Fréttablaðið - 05.03.2010, Blaðsíða 8
8 5. mars 2010 FÖSTUDAGUR
1 Hvaða banka yfirtók Fjár-
málaeftirlitið á miðvikudag?
2 Hver skoraði mark íslenska
karlalandsliðsins í fótbolta gegn
Kýpur sem ekki var dæmt gilt?
3 Hvaða leikhúsfrömuður
ætlar að sjá sýninguna Faust í
uppfærslu Vesturports í dag?
SJÁ SVÖR Á SÍÐU 34
CHILE, AP Herinn í Chile er nú kom-
inn á fulla ferð í björgunarstörf
eftir að hafa varið fyrstu dögunum
eftir jarðskjálftann í að stöðva grip-
deildir og sjá til þess að friður ríki
í borgum og bæjum jarðskjálfta-
svæðisins.
„Loksins!“ hrópar almenning-
ur sem áður fyrr átti frekar því að
venjast að sjá hermenn landsins í
hlutverki ógnvalda sem af fullri
grimmd vörðu einræðisstjórn
Aug usto Pinochets.
Þau tuttugu ár sem lýðræði hefur
ríkt í landinu hefur herinn ekki
tekið að sér lögreglustörf, hvað þá
hjálpar- og björgunarstörf.
Nú ganga hermennirnir hins
vegar stoltir til verka, ánægðir með
öll brosin sem mæta þeim hvert sem
þeir koma, með mat og vatn handa
fólki í götum þar sem hús eru meira
og minna hrunin.
Sumir gagnrýndu þó að fyrsta
gatan í borginni Concepcion sem
hermennirnir fóru að sinna er gata
þar sem fjölskyldur hermanna búa.
„Öll þessi húsalengja tilheyrir
hernum,“ segir Yanira Cifuentes,
ein af íbúunum við götuna Gener-
al Novoa Avenue. Hún segir eigin-
mann sinn herforingja.
Hún segir að hjálpin sé sér kær-
komin, en viðurkennir að íbúarnir
þarna hafi ekki liðið hungur vegna
þess að þeir hafi haft aðgang að mat
hjá hernum.
Herinn segir að stjórnvöld á
hverjum stað ráði forgangsröðun í
hjálparstarfinu, en íbúar létu sumir
í ljós reiði gagnvart borgaryfir-
völdum fyrir að láta auðugri hverfi
ganga fyrir um matvælaaðstoð.
„Hjálpin á fyrst að berast þeim
sem ekkert hafa,“ sagði Louis Sarz-
osa, tæplega fimmtugur maður í
Concepcion. „Þeir sem betur eru
staddir fá alltaf allt fyrst en þeir
sem hafa ekkert eru skildir út
undan.“
Matvæli frá stjórnvöldum byrj-
uðu að berast til smærri byggðar-
laga í nágrenni Concepcion á þriðju-
dag, og voru þyrlur notaðar til að
dreifa þeim. gudsteinn@frettabladid.is
Herinn í Chile
hjálpar loks til
Íbúar Chile fögnuðu því þegar her landsins hóf loks
þátttöku í björgunar- og hjálparstarfi. Hermennirn-
ir eru þó gagnrýndir fyrir að láta fjölskyldur her-
manna ganga fyrir þótt neyð annarra sé meiri.
Desarmes-fjölskyldan frá Haítí
hefur frá áramótum tvisvar lent í
jarðskjálftahamförum af verstu gerð.
Þau fóru frá Haítí tveimur vikum
eftir stóra skjálftann 12. janúar,
rakleiðis til Chile þar sem elsti son-
urinn hefur búið. Rúmum mánuði
síðar reið stóri skjálftinn yfir þar.
„Ég fór að heiman og kom
hingað út af jarðskjálftanum,“ segir
Seraphin Philome, ein frænkan sem
var með í för. „Og hérna gerist það
sama.“
Þau taka enga áhættu lengur
og sofa úti í garði húss sem elsti
sonurinn, Pierre Desarmes, útvegaði
þeim. Hann er þekktur söngvari í
Chile með reggíhljómsveit frá Haítí.
Hann var feginn þegar fjölskyldan
kom heil á húfi frá Haítí, en segir
að seinna áfallið hafi reynst þeim
gríðarlega erfitt.
