Fréttablaðið - 05.03.2010, Blaðsíða 44

24 5. mars 2010 FÖSTUDAGUR
menning@frettabladid.is
HVAÐ? HVENÆR? HVAR?
Föstudagur 05. mars 2010
➜ Tónleikar
20.00 Í Salnum við Hamraborg í
Kópavogi verða tónleikar í tilefni af 75
ára fæðingarafmæli Elvis Presley. Fram
koma Friðrik Ómar ásamt hljómsveit.
20.00 Gunnar Þórðarson heldur tón-
leika á sögulofti Landnámssetursins við
Brákarbraut í Borgarnesi. Nánari upp-
lýsingar á landnam.is.
21.00 Trúbadorarnir og söngvaskáld-
in Uni (Unnur Arndísardóttir og Jón
Tryggvi halda tónleika á Áslák í Mos-
fellsbæ. Enginn aðgangseyrir.
21.00 Brasilíska söngkonan Jussanam
Dejah og píanóleikarinn Agnar Már
Magnússon flytja brasilíska tónlist á
veitingastaðnum Brasilía Resturant við
Skólavörðustíg 14.
22.00 Hljómsveitin Árstíðir heldur tón-
leika á Græna hattinum við Hafnarstræti
96 á Akureyri. Hljómsveitin Sickbird sér
um upphitun. Húsið verður opnað kl. 21.
22.00 Hljómsveitin Gæðablóð heldur
tónleika á Bar og gallery 46 við Hverfis-
götu 46. Enginn aðgangseyrir.
23.00 Casiokids frá Noregi, Choir
Of Young Believers frá Danmörku og
íslensku hljómsveitirnar Berndsen & The
Young Boys og Sykur koma fram á tón-
leikum á Nasa við Austurvöll.
23.00 Morðingjarnir halda útgáfutón-
leika á Batteríinu við Hafnarstræti. Einn-
ig koma fram Jan Mayen og Reykjavík!.
Húsið verður opnað kl. 22.30.
➜ Sýningar
Í Norræna húsinu við Sturlugötu hefur
verið opnuð sýningin „Veður í Fókus“
sem er samsýning félaga í Fókus, félagi
áhugaljósmyndara. Opið alla daga kl.
12-17.
➜ Opnanir
13.30 Sigrún Sigurðardóttir opnar
myndlistarsýningu í Hæðargarði 31.
Oddný Ómarsdóttir og Agnes Ómars-
dóttir flytja tónlist. Sýningin verður
opin alla virka daga kl. 9-16.
17.00 Torfi Harðarson opnar sýningu
hjá Gallerí Art 67 við Laugaveg 67.
Opið virka daga kl. 12-18 og laugardaga
kl. 12-16.
18.00 Ljósmyndasýningin Spegilsýn-
ir opnar í Listasafni Reykjanesbæjar í
Duushúsum. Listamennirnir Bára Krist-
insdóttir, Einar Falur Ingólfsson, Jónatan
Grétarsson, Katrín Elvarsdóttir, Spessi
og Þórdís Erla Ágústsdóttir eiga verk á
sýningunni sem er opin virka daga kl.
11-17 og um helgar kl. 13-17.
➜ Dansleikir
Hljómsveitirnar Von og Spútnik verða á
Skemmtistaðnum Spot við Bæjarlind í
Kópavogi.
Upplýsingar um viðburði sendist á
hvar@frettabladid.is.
> Óttar gefur bók
Pabbi Óttars M. Norðfjörð
hét Sverrir Norðfjörð. Hann
var djarfur skákmaður og
gekk undir nafninu „Fischer-
baninn“ því hann var einn
af tveimur Íslendingum sem
sigraði Bobby Fischer. Sverrir
lést í fyrra og hefur Óttar
tekið saman bók með tólf af
skákum hans, ljósmyndum og
skákferli. Hann ætlar að gefa
bókina öllum keppendun-
um í Íslandsmóti skákfélaga
sem hefst í dag, alls um 400
manns.
Kvikmyndir ★★★
The Good Heart
Leikstjóri Dagur Kári Pétursson
The Good Heart, nýjasta kvikmynd
Dags Kára Péturssonar, var loks
frumsýnd á Íslandi á miðvikudag-
inn. Handritið var til fyrir mörgum
árum og einu sinni stóð víst til að
Tom Waits og Ryan Goosling léku
aðalhlutverkin. Tom Waits hefði
smellpassað í hlutverk önuga bar-
þjónsins Jacques því það er mikil
Tom Waits-ára yfir þessari mynd.
Í sem allra stystu máli má segja
að The Good Heart sé eins og Tom
Waits-remix af Staupasteini.
Önugi barþjónninn er reffilega
leikinn af Brian Cox. Leiðinleg-
ir karldurgar poppa stundum upp
í bíó og þessi er nokkuð góður. Á
barnum hans hanga alltaf sömu
sex týpurnar og minna á liðið
í Staupasteini. Týpurnar segja
stundum eitthvað fyndið og stund-
um eitthvað djúpt og „satt“. Sam-
band þeirra við barþjóninn og sín
í milli er sterkasti hluti myndar-
innar. Gaman er líka að sjá Harald
Jónsson birtast og fá sér kaffi.
Inn í þetta lúðasamfélag dregst
góðhjartaði utangarðsdrengurinn
Lucas (Paul Dano). Þeir Jacques
kynnast á spítala og rónabarnið er
munstrað á barinn sem barþjónn.
