Fréttablaðið - 02.03.2010, Síða 28
2. MARS 2010 ÞRIÐJUDAGUR8 ● fréttablaðið ● karlmenn og krabbamein
®
styrkir®
Grænt grænmeti, fólat og fjölvítamín geta verið
ágæt vörn gegn lungnakrabba hjá fyrrum og nú-
verandi reykingafólki. Þetta eru niðurstöður
rannsóknar bandarískra sérfræðinga sem birt
var á veftímaritinu Cancer Research í janúar.
Rannsóknina leiddi Steven Belinsky hjá Lovelace
Respiratory rannsóknarstofnuninni í Albuquerque
í Bandaríkjunum.
Yfir 1.100 núverandi og fyrrum reykingamenn
voru rannsakaðir. Rannsakaðar voru frumur í
munnvatni sem tengjast þeim genum sem talin eru
stjórna því hvort lungnakrabbi myndist. Þá voru
könnuð tengslin við 21 næringarþátt. Inntaka græns
grænmetis og fólats við minni líkur á DNA metýlun.
Algengt er að varnarkerfi frumna, svokölluð DNA
metýlun, fari af stað við myndun krabbameins hjá
reykingamönnum.
Niðurstöður þessarar rannsóknar eru þó ekki
endanlegar enda hafa lengi staðið nokkrar deilur
um tengsl mataræðis og krabbameinsvarna. Aðrar
rannsóknir hafa til að mynda sýnt auknar líkur á
lungnakrabba hjá reykingamönnum sem taka inn
karótín fæðubótarefni, lútín, fólínsýru og vítamín A
og K, sem einnig er í grænu grænmeti. Því er ljóst
að aukinna rannsókna er þörf til að fá nákvæmar
niðurstöður. - sg
Tengsl mataræðis og krabbameinsvarna
Nýleg rannsókn leiddi í ljós tengsl milli
inntöku á fólati, fjölvítamíni og grænu
grænmeti við minnkandi líkur á krabba-
meini í reykingamönnum.
● EFNI ÚR SJÁVAR-
LÍFVERUM Rannsókn sem
miðar að því að finna ný efni
úr íslenskum sjávarlífverum og
kanna áhrif þeirra á krabba-
meinsfrumur er nú í fullum
gangi. Það er Sesselja S. Ómars-
dóttir, dósent í lyfja- og efna-
fræði náttúruefna við Heilbrigð-
isvísindasvið Háskóla Íslands,
sem stendur fyrir henni. Áhug-
ann fékk hún eftir að lyfjafræði-
deild hafði gert frumathugun
sem gaf til kynna að í sjávar-
lífverum sem lifa á grunnsævi
við strendur Íslands sé að finna
mjög áhugaverð efni.
Sesselja segir tvo þriðju allra
krabbameins- og sýkingalyfja
unna úr náttúruefni sem eigi
rætur sínar að rekja til plantna,
sjávardýra og örvera. Lífverur,
sérstaklega þær sem ekki geti
flúið af hólmi, svo sem plöntur
og sjávarlífverur, heyi stöðugan
efnahernað sín á milli og
stríðið um að lifa af hafi myndað
fjölbreyttan banka lífvirkra
efnasambanda í náttúrunni.
Þar sem lífsskilyrði sjávarlíf-
vera hér við land séu einstök
vegna staðsetningar landsins í
Norður-Atlantshafi, kulda sjávar
en jafnframt jarðhita þá geti
verið efni hér sem hvergi finnist
annars staðar.
Heimild/www.hi.is
- gun
● LANDSSALA Á
BARMMERKJUM Karl-
menn á Íslandi eru hvattir
til að safna yfirvaraskeggi
og áheitum í marsmánuði
til styrktar baráttunni gegn
krabbameini í körlum.
Landssala á barmmerkjum,
mottupinnum, fer fram
laugardaginn 6. mars.
Þetta er í þriðja sinn sem
Krabbameinsfélagið stendur
fyrir sérstöku átaki um karl-
menn og krabbamein og það
verður jafnframt eitt umfangs-
mesta árvekniátak félagsins
til þessa. Með skeggsöfnun
sýna karlmenn samstöðu og
þeir geta líka safnað áheitum
til styrktar baráttunni gegn
krabbameini með því að skrá
sig til þátttöku í yfirvaraskegg-
keppninni á vefsíðunni www.
karlmennogkrabbamein.
is. Í lok mánaðarins verður
sigurvegari mottukeppninnar
valinn við hátíðlega athöfn.