„Ég þarf að segja við þau allan
daginn: Það eru engin vandamál,
þetta land er búið undir jarðskjálfta,
þetta líður hjá, þetta er ekki svo
slæmt. En þau heyra ekki í mér.
Áfallið situr enn í þeim.“
FYRST Á HAÍTÍ, SVO AFTUR Í CHILE
HERMENN Í CHILE Koma færandi hendi til borgarinnar Concepcion á jarðskjálfta-
svæðinu í Chile. NORDICPHOTOS/AFP
Kanilsnúðar
Kexsmiðjan kynnir nýjung í frystivöru
Gómsætir og ilmandi kanilsnúðar
Tilbúnir á fimm mínútum
N
ÝT
T
FR
YS
TI
VA
RA
VORFERÐ FEB TIL FÆREYJA
Félag eldri borgara í Reykjavík og nágrenni stendur fyrir fræðslu- og skemmtiferð til
Færeyja dagana 20. til 27. apríl nk. Farið verður með rútu til Akureyrar þriðjudaginn 20.
apríl og gist á Hótel Hörpu í eina nótt. Ekið verður til Seyðisfjarðar daginn eftir þaðan sem
siglt verður með Norrænu til Þórshafnar. Brottför frá Þórshöfn er mánudaginn 26. apríl
og komið til Seyðisfjarðar morguninn eftir og ekið beint til Reykjavíkur. Verð m.v. gengi 1.
febrúar 2010 er kr. 152.900. Aukagjald vegna einbýlis kr. 24.900. Nánar á www.feb.is og í
síma 588 21 11.
Ferðanefnd FEB
BANDARÍKIN, AP Barack Obama
Bandaríkjaforseti berst enn við að
koma endanlegri mynd á heilbrigð-
isfrumvarpið, sem á að tryggja
nánast öllum Bandaríkjamönnum
sjúkra- og slysatryggingar.
Nú síðast á miðvikudaginn hvatti
hann þingmenn beggja deilda
Bandaríkjaþings til þess að ljúka
þrasi sínu um málið sem staðið
hefur í heilt ár.
„Það sem er í húfi er ekki aðeins
geta okkar til að leysa þetta vanda-
mál, heldur geta okkar til að leysa
hvaða vandamál sem er,“ sagði
Obama í ræðu í Hvíta húsinu.
Bæði öldungadeild og fulltrúa-
deild þingsins samþykktu frum-
varpið fyrir jól, en í tveimur mis-
munandi útgáfum. Síðan þá hefur
repúblikönum fjölgað í öldunga-
deildinni og nokkrir demókratar í
fulltrúadeild hafa skipt um skoð-
un, þannig að óvíst er hvort þing-
inu tekst að afgreiða sameiginlega
útgáfu frumvarpsins nema í mjög
breyttri mynd, með mun veiga-
minni breytingum á trygginga-
kerfinu en Obama og leiðtogar
Demókrataflokksins höfðu von-
ast til.
Obama fer nú fram á að þingið
greiði atkvæði um málið á næstu
vikum, þar sem niðurstaðan ræðst
eingöngu af afstöðu þingmanna til
frumvarpsins eins og það kemur
fyrir, án þess að draga afgreiðsl-
una á langinn með málþófi. - gb
Barack Obama reynir enn að koma heilbrigðisfrumvarpi í gegnum þingið:
Vill atkvæðagreiðslu án tafar
STJÓRNMÁL Búnaðarþing telur ekki
fullreynt að ná megi samkomulagi
við ESB um samstarf í efnahags-
og peningamálum á grundvelli
EES-samningsins.
Þetta kemur fram í yfirlýs-
ingu þingsins. Andstaða við aðild
að Evrópusambandinu er ítrek-
uð. „Verði aðild að ESB að veru-
leika mun störfum í landbúnaði og
tengdum greinum fækka stórlega
en það leiðir til mikillar röskunar í
byggðum þar sem landbúnaður er
undirstaða atvinnu,“ segir í yfir-
lýsingu Búnaðarþings. - bþs
Bændur ítreka ESB-andstöðu:
Hægt að semja
um peningamál
BARACK OBAMA
Stendur enn í
ströngu við að
koma heilbrigð-
isfrumvarpinu í
gegnum þingið.
VEISTU SVARIÐ?