Fréttablaðið - 04.03.2010, Blaðsíða 52

36 4. mars 2010 FIMMTUDAGUR
bio@frettabladid.is
> GÍSLI FESTIR SIG Í SESSI
Gísli Örn Garðarsson getur
loks andað léttar því í nýjasta
myndbroti Prince of Persia er
það endanlega staðfest að
hann er í sæmilega stóru hlut-
verki. Gísla bregður að minnsta
kosti tvívegis fyrir í myndbrot-
inu, jafn oft og Ben Kingsley.
Einhver heimskasta persóna hvíta
tjaldsins er án nokkurs vafa fyr-
irsætan Derek Zoolander en þessi
kvikmynd Ben Stiller varð að hálf-
gerðu kult-fyrirbæri því gagnrýn-
endur voru ekkert ýkja hrifnir
þótt áhorfendur hafi oft velst um
af hlátri yfir asnastrikum Zool-
anders og vina hans.
MTV greinir nú frá því að Stiller
sé að vinna að handriti fyrir nýja
mynd um fyrirsætuna. „Við erum
að þróa hugmynd og þetta er allt
saman á algjöru frumstigi en þetta
verður gert,“ hefur MTV-vefurinn
eftir Stiller. Að sögn leikarans er
hugmyndin sú að bæði Zoolander
og Hansel, sem leikinn var af Owen
Wilson, séu gleymdir og grafnir í
tískuheiminum og vilji ólmir kom-
ast aftur á kortið. Stiller bætir því
við í viðtalinu að þetta sé einnig
kærkomið tækifæri til að dusta
rykið af einhverjum skemmtileg-
asta óþokka kvikmyndasögunn-
ar, tískuvöruframleiðandanum
Mugato, en það var Will Ferrel
sem lék hann með eftirminnileg-
um hætti. „Ef Will vill vera með,
þá verður hann með.“
Derek Zoolander
vaknar til lífsins
EFTIRMINNILEGT Zoolander er án nokk-
urs vafa ein heimskasta kvikmyndaper-
sóna seinni tíma. Og nú er framhalds-
mynd í bígerð.
Loksins, loksins, kynnu einhverjir að
hugsa því á föstudaginn verður kvik-
mynd Dags Kára, The Good Heart,
frumsýnd. Myndarinnar hefur verið
beðið með mikilli eftirvæntingu enda
Dagur Kári einn fremsti kvikmynda-
gerðarmaður okkar Íslendinga. Töluvert
hefur verið skrifað um The Good Heart
en upphaflega stóð til að þeir Tom Waits
og Ryan Goosling myndu leika aðalhlut-
verkin í þessari mynd. En sökum þess að
ekki tókst að samræma dagskrá þeirra
var fallið frá þeirri hugmynd.
Þeir sem komu í staðinn eru engu síðri
en það eru breski stórleikarinn Brian
Cox og bandaríska ungstirnið Paul
Dano.
The Good Heart segir frá roskn-
um bareiganda að nafni Jacques sem
á í vandræðum með bæði skap sitt og
hjarta. Þegar Jacques hittir hinn heimil-
islausa Lucas á sjúkrahúsi eftir enn eitt
hjartaáfallið ákveður gamli maðurinn
að taka Lucas upp á sína arma og kenna
honum hvernig á að reka bar í þeirri von
að Lucas muni taka við af honum þegar
hann deyr.
Meðal annarra leikara má nefna
franska ungstirnið Isild Le Besco en
þrátt fyrir að flestir leikaranna séu
erlendir eru áhorfendur beðnir um að
fylgjast með íslenskum statistum; meðal
þeirra eru kaffihúsaeigandinn Friðrik
Weisshappel og listamaðurinn Haraldur
Jónsson.
Dagur Kári verður í viðtali við tíma-
ritið Föstudag á föstudaginn.
Gott hjarta Dags Kára frumsýnt
ÞRÍEYKIÐ Dagur Kári ásamt þeim Paul Dano
og Brian Cox. Myndin The Good Heart verður
frumsýnd á föstudaginn.
Nýjasta kvikmynd Tims Burton,
Alice in Wonderland, verður frum-
sýnd um helgina en hún skartar
hirðleikara leikstjórans, Johnny
Depp, í aðalhlutverki. Þetta er
sjöunda myndin sem þeir félag-
ar gera saman og sú fjórða í röð.
Enda engin ástæða til að hætta
því sem vel gengur. Að sjálfsögðu
er Helen Bonham Carter einnig í
myndinni enda eiginkona leikstjór-
ans og honum álíka mikilvæg og
tökuvél.
Myndin er byggð á samnefndri
skáldsögu Lewis Carrol en tekur
upp þráðinn nokkrum árum eftir
að Lísa kemst úr Undralandi.
Hún snýr aftur, nítján ára gömul,
og kemst að því að hin illa rauða
drottning hefur tekið öll völd.
Verkefni Lísu er því að koma henni
frá völdum. Með hlutverk Lísu fer
Mia Wasikowska en einhverjir
kynnu að kannast við hana úr sjón-
varpsþáttunum In Treatment.
Tæknin leikur lykilhlutverk hjá
Burton að þessu sinni en myndin
er að sjálfsögðu í þrívídd eins og
er vinsælt í Hollywood um þess-
ar mundir. Þá má reikna með því
að næmt auga leikstjórans fyrir
litum leiki einnig lykilhlutverk í
útliti myndarinnar og svo auðvit-
að Johnny Depp. Í öðrum hlutverk-
um eru síðan Stephen Fry og Alan
Rickman en það er Anne Hath-
away sem fer með hlutverk Hvítu
drottningarinnar.
Af öðrum kvikmyndum sem
eru frumsýndar nú um helgina
má nefna englamyndina Legion
með Paul Bettany í aðalhlutverki
og From Paris With Love með John
Travolta í aðalhlutverkinu.
