Fréttablaðið - 04.03.2010, Blaðsíða 32
4. MARS 2010 FIMMTUDAGUR
Scott bakbrynja
16.990 kr.
20%
Afsláttur af öllum
hjálmum og brynjum
Scott Shadow III
16.990 kr.
Scott Youth Shadow III
9.990 kr.
Scott Youth Kitty
12.990 kr.
www.markid.is • sími 553 5320 • Ármúla 40
Hjálmanotkun skíðamanna
hefur aukist hin síðari ár en
betur má ef duga skal að mati
Brynjars Þórs Bragasonar í
Markinu að Ármúla 40.
„Öryggismál skíðafólks fara alltaf
batnandi og það hefur færst mjög í
aukana að fólk noti hjálma,“ segir
Brynjar, sem er markaðsstjóri hjá
Markinu.
Hann segir að nokkur vakning
hafi orðið á slíkum öryggisbúnaði
frá árinu 2000 og frá þeim tíma
hafi hjálmanotkun aukist til muna
og nálgist um fimmtíu prósent í
dag. „Í það minnsta er það raunin
í Bandaríkjunum,“ segir hann en
bætir við að hann viti ekki til að
könnun hafi verið gerð á hjálma-
notkun íslenskra skíðamanna.
En hverju þakkar hann hinn
aukna áhuga? „Líklega eru það
fréttir af slysum á fólki sem vega
þyngst. Til dæmis hefur frægt
fólk látist í skíðaslysum og síðan
eru fréttir af öðrum sem hafa
sloppið við illan leik vegna til-
komu hjálma eða bakbrynja,“
svarar hann.
Brynjar heyrir sjálfur marg-
ar sögur af því hvernig hjálmur
eða brynja komu að góðum notum.
„Það var nú bara í gær sem hingað
kom maður að endurnýja hjálminn
sinn. Hann hafði dottið illa í skíða-
brekkunum á Akureyri þannig að
hjálmurinn hans brotnaði. Mað-
urinn slapp vel miðað við það og
aðeins með brotin rifbein,“ segir
hann en ekki hefði þurft að spyrja
að leikslokum ef höfuðið hefði tekið
við þessu höggi í stað hjálmsins.
Úrvalið af hjálmum og bak-
hlífum er gott í Markinu að sögn
Brynjars. „Við erum með bak-
brynjur bæði á börn og fullorðna
fólkið. Hjálmarnir eru allir svip-
aðir að gæðum en eru til í mis-
munandi litum og tilbrigðum.“
Brynjar segir algengast að for-
eldrar kaupi hjálma á börnin og
sumir kaupi þá hjálma á sig í leið-
inni. „Það mættu þó alveg fleiri
gera það,“ segir hann en telur
hjálmanotkun mjög almenna hjá
börnum.
Hann segir að óþægindi örygg-
isbúnaðarins sé ekki lengur afsök-
un til að sleppa því að nota búnað-
inn, því hann sé orðinn mikið létt-
ari, þægilegri og flottari í alla
staði heldur en áður. „Því fylgja
engin óþægindi að vera með
hjálm.“
Flottur með hjálm og hlíf
Brynjar Þór Bragason segir hjálmanotkun skíðamanna stefna í rétta átt en fleiri mættu nota bakbrynjur. FRÉTTABLAÐIÐ/GVA
Útgefandi: 365 miðlar ehf., Skaftahlíð 24, s. 512 5000 l Umsjónarmaður auglýsinga: Hlynur Steingrímsson hlynurs@365.is s. 512 5439
● FYRST Á VETRARÓLYMPÍULEIKA FATLAÐRA Erna
Friðriksdóttir, 22 ára gömul skíðakona frá Egilsstöðum, verður fyrsti kepp-
andi Íslands sem tekur þátt í Vetrarólympíuleikum fatlaðra, en þeir fara fram
í Vancouver í Kanada dagana 12. til 21. mars næstkomandi. Þar mun Erna
keppa í alpagreinum. Erna hefur æft í Winter Park í Colorado-ríki Banda-
ríkjanna frá árinu 2007. Þjálfunarstöðin þar vestra hefur átt í samstarfi við
Íþróttasamband fatlaðra og Vetraríþróttamiðstöð Íslands síðan 2006, en
þar er mikil áhersla lögð á þjálfun og endurhæfingu í gegnum útivist
og íþróttir.
Ísalp hélt ísklifurhátíð í Öræfum
um síðustu helgi sem lukkaðist
vel. Hópurinn sem þar var skipt-
ist í nokkur lið sem dreifðust um
sveitina. Tvær langar leiðir voru
klifraðar í Morsárdal og margar
fleiri voru í boði í vesturhlíðum
Skaftafells, tvö teymi fóru í Rót-
arfjall og klifruðu erfiðar leiðir
og eitt fór í „Rocky Horror Show“
austan við Hnappavelli. Þetta
kemur allt fram á vefsíðunni www.
oraefi.is. Þar koma líka Svínafell,
Grænafjallsgljúfur og Svartifoss
við sögu.
Rósa Björk Halldórsdóttir,
framkvæmdastjóri í Ríki Vatna-
jökuls, segir aðstæður hafa verið
góðar á hátíðinni. Hún segir Ísalp
standa árlega fyrir slíkum við-
burði hér á landi og ávallt reyna
að finna ný svæði en Öræfin hafi
þó orðið fyrir valinu áður. Að
þessu sinni buðu Íslenskir fjalla-
leiðsögumenn upp á grillveislu á
laugardagskvöldinu og bað í frum-
legum, heitum potti í Skaftafelli.
„Við vorum líka að gera kynn-
ingarmyndband fyrir Ríki Vatna-
jökuls. Það er einn liður í að styðja
við vetrarferðamennsku í Aust-
ur-Skaftafellssýslu,“ segir Rósa
og gefur Fréttablaðinu leyfi fyrir
mynd úr þeirri seríu. - gun
Ísfossar sigraðir í Öræfunum
Klifrað í Svartafossi. MYND/VALERIO AVVISATI