Fréttablaðið - 10.03.2010, Blaðsíða 36
16 10. mars 2010 MIÐVIKUDAGUR
timamot@frettabladid.is
Lokað vegna útfarar
Vegna útfarar Þorsteins Geirssonar ráðuneytisstjóra verða
skrifstofur dómsmála- og mannréttindaráðuneytisins
lokaðar eftir hádegi miðvikudaginn 10. mars.
Dómsmála- og mannréttindaráðuneytinu,
9. mars 2010.
Innilegar þakkir til allra þeirra sem
sýndu okkur samúð, vináttu og hlýhug
við andlát og útför ástkærrar móður
okkar, tengdamóður, ömmu og lang-
ömmu,
Kristínar Guðlaugar
Bárðardóttur
Stífluseli 8.
Sérstakar þakkir til starfsfólks gjörgæsludeildar
Landspítalans í Fossvogi fyrir kærleik og hlýhug. Guð
blessi ykkur öll.
Símon V. Gunnarsson Eygló Andrésdóttir
Jóna Guðrún Gunnarsdóttir Jón Sveinn Friðriksson
Matthías Gunnarsson Katrín Eiríksdóttir
Dagný D. Gunnarsdóttir Halldór D. Guðbergsson
Kristín Gunný
Gunnar Magnús
barnabörn og barnabarnabörn.
Móðir okkar, tengdamóðir og amma,
Sigríður Hildur
Þórðardóttir,
vélritunarkennari, áður til heimilis
Sporðagrunni 3, Reykjavík
andaðist á Hjúkrunardeild Hrafnistu laugardaginn
6. mars. Útförin fer fram frá Áskirkju mánudaginn
15. mars kl. 15.
Guðlaug Ingunn Jóhannsdóttir, Mats Hjelte,
Johan Petter, Elin Ingunn, Emma Mathilda,
Jóhann G. Jóhannsson, Bryndís Pálsdóttir, Jóhann Páll,
Hildur Margrét, Ragnheiður Ingunn.
AFMÆLI
SHARON
STONE
leikkona er
52 ára.
CHUCK
NORRIS,
leikari er
sjötugur.
Söfn á Suðurnesjum bjóða upp á sameiginlega dagskrá
í annað sinn helgina 13. til 14. mars undir yfirskriftinni
Safnahelgi á Suðurnesjum. Ókeypis verður á öll söfn sem
eru mörg og fjölbreytt.
Menningarráð Suðurnesja, Sparisjóður Keflavíkur og
Ferðamálasamtök Suðurnesja styrkja verkefnið sem unnið
er af fulltrúum sveitarfélaganna fimm á Suðurnesjum.
Ýmislegt verður í boði um helgina. Tónleikar, sýningar,
leiðsagnir og margs konar uppákomur. Humarsúpa, salt-
fiskur og annað góðgæti verður í boði auk þess sem haldin
verður keppni um besta saltfiskréttinn. Sjómannavalsar,
draumráðningar, rokk og ról og harmónikutónlist. Skessan
í hellinum, Heimskautin heilla og Sköpun alheimsins svo
fátt eitt sé nefnt.
Nánari dagskrá má kynna sér á síðunni www.safnahelgi.
is
Safnahelgi á Suðurnesjum
DUUSHÚS Mikið verður um að vera á Suðurnesjum um helgina.
ÁGÚST ÓLAFUR ÁGÚSTSSON
ER 33 ÁRA Í DAG.
„Allt er skárra en Bush-árin,
sem skilja eftir sig sviðna jörð.“
Ágúst Ólafur er fyrrverandi vara-
formaður Samfylkingarinnar. Þetta
sagði hann þegar Barack Omaba
var kosinn forseti Bandaríkjanna.
MERKISATBURÐIR
1804 Bandaríkin kaupa Louisi-
ana af Frökkum.
1934 Dregið er í Happdrætti
Háskóla Íslands í fyrsta
sinn í Iðnó í Reykjavík
að viðstöddu fjölmenni.
Hæsti vinningur var 10
þúsund krónur.
1944 Flugfélagið Loftleiðir er
stofnað.
1964 Fyrsti Ford Mustang-bíll-
inn er framleiddur.
1991 Davíð Oddsson er kjör-
inn formaður Sjálfstæðis-
flokksins.
2005 FL Group er stofnað utan
um fjárfestingarhluta Ice-
landair Group.
Hljómsveitin Sálin hans Jóns míns hélt sína
fyrstu tónleika þennan dag árið 1988 sem telst
vera stofndagur hljómsveitarinnar. Tónleikarnir
fóru fram í Bíókjallaranum við Lækjargötu.
Stefán Hilmarsson, Guðmundur Jónsson og
Jón Ólafsson stofnuðu hljómsveitina og fengu
þá Rafn Jónsson trommuleikara og Harald
Þorsteinsson bassaleikara til liðs við sig. Fyrsti
smellur hljómsveitarinnar var Á tjá og tundri.
