Fréttablaðið - 05.03.2010, Blaðsíða 26

4 föstudagur 5. mars
núna
✽ Reykjavík, Reykjavík...
SIGTRYGGUR BERG SIGMARSSON MYNDLISTAR- OG TÓNLISTARMAÐUR
Meistarinn og Margaríta eftir Mikhaíl
Búlgakov. Ég keypti þessa bók handa kær-
ustunni minni þar sem hún á eftir að lesa
hana. Þetta meistarastykki er í miklu upp-
áhaldi hjá mér.
Anna eftir Guðberg Bergsson. Guðberg-
ur er að mínu mati besti rithöfundur íslensku
þjóðarinnar. Ég átti þann heiður að fá að
spjalla við hann eina kvöldstund og komst
að því að hann er ekki bara besti rithöfundur
þjóðarinnar heldur fínn karl líka.
Stubbur – úr seríunni Skemmtilegu
smábarnabækurnar. Ég keypti þessa bók
handa kornungum syni mínum og vona að
hann eigi eftir að hafa gaman af henni síðar meir. Þessar bækur eiga góðan
sess í minningunni og eru bæði sérkennilegar og fyndnar. Svo eru teikningarn-
ar svo skemmtilegar.
Mutes eftir Sigurð Guðmundsson. Frábær bók sem fylgdi sýningu sem
var haldin árið 2008. Sigurður er mikill snillingur og í uppáhaldi hjá mér.
Yosoy eftir Guðrúnu Evu Mínervudóttur. Guðrún er nágranni minn og mig
langaði að tékka á skrifum hennar. Reyndar veit ég að hún er mjög skemmti-
legur rithöfundur en ég á eftir að lesa þessa bók.
VERA SÖLVADÓTTIR KVIKMYNDAGERÐ-
ARKONA
Ferð um himingeiminn eftir stjörnu-
fræðinginn Jan Tauber. Þessa dagana
hefur hugurinn reikað til afstæði hlutanna og
fannst tilvalið að velja bók um stjörnufræði.
Ég hugsa að bókin svari jafnmörgum spurn-
ingum og hún spyr. Það er alltaf gaman að
forvitnast og reyna að færa himininn nær
jörðu og ferðast inn í óravíddir alheimsins.
Umskiptin eftir Franz Kafka. Í þýðingu
Ástráðs Eysteinssonar og Eysteins Þor-
valdssonar. Ég greip þessa bók með mér
þar sem ég hef ekki enn lesið þetta lykil-
verk nútímabókmennta. Ég hef alltaf verið hrifin af írónísku sjónarhorni Kafka.
Óhefðbundið er jákvætt orð í mínum orðabókum.
Kona með spegil – Svava Jakobsdóttir og verk hennar. Ritstjóri Ár-
mann Jakobsson. Ég hef verið að stúdera Svövu að undanförnu og hef
mikinn áhuga á að kynnast því betur hvaðan hún kemur. Hún skyggnist alltaf
á áhugaverðan hátt inn í íslenskt samfélag og ég kann vel að meta hvað hún
getur verið óhugnanleg og áleitin í skrifum sínum.
Óvinurinn eftir Emmanuel Carrère. Ég las þessa fyrir nokkrum árum og
fannst hún alveg mögnuð. Það er kominn tími á að lesa hana aftur. Í þetta sinn
í þýðingu Sigurðar Pálssonar sem ég veit að veldur mér ekki vonbrigðum.
HAFSTEINN MIKAEL GUÐMUNDSSON MYNDLISTARMAÐUR
Síðustu minnisblöð Tómasar F. fyrir al-
mennings sjónir eftir Kjell Askildsen.
Frábært smásagnasafn sem hefur horfið úr
bókaskápnum mínum í tvígang, tel það vera
meðmæli með þessari bók.