Persónusköpun Lucasar hefur
álíka dýpt og Pappírs-Pési. Hann
hengslast á barnum, gónir út í loftið
eins og honum sé illt í maganum og
við erum engu nær um hann þegar
myndin er búin. Hann æsist reynd-
ar aðeins upp þegar kvenmaðurinn
April (Isild Le Besco) ranglar inn
á barinn. Samband þeirra er ótrú-
verðugt enda er persóna April
álíka kjötmikil og Lucasar. Sam-
band þeirra er eins og að sjá pappa-
spjöldum nuddað saman. Af þrem-
ur aðalhlutverkum er því bara eitt
af holdi og blóði: Gamli fretur.
Það er sem sé helst hann Jacqu-
es og barrotturnar sem ættu að
trekkja fólk á þessa mynd. Þótt hún
sé í grynnra lagi og fljótgleyman-
leg er hún nokkuð skemmtileg.
Kankvís húmor Dags Kára smýgur
alls staðar í gegn, enda mikið hleg-
ið á sýningunni. Dagur tekur Tom
Waits-fílinginn alla leið í skítugu
skuggahverfi New York og grá-
myglulegur barinn, sem var settur
upp á setti í Reykjavík, lítur mjög
sannfærandi út. Tónlist Slowblow
passar vel við myndina og sniðugt
er að láta sjálfspilandi píanó sjá um
undirleikinn á barnum.
Ég hef fulla trú á að Dagur
Kári eigi eftir að gera betri mynd
en þessa. Nói albinói, sem enn er
besta mynd Dags Kára, sýndi hvað
í honum býr. Ég sá Voksne menn-
esker sem var auðgleymanleg –
ég gæti ekki sagt um hvað hún er
þótt líf mitt lægi við. Vonandi ger-
ist næsta mynd á Íslandi og verð-
ur úr íslenskum raunveruleika. Ég
er ekkert svo viss um að þjóðlegur
húmor Dags passi við erlend snið.
Dr. Gunni
Niðurstaða: Tom Waits-remix af
Staupasteini.
Kankvísi á skítugum bar
RÓNABARNIÐ OG FÚLI BAREIGANDINN Í THE GOOD HEART Í einni af sínum sjaldgæfu
ferðum út fyrir skítugt skuggahverfið.
Heitra og framandi strauma gætir
nú á Skólavörðustígnum þar sem
veitingahúsið Brasilía var opnað
fyrir skömmu. Í kvöld klukkan 21
ætlar brasilíska söngkonan Juss-
anam Dejah að halda tónleika þar
við undirleik píanóleikarans Agn-
ars Más Magnússonar.
„Ég hef búið hérna í rúmlega eitt
ár,“ segir Jussanam. Hún vinnur í
Hlíðarskóla en sinnir tónlistinni af
krafti. Hún hefur gefið út diskinn
Ela é Carioca með íslensku bandi.
„Brasilíska tónlistin gengur vel
í Íslendinga. Ég fæ góðar mót-
tökur og þessi tónlist gleður fólk.
Á prógramminu eru vinsæl brasil-
ísk lög eftir menn eins og Caetano
Veloso, Tom Jobim, Ivan Lins og
Jorge Ben.“
Jussanam finnst frábært að
vera á Íslandi þrátt fyrir kreppu
og vetrarhörkur. „Ég fæddist í
Ríó De Janeiro og þetta er auðvit-
að allt, allt öðruvísi. Ég er vanari
öðruvísi loftslagi, meiri hita. En
mér finnst mjög fallegt hérna. Ég
kvarta miklu minna en Íslending-
arnir sem ég þekki!“ - drg
Samba á Skólavörðustíg
JUSSANAM DEJAH Brasilísk tónlist gleð-
ur. FRÉTTABLAÐIÐ/STEFÁN
Morðingjarnir halda útgáfutónleika á
Batteríinu í kvöld fyrir hina frábæru
plötu, Flóttinn mikli. Platan er þriðja
breiðskífa tríósins og hefur fengið
glimr andi dóma hjá poppskríbentum
landsins, og komst platan meðal annars
á sex plötu úrvalslista tónlistarsjóðs-
ins Kraums fyrir jól. Morðingjunum til
halds og trausts verða tvær af öflugustu
tónleikasveitum landsins, hljómsveit-
irnar Jan Mayen og Reykjavík! Húsið
verður opnað kl. 22.30 og er áætlað að
fyrsta sveit hefji leik um hálftíma síðar.
Miðaverð er 1.000 kr. og verður Flóttinn
mikli fáanlegur til kaups á staðnum á
sérstöku tilboðsverði sem og annar
Morðingja-varningur.
Morðingjarnir flýja
MORÐINGJARNIR Kynna Flóttann mikla í kvöld.
Reykjanesbær kl. 18
Ljósmyndasýningin Spegilsýnir verð-
ur opnuð í Reykjanesbæ í dag kl.
18.00. Listamennirnir Bára Kristins-
dóttir, Einar Falur Ingólfsson, Jónat-
an Grétarsson, Katrín Elvarsdóttir,
Spessi og Þórdís Erla Ágústsdótt-
ir eiga verk á sýningunni og sýning-
arstjóri er Aðalsteinn Ingólfsson.
Sýningin er í sýningarsal Listasafns
Reykjanesbæjar í Duushúsum og
stendur til 18. apríl. Safnið er opið
virka daga kl. 11–17 og um helgar kl.
13–17. Aðgangur er ókeypis.
AIDA: Elín Ósk Óskarsdóttir
AMNERIS: Hörn Hrafnsdóttir
RADAMES: Jóhann Friðgeir Valdimarsson
Antonía Hevesi, píanó
Miðaverð 2.500
Miðasala á www.opera.is
FÖSTUDAGINN 5. MARS KL. 20