Fréttablaðið - 05.03.2010, Blaðsíða 2
2 5. mars 2010 FÖSTUDAGUR
Íris, hafið þið allt á hornum
ykkar?
„Svo sannarlega. Það er í mörg horn
að líta í Hreindýralandi.“
Íris Lind Sævarsdóttir stendur fyrir
tilraunakvikmyndahátíðinni 700IS Hrein-
dýralandi á Egilsstöðum í fimmta sinn nú
í lok mars.
VIÐSKIPTI Skattskylda af niðurfell-
ingum persónulegra ábyrgða fyrr-
verandi starfsfólks Kaupþings
nær jafnt til þeirra sem tóku lán
til hlutabréfakaupa í bankanum
á eigin kennitölu og þeirra sem
stofnuðu sérstakt einkahlutafélag
utan um skuldina. Þetta er meðal
niðurstaðna í áliti Ríkisskattstjóra
sem sent var Arion banka í þar-
síðustu viku.
Fjöldi starfsmanna gamla Kaup-
þings fékk á sínum tíma lán frá
bankanum til hlutabréfakaupa,
meðal annars æðstu stjórnendur.
Alls námu lánin um 47 milljörðum
til 130 starfsmanna. Niðurfelling-
in, sem ákveðin var á stjórnar-
fundi gamla Kaupþings 25. sept-
ember 2008, nokkrum dögum
fyrir bankahrun, náði til ábyrgða
að upphæð tæplega 10,5 milljarða.
Flestir tóku lánið á eigin kennitölu
en sumir höfðu stofnað sérstakt
hlutafélag utan um skuldina.
Í áliti Ríkisskattstjóra segir hins
vegar að þegar launþegasamband
er á milli lánveitanda og lántak-
anda flokkist niðurfelling lánsins
sem tekjur og þá skipti ekki máli
hver tekur við greiðslunni, eða í
þessu tilfelli eftirgjöfinni.
Þetta þýðir að fjöldi fyrrver-
andi háttsettra starfsmanna Kaup-
þings mun þurfa að greiða tugi eða
hundruð milljóna, sumir jafnvel
milljarða, í skatt verði niðurfell-
ingunni ekki rift.
Ákvörðunin um niðurfellinguna
samræmdist lögum og var endan-
leg, samkvæmt álitum Helga Sig-
urðssonar, þáverandi yfirlögfræð-
ings Kaupþings, og Viðars Más
Matthíassonar lagaprófessors,
sem nú er settur hæstaréttardóm-
ari. Samkvæmt álitunum er með
öðrum orðum ekki hægt að rifta
gjörningnum.
Ákvörðunin hefur síðan verið í
rannsókn hjá sérstökum saksókn-
ara og hefur stjórn Nýja Kaup-
þings og síðar Arion banka árétt-
að að engar afskriftir hafi enn átt
sér stað og endanleg ákvörðun um
niðurfellinguna verði ekki tekin
fyrr en sérstakur saksóknari kveð-
ur upp úr með það hvort gjörning-
urinn var lögmætur. Skuldirnar
eru þannig enn til staðar í bókum
Arion, jafnvel þótt svo virðist sem
ekki hafi verið gert ráð fyrir því
að neitt fengist upp í þær þegar
þær voru fluttar á núlli á milli
gamla og Nýja Kaupþings, eins og
Viðskiptablaðið greindi frá á dög-
unum.
Samkvæmt heimildum Frétta-
blaðsins þýðir þetta í raun það eitt
að komist sérstakur saksóknari að
annarri niðurstöðu en álitsgjafarn-
ir Helgi og Viðar, og telji niður-
fellinguna ólögmæta, muni stjórn
Arion freista þess að fá henni rift
og ganga síðan að skuldurunum.
Frestur til að láta reyna á rift-
un rennur út í septemberlok. Sér-
stakur saksóknari hefur ekki getað
sagt til um hversu langan tíma enn
rannsókn hans á niðurfellingunum
mun taka. stigur@frettabladid.is
Hlutafélög hlífa fólki
ekki við skattskyldu
Þeir starfsmenn gamla Kaupþings sem fengu persónulegar ábyrgðir af lánum
felldar niður þurfa allir að greiða skatt af niðurfellingunni. Engu skiptir þótt
skuldin hafi verið í einkahlutafélagi. Þetta kemur fram í áliti Ríkisskattstjóra.
Æðstu yfirmenn gamla Kaupþings, stjórnarfor-
maðurinn og forstjórinn, fóru ólíkar leiðir við
lántökur sínar fyrir hlutabréfakaupum.
Stjórnarformaðurinn Sigurður
Einarsson tók sín lán, sem er áætlað
að hafi numið um sjö milljörðum, á
eigin kennitölu. Forstjórinn Hreiðar Már
Sigurðsson er hins vegar ekki skráður
fyrir sínum sjö milljarða lánum persónu-
lega, heldur einkahlutafélagið Hreiðar
Már Sigurðsson ehf. Báðir eru hins
vegar jafnskattskyldir vegna
niðurfellinga ábyrgða á
lánunum.
