Fréttablaðið - 08.03.2010, Blaðsíða 10
8. mars 2010 MÁNUDAGUR
20 mismunandi bækur
sem dæma þarf af kápunni.
UMHVERFISVOTTUÐ
PRENTSMIÐJA
Oddi – umhverfisvottuð prentsmiðja. Höfðabakka 7, 110 Reykjavík, sími 515 5000, www.oddi.is
www.kiropraktik.is
Magni Bernhardsson D.C.
hefur hafið störf á
Kírópraktorstofu
Egils Þorsteinssonar að
Laugarvegi 163 E.
Tímapantanir í síma 553-4400
"Af stað".
Ertu með vefjagigt?
Haldið verður 3ja kvölda fræðslunámskeið fyrir fólk
með vefjagigt miðvikudagana 10., 17. og 24. mars í
húsnæði félagsins að Ármúla 5, Reykjavík, á 2 hæð,
sjá www.gigt.is.
Upplýsingar og skráning er á skrifstofu félagsins
í síma 530-3600.
Gigtarfélag Íslands
sumarferdir.is
... þegar fríið þitt
skiptir máli.
SVEITARSTJÓRNIR Rannveig Rist,
forstjóri Alcan á Íslandi, vill að
bæjar yfirvöld í Hafnarfirði styðji
við áform fyrirtækisins ef aftur
verður efnt til íbúakosningar um
stækkun álversins í Straumsvík.
„Sem forstjóri álversins hlýt
ég að lýsa áhyggjum af því hvaða
áhrif önnur synjun í íbúakosn-
ingu gæti haft á áhuga eigenda
fyrirtækisins fyrir því að fjár-
festa frekar á Íslandi. Stuðn-
ingur bæjaryfirvalda myndi
draga verulega úr þeim áhyggj-
um,“ segir Rannveig í svarbréfi
til Bjarka Jóhannessonar, sviðs-
stjóra skipulagssviðs í Hafnar-
firði.
Lúðvík Geirsson bæjarstjóri
segir aðspurður að sér sé ekki
ljóst hvort Alcan séu að biðja
bæjaryfirvöld um stuðning í
aðdraganda íbúakosningarinnar.
„Við höfum litið svo á að það væri
ósk íbúanna að þeir ættu að kjósa
í þessu máli.
Það hefur ekk-
ert verið rætt
að bæjaryfir-
völd séu að gefa
út einhverjar
yfirlýsingar af
eða á í þessu
máli ,“ segir
bæjarstjórinn.
Hafnfirðingar
synjuðu naum-
lega í íbúakosningu 2007 deili-
skipulagi sem gert hefði Alcan
kleift að stækka álverið í Straums-
vík í 460 þúsund tonn. Nokkuð er
síðan tilskilinn fjöldi undirskrifta
náðist til að láta bæinn endur-
taka kosninguna. Bæjaryfirvöld
og Alcan hafa átt í viðræðum um
forsendur hennar.
Í áðurnefndu bréfi segir Rann-
veig Rist að ótímabært sé að svara
ýmsum spurningum sem bæjar-
yfirvöld hafa sett fram. Meðal
annars eigi fyrirtækið ekki leng-
ur forgang að orku sem það hafi
áður verið búið að tryggja sér.
Lúðvík segir það hafa verið mat
bæjarráðs að bréf Rannveigar
svaraði ekki með nægjanlega skýr-
um hætti þeim fyrirspurnum sem
beint hafi verið til álversins og því
hafi hann komið því til skila.
„Þetta snýst meðal annars um
hvort menn vilji fara fram með
það skipulag sem er uppi eða hvort
þeir telji ástæðu til að gera þar
einhverjar breytingar á og hver sé
hugur þeirra til að taka málið fyrir
í kosningu núna því það er ekki
hægt að fara fram með kosning-
ar sem snúa að þriðja aðila nema
í samráði við hann. Svörin í þeim
efnum eru ekki nógu afdráttarlaus
eins og málið hefur legið fyrir.
Fyrsta skrefið er að það liggi ljóst
fyrir um hvað á að kjósa ef það
á að kjósa um málið aftur,“ segir
Lúðvík Geirsson. gar@frettabladid.is
Bæjaryfirvöld styðji
álver í íbúakosningu
Forstjóri Alcan á Íslandi óttast áhrif þess að Hafnfirðingar synji aftur álverinu
í Straumsvík um stækkun í íbúakosningu og vill stuðning bæjaryfirvalda.
Bæjarstjórinn segir ekkert ákveðið með yfirlýsingar af eða á. Ýmis svör vanti.
RANNVEIG RIST
ÁLVERIÐ Í STRAUMSVÍK Til að umdeild stækkun álversins geti orðið að veruleika þarf að leggja talsvert land til viðbótar undir
verksmiðjuna og færa Reykjanesbrautina á kafla.
ÍRAK Að minnsta kosti 35 manns
létu lífið í hryðjuverkaárásum
í Írak í gær, en þá var kosið til
þings í landinu í annað sinn frá
innrásinni í landið árið 2003.
Sprengju-, handsprengju- og
flugskeytaárásir voru gerðar í höf-
uðborginni Bagdad og fleiri borg-
um, þar á meðal Mosul, Falluja,
Baquba og Samarra. Alls féllu 25
manns í einni árás þegar íbúðahús
í norðurhluta Bagdad var sprengt
snemma dags.
Al-Kaída-samtökin höfðu hótað
hryðjuverkaárásum í aðdrag-
anda kosninganna. Tengd samtök
dreifðu meðal annars bæklingum
í Bagdad þar sem væntanlegir
kjósendur voru varaðir við því að
fara á kjörstað. Forsætisráðherra
Íraks, Nouri-al Maliki, hvatti kjós-
endur hins vegar til að nýta sér
atkvæðisréttinn.
Á fréttavef BBC kemur fram
að kosningaþátttaka hafi verið
góð þrátt fyrir árásirnar. Barack
Obama, forseti Bandaríkjanna,
sendi í gær frá sér yfirlýsingu þar
sem hann hrósaði Írökum fyrir að
láta ekki hættuna á hryðjuverkum
aftra sér frá því að nýta kosninga-
rétt sinn. Um 6.200 frambjóðendur
frá 86 stjórnmálaflokkum börðust
um 325 þingsæti í kosningunum.
- kg
Á fjórða tug manna féll í hryðjuverkaárásum í Írak í gær:
Mannfall á kosningadegi
SPRENGING Alls létust 25 manns þegar
íbúðahús var sprengt upp í norðurhluta
Bagdag, í gær. FRÉTTABLAÐIÐ/AFP