Fréttablaðið - 10.03.2010, Blaðsíða 24
10. MARS 2010 MIÐVIKUDAGUR6 ● fréttablaðið ● fermingar
Fermingar tíðkast meðal táninga í gyðingdómi, líkt
og kristindómi. Lengst af fór ferming þeirra fram á
þrettánda árinu, en snemma á 19. öld var fermingar-
aldurinn hækkaður í sextán ár þar sem yngri börn
þóttu síður í stakk búin til að staðfesta trú sína af
heilum hug.
Allt þar til fermingarathafnir nútímans hófust
meðal gyðinga staðfestu börn þeirra gyðingdóm sinn
við Bar Mitzvah-athafnir, sem kallast Bat Mitzvah
fyrir stúlkur.
Fermingar fara jafnan fram á Shavout-hátíðinni
sem haldin er árlega um mánaðamótin maí/júní og
haldin til minningar um daginn sem Drottinn gaf Ís-
raelum Mósebækurnar fimm á Sínaífjalli. Shavout
tengist páskahátíð gyðinga og er ein af þremur stór-
um biblíulegum pílagrímshátíðum.
Fermingar í gyðingdómi eru útskrift ungmenna
í trúarfræðum gyðinga. Fermingarfræðslan kenn-
ir þeim að nú verði þau tekin inn í „heilagt sam-
félag“ þar sem þau geta óhrædd borið brigður á,
skorað á hólm eða deilt um gyðingatrú, án þess
að verða dæmd fyrir. Fermingarfræðslan hvet-
ur einnig til samvinnu í sterku samfélagi gyð-
inga sem miðlað getur trú sinni til umheimsins.
Nemendur taka virkan þátt í athöfninni: lesa upp
úr Mósebókunum fimm, fara yfir merkingu boð-
orðanna tíu og fara með stutta predikun um mál-
efni sem standa hjarta þeirra næst, þar sem þeir
standa frammi fyrir steintöflum Mósebókar, líkt
og Ísraelar gerðu á Sínaífjalli forðum. - þlg
Trúin staðfest við steintöflur Móses
Stoltur faðir ber son sinn hátt eftir fermingu meðal gyðinga.
NORDICPHOTOS/GETTY
Ýmsar leiðir eru til að staðfesta
trú sína hvort sem það er trúin
á guð eða annað. Þeir sem eru
ásatrúar geta undirgengist
siðfestu hjá Ásatrúarfélaginu
og er nokkuð um að börn á
fermingaraldri fari þá leið. Jök-
ull Logi Garðarsson og fóstur-
faðir hans, Ævar Gunnarsson,
ætla báðir að festa með sér
heiðinn sið.
Fósturfeðgarnir Ævar Gunnars-
son og Jökull Logi Garðarsson
stefna báðir að því að undirgang-
ast siðfestu hjá Ásatrúarfélaginu.
Jökull Logi gerir það í lok maí, eða
um svipað leyti og jafnaldrar hans
fermast, en Ævar seinna í sumar.
„Ég ætla að leyfa honum að njóta
sín og eiga sinn dag en fara sjálf-
ur í gegnum þetta síðar,“ segir
Ævar.
Hann sagði sig úr Þjóðkirkj-
unni fyrir mörgum árum. „Ég átti
mína barnatrú og fermdist en átt-
aði mig síðan á því þegar ég sat
einhverju sinni í messu að ég var
ekki sammála því sem fór fram.
Ég var utan trúfélags um sinn en
skráði mig síðan í Ásatrúarfélagið
fyrir nokkrum árum.“ Ævar seg-
ist ekki endilega trúa á ákveðna
guði. „Megininntak heiðins siðar
er ábyrgð einstaklingsins á sjálf-
um sér og sínum, heiðarleiki, um-
burðarlyndi gagnvart trú og lífs-
skoðunum annarra og virðing og
trúmennska fyrir náttúrunni og
öllu lífi. Margir innan félagsins
eiga sína uppáhaldsguði en það
má segja að ég sé frekar ungur í
þessu.“
Spurður að því hvort Ævar hafi
kveikt áhuga Jökuls segir hann
það frekar hafa verið skólann.
„Jökull er í Norðlingaskóla og þar
eru reglulega settar á fót smiðj-
ur þar sem farið er djúpt í ákveð-
in efni. Í hittifyrra var víkinga-
þema og kynntist hann ásatrúnni
í gegnum það. Ég ákvað síðan að
fara með honum í gegnum sið-
festufræðsluna bæði til upplýs-
ingar fyrir mig og til að styðja við
bakið á honum.“
Jökli hefur líkað vel í fræðsl-
unni. Hann segir hana hafa bætt
miklu við þekkingu sína þó að sumt
hafi hann þegar lært í skólanum.
