Fréttablaðið - 10.03.2010, Blaðsíða 2

2 10. mars 2010 MIÐVIKUDAGUR
SPURNING DAGSINS
HANNAÐ AF FAGFÓLKI - Á VERÐI FYRIR ÞIG
LJÓST HÁR
Sérhönnuð hárvörulína fyrir
Lengir tímann sem liturinn endist í hárinu
SJÁVARÚTVEGUR Línubáturinn
Lukka ÍS 357 frá Suðureyri kom
með heldur óvenjulegan afla að
landi á mánudag, 680 kílóa þung-
an hákarl sem var tæpir fimm
metrar á lengd og rúmir tveir
metrar að ummáli. Stærstir
verða hákarlar sjö metra langir
og um tonn að þyngd. Báturinn er
60 tonna, ellefu metrar að lengd.
Hákarlinn slagaði því vel upp í
hálfa bátslengdina.
Hákarlinn hafði flækt sig í lín-
una hjá Sigurði Oddssyni sem
gerir út Lukku ÍS í Nesdýpi og
var með lífsmarki þegar að var
komið. Sigurður, sem er einn
í áhöfn, segist hafa brugðið á
það ráð að koma tóg í sporðinn á
hákarlinum og kveður hann hafa
drepist fljótt þegar hann var
dreginn aftur á bak.
„En jú, manni bregður aðeins
við að sjá þetta koma upp úr djúp-
inu,“ viðurkennir Sigurður. Hann
segist hins vegar hafa áttað sig
á því um leið hvers kyns var því
í janúar kom það líka fyrir að
hákarl flækti sig í línunni hjá
honum. „Sá var reyndar helm-
ingi minni, en núna vissi maður
að minnsta kosti hvernig best var
að bera sig að.“
Þótt Sigurður hafi nú í annað
sinn á tiltölulega skömmum tíma
veitt hákarl á línu segir hann
fenginn óvenjulegan. „Í það
minnsta eru þetta fyrstu tveir
hákarlarnir sem ég fæ.“
Sigurður segir búbót að fengn-
um þótt misjafnt sé hvað greitt
sé fyrir hákarl. „Maður er að fá
einhvern sextíukall fyrir kílóið,
bara svona eins og hann kemur
fyrir,“ segir hann ánægður með
túrinn, en fyrir vestan gantast
menn með að annar eins afli hafi
þar tæpast fengist á einn línu-
bala. „Ég var kominn með um
300 kíló á balann og þá kom hann
í restina á balann, þannig að það
er gott tonn á balann og ekkert
oft sem það er.“
Fyrstu fregnir af hákarlinum
birtust á vefnum www.sudur-
eyri.blog.is en þar kemur fram að
hákarlinn verði skorinn og verk-
aður á næstu dögum og verði til-
búinn fyrir næsta þorrablót að
ári. olikr@frettabladid.is
MEÐ FENGINN Sigurður Oddsson
skipstjóri stillir sér upp við hákarlinn.
MYND/RÓBERT SCHMIDT
HÁKARLINUM LANDAÐ Stemning myndaðist niðri við höfn þegar hákarlinum var
landað, eða honum slefað á land, enda hafði ekki verið nokkur leið að koma honum
um borð í bátinn vegna stærðarinnar. MYND/RÓBERT SCHMIDT
Brá þegar ferlíkið
birtist úr djúpinu
Sigurði Oddssyni á Lukku ÍS 357 frá Suðureyri varð hverft við þegar hann varð var
við risastóran hákarl á línunni hjá sér í Nesdýpi. Þetta er annar hákarlinn sem Sig-
urður fær á línu frá áramótum. Fengurinn verður til reiðu fyrir næsta þorrablót.
ÍSRAEL, AP Joe Biden, varaforseti Bandaríkjanna,
sagði í gær að nú væri komið tækifæri fyrir Ísraela
og Palestínumenn að semja um frið. Hann hafði þó
ekki fyrr sleppt orðinu en ísraelsk stjórnvöld sam-
þykktu að reistar verði 500 íbúðir í Austur-Jerúsal-
em, þvert ofan í andstöðu Palestínumanna.