Meðal annarra sem
tóku lán af þessu tagi
eru fyrrverandi yfirlög-
fræðingurinn, Helgi
Sigurðsson, Kristján
Arason, yfirmaður við-
skiptabankasviða, og
landstjórarnir Ingólfur
Helgason og Ármann
Þorvaldsson.
ANNAR Í EINKAHLUTAFÉLAGI EN EKKI HINN
SIGURÐUR EINARSSON HREIÐAR MÁR
SIGURÐSSON
LÖGREGLUMÁL Handtaka tæplega sjö-
tugs burðardýrs fíkniefna á Kefla-
víkurflugvelli í febrúar hefur leitt
til þess að fimm manns til viðbót-
ar hafa verið handteknir. Lögregla
telur málið tengjast umfangsmiklum
fíkniefnainnflutningi og sölu fíkni-
efna, meðal annars á Akureyri.
Það var 11. febrúar sem tollgæsl-
an á Keflavíkurflugvelli stöðvaði
69 ára Íslending við komu hans
frá Kaupmannahöfn. Við leit í far-
angri hans fannst eitt kíló af kóka-
íni vandlega falið innan við falskar
hliðar í ferðatöskum hans. Í fram-
haldinu var hann úrskurðaður í
gæsluvarðhald sem hann losnaði úr
í fyrradag.
Rannsókn lögreglu leiddi til þess
að fimm karlmenn, Íslendingar á
þrítugsaldri, hafa verið handteknir,
auk burðardýrsins. Þeir voru allir
úrskurðaðir í gæsluvarðhald, tveir
þeirra til dagsins í dag.
Í fyrradag voru svo tveir menn
handteknir á Akureyri. Öðrum var
sleppt að loknum yfirheyrslum en
gæsluvarðhalds krafist í gær yfir
hinum. Lögreglan á Suðurnesjum
hefur rannsakað þetta mál í nánu
samstarfi við lögregluliðin á höfuð-
borgarsvæðinu og á Akureyri, auk
tollgæslunnar.
Óvenjumikið hefur verið um
smygltilraunir á Suðurnesjum það
sem af er árinu og fjölmörg mál
komið upp. - jss
Handtaka nær sjötugs burðardýrs fíkniefna kom lögreglu á sporið:
Sex verið teknir í stóru fíkniefnamáli
Á KJÖRSTAÐ Talsverður fjöldi fólks
greiddi atkvæði utan kjörfundar í Laug-
ardagshöll í gær. FRÉTTABLAÐIÐ/GVA
FLUGSTÖÐIN Handtaka nær sjötugs
burðardýrs á Keflavíkurflugvelli kom
lögreglu á spor umfangsmikils fíkniefna-
innflutnings.
KOSNINGAR Um 5.000 manns hafa
þegar greitt atkvæði utan kjör-
fundar vegna þjóðaratkvæða-
greiðslu um Icesave-lögin sem fer
fram á laugardag.
„Þetta er búið að vera mun
minna en í síðustu kosningum,“
segir Hjalti Zóphóníasson hjá
dómsmálaráðuneytinu. Utankjör-
fundaratkvæðagreiðslan hafi
byrjað með látum í Reykjavík en
svo dregið verulega úr. Um helm-
ingi færri virðast greiða atkvæði
utan kjörfundar nú en fyrir síð-
ustu tvær alþingiskosningar,
segir Bergþóra Sigmundsdóttir,
deildar stjóri hjá sýslumanninum í
Reykjavík. - bj
Þjóðaratkvæðagreiðslan:
Um 5.000 þegar
búnir að kjósa
ALÞINGI Bæði kyn skulu eiga fulltrúa í stjórn-
um hlutafélaga og einkahlutafélaga, samkvæmt
lögum sem Alþingi samþykkti í gær. Skylt verður
að gæta að kynjahlutföllum við ráðningu fram-
kvæmdastjóra og skal tilkynna kynjahlutföll
stjórnarmanna og framkvæmdastjóra til Hlutafé-
lagaskrár. Slíkar tilkynningar er einnig skylt að
senda um hlutfall starfsmanna hjá fyrirtækjum
með 25 starfsmenn eða fleiri.
Lögin gera ráð fyrir að í hlutafélögum sitji að
minnsta kosti þrír í stjórn. Þar sem starfsmenn
eru fimmtíu eða fleiri eigi hvort kyn einn fulltrúa
í stjórninni en kynjahlutfallið sé að minnsta kosti
40 prósent ef fleiri en þrír sitja í stjórninni.
Einkahlutafélög með fjóra hluthafa eða færri
geta áfram látið einn stjórnarmann nægja en
séu þeir tveir eða fleiri skulu bæði kyn koma við
sögu.
