarkosn-
ingunum í vor.
Frá því var
greint á vef VG
þegar próf-
kjörið fór fram
að Ólafur Þór
hefði verið
kominn með
„ótvíræða forystu“ í fyrsta sæti
þegar um þriðjungur atkvæða
hafði verið talinn.
Í öðru sæti í prófkjörinu varð
Guðný Dóra Gestsdóttir, Karólína
Einarsdóttir í þriðja, Guðbjörg
Sveinsdóttir í fjórða, Arnþór Sig-
urðsson í fimmta og Hreggviður
Norðdahl í sjötta sæti.
Kjörsókn er sögð hafa verið
42,4 prósent. - óká
ÓLAFUR ÞÓR
GUNNARSSON
Prófkjör í Kópavogi:
Ólafur Þór
Gunnarsson
efstur hjá VG
DÓMSMÁL Karlmaður á sjötugs-
aldri hefur verið ákærður fyrir
að pota í auga lögreglumanns á
Blönduósi. Ríkissaksóknari ákær-
ir manninn fyrir brot gegn vald-
stjórninni.
Atvikið átti sér stað við Héraðs-
bókasafnið á Blönduósi. Mannin-
um er gefið að sök að hafa potað
með fingri í auga lögreglumanns
sem þar var við skyldustörf. Þá
reyndi maðurinn ítrekað að pota í
bæði augu lögreglumannsins, sem
fékk blæðingu í hægra augað og
marðist í kringum bæði augun. - jss
Karlmaður á sjötugsaldri:
Potaði í auga
lögreglumanns
HUGSAÐU VEL UM HÚÐINA
ÞÚ FÆRÐ DECUBAL
Í NÆSTA APÓTEKI
• Húðin okkar er viðkvæm og veðráttan á
Íslandi getur verið húðinni erfið.
• Decubal viðheldur heilbrigði og ferskleika
húðarinnar – allt árið um kring.
• Kynntu þér eiginleika Decubal og kveddu
þurra húð.