Palestínumenn gera kröfu til þess að austurhluti
Jerúsalemborgar verði höfuðborg sjálfstæðrar Pal-
estínu. Allar byggingaframkvæmdir Ísraela þar eru
til þess fallnar að torvelda samninga um slíkt.
Biden hélt á mánudag til Ísraels, hitti þar Shimon
Peres forseta og Benjamin Netanjahú forsætisráð-
herra í gær. Hann ætlar einnig að hitta Mahmoud
Abbas, forseta Palestínustjórnar, áður en hann held-
ur heim á ný á morgun.
Friðarviðræður Ísraela og Palestínumanna hafa
legið niðri í fjórtán mánuði, en þær hefjast nú á ný
með milligöngu Bandaríkjamanna án þess þó að
fulltrúar deiluaðilanna hittist.
Viðræður Bidens við ísraelska ráðamenn snerust
þó að stórum hluta um Íran, en Ísraelar hafa miklar
áhyggjur af hugsanlegum kjarnorkuáformum Írana.
Á fundi sínum með Netanjahú fullvissaði Biden
Ísraela um að Bandaríkjamenn myndu aldrei leyfa
Írönum að koma sér upp kjarnorkuvopnum. - gb
Ísraelar heimila byggingu hundraða nýrra íbúða í Austur-Jerúsalem:
Biden bjartsýnn á viðræður
JOE BIDEN Varaforseti Bandaríkjanna á göngu um grafreit í
Jerúsalem. NORDICPHOTOS/AFP
Haukur, er Græni hatturinn
nokkuð á hausnum?
„Já, en ég verð að taka hann ofan
bráðlega.“
Framtíð skemmtistaðarins Græna hatts-
ins á Akureyri er óljós eftir að leigusamn-
ingi við staðinn var sagt upp. Haukur
Tryggvason er veitingamaður á Græna
hattinum.
FJÁRMÁLASTARFSEMI Arion banki
kynnti starfsmönnum þriggja úti-
búa sinna í gær ákvörðun um að
útibúin yrðu sameinuð í eitt útibú
í Húsgagnahöllinni við Bílds-
höfða. Samkvæmt upplýsingum
Fréttablaðsins verður þó ekki af
sameiningu útibúanna á Suður-
landsbraut, í Árbæ og í Grafar-
vogi fyrr en næsta haust.
Endurskipulagningin er langt
komin en ekki var gefið uppi á
fundi í höfuðstöðvum Arion í
gær hver mynda stýra nýja úti-
búinu. Áður höfðu útibú bankans
í Mjódd og Hamraborg í Kópa-
vogi verið sameinuð í Turninum í
Kópavogi. Búast má við tilkynn-
ingu til allra starfsmanna Arion
um þessa breytingu í dag.
- gar
Arion dregur úr umsvifum:
Þrjú útibú verði
eitt á Bíldshöfða
DÓMSMÁL Þrjár konur sem tengj-
ast litháíska mansalsmálinu
hafa notið sérstakrar verndar
lögreglunnar vegna hættu sem
þeim er talin stafa af tengslum
sínum við málið. Í dómi Héraðs-
dóms Reykjaness yfir fimm
Litháum kemur fram að grein-
ingardeild ríkislögreglustjóra
taldið öryggi kvennanna þriggja
ógnað. Ein þeirra er litháíska
stúlkan sem kom nauðug til
landsins.
Sigríður Björk Guðjónsdóttir,
lögreglustjóri á Suðurnesjum,
segist ekki geta upplýst um þjóð-
erni kvennanna eða þátt þeirra
í málinu.
Spurð að því hvort konurnar
hafi notið vitnaverndar segir
hún slíkt ekki eiga sér lagastoð
hérlendis. „En það er hins vegar
spurning hvort hægt er að gera
ráðstafanir sem eru í þá átt,“
bendir lögreglustjórinn á.
