Fréttablaðið - 06.03.2010, Blaðsíða 102
70 6. mars 2010 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
PERSÓNAN
LÁRÉTT
2. brennt vín, 6. tveir eins, 8. neitun,
9. nagdýr, 11. stöðug hreyfing, 12.
blíðskapur, 14. vísa leið, 16. drykkur,
17. angan, 18. skelfing, 20. óhreinindi,
21. karl.
LÓÐRÉTT
1. þurrka út, 3. öfug röð, 4. sár, 5.
sigti, 7. gjarnan, 10. arinn, 13. súld,
15. formóðir, 16. auð, 19. ónefndur.
LAUSN
LÁRÉTT: 2. romm, 6. ff, 8. nei, 9.
mús, 11. ið, 12. ástúð, 14. lóðsa, 16.
te, 17. ilm, 18. ógn, 20. im, 21. mann.
LÓÐRÉTT: 1. afmá, 3. on, 4. meiðsli,
5. mið, 7. fúslega, 10. stó, 13. úði, 15.
amma, 16. tóm, 19. nn.
„Þetta verður algjör sturlun,“ segir Stefán Magnús-
son, skipuleggjandi tónlistarhátíðarinnar Eistna-
flug.
Breska dauðarokkhljómsveitin Napalm Death
kemur fram á Eistnaflugi í ár, en hátíðin er hald-
in árlega í Neskaupstað. Napalm Death var stofnuð
árið 1981 og er brautryðjandi í heimi dauðarokks-
ins.
Þrátt fyrir að hljómsveitin sé búin að vera að í
næstum því 30 ár eru meðlimirnir enn þá í fullu
fjöri að sögn Stefáns. „Það er svo víðsfjarri að þeir
séu orðnir einhverjar lummur,“ segir hann. „Þeir
sem hafa séð þá úti tala um snilld. Algjöra snilld.“
Eistnaflug hefur stækkað ár frá ári, en fleiri en
þúsund gestir sóttu hátíðina í fyrra. Hljómsveitir á
borð við Mínus og Dr. Spock hafa boðað komu sína
í ár ásamt mörgum af helstu rokksveitum landsins.
Stefán skynjar mikla spennu fyrir Napalm Death.
„Gömlu hundarnir sem hlustuðu á Scum-plötuna
eru búnir að hafa samband við mig. Þeir trúa þessu
ekki,“ segir hann.
Meðlimir Napalm Death eru mjög spenntir fyrir
komunni til Íslands og ætla að sögn Stefáns að skoða
land og þjóð.
„Þeir ætla að fara í Dimmuborgir, taka túristann
og hafa gaman,“ segir Stefán. „Shane og Barney
[meðlimir Napalm Death] eru þegar byrjaðir að
plana ferðalagið.“
Eistnaflug fer fram dagana 8. til 10. júlí og miða-
sala hefst eftir helgi. Miðaverð er að sjálfsögðu
6.666 krónur. - afb
Napalm Death á Eistnaflugi
BRAUTRYÐJENDUR Dauðarokksveitin Napalm Death er vænt-
anleg til landsins í sumar.
„Ég var ráðinn í þetta djobb,“ segir leikar-
inn Halldór Gylfason.
Fréttablaðið sagði í gær frá því að leikar-
inn Erling Jóhannesson hefði í maí árið 2008
verið ráðinn í auglýsingu fyrir Icesave-útibú
Landsbankans í Hollandi. Erling átti að leika
listamann í auglýsingunni, sem var aldrei
framleidd, en Halldór Gylfason átti að leika
aðalhlutverkið.
„Ég hitti Hollendingana sem áttu að fram-
leiða auglýsinguna á bar niðri í bæ og þeir
splæstu á mig gin og tónik,“ segir hann.
Þegar Halldór var búinn að leika í alls kyns
prufutökum fyrir Hollendingana fékk hann
símtal um að babb væri komið í bátinn.
Stjórn Landsbankans hafði tekið ákvörðun
um að hætta við auglýsinguna í bili. Halldóri
var sagt að ástæðan væri sú að bankastjóri
Landsbankans kunni ekki við hann í hlut-
verkinu. Halldór telur að það hafi verið yfir-
klór. „Það var allt komið í fokk í þessum
banka og þessir drullusokkar búnir að
skíta upp á bak,“
segir hann.
Eins og
aðrir leik-
arar, sem
komu
nálægt því
að verða þekktir sem andlit eins mesta
klúðurs íslenskrar fjármálasögu, er Hall-
dór ánægður með að auglýsingin var ekki
framleidd. „Þetta er það næsta sem ég
hef komist því að vera í lífshættu,“ segir
hann. „Ég er ekki viss um að ég
væri á lífi ef þetta hefði verið
gert. Ég hefði verið drepinn af
Hollendingi, Breta, Íslendingi
eða mér sjálfum.“
- afb
Dóri Gylfa átti að vera Icesave-kallinn
„Við erum með þetta á teikniborð-
inu núna, þetta gæti verið mjög
spennandi,“ segir Bragi Þór Hin-
riksson leikstjóri og framleið-
andi. Framhaldsmyndin Algjör
Sveppi og dularfulla hótelher-
bergið verður að öllum líkindum
fyrsta íslenska kvikmyndin sem
gerð verður með þrívíddartækni.
Fyrsta myndin um Sveppa og
ævintýri hans sló eftirminnilega
í gegn í sumar en nú á að hugsa
hlutina í stærra samhengi. „Þrí-
víddartæknin hefur gengið í gegn-
um mikla þróun undanfarin tvö ár
og nú er svo komið að hún er orðin
yfirstíganleg,“ segir Bragi kok-
hraustur.
