Fréttablaðið - 02.03.2010, Blaðsíða 42

26 2. mars 2010 ÞRIÐJUDAGUR
sport@frettabladid.is
Stórskyttan Einar Hólmgeirsson hefur ekki spilað handbolta-
leik í tíu mánuði vegna þrálátra meiðsla á hné. Það sér þó
fyrir endann á því enda hefur Einar núna æft með liði
sínu, Grosswallstadt, í fjórar vikur og verið á bekknum í
síðustu tveim leikjum.
„Þetta er allt að koma. Ég er samt ekki verkjalaus
á æfingum og læknar telja reyndar að ég verði
aldrei verkjalaus. Þetta er vissulega erfitt en
ég verð að venjast þessu. Júlíus Jónasson
sagði einu sinni við mig að maður verði
að læra að lifa með sársaukanum. Ég held
að þetta verði ekkert mikið betra en þetta, því
miður,“ segir Einar en hann segir hnéð styrkjast jafnt
og þétt.
Morgunblaðið greindi frá því á dögunum að
Grosswallstadt hefði boðið Einari nýjan samning. „Það
var eitthvert rugl í Mogganum og ég skildi ekki þá
frétt. Þeir hafa sagt við mig að þeir ætli sér ekki að leita að öðrum
leikmanni í minn stað. Þeir segjast fyrst ætla að sjá hvernig ég komi
undan þessum meiðslum. Það hefur samt aldrei verið rætt um
neinn samning,“ segir Einar og bætir við að hann muni lækka í
launum.
„Það er alveg ljóst eftir það sem á undan er gengið að ég verð
að taka á mig launalækkun. Ég ætla mér samt ekki að spila
fyrir neina skiptimynt. Ég er viss um að ég fæ einhvern
samning áfram hér úti en hversu góður hann verður er
svo allt annað mál,“ segir Einar sem er ekki spenntur fyrir
því að koma heim.
„Ég vil helst ekki þurfa að koma aftur til Íslands. Það
er ekkert sérstaklega spennandi eins og staðan er í
dag. Ég ætla að reyna að vera bjartsýnn, hugsa jákvætt,
leggja mig fram og vona það besta. Tímabilið er ekki
alveg búið þannig að ég get enn sýnt hvað í mér býr. Ég
má ekki fara á taugum alveg strax.“
EINAR HÓLMGEIRSSON: FARINN AÐ ÆFA Á FULLU ÞÓTT HANN SÉ EKKI VERKJALAUS
Maður verður að læra að lifa með sársaukanum
HANDBOLTI Samkvæmt áreiðan-
legum heimildum Fréttablaðsins
mun Aron Kristjánsson, þjálfari
Hauka, taka við þýska úrvals-
deildarliðinu Hannover Burg-
dorf í sumar. Með liðinu leikur
Hannes Jón Jónsson.
Samningaviðræður eru langt
komnar og verður að öllum lík-
indum skrifað undir samning á
allra næstu dögum. Í síðasta lagi
eftir næstu helgi.
Hannover er sem stendur í 14.
sæti þýsku úrvalsdeildarinnar
og mun að öllum líkindum sleppa
við fall úr úrvalsdeildinni.
Missir Hauka verður mikill
enda hefur Aron gert ótrúlega
hluti með liðið síðan hann sneri
heim frá Danmörku til þess að
taka við Haukum. Hann er búinn
að gera Hauka að Íslandsmeist-
urum bæði árin sem hann hefur
stýrt liðinu og er á hraðleið með
að gera Hauka aftur að Íslands-
meisturum.
Haukar urðu síðan bikarmeist-
arar í fyrsta skipti síðan 2002 um
nýliðna helgi.
Þess utan eru Haukar deildar-
bikarmeistarar og því handhaf-
ar allra bikaranna í karlaflokki
sem stendur.
Ekki náðist í Aron í gær til
þess að bera tíðindin undir hann.
