Fréttablaðið - 10.03.2010, Blaðsíða 20

10. MARS 2010 MIÐVIKUDAGUR2 ● fréttablaðið ● fermingar
Stærstu bankarnir munu ekki bjóða mótframlög
ef fermingarbörn leggja pening inn á reikning hjá
þeim. Í staðinn er boðið upp á framtíðarreikninga
sem eru bundnir til átján ára aldurs og á góðum
vöxtum. Slíkir reikningar hafa verið vinsælar
fermingargjafir undanfarin ár.
Íslandsbanki býður unglingum upp á ókeypis
fjármálanámskeið. Þór Clausen, kennari við Opna
háskólann í Háskólanum í Reykjavík, fer yfir fjár-
mál ungmenna, hvað ber að hafa í huga og hvað
beri að varast, til dæmis hvernig vextir virka og
hvað það þýði að gangast við sjálfskuldarábyrgð.
Bankinn býður einnig upp á framtíðarreikning.
Landsbankinn leggur áherslu á sparnað. Gegn
því að fermingarbarnið spari ákveðna upphæð á
framtíðarreikningi fær það gjöf frá bankanum, en
ekki er í boði mótframlag í peningum. Þar er einn-
ig í boði framtíðarreikningur. Landsbankinn rekur
sérstaka þjónustu fyrir níu til fimmtán ára krakka
undir heitinu Klassi (www.klassi.is).
Arionbanki hefur tekið tillit til tilmæla frá um-
boðsmanni barna og talsmanni neytenda sem mæl-
ast til þess að fyrirtæki og fjármálastofnanir
beini ekki auglýsingum sínum að börnum. Bank-
inn býður upp á framtíðarreikning sem bundinn er
til átján ára aldurs. Ekki hefur verið tekin ákvörð-
un um hvort óvæntur glaðningur fylgi því að
fermingarbarn leggi inn peninga sína í bankann. - sg
Minna um gylliboð banka
Framtíðarreikningur er kjörin fermingargjöf. Hann er á góðum
kjörum, verðtryggður og bundinn til átján ára aldurs.
NORDICPHOTOS/GETTY
Eyjafjörðurinn verður ör-
ugglega farinn að grænka
og mófuglarnir að syngja
þegar Ólafur Ingi Sigurðs-
son í Reykárhverfi fermist í
Grundarkirkju á hvítasunnu.
Ólafur Ingi er nemandi í Hrafna-
gilsskóla og er truflaður þar í
stærðfræðitíma til að spjalla um
fermingarundirbúninginn og
fleira. Hann er skýrleikspiltur og
gefur greið svör gegnum símann.
Segir séra Hannes Örn Blandon
hafa frá upphafi skólaárs komið
í skólann vikulega til að fræða
væntanleg fermingarbörnin og
kveðst ekki hafa orðið var við
annað en það gangi vel. „Fyrir ára-
mót vorum við að læra um ferm-
inguna, guð og kristindóminn al-
mennt og nú upp á síðkastið höfum
við verið að læra sálma, trúarjátn-
inguna, boðorðin og fleira,“ segir
hann og upplýsir að öll ferming-
arbörnin hafi fengið sálmabók að
gjöf frá kvenfélagi sveitarinnar.
Spurður hvort hann fari með
bænirnar sínar á kvöldin svar-
ar Ólafur Ingi: „Ég get ekki sagt
að það sé mikið en ég fer þó með
faðirvorið. Var kennt það þegar
ég var lítill að minnsta kosti. Við
sækjum líka kirkju öðru hverju og
höfum verið óvenju dugleg við það
í vetur. Ég fer nú yfirleitt bara í
kirkjuna á Grund, nema þegar séra
Hannes er með sérstakar messur
annars staðar, ætlaðar ferming-
arbörnum. Þá einkum í Munka-
þverárkirkju.“
Grundarkirkja er kirkja Ólafs
Inga. „Hún er nálægt heimili
mínu og er kirkja foreldra minna,
ömmu og afa,“ útskýrir hann en
hversu mörg börn munu fermast
þar í vor? „Við erum 21 í bekkn-
um og langflest okkar fermast í
Grundarkirkju á hvítasunnu. Það
var hægt að óska eftir öðrum degi
en ég held að fáir hafi gert það.“
Ólafur Ingi á áreiðanlega eftir
að játa fermingarheitinu hátt og
skýrt við altarið. Hann er ófeim-
inn og vanur að koma fram enda
er leiklist áhugamál hans, ásamt
tónlist og íþróttum. Hann tók þátt
í sýningunni Lilju með Leikfélagi
Akureyrar í haust og segir alltaf
eitthvað sett á svið í Hrafnagils-
skóla í tengslum við árshátíðina.
