Fréttablaðið - 06.03.2010, Blaðsíða 96

64 6. mars 2010 LAUGARDAGUR
FÓTBOLTI Átta liða úrslit ensku FA
bikarkeppninnar fara fram um
helgina. Íslendingaliðið Reading
er eina liðið utan úrvalsdeildarinn-
ar sem enn er með en það tekur á
móti Aston Villa á sunnudag.
Reading hefur ekki komist
svona langt í keppninni í 83 ár.
„Við ætlum okkur sigur. Fólk er að
tala um að við höfum engu að tapa
í þessum leik en ég er ekki sam-
mála því. Það er ekki ásættanlegt
ef við stöndum okkur ekki í þess-
um leik,“ segir Brian McDermott,
knattspyrnustjóri Reading.
„Síðan ég tók við stjórninni
hérna hef ég ekkert spáð í nokkurn
af andstæðingum okkar. Ég hef
ekki skoðað neinar myndbandsupp-
tökur af þeim. Við höfum einbeitt
okkur algjörlega að því sem við
sjálfir erum að gera og við verð-
um að ná fram okkar styrkleika,“
segir McDermott.
Reading hefur þegar lagt úrvals-
deildarlið Burnley og Liverpool að
velli í keppninni og vann svo magn-
aðan sigur á WBA á dögunum. Þar
skoraði Gylfi Þór Sigurðsson sig-
urmarkið í framlengingu. Gylfi gat
ekki leikið með U21-landsliðinu í
vikunni og er tæpur fyrir leikinn á
sunnudag og einnig Brynjar Björn
Gunnarsson.
„Ég hef verið stoltur af mörg-
um atriðum síðan ég tók við lið-
inu. Síðast þegar við unnum Sheffi-
eld Wednesday aðeins nokkrum
dögum eftir að hafa leikið 120
mínútur gegn WBA. Ég var mjög
stoltur af mínum mönnum,“ segir
McDermott en ljóst er að Reading
á erfiðan leik gegn Villa sem stefn-
ir á að vinna keppnina eftir að hafa
tapað úrslitaleiknum um deildabik-
arinn.
Portsmouth fær frí frá ruglinu
Hermann Hreiðarsson og félagar
í Portsmouth fá kærkomið frí frá
deildarkeppninni þar sem þeir eru
í vonlausri stöðu. Þeir geta kall-
að fram sjaldgæft bros á vörum
stuðningsmanna liðsins með því að
leggja Tottenham að velli í hádeg-
isleiknum og tryggja sér sæti í
undanúrslitum.
Vonandi fær Eiður Smári Guð-
johnsen tækifæri í byrjunarliði
Tottenham sem heimsækir Ful-
ham. Chelsea er sigurstrangleg-
asta liðið sem eftir er í keppninni
og mætir baráttuglöðu liði Stoke á
morgun.
Á meðan Chelsea, sem trónir
á toppi úrvalsdeildarinnar, verð-
ur að einbeita sér að bikarkeppn-
inni verða Manchester United og
Arsenal í eldlínunni í deildinni þar
sem liðin leika gegn fallbaráttulið-
um. United getur komist á toppinn
með því að leggja Úlfana og Ars-
enal getur jafnað granna sína að
stigum með sigri á Burnley.
elvargeir@365.is
Verður Villa næsta bráð
öskubuskuliðs Reading?
Öskubuskuævintýri Reading í ensku bikarkeppninni gæti haldið áfram á morg-
un þegar liðið tekur á móti Aston Villa. Á meðan Chelsea spilar í bikarnum
geta keppinautar liðsins um efsta sætið í deildinni bætt stöðu sína.
ÞÁ ER ÞAÐ BARA HINN BIKARINN Eftir að hafa tapað baráttunni um deildabikarinn
leggja leikmenn Aston Villa mikla áherslu á að taka FA-bikarinn. NORDICPHOTOS/GETTY
LEIKIR HELGARINNAR Á ENGLANDI
Átta liða úrslit bikarsins:
Portsmouth - Birmingham laugardag 12:30
Fulham - Tottenham laugardag 17:20
Reading - Aston Villa sunnudag 13:45
Chelsea - Stoke sunnudag 16:00
Enska úrvalsdeildin:
Arsenal - Burnley laugardag 15:00
West Ham - Bolton laugardag 15:00
Wolves - Man Utd laugardag 17:30
Everton - Hull sunnudag 16:00
FÓTBOLTI Ólafur Jóhannesson
landsliðsþjálfari valdi fjóra
nýliða og sjö leikmenn til við-
bótar sem hafa aðeins leik-
ið einn landsleik, í hóp sinn
fyrir vináttuleiki á móti Fær-
eyjum og Mexíkó í mars.
Nýliðarnir fjórir eru
Jón Guðni Fjóluson úr
Fram, Skúli Jón Frið-
geirsson úr KR, Alfreð
Finnbogason úr Breiða-
bliki og Kolbeinn Sigþórsson úr
AZ Alkmaar.
Þeir sjö leikmenn sem hafa
einungis leikið einn landsleik
eru Heimir Einarsson úr ÍA,
Kristinn Jónsson úr Breiða-
bliki, Guðmundur Kristj-
ánsson úr Breiðabliki,
Óskar Örn Hauksson
úr KR, Steinþór Freyr
Þorsteinsson úr Stjörn-
unni og Atli Guðnason
úr FH. - óój
Landsliðshópur fyrir leiki við Færeyjar og Mexíkó:
Reynslulítill hópur
KOLBEINN SIGÞÓRSSON Í
A-landsliðið.
FRJÁLSAR Frjálsíþróttakonan Helga
Margrét Þorsteinsdóttir tekur þátt
í fimmtarþraut á sænska meistara-
mótinu í frjálsum sem fer fram í
Stokkhólmi um helgina. Þetta
verður fyrsta þrautin hennar síðan
hún meiddist á Evrópumóti ungl-
inga síðasta sumar þegar hún var
komin með aðra höndina á gullið.
„Staðan á mér er góð. Ég er
nokkuð heil og er bara mjög spennt
fyrir þessu. Þetta verður mjög
gaman og ég er að fara að keppa
við fullt af góðum keppendum,“
segir Helga og nefnir sérstaklega
Jessicu Samuelsson sem þykir
vera sú besta á Norðurlönd-
um eftir að Carolina Klüft
hætti.
„Ég er með mín markmið
en ég ætla líka að hafa gaman
af þessu því maður keppir
ekki í þraut á hverjum
degi. Þetta er fysta
þrautin sem ég fer
í eftir EM eins og
það endaði. Það er smá skrekkur í
manni en ekki eitthvað sem hægt
er að sigrast á,“ segir Helga
og bætir við:
„Það væri gott að ná
skrekknum úr sér en svo
er bara að gaman að kom-
ast út og keppa á einu móti
áður en maður byrjar aftur
að þyngja í æfingunum,“
sagði Helga en fimmt-
arþrautin fer öll fram
á sunnudaginn. - óój
Helga Margrét Þorsteinsdóttir keppir í sænska meistaramótinu á sunnudaginn:
Fyrsta þrautin eftir EM í fyrra