Vinsældir þrívíddarmyndarinn-
ar Avatar eru sennilega flestum
kunnar en hún hefur slegið aðsókn-
armet um allan heim. Bragi bend-
ir hins vegar á að íslenska myndin
Bjarnfreðarson hafi skákað henni
í tvær vikur og þegar menn blandi
saman íslenskri kvikmynd og þrí-
vídd þá hljóti það vera ágætis for-
múla. Hann bætir því við að svona
ævintýramynd eins og Algjör
Sveppi sé kjörinn vettvangur fyrir
menn að prófa sig áfram með þessa
tækni. „Allavega er efniviðurinn
fyrir hendi; draugar, álfar og alls
konar ævintýri,“ segir Bragi.
Kostnaðurinn við að koma sér
upp tækjum og tólum fyrir þrí-
vídd er töluverður, hleypur á millj-
ónum, enda þarf að taka mynd-
ina upp með tveimur tökuvélum í
stað einnar. „Það þarf til dæmis
að kaupa „monitor“ eða sérstakan
skjá fyrir leikstjórann þannig að
hann geti séð allar tökur í þrívídd
með sérstökum gleraugum. Þannig
að við verðum allir með gleraugu í
sumar,“ útskýrir Bragi sem hefur
þegar sótt námskeið í því hvern-
ig eigi að taka upp kvikmynd af
þessu tagi. „Auðvitað getur þetta
síðan klúðrast og verið ömurlegt
en ég held að Sveppi sé líklega
eini maðurinn á Íslandi sem fyr-
irgefst slíkt klúður,“ segir Bragi
og hlær.
Sam-film kemur einnig að fram-
leiðslu myndarinnar enda rekur
fyrirtækið þrívíddar-kvikmynda-
hús. Bragi telur augljóst að þrí-
víddin sé framtíðin, hún sporni
til að mynda við ólöglegu niður-
hali. „Það er búið að fresta Harry
Potter því menn vilja gera hana í
þrívídd og sama gildir um Clash of
Titans og Prince of Persia. Þetta
er einfaldlega það sem koma skal.“
freyrgigja@frettabladid.is
BRAGI ÞÓR: FJÖLSKYLDUMYND BRÝTUR BLAÐ Í KVIKMYNDASÖGUNNI
Algjör Sveppi gerð í þrívídd
SÖGULEG KVIKMYND Bragi Þór Hinriksson leikstjóri stefnir að því að brjóta blað í íslenskri kvikmyndagerð. Algjör Sveppi og dular-
fulla hótelherbergið verður að öllum líkindum fyrsta íslenska kvikmyndin sem gerð verður í þrívídd. FRÉTTABLAÐIÐ/VALLI
Logi Eldon Geirsson
Aldur: 27 ára.
Starf: Handboltamaður.
Fjölskylda: Sonur Geirs Hallsteins-
sonar og Ingibjargar Logadóttur.
Hjúskaparstaða: Á kærustuna
Ingibjörgu Elvu Vilbergsdóttur og
eiga þau von á sínu fyrsta barni.
Búseta: Býr í Lemgo í Þýskalandi.
Stjörnumerki: Meyja.
Logi Geirsson vinnur nú að bók um ævi
sína.
Mikið hefur rætt og
ritað um svokallaða
Bónus-mynd á
vefnum en það var
hægrivefurinn amx.
is sem greindi
fyrst frá henni.
Samkvæmt
heimildum
Fréttablaðsins
er um að ræða 20 ára afmælis-
mynd fyrir Bónus sem Saga Film
framleiðir og var tilbúin fyrir margt
löngu. Hins vegar var ákveðið að
taka upp tvö viðtöl og bæta þeim
við myndina. Ekki mun vera ætl-
unin að sýna myndina í sjónvarpi
heldur mun hún eingöngu vera
hugsuð fyrir starfsmenn fyrirtækis-
ins. Leikstjóri er Margrét Jónasar-
dóttir.
Skjár einn hyggst taka til sýning-
ar vefsjónvarpsþáttaröð Ólafs
Jóhannessonar, Popp-Óla, sem
heitir Circledrawers. Þættina prýða
margir af þekktustu leikurum
þjóðarinnar en auk þess koma
tveir leikarar úr Sopran-
os við sögu, þau
Steve Schirippia
og Sharon
Angela.
Þættirnir
voru
fjölmargir
en Ólafur
hefur nú klippt þá saman í þrjá og
verða þeir sýndir um páskana sem
er kannski vel við hæfi, enda fjallar
The Circledrawers um engla.
Og aðstandendur Reykjavik Fash ion
Festival eru stórhuga og hafa lagt
nótt við dag í undirbúningi þessar-
ar miklu tískuhátíðar. Eftir því sem
Fréttablaðið kemst næst stendur
til að gefa út blað í tengslum við
hátíðina en það er Tinni Sveinsson,
fyrrum ritstjóri Húsa &
hýbýla, sem stýrir því.
Myndaþáttur eftir Ara
Magnússon mun
meðal annars prýða
blaðið en allir sem
koma nærri hátíð-
inni gera það
frítt. - fgg
FRÉTTIR AF FÓLKI
VEISTU SVARIÐ?
Svör við spurningum á bls. 10.
1 Prófessor Vilhjálmur Árnason.
2 Erling Jóhannesson.
3 Brian Cox og Paul Dano.
HURÐ SKALL NÆRRI HÆLUM Hall-
dór Gylfason hitti Hollendingana
sem áttu að framleiða Icesave-aug-
lýsingu með honum í aðalhlutverki.
Lækjargata 2a 101 R. sími 511-5001 opið alla daga 9.00 - 22.00
Státum af metn
aðarfullu úrvali e
rlendra bóka
Viku-
tilboð
6.395-
4.995,-