Fréttablaðið - 05.03.2010, Blaðsíða 20
Blessuð miðborgarbörnin búa ekki
við sömu útivistar- og afþreying-
armöguleika og börn í úthverfun-
um þar sem leikvellir og tún eru á
hverju strái. Þau þurfa að skjóta
sér á milli bíla með bensínfnyk
fyrir vitum og eru sleðabrekk-
urnar heldur langt undan. Þau laga
sig þó flest að aðstæðum og hafa
ýmislegt annað við að vera. Víða er
líka að finna staði sem hafa sterka
söguskírskotun og geta þau jafnvel
fræðst um land og þjóð samhliða
leiknum. Hér á eftir fer hugmynd
að góðum barnadegi í miðborg-
inni:
Upplagt er að byrja á Skóla-
vörðuholti þar sem Hallgríms-
kirkja gnæfir yfir. Þar er opið alla
daga frá níu til fimm og er hægt
að fylgja börnunum upp í turn og
leyfa þeim að virða fyrir sér borg-
ina í allri sinni dýrð. Þar er síðan
hægt að leyfa þeim að benda á og
velja næstu áfangastaði.
Á vinstri hönd er Einarsgarð-
ur og laða styttur Einars Jóns-
sonar til sín ófá börn og fjölskyld-
ur. Þar er jafnvel hægt að setjast
niður og maula kex. Á Freyjugötu
er svo rótgróinn róluvöllur sem er
um að gera að prófa. Völlurinn er
tvískiptur og eru dagmæður með
aðstöðu öðru megin en almenningi
ætlaður opni hlutinn. Þar eru rólur,
kastali, vegasölt og fleiri tæki og
ættu yngstu börnin að taka gleði
sína. Næst má þræða Þingholtin
og virða fyrir sér gömlu húsin. Sé
sleðinn með í för er næsta víst að
torfærurnar verði margar enda
sums staðar skaflar og annars
staðar autt en það gerir lífið bara
skemmtilegra. Næsti viðkomustað-
ur gæti svo verið Arnarhóll en þar
er nú hin myndarlegasta sleða-
brekka. Reyndar þarf að fylgjast
með því að börnin renni sér ekki of
langt enda bílaumferð allt í kring.
Þegar snjórinn er mikill er oftar
en ekki búið að gera stökkpalla og
endast börnin von úr viti við að
kljást við þá. Inn á milli er hægt
að lauma að þeim fróðleiksmolum
um Ingólf sem vakir yfir staðnum
og öndvegissúlurnar hans.
Eftir alla útiveruna segir kakó-
þörfin svo nær örugglega til sín og
þá eru hæg heimatökin enda kaffi-
hús úti um allt.
vera@frettabladid.is
Barnadagur í borginni
Þótt sleðabrekkur og róluvellir séu ekki á hverju strái í miðborginni leynast þeir þó hér og hvar og eru
borgarbörn dugleg að þefa þá uppi. Eins er ýmislegt annað við að vera. Hér er hugmynd að góðum degi.
Við Freyjugötu er gamall róluvöllur þar sem er hægt að róla og renna og víðar í Þing-
holtunum er að finna rólur og vegasölt. FRÉTTABLAÐIÐ/VALLI
Seðlabankamegin við Arnarhól lúrir
þessi litli leikvöllur fyrir smáfólkið.
Arnarhóll fyllist af krökkum um leið og það fer að snjóa. FRÉTTABLAÐIÐ/ANTON
útskurðarjárn
hverfi steinar
Stein-, marmara-
og demantsbrýni
Laugavegi 29 • Sími 552 4320
brynja@brynja.is • www.brynja.is
Opið virka daga frá 9.00-18.00
og lau. frá 10.00-16.00
í miklu úrvali
Vandaðar seríur af konumyndum
Innrammaðar í 40 x 40 cm eða 18 x 18 cm
Númeraðar og undirritaðar.
‚frænkan‘
Art & design / Sjøfn Har / Skólavörðustígur 41
101 Reykjavík, Sími: 551 0606 / 894 0367
sjofnhar.is • sjofnhar@sjofnhar.com
Virka daga kl. 14 – 18
Laugardaga kl. 12 – 18
• ferðatöskur
• íþróttatöskur
• beautybox
• bakpokar
• seðlaveski
• tölvutöskur
TIL FERMINGARGJAFA
Komið í miðbæinn og skoðið
fermingatilboðin okkar
Laugavegi 80, 101 Reykjavík
sími 561 1330
www.sigurboginn.is
AF GLÆSILEGUM
SUNDFATNAÐI
FRÁ ANITA
Stærðir 36–54
NÝ SENDING