- hbg
Haukar missa þjálfarann sinn í sumar:
Aron á leið til Hannover
MISSIR FYRIR HAUKA Skarð Arons Kristjánssonar hjá Haukum verður ekki svo auð-
veldlega fyllt enda hefur hann gert frábæra hluti í Hafnarfirðinum. FRÉTTABLAÐIÐ/STEFÁN
> Ingólfur bíður átekta
Ingólfur Sigurðsson, hinn ungi miðjumað-
ur KR, kom heim á dögunum eftir viku-
dvöl hjá stórliði Arsenal. „Það gekk framar
vonum,“ segir Ingólfur sem segist hafa
skynjað að menn hefðu verið mjög
ánægðir með sína frammistöðu ytra.
Ingólfur er samningsbundinn KR og
bíður nú rólegur eftir því hvert næsta
skref verður en hann hefur ekki heyrt
í Arsenal eftir að hann kom heim.
Fleiri lið hafa sýnt honum áhuga
og hann útilokar ekki að kíkja út til
reynslu hjá öðrum liðum.
FÓTBOLTI Rúnar Kristinsson,
yfirmaður knattspyrnumála hjá
KR, segir að það sé í forgangi hjá
félaginu að finna markvörð fyrir
komandi tímabil.
Hinn japanski Akihiro Hayashi
æfði með liðinu í desember. „Það
mál gekk ekki upp og við erum
búnir að slá það út af borðinu.
Það styttist í mót svo við þurfum
að fara að finna einhvern,“ segir
Rúnar.
KR-ingar horfa eingöngu
út fyrir landsteinana í leit að
markverði en Þórður Ingason
gekk í raðir liðsins í vetur og
stendur nú í markinu. „Þórður
hefur staðið sig vel og við förum
hægt í þetta en við þurfum að
bæta við öðrum markverði,“
segir Rúnar. - egm
Markmannsmálin hjá KR:
Sá japanski út
af borðinu
HANDBOLTI „Ég er að skoða það
sem er í boði og býst við að
ganga frá mínum málum á næstu
vikum,“ segir landsliðsmaðurinn
Vignir Svavarsson. Hann er á leið
frá Lemgo en býst fastlega við
því að vera áfram í Þýskalandi.
Ef Aron Kristjánsson tekur
við Hannover Burgdorf er ekki
ólíklegt að Vignir fylgi honum
þangað. Vignir játar því að það sé
spennandi kostur.
„Það gæti verið möguleiki. Ég
heyri alltaf í Aroni annað slagið
og það hefur ekkert breyst þótt
hann sé orðaður við Hannover,“
segir Vignir sem þekkir Aron vel.
„Það væri gaman fyrir hann
að koma til Þýskalands að þjálfa.
Eins og með leikmenn þá er það
draumur allra í handboltanum
að spreyta sig í þýsku deildinni.
Ég er ekki í nokkrum vafa um að
hann gæti staðið sig mjög vel sem
þjálfari hérna.“
- egm
Hræringar í handboltanum:
Vignir gæti
fylgt Aroni
ÁFRAM Í ÞÝSKALANDI Vignir spilar
líklega áfram í Þýskalandi. MYND/DIENER
FÓTBOLTI Íslenska kvennalandsliðið
endaði í neðsta sæti í sínum riðli
á Algarve Cup. Liðið tapaði öllum
þremur leikjum sínum í riðlin-
um og leikur um sæti á morgun.
Í gær tapaði Ísland 2-3 fyrir Nor-
egi þar sem Margrét Lára Viðars-
dóttir og Hólmfríður Magnúsdóttir
skoruðu.
„Við höfum verið með tilrauna-
starfsemi á mótinu og vorum að
prófa nýtt kerfi í þessum leik.
Við spiluðum með tvo framherja.
Þetta er vonandi eitthvað sem við
getum þróað áfram því við þurf-
um fjölbreytni í sóknarleiknum,“
segir þjálfarinn, Sigurður Ragnar
Eyjólfsson.
