Fréttablaðið - 02.03.2010, Qupperneq 38

22 2. mars 2010 ÞRIÐJUDAGUR
folk@frettabladid.is
„Ég er bara þokkalega kátur en er
alveg með báða fætur á jörðinni
samt,“ segir Andri Þór Guðmunds-
son, forstjóri Ölgerðarinnar.
Fyrirtækið setur á næstunni
bjórinn Egils Gull á markað í
Manitoba-ríki í Kanada í sam-
vinnu við kanadíska fyrirtækið
Fitumi Trading. Einnig er líklegt
að bjórinn verði síðar meir seldur
í Ontario-ríki í Kanada. Á báðum
þessum stöðum er ríkissala eins
og hér á landi og því frekar ein-
falt að ná þar góðri dreifingu.
Að sögn Andra er stílað inn á
Íslendingahefðina sem er ríkjandi
í Manitoba. Auk þess eru íbúar
Ontario sagðir sérlega móttæki-
legir fyrir nýjum bjórtegundum.
„Alheimsbjórar hafa tekið svo-
lítinn skerf af markaðnum þar,
þannig að það er alltaf svolítil
spenna fyrir nýjum bjór.“
Andri veit ekki betur en að
Egils Gull sé fyrsti íslenski
bjórinn sem verður seldur í
Kanada. „Eitt af því sem við
höfum fram að færa er að þetta
er mjög umhverfisvænn bjór.
Okkar brugghús er, að við teljum,
með umhverfisvænustu brugg-
húsum í heimi.
Allur varmi sem verður til við
ölsuðuna og gerjunina er notað-
ur til að bræða snjó á planinu.
Allt hrapið sem fellur til af bygg-
inu er notað í svínafóður og kol-
sýran sem annars myndi gufa upp
og fara í andrúmsloftið er sett í
tank og notuð í gosið okkar,“ segir
hann.
Kevin Kelly hjá Fitumi Trad-
ing Co. er hæstánægur með sam-
starfið við Ölgerðina. „Það er von
okkar að þetta sé aðeins byrjun-
in og við viljum gjarnan leggja
okkur fram um að kynna fleiri
fyrsta flokks íslenskar vörur
fyrir kanadískum neytendum,“
sagði hann. - fb
Íslenskur bjór seldur í Kanada
ÁNÆGÐIR MEÐ SAMNINGINN Alan
Bones, sendiherra Kanada á Íslandi, í
Ölgerðinni ásamt forstjóranum, Andra
Þór Guðmundssyni.
Þokkagyðjan Nicole Scherz-
inger og ökuþórinn Lewis
Hamilton ætla að fylgja
stífum reglum í ástarsam-
bandi sínu. Þau byrjuðu
aftur saman fyrir skömmu
eftir að hafa hætt saman í
janúar.
Hinir fjölmörgu aðdáendur hinnar
kynþokkafullu Nicole og hins smáa
en knáa Lewis voru í sárum eftir
tíðindin um að slitnað hefði upp
úr tveggja ára sambandi þeirra,
enda þykja þau sérlega krúttlegt
par. Ástæðan sem þau gáfu fyrir
sambandsslitunum var stíf dag-
skrá þeirra beggja og sögðust
þau engan tíma hafa lengur hvort
fyrir annað. Hin 31 árs Scherzin-
ger er söngkona hinnar vinsælu
stúlknasveitar Pussycat Dolls og
hinn 25 ára Hamilton er einn fær-
asti ökuþór heimsins í Formúlu 1-
kappakstrinum.
Núna hefur Nicole sett á blað
fjöldann allan af reglum sem þau
þurfa að fylgja eigi sambandið að
ganga upp í framtíðinni. Hamilton
virðist vera á sama máli og ætlar
að reyna hvað hann getur til að
fylgja reglunum eftir. „Ástæðan
fyrir því að þau hættu saman var
sú að þau eyddu eiginlega engum
tíma saman. En hið mikilvæga er
að þau hættu aldrei að vera ást-
fangin hvort af öðru,“ sagði vin-
kona Nicole. „Eftir að þau höfðu
talað saman í miklum trúnaði og
á hjartnæman hátt rétt fyrir Val-
entínusardag ákváðu þau að gefa
sambandinu eitt tækifæri í viðbót,“
sagði vinkonan og bætti við: „Eftir
að hafa lagt fram stífar reglur um
sambandið var Nicole sammála
því að það þyrfti meiri rómantík í
sambandið. Þeim fannst einnig góð
hugmynd að hætta að lesa sögur í
slúðurblöðunum um hvort annað.“
Nýlega var uppi orðrómur um að
brúðkaup væri hugsanlega í vænd-
um eftir að Nicole sagði búðarkonu
að hún þyrfti á brúðarkjól að halda
á þessu ári. Hvort þessar fregnir
séu á rökum reistar verður aftur á
móti að liggja á milli hluta. Fyrst
þurfa þau væntanlega að láta reyna
enn betur á sambandið og gefa því
smá tíma áður en þau ganga upp
að altarinu.