- gar
Litháíska mansalsmálið:
Þrjár konur í
sérstakri vernd
FJÁRMÁLAFYRIRTÆKI „Lán sem
Samson fékk frá Búnaðarbanka
Íslands hf. vegna kaupa á Lands-
banka Íslands hf. var greitt að
fullu ásamt áföllnum vöxtum á
gjalddaga í apríl árið 2005 eða
fyrir nærri fimm árum,“ segir í
yfirlýsingu frá fyrrum eigendum
hins gjaldþrota Samsonar eignar-
haldsfélags.
Sagt hefur verið í fjölmiðlum
að lán sem Samson fékk frá Bún-
aðarbankanum vegna kaupa á
tæplega 46 prósenta hlut í Lands-
bankanum á árinu 2003 sé enn
ógreitt. Lánasamningurinn var
48,3 milljónir bandaríkjadala.
„Þvert á yfirlýsingar fyrrum
bankastjóra Búnaðarbankans þá
voru engar sjálfskuldarábyrgðir
gefnar vegna þessa láns,“ segir í
yfirlýsingu Samson-manna.
Fyrir hlutinn í Landsbankan-
um segjast Samson-menn alls
hafa greitt 139 milljónir banda-
ríkjadala og fullnaðaruppgjör við
ríkið vegna kaupanna hafi verið á
árinu 2003. Hins vegar hafi Sam-
son átt í frekari lánaviðskiptum
við Kaupþing eftir sameiningu
þess og Búnaðarbankans. Meðal
annars hafi Samson fengið 3,8
milljarða að láni á árinu 2007
með tryggingum í hlutabréfum
félagsins auk sjálfskuldarábyrgð-
ar. Hluti hafi verið greiddur á
gjalddaga í desember 2007 og þá
gerður nýr samningur um eftir-
stöðvarnar. Gjalddagi þess láns
hafi verið í desember 2008.
„Áður en sá dagur rann upp,
eða í október sama ár, hafði ríkið
yfirtekið hlut Samsonar í Lands-
bankanum,“ segja Samsonar-
menn. „Það er af þessu seinni
tíma láni sem Kaupþing, - nú
Arion banki, hefur krafið ábyrgð-
araðila um greiðslur og er það
alveg óskylt kaupum á hlutabréf-
um í Landsbankanum.“
Yfirlýsingin í heild er á Vísi.is.
- gar
Fyrrum eigendur Samsonar segja lán frá Búnaðarbankanum vegna kaupa á Landsbankanum löngu greitt:
Ekki verið að innheimta Búnaðarbankalánið
EIGENDUR SAMSON Keyptu nærri helm-
ings hlut í Landsbankanum árið 2003.
BLÖNDUÓS Þrjár vatnsrennibrautir
verða í nýrri sundlaug á Blönduósi.
Þetta var ákveðið á nýjasta fundi
framkvæmdahóps um byggingu
sundlaugarinnar.
Þar var ákveðið að ganga til við-
ræðna við Sporttækni um kaup
á rennibrautunum þremur, sem
framleiddar verða af pólska fyrir-
tækinu Mazur. Tvær rennibraut-
anna verða stórar og ein mjög lítil.
Á fundinum var einnig rætt
um útfærslu á klórmælingum. Til
stendur að klórinn verði fram-
leiddur í sundlauginni í stað þess
að hann verði fluttur tilbúinn á
staðinn. - sh
Ný sundlaug á Blönduósi:
Þrjár pólskar
rennibrautir
SAMGÖNGUR Samningafundi
Félags íslenskra flugumferð-
arstjóra með viðsemjendum
var slitið rétt fyrir klukkan sjö
í gærkvöld án niðurstöðu. Að
því er kemur fram á Vísi.is er
þannig ljóst að fjögurra tíma
verkfall verður í byrjun dagsins
í dag eins og boðað hafði verið.
Þetta þýðir að allt flug, bæði
millilandaflug og innanlands-
flug, fellur niður til klukkan ell-
efu fyrir hádegi. Flugfarþegar
eru hvattir til að fylgjast með
þróun mála í frétta- og upplýs-
ingaveitum í ljósvakamiðlum og
á netinu. - gar
Flugumferðarstjórar í hart:
Flug stöðvast
fram að hádegi
STOPP Útlit er fyrir fjögurra stunda langt
verkfall flugumferðarstjóra fyrir hádegi
í dag.