Jóhanna Harðardóttir goði hefur
umsjón með fræðslunni. Hún segir
hana valkost fyrir alla þá sem vilja
dýpka skilning sinn á heiðnum sið.
„Allir sem þess óska geta tekið sið-
festu en unglingar sem eru ekki
orðnir sjálfráða þurfa að fá sam-
þykki forráðamanna. Siðfestuat-
höfn felur síðan í sér að festa með
sér heiðinn sið eða hafa hann að
leiðarljósi í lífinu.“
Í siðfestufræðslunni er farið í
grunngildi heiðninnar auk þess
sem fræðst er um norræn goð,
heimsmynd heiðinna manna og
helstu tákn heiðni. Undirbúning-
urinn felst einnig í því að við-
komandi les og hugleiðir Völuspá
og Hávamál og velur sér þrjú er-
indi Hávamála sem leiðarljós inn
í heim heiðinna manna. Siðfestu-
athöfnin er síðan persónuleg at-
höfn sem getur ýmist farið fram á
blótum Ásatrúarfélagsins eða ann-
ars staðar. Hún er oft haldin utan-
dyra og hefst á því að goði helgar
staðinn, lýsir sáttum og griðum
eins og við blót og fer með inngang
að athöfninni. Frumkraftar jarð-
ar, vatn, loft, jörð og eldur, þurfa
að vera til staðar og er eldhring-
ur á jörðu. Siðfestumaður stígur
inn í eldhringinn og flytur erindi
sín og goði vígir hann inn í heim
fullorðinna heiðinna manna með
nokkrum orðum. „Við stefnum að
því að hafa athöfn Jökuls utandyra
og vonum að veður leyfi en síðan
verður veisla og tilheyrandi,“ segir
Ævar. - ve
Festa með sér heiðinn sið
Jökull kynntist ásatrú í víkingasmiðju í Norðlingaskóla. Ævar hefur verið í Ásatrúarfélaginu í nokkur ár. FRÉTTABLAÐIÐ/VILHELM
Camilla Rut Arnarsdóttir fermdist í Krossinum fyrir tveimur
árum en athöfnin er kölluð fermingarblessun. Hún fór fram
á sunnudagssamkomu eftir lofgjörð og var að sögn Camillu
ánægjuleg í alla staði. „Ég fermdist með góðri vinkonu minni og
fór með vers úr Tímoteusarbréfi 14 sem var eitthvað á þá leið að
þú skalt ekki líta smáum augum á æsku þína, en mér fannst það
viðeigandi,“ segir Camilla.
Fermingarbörn í Krossinum fara með ritningarvers og segja
gjarnan nokkur orð um það hvers vegna þau hafi ákveðið að
gera Guð að leiðtoga lífs síns á samkomunni. Þá gefa sum þeirra
vitnisburð um það sem hann hefur gert fyrir líf þeirra ásamt
því að segja frá því af hverju þau hafi valið að stíga þetta skref.
Síðan er beðið fyrir þeim og fjölskyldan blessuð.
Camilla segir fermingarundirbúninginn hafa verið mjög auð-
veldan í sínu tilfelli og að það sama eigi við um önnur fermingar-
börn í Krossinum sem hafa tekið virkan þátt í barna- og ungl-
ingastarfinu. „Ég er alin upp í Krossinum og á mitt persónu-
lega samband við Guð. Ég mæti í messu og bið á hverjum degi og
því var undirbúningurinn ekki svo frábrugðinn því sem ég var
hvort eð er vön að gera. Það var því aðallega farið með hópinn í
keilu og reynt að gera eitthvað skemmtilegt til að hrista okkur
saman.“
Camillu var síðan haldin veisla eins og venja er en spurð að
því hvort skólafélagarnir hafi gert einhverjar athugasemdir við
hennar leið segist hún sátt og sjálfsörugg með sína trú. „Ef þeir
höfðu eitthvað út á hana að setja sagði ég bara: þín skoðun ekki
mín.“ - ve
Undirbúningstíminn
eins og aðrir dagar
Fermingarundirbúiningurinn hjá Camillu, sem fermdist fyrir tveimur árum,
var auðveldur, enda átti hún fyrir sitt persónulega samband við guð, mætti í
messur og bað bænirnar sínar. FRÉTTABLAÐIÐ/PJETUR
Mars er heilsumánuður hjá Maður Lifandi…
2 fyrir 1
af rétti dagsins
eftir kl. 16 alla virka daga.
Opið virka daga kl. 10—20
Laugardaga kl. 10—17
www.madurlifandi.is
Borgartúni 24
105 Reykjavík
sími 58 58 700
Hæðasmára 6
201 Kópavogi
sími 58 58 710
Hafnarborg
220 Hafnarfjörður
sími 58 58 700