Fylgja stífum ástarreglum
ÁSTFANGIN Söngkonan Nicole Scherzinger og Lewis Hamilton ætla að fylgja stífum reglum í ástarsambandi sínu. NORDICHOTOS/GETTY
> TREYSTIR EKKI STELPUM
Leikkonan Megan Fox gerir sér
grein fyrir því að samkeppnin er
hörð í kvikmyndabransanum og
stelpur séu verstar hvað það
varðar. „Ég treysti ekki fólki í
bransanum, sérstaklega ekki
stelpum. Það er gríðarlega
mikil samkeppni í gangi sem
ég hef engan áhuga á að
taka þátt í,“ sagði Fox.
Safnkassi kemur út í dag með fjórum vinsælum leikritum eftir
Norðmanninn Thorbjörn Egner. Leikritin eru Kardimommubærinn,
Karíus og Baktus, Dýrin í Hálsaskógi og Síglaðir söngvarar. Plöt-
urnar innihalda gömlu, góðu upptökurnar sem flestir ættu að kann-
ast við og notið hafa mikilla vinsælda í gegnum árin. Ætla má að
þessar fjórar plötur hafi samtals selst í rúmlega hundrað þúsund
eintökum og eru Kardimommubærinn og Dýrin í Hálsaskógi með
mest seldu plötum Íslands.
Fjögur leikrit í kassa
Bandaríska leikkonan Katie Holmes er
nú sögð vera að undirbúa sig andlega
undir getnað. Bandaríska dagblaðið New
York Post greinir frá því að Holmes hafi
sótt námskeið hjá Vísindakirkjunni sem
eiga að hjálpa fylgismönnum hennar að
búa sig undir komu nýrrar manneskju í
heiminn. Samkvæmt New York Post eru
námskeið af þessu tagi alls fjórir tímar
í senn og er þar farið í gegnum skoðanir
kirkjunnar á því hvernig haga skuli fæð-
ingu, hvernig viðkomandi getur undir-
búið sig sem best undir barnsburð og
svona mætti lengi telja.
New York Post greinir jafnframt frá
því að það sé ekkert leyndarmál að Tom
Cruise þrái annað barn en saman eiga
þau Holmes hina þriggja ára gömlu Suri.
Samkvæmt blaðinu undirgekkst
Holmes svipaða meðferð þegar hún og
Cruise „ákváðu“ að eignast sitt fyrsta
barn. Vísindakirkjan þykir nokkuð sér-
kennilegur söfnuður, meira að segja í
Bandaríkjunum, en starfsemi hennar
hefur verið bönnuð í mörgum Evrópu-
ríkjum enda telja margir hana ekkert
annað en risastóra svika myllu.
Samkvæmt New York Post hefur
Katie nú farið í gegnum hreinsunareld
Vísinda kirkjunnar en það fólst meðal
annars í umfangsmikilli detox-aðgerð
þar sem leikkonan var látin borða
alls kyns vítamín og eyddi mörgum
klukkustundum í sérstakri gufu.
Crusie og Holmes undirbúa getnað
UNDIRBÚNINGSTÍMABILIÐ HAFIÐ Katie Holmes
og Tom Cruise eru byrjuð að undirbúa sig fyrir
getnað hjá Vísindakirkjunni. NORDICPHOTOS/GETTY
Fyrsta lífvarðanámskeið á Íslandi
Öryggisvarðaskólinn
14 til 28 Nóvember 2009
Sími: 698 1666
k li i
Lífvarðanámskeið á Íslandi í mars
Terr security býður upp á
starfsmöguleika á heimsvísu
KYNNINGARFYRIRLESTUR UM KRIYA YOGA
Swami Mangalananda heldur fyrirlestur 5. mars
í Yogastöðinni Heilsubót , Síðumúla 15, 3 h.tv. kl: 20.00.
Allir eru velkomnir. Frítt inn.
NÁMSKEIÐ
6. - 7. mars verður haldið námskeið þar sem Kriya Yoga-
tæknin er kennd. Námskeiðið fer fram í Yogastöðinni
Heilsubót, Síðumúla 15. Þetta er tækifæri sem áhugafólk
um Yoga og andleg fræði vill ekki missa af.
Nánari upplýsingar: 691 8565 (Guðmundur), 897 9937 (Bjarni)