Ævintýri Artúrs Gordons Pym eftir
Edgar Allan Poe. Það jafnast ekkert á við
góða svaðilför. Artúr Gordon Pym fer á sjó-
inn sem laumufarþegi um borð í hvalveiði-
skipinu Grampusi. Uppreisn, mannát, óveð-
ur og fleira … Klassík! Þessi þýðing fór al-
gjörlega fram hjá mér og því mikill fundur.
Kvæði frumort og þýdd eftir Jón Þor-
láksson. Þarna er að finna brot úr Paradísa-
missi Miltons í þýðingu Jóns ásamt öðrum perlum.
Lestir undir smásjá eftir Bohumil Hrabal. Ég hef verið aðdáandi Bohum-
ils Hrabal síðan ég las þókina Alveg glymjandi einvera í íslenskri þýðingu Þor-
geirs Þorgeirsonar.
Vatnið og hin duldu skilaboð þess eftir Dr. Masaru Emoto. Hér rýnir Dr.
Masaru Emoto í vatnskristalla og kemst að þeirri niðurstöðu að skilaboðin frá
vatni eru kærleikur og þakklæti.
Bókaunnendur velja sér bækur á bókamarkaði
GRÚSKAÐ
Í PERLUNNI
MORE BEAUTIFUL TODAY THAN YOU WERE AT 20
Skin Boosting Super Serum
Dior kynning föstudag og laugardag
í Hyegu Kr inglunni og Smáral ind.
Sér f ræðingar f rá D ior verða á s taðnum og ve i ta þér fag legar
ráð legg ingar á kremum og l i tavöru .
• Fa l leg i r vor l i t i r
• Nýr púður farð i og hy l ja r i í Nude l ínunni
• One Essent ia l Sk in Boos t ing Super Serum
Vertu velkomin og kynntu þér það nýjasta f rá Dior í Hygeu um helg ina .
Fal legar g jaf i r og t i lboð.
Tímamóta uppgötvun frá Dior.
15 ára rannsóknarvinna – 10 einkaleyfi – 21 formúla.
Samstundis aukin gæði húðar, sléttari og fyllri húð.
Húðin þéttist – húðholur dragast saman.
Húðin endurheimtir fyrra líf.
Mig langaði að búa til grip sem fær fólk til að líða betur,“ út-
skýrir myndlistarkonan og ljós-
móðirin Helga Birgisdóttir en
hún hefur hafið sölu á afar sér-
stöku hálsmeni. Helga segist hafa
verið með hugmyndina í höfð-
inu í nokkur ár en þegar krepp-
an skall á lét hún hana verða að
veruleika. „Þetta er gripur sem er
huglægur fyrir mér. Þetta er eins
konar hjálpartæki gleðinnar sem
ég kalla „Smiler“ eða brosara á ís-
lensku. Þetta er hálsmen úr post-
ulíni og silfri og þegar það er sett
á milli munnvikanna birtist bros
á andliti fólks.“ Hálsmenin eru
handgerð og hvert og eitt þeirra
einstakt. Helga segir menið vera
fyrir bæði kynin og alla sem trúa
því að þeir skapi sín eigin örlög.
„Þegar það er mótstreymi í lífinu
getur verið mjög erfitt að brosa.
En þegar þú setur þennan grip á
milli munnvikanna þá fara allir
að hlæja í kringum þig. Þá verð-
ur þú sjálfur ósjálfrátt glaður og
andrúmsloftið léttist í kringum
þig.“ Brosarann er hægt að nálg-
ast í Gallerí List, Kaffi Loka og á
heimasíðunni www.gegga.is auk
þess sem hann fæst í tískuversl-
uninni Glad I Never í Berlín. - amb
Helga Birgisdóttir hannar hálsmen sem fær fólk til að brosa
Skart sem breytir lífi þínu
„Þetta svínvirkar.“ Helga Birgisdóttir með hálsmenið „Smiler“ sem hún hannaði
þegar kreppan skall á. FRÉTTABLAÐIÐ/STEFÁN
GAMALDAGS LÚXUS
Þessi nýja shea butter-sápa frá franska merkinu l‘Occ-
itane nærir og mýkir þurra vetrarhúð.