Ákvæði um kynjahlutföll stjórnarmanna öðlast
ekki gildi fyrr en 1. september 2013 en ákvæði um
tilkynningar og ráðningu framkvæmdastjóra öðl-
ast gildi þegar í stað.
Lögin voru samþykkt með 32 atkvæðum þing-
manna úr öllum flokkum nema Sjálfstæðisflokkn-
um. Enginn greiddi atkvæði gegn málinu, 20 voru
fjarstaddir. Ellefu þingmenn Sjálfstæðisflokksins
voru við atkvæðagreiðsluna en kusu ekki. - pg
Alþingi samþykkti lög um kynjahlutföll í stjórnum hlutafélaga:
Engar stjórnir verði einkynja
KYNJAHLUTFÖLL 1. september 2013 taka gildi lög, sem Alþingi
samþykkti í gær, um að bæði kyn skuli eiga fulltrúa í stjórnum
hlutafélaga. FRÉTTABLAÐIÐ/GVA
LÖGREGLUMÁL Strokufanginn Guð-
bjarni Traustason, sem skilaði
sér ekki til baka á Litla-Hraun
úr dagsleyfi á laugardag, gaf
sig fram við
fangelsismála-
yfir völd í gær.
Samkvæmt
heimildum
Fréttablaðsins
hringdi hann á
Litla-Hraun frá
Reykjavík undir
kvöldmat og
var þá rakleið-
is sóttur af lög-
reglu og honum komið austur.
Guðbjarni, sem afplánar sjö
ára og fimm mánaða fangels-
isdóm fyrir aðild sína að Pól-
stjörnumálinu svokallaða, fór
beint í fimmtán daga einangrun
vegna flóttans, að sögn Páls E.
Winkel fangelsismálastjóra. Hann
missir jafnframt öll þau réttindi
sem hann hefur áunnið sér með
góðri hegðun. „Það er allt farið.
Hann á ekki möguleika á dagsleyfi
í tvö ár og vinna og nám utan fang-
elsisins er út úr myndinni. Þetta
mun einnig hafa áhrif á ákvörðun
um reynslulausn,“ segir Páll.
Í tilkynningu frá lögreglu segir
að leitin að Guðbjarna hafi verið
mjög umfangsmikil. Farið hafi
verið í 30 húsleitir vegna hennar
og á tveimur stöðum hafi fund-
ist fíkniefni. Á öðrum fannst
hálft kíló af maríjúana og tuttugu
grömm af kókaíni og á hinum tíu
grömm af kókaíni, mikið magn af
sterum og skotvopn. Þrír menn
voru handteknir. - jss, sh
Guðbjarni settur í einangrun:
Strokufanginn
gaf sig fram
GUÐBJARNI
TRAUSTASON
KOSNINGAR Reiknað er með að
fyrstu tölur úr talningu atkvæða
í þjóðaratkvæðagreiðslunni á
morgun berist upp úr klukkan
tíu annað kvöld. Að sama skapi
er reiknað með að síðustu tölur
verði ekki tilkynntar fyrr en
undir sunnudagsmorgun.
Landskjörstjórn hefur skip-
að tólf einstaklinga – tvo í hverju
kjördæmi – sem umboðsmenn
ólíkra sjónarmiða. Hlutverk
þeirra verður að fylgjast með
framkvæmd atkvæðagreiðslunn-
ar og vera viðstaddir talningu
atkvæða. Umboðsmennirnir eru
allir löglærðir . - bþs
Þjóðaratkvæðagreiðslan:
Talna að vænta
rúmlega tíu
Tveir Íslendingar á EM
Íslendingar eiga tvo fulltrúa á
Evrópumeistaramótinu í skák sem
hefst í Rijeka í Króatíu í dag. Íslands-
meistarinn Henrik Danielsen keppir
og sömuleiðis Hannes Hlífar Stefáns-
son, en MP banki ákvað að styrkja
hann til þátttöku eftir sigur Hannesar
á Reykjavíkurskákmótinu.
SKÁK
ÖRYGGISMÁL Viðbragðshópar
Almannavarna og eldgosadeildar
Veðurstofunnar hafa verið kall-
aðir saman, vegna mikils óróa
undir Eyjafjallajökli.
Hundruð skjálfta hafa verið
undir jöklinum undanfarinn sól-
arhring.
Steinunn Jakobsdóttir, sér-
fræðingur á Veðurstofu Íslands,
segir að það sem sé öðruvísi en
áður sé hversu þétt jarðskjálfta-
virknin er nú.
Steinunn getur ekki sagt til um
hvort gos sé á næsta leyti. - bl
Skjálftar undir Eyjafjallajökli:
Almannavarnir
kallaðar til
SPURNING DAGSINS
– Þú finnur fjölda girnilegra uppskrifta að kvöldmatnum á www.gottimatinn.is
H
V
ÍT
A
H
Ú
S
IÐ
/S
ÍA
–
1
0
-0
2
9
3