Töluverðar mannabreytingar hafa orðið í sveitinni
en árið 1989 gengu þeir Jens Hansson, saxó-
fón- og hljómborðsleikari, og Friðrik Sturluson
bassaleikari til liðs við sveitina. Þeir hafa verið í
henni síðan.
Hljómsveitin hefur sent frá sér fjöldann allan af
smellum meðal annars Auður, Hvar er draumur-
inn, Krókurinn og Hjá þér.
Aðdáendaklúbbur Sálarinnar hans Jóns míns,
Gullna liðið, var stofnaður árið 2003 og þegar
sveitin fagnaði tuttugu ára afmæli sínu voru um
fjórtán hundruð manns skráðir í hann.
ÞETTA GERÐIST: 10. MARS ÁRIÐ 1988
Sálin hans Jóns míns 22 ára
SÁLIN HANS JÓNS MÍNS Ein vinsælasta hljómsveit
Íslandssögunnar.
Össur Geirsson, stjórnandi Skólahljóm-
sveitar Kópavogs, var útnefndur Eld-
hugi Kópavogs 2010 af Rótarýklúbbi
Kópavogs í gær en þann heiður hlýt-
ur sá Kópavogsbúi sem er talinn hafa
skarað fram úr á einhverju sviði eða
sýnt samfélagi sínu eftirtektarverða
ræktarsemi eða þjónustu. Össur er vel
að heiðrinum kominn. Hann byrjaði í
hljómsveitinni árið 1972 og hefur ýmist
spilað með henni eða starfað við hana
nær óslitið síðan. Hann hóf kennslu
við sveitina þó nokkrum árum áður en
hann hætti að spila með henni, eða árið
1986 og tók við sem stjórnandi árið
1993 þegar Björn Guðjónsson,stofn-
andi hennar, lét af störfum.
Össur, sem er básúnuleikari, hefur
lengi haft áhuga á tónlistarmenntun og
er umhugað um að börn læri á hljóð-
færi. „Þetta er mitt helsta áhugamál
sem kemur sér vel því ekki eru það
launin sem trekkja,“ segir Össur. Hann
hefur að sögn unun af því að fylgjast
með börnunum ná tökum á hljóðfærum
sínum. Um 170 börn eru í Skólahljóm-
sveit Kópavogs sem er starfrækt sem
tónlistarskóli. Þar starfa auk Össurar
þrettán kennarar sem kenna nemend-
unum á hljóðfæri í einkatímum. Nem-
endurnir, sem eru á grunnskólaaldri
eru 150 talsins en auk þess sækja 15 til
20 nemendur, sem stunda framhalds-
skólanám eða nám í öðrum tónlistar-
skólum, hljómsveitarstarfið til skóla-
hljómsveitarinnar. Nemendur fá síðan
tvær samæfingar á viku.
Hljómsveitin heldur upp undir níu-
tíu tónleika á ári en sérstakir vor- og
hausttónleikar eru sérlega veglegir.
Vortónleikarnir, sem jafnan eru haldn-
ir í Háskóabíói, eru nýafstaðnir. Þá er
reglulega farið í æfingabúðir auk þess
sem hljómsveitin fer í tónleikaferð-
ir jafnt innanlands sem utan. Vinna
Össurar er því ekki hefðbundin níu til
fimm vinna heldur þarf hann að inna
af hendi bæði kvöld- og helgarvinnu.
Þá er uppeldisstarfið ekki síður mikil-
vægt en tónlistarkennslan.
„Ég segi það hikstalaust að starfið
hefur mikið forvarnagildi. Á ferða-
lögum okkar þykir svo sjálfgefið að
þetta sé vímulaus starfsemi að það
þarf ekki einu sinni að nefna það. Þá
leggjum við mikið upp úr samvinnu og
tillitsemi og gera nemendur sér grein
fyrir því að það sem einn gerir hefur
áhrif á allan hópinn og þurfa þeir að
hugsa um hvernig þeir koma fyrir á
okkar vegum.“
Í rökstuðningi Rótarýklúbbs Kópa-
vogs segir að Kópavogsbúar séu þeirr-
ar gæfu aðnjótandi að hafa við stjórn-
völinn á þessu sviði duglegan og
áhugasaman mann sem leiðir ungvið-
ið til árangurs við tómstundaiðju sína.
„Alls staðar þar sem spurst er fyrir
um starfsemi hljómsveitarinnar fær
hún góða dóma og þykir Össur vinna
frábært starf.“
vera@fettabladid.is
ÖSSUR GEIRSSON: ÚTNEFNDUR FJÓRTÁNDI ELDHUGI KÓPAVOGS
Leiðir ungviðið til árangurs
HEFUR SÝNT SAMFÉLAGI SÍNU RÆKTARSEMI Össur byrjaði sjálfur í Skólahljómsveit Kópavogs tíu ára og hefur starfað nær óslitið með henni
síðan, eða á fjórða áratug. MYND/GEIR A. GUÐSTEINSSON