„Svo fær maður þjálfun í að koma
fram á samverustundum sem eru
hér í skólanum á hverjum morgni
hjá 1. til 7. bekk og vikulega hjá 8.
til 10. bekk. Þá þurfa nemendur að
flytja mál sitt fyrir framan allan
hópinn og það styrkir mann.“
Tilhlökkun vegna fermingar-
innar er farin að gera vart við sig
hjá Ólafi Inga en er hann eitthvað
byrjaður að huga að veisluhaldi,
fatakaupum og slíkum undirbún-
ingi? „Já, ég hef eitthvað verið
að reyna það. Á reyndar eftir að
bjóða í veisluna enda er hún ekki
fyrr en í endaðan maí. En ég er
farinn að íhuga hvað ég vil hafa
á borðum. Svo fæ ég ný föt en
mamma vill meina að ég eigi eftir
að stækka eitthvað. Það borgar sig
kannski ekki að kaupa þau alltof
snemma.“ - gun
Farinn að íhuga hvað
ég vil hafa á borðum
Fréttablaðið spurði valinkunna
andans menn um ritningarorðin
sem það valdi sér og fór með við
fermingarathöfnina sína.
„Ég valdi mér á sínum tíma
náungaritningarorðin, sem
ganga út á að þú eigir að koma
fram við náungann eins og þú
vilt að hann komi fram við þig,
vegna þess að þau voru í raun
þau einu sem komu til greina,“
segir Margrét Gauja Magnús-
dóttir, kennari og bæjarfulltrúi
í Hafnarfirði, sem fermdist í
Víðisstaðakirkju vorið 1990.
Aðspurð segist Margrét
Gauja hafa reynt að haga lífi
sínu í samræmi við ritningar-
orðin alla tíð. „Það hefur ekki
alltaf tekist, en vonandi hef ég
alltaf séð að mér og beðist fyr-
irgefningar ef ég hef gert á hlut
einhvers. Fyrirgefningin er
nefnilega ótrúlega öflugt tæki
til að halda góðri geðheilsu. En
ef einhverjir telja mig skulda
þeim afsökunarbeiðni þá mega
þeir alveg endilega hafa sam-
band við mig,“ segir hún.
Björk, dóttir Margrétar,
fermist eftir tvö ár og segir
Margrét undirbúning fyrir
stóra daginn strax kominn á
fullt. „Björk vill hafa hesta-
fermingu og er nú þegar byrj-
uð að safna sér í sjóð
fyrir hestinum
sem hún ætlar
að koma ríð-
andi á í sína
eigin ferm-
ingarveislu.
Með góðri
hjálp velunn-
ara í Hafnar-
firði, dósa-
söfnun og
þess háttar, ætti þetta að ganga
upp,“ segir Margrét Gauja og
skellir upp úr.
Sveinn H. Guðmarsson
fréttamaður valdi sín ritningar-
orð í samráði við foreldra sína
þegar hann fermdist vorið 1988.
„Ég fór með Jóh. 8:12, Ég er ljós
heimsins. Sá sem fylgir mér
mun ekki ganga í myrkri heldur
hafa ljós lífsins,“ segir Sveinn
og bætir við að löngu síðar hafi
hann fundið mjög fallega helgi-
mynd í Grikklandi þar sem
þessi orð eru letruð á grísku,
Ego eimi to fos tou kosmou. „Ég
festi kaup á myndinni. Þetta var
ekki verðmætur íkoni heldur
hræódýr mynd, en falleg í
einfaldleika sínum.“
Hann segist reyna að
lifa í góðri sátt og sam-
lyndi við aðra menn eins
og flest annað fólk. „Að því
leytinu til hef ég reynt að
gera boðskap Jesú að mínum,
en að öðru leyti erum við
ekki mjög nánir,“ segir
Sveinn. - kg
HEFURÐU LIFAÐ EFTIR RITNINGARORÐUNUM?
Margrét Gauja Magnúsdóttir, kenn-
ari og bæjarfulltrúi í Hafnarfirði.
Sveinn Guðmarsson,
fjölmiðlamaður.
Lín Design, gamla sjónvarpshúsið Laugavegi 176 Sími 533 2220 www.lindesign.is
„Hún er nálægt heimili mínu og er kirkja foreldra minna, ömmu og afa,“ segir Ólafur Ingi um Grundarkirkju í Eyjafirði. MYND/HEIDA.IS
● FYLG ÞÚ MÉR Aftur fór hann út og
gekk með vatninu, og allur mannfjöldinn
kom til hans, og hann kenndi þeim. Og er
hann gekk þar sá hann Leví Alfeusson sitja
hjá tollbúðinni og hann segir við hann:
„Fylg þú mér!“ Og hann stóð upp og fylgdi
honum.
Markús 2.13.