Meistari Burton snýr aftur
ÆVINTÝRIN GERAST ENN Lísa í Undra-
landi snýr aftur í leikstjórn Tims Burton
og að sjálfsögðu er Johnny Depp í
aðalhlutverkinu.
Óskarsverðlaunin verða
afhent á sunnudaginn í
Kodak-höllinni að viðstödd-
um öllum skærustu stjörn-
um Hollywood. Óskars-sér-
fræðingar spá The Hurt
Locker sigri og að engin
ein mynd muni standa upp
úr með gríðarlegan fjölda
styttna.
Óskarinn eru frægustu kvikmynda-
verðlaun heims. Á því leikur enginn
vafi. Milljónir manna fylgjast með
útsendingu frá afhendingu þeirra
en það eru gömlu brýnin Steve
Martin og Alec Baldwin sem eru
kynnar kvöldsins. Gríðarleg leynd
hvílir yfir úrslitum Óskarsins. Hið
virta fréttatímarit Newsweek grein-
ir frá því að aðeins fjórir aðilar telji
atkvæðin undir vökulu auga tveggja
formanna kjörstjórnar. Hverjum og
einum af þessum fjórum er úthlut-
að atkvæðaseðlum með því móti að
þeir geta aldrei giskað á úrslitin.
Atkvæðatalningin fer fram í lokuðu
herbergi með aðeins einni hurð og
engum gluggum. Þessir tveir for-
menn kjörstjórnar taka síðan saman
talninguna, skrá hjá sér úrslitin og
koma þeim fyrir í sérstökum örygg-
isskáp. Formennirnir tveir eru því
þeir einu sem vita hverjir hreppa
gullstyttuna eftirsóttu.
Hjónaslagur
Keppnin um Óskarinn verður eilít-
ið persónulegri en hún hefur verið
hingað til. Þau James Cameron og
Kathryn Bigelow voru eitt sinn gift
en þau eru talin sigurstranglegust
með myndirnar sínar Avatar og The
Hurt Locker. Spekingar vestanhafs
eru einróma í sinni niðurstöðu um
hvaða mynd verði valin best.
Tariq Khan hjá Fox-sjónvarpsstöð-
inni hefur lengi stært sig af því
að vera spámannlega vaxinn og
hann telur nánast öruggt að The
Hurt Locker fari heim með Óskar
frænda. Í sama streng tekur Lane
Brown hjá New York Magazine.
The Hurt Locker muni standa uppi
sem sigurvegari í þessum eftirsótta
flokki.
Brown er einnig sannfærð um
að Bigelow muni hafa sigur yfir
fyrrverandi manninum sínum og
verði útnefnd besti leikstjóri árs-
ins. Til gamans má geta þess að
fjórir Íslendingar hafa unnið náið
með Bigelow; Sigurjón Sighvatsson
framleiddi kvikmyndina K-19: The
Widowmaker þar sem Ingvar E.
Sigurðsson lék lítið hlutverk og svo
gerði Karl Júlíusson auðvitað leik-
myndina fyrir The Hurt Locker en
eiginkona Karls, Áslaug Konráðs-
dóttir, var skrifta myndarinnar.
Leikaraverðlaun óljós
En Óskarsspekingarnir eru ekki á
einu máli um leikaraverðlaunin, að
undanskildum einum flokki: besti
karlleikari í aukahlutverki. Þar er
Christoph Waltz spáð sigri fyrir
einstakan leik í Inglourious Bas-
terds.
Áðurnefnd Brown hjá New York
Magazine er viss um að Sandra
Bullock hafi sigur og verði útnefnd
besta leikkona ársins fyrir The
Blind Side og hafi þannig sigur
yfir þungavigtarleikkonum á borð
við Helen Mirren og Meryl Streep.
Aðrir spá því að Gabourey Sidibe,
aðalleikkonan í Precious, muni
standa uppi með pálmann í hönd-
unum enda má ekki gleyma því að
framleiðandi þeirrar myndar er
sjálf Oprah Winfrey. Og völd henn-
ar í Hollywood skyldi ekki van-
meta.
Brown spáir því að Mo’Nique úr
áðunefndri Precious verði valin
besta leikkona í aukahlutverki.
Vandasamasti flokkurinn er þó
án nokkurs vafa besti karlleikar-
inn. Einhverjir kynnu að hugsa
sem svo að Jeremy Renner ætti
varla möguleika en miðað við þá
umfjöllun sem The Hurt Locker
hefur fengið skyldi enginn útiloka
þessa nýju stjörnu (ekki má gleyma
því að Renner lék aðalhlutverkið í
A Little Trip to Heaven eftir Balt-
asar Kormák).
En sá sem þykir líklegastur til
að hreppa hnossið er Jeff Bridges
fyrir leik sinn í Crazy Heart.
freyrgigja@frettabladid.is
The Hurt Locker spáð sigri
KVÖLDIÐ HENNAR BIGELOW
Flestir Óskars-spekingar í Bandaríkjunum spá
því að sunnudagskvöldið verði kvöld Kathryn
Bigelow. Mynd hennar The Hurt Locker verði
valin best og hún sjálf hljóti styttuna sem besti
leikstjórinn, fyrst bandarískra kvenna. James
Cameron og Avatar-ævintýrið fara þó ekki slypp
og snauð heim því ævintýramyndin eigi eftir að
sópa til sín tæknilegum verðlaunum.
Fyrsta lífvarðanámskeið á Íslandi
Öryggisvarðaskólinn
14 til 28 Nóvember 2009
Sími: 698 1666
k li i
Lífvarðanámskeið á Íslandi í mars
Terr security býður upp á
starfsmöguleika á heimsvísu