Bandaríkin vann riðilinn með
fullt hús stiga eftir 2-0 sigur á Sví-
þjóð í gær. Sigurður segir að leikur
Íslands og Noregs hafi ekki verið
fallegur áhorfs.
„Völlurinn var í mjög slæmu
ásigkomulagi. Hann var illa far-
inn, mjúkur og allur í leðju. Það
var ekki mikið um færi, þetta
var stöðubarátta og lítið um flott
spil enda aðstæður erfiðar,“ segir
Sigurður en öll mörkin í leiknum
komu úr föstum leikatriðum.
„Mörkin sem við fengum á
okkur eru atriði sem við verðum
að fara betur yfir á æfingum. Yfir-
leitt hefur það verið styrkleiki hjá
okkur að vera öflugar í föstum
leikatriðum, bæði varnarlega og
sóknarlega. Það var samt góð bar-
átta í liðinu og leikmenn lögðu sig
fram.“
Mikið hefur verið hrært í liðinu
á mótinu. „Við höfum getað gefið
reynslulitlum leikmönnum tæki-
færi. Þær hafa fengið eldskírn
gegn nokkrum af bestu liðum
heims. Þær fá dýrmæta reynslu og
sjá hvernig við undirbúum okkur
fyrir landsleiki og nálgumst leik-
ina. Það er gott því við þurfum
meiri breidd.“
Margrét Lára hefur spilað færri
mínútur en oftast. „Hún er ekki
orðin alveg heil af meiðslum sem
hún hefur verið að glíma við. Þess
vegna hef ég notað hana sparlega.
Við áttum samt möguleika á að
nota hana eitthvað á þessu móti og
það er mjög gott. Sérstaklega þar
sem ég var að prófa að spila með
tvær frammi,“ segir Sigurður.
Guðbjörg Gunnarsdóttir stóð
í marki Íslands í gær eins og í
fyrsta leiknum en Þóra B. Helga-
dóttir byrjaði síðasta leik. „Það
hafa verið bæði plúsar og mín-
usar hjá þeim báðum. Þær hafa
oft gripið vel inn í en líka gert
sín mistök. Á heildina litið hafa
þær staðið sig fínt en geta lag-
fært ýmislegt í sínum leik,“ segir
Sigurður.
Nathan Kipp, markmannsþjálf-
ari Chicago Red Stars í Banda-
ríkjunum, er með íslenska liðinu
úti. „Hann hefur verið að vinna
vel með Þóru og Guðbjörgu. Við
höfum farið vel og ítarlega yfir
leikina og klippt saman öll atvik-
in með markmönnunum og svo
setjumst við niður með þeim.
Farið er yfir allt sem betur mætti
fara,“ segir Sigurður sem ákvað
að hugsa út fyrir rammann í leit
að markmannsþjálfara í ferðina
og fékk gamlan félaga sinn.
„Guðmundur Hreiðarsson komst
ekki vegna atvinnu sinnar. Ég
ræddi við flesta markmannsþjálf-
ara heima sem ég tel vera í lands-
liðsklassa. Enginn þeirra komst
svo ég talaði við þennan þjálfara
hjá Chicago Red Stars. Ég var með
honum í háskóla í Bandaríkjunum
og ég þekki hann vel. Hann var til-
búinn að koma í þetta verkefni og
ég leit á þetta sem tækifæri fyrir
markverðina okkar að fá nýtt sjón-
arhorn. Það hefur gengið mjög
vel,“ segir Sigurður Ragnar.
elvargeir@frettabladid.is
Það voru bæði plúsar og mínusar
Stelpurnar okkar töpuðu öllum leikjum sínum í riðlakeppni Algarve Cup. Markmannsþjálfari frá
Bandaríkjunum er með liðinu í Portúgal og fer vel yfir allt sem betur mætti fara hjá Guðbjörgu og Þóru.
NOTUÐ SPARLEGA Sigurður Ragnar hefur notað Margréti Láru sparlega á Algarve þar
sem hún er ekki búin að jafna sig fullkomlega af meiðslum. FRÉTTABLAÐIÐ/VALLI