Fréttablaðið - 10.03.2010, Blaðsíða 46

26 10. mars 2010 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
LÁRÉTT
2. teikning af ferli, 6. ógrynni, 8.
fiskur, 9. flan, 11. kusk, 12. spergill,
14. bóla, 16. samtök, 17. tæki, 18.
þangað til, 20. ullarflóki, 21. köttur.
LÓÐRÉTT
1. áræða, 3. slá, 4. heilmikill, 5. skor-
dýr, 7. fuglategund, 10. forsögn, 13.
sigað, 15. vingjarnleiki, 16. í viðbót,
19. vörumerki.
LAUSN
LÁRÉTT: 2. graf, 6. of, 8. áll, 9. ras, 11.
ló, 12. aspas, 14. hátta, 16. aa, 17. tól,
18. uns, 20. rú, 21. kisi.
LÓÐRÉTT: 1. þora, 3. rá, 4. allstór,
5. fló, 7. fashani, 10. spá, 13. att, 15.
alúð, 16. auk, 19. ss.
VEISTU SVARIÐ
Svör við spurningum á síðu 8
1 Þeir hlutu fimm ára fangelsis-
dóm hver.
2 Selma hyggst flytja til Bristol
með fjölskylduna.
3 Staðan er 2-2, úrslitaviðureign-
in er í kvöld.
„Græni hatturinn er ekki að fara að loka – hann er
frekar að fara að sækja í sig veðrið,“ segir Sigmund-
ur Rafn Einarsson, eigandi tónleikastaðarins Græna
hattsins á Akureyri.
Í Fréttablaðinu í gær var haft eftir Hauki
Tryggvasyni, sem rekur Græna hattinn, að framtíð
staðarins væri óljós. Sigmundur Rafn vísar því á bug
og segir til standa að stækka staðinn; opna nýjan bar
inni í öðru rými, en að öðru leyti haldist reksturinn
óbreyttur. „Þessi staður er alls ekki að hætta. Hann
gengur vel,“ segir Sigmundur. „Græni hatturinn
verður áfram lifandi tónlistarstaður. Viðbótin verður
bar með inngangi frá göngugötunni og enn þá betri
staður. Þannig að ég ætla að auka menningarlífið.“
Sigmundur býst við að breytingunum ljúki í maí
og stefnir á að halda úti jafn öflugri tónleikadagskrá
og verið hefur. 130 tónleikar voru haldnir á Græna
hattinum á síðasta ári og staðurinn nýtur sífellt
meiri vinsælda hjá ferðafólki. Hliðarstaðurinn sem
verður opnaður í sama húsnæði verður opinn oftar
en Græni hatturinn, sem hefur aðeins verið opinn
þegar tónleikar eru í gangi. „Ég er búinn að eiga
þetta húsnæði í mörg ár og hef haft þetta í deiglunni
lengi,“ segir Sigmundur. „Maður er að framkvæma
þetta núna, þó að það sé kreppa. Menn eru ánægðir
með það.“ - afb
Græni hatturinn lifir áfram
EKKI AÐ LOKA Græni hatturinn tekur breytingum á næstunni,
en verður samt áfram tónleikastaður.
Hera Björk Þórhallsdóttir, sem mun
hafa þjóðina á herðum sér í Ósló
þegar Eurovision verður haldin þar
í lok maí, eyðir ekki tíma sínum í
ræktinni þessa dagana. „Nei, ég fæ
mína hreyfingu þegar ég hleyp á
milli funda. Ég er hins vegar mikið
að spá í andlega þáttinn enda er það
mikið ábyrgðarverk að vinna keppn-
ina og hafa það á samviskunni að
þurfa að skipuleggja Eurovision hér
á landi að ári,“ segir Hera sem fetar
því í fótspor sjálfs Ofurmennisins,
Brandons Routh, og leggur stund á
rope yoga hjá Guðna Gunnarssyni,
rope-yoga-meistara.
Nóg er fram undan hjá Heru en
hún og Örlygur Smári eru nú að fín-
pússa lagið enda þurfa kynningar-
bæklingar keppenda og slagarinn Je
Ne Sais Quoi að vera komnir út til
skipuleggjanda keppninnar í næstu
viku. Hera ákvað fyrir skömmu að
taka farsímanúmerið sitt úr síma-
skránni. „Já, ég var farin að fá alls
konar sms á alls konar tímum og
hafði einfaldlega ekki tíma til að
svara þeim öllum. Þetta gefur mér
smá ró og næði,“ segir Hera.
Ekki hefur verið tekin ákvörðun
um hvort ráðist verði í gerð sérstaks
myndbands eins og hefð hefur verið
fyrir hjá Eurovision-förum und-
anfarin ár. „Við ætlum að taka þá
ákvörðun eftir 20. mars. Auðvitað
væri það frábært ef við gætum gert
slíkt en þetta er líka alltaf spurn-
ing um peninga,“ segir Hera en
eins og Fréttablaðið greindi frá
fyrir stuttu fá þau Hera og Örlyg-
ur Smári sex milljónir króna í
styrk til að standa straum af öllu
því sem viðkemur Eurovision.
- fgg
Hera Björk í rope yoga fyrir Eurovision
HERA Í OFURMENNISÞJÁLFUN
Hera Björk leggur stund á rope
yoga hjá Guðna Gunnars-
syni fyrir Eurovision-
keppnina í í Ósló.
Sama og Brandon
Routh gerði fyrir
Ofurmennis-
myndina.
„Það er Saffran, ekki spurning.
Ég var þar í vikunni og fæ mér
alltaf það sama, African Pizza,
með spelt-botni og tómötum.
Hún er algjört æði.“
Helga Möller, tónlistarkona.
„Maður er búinn að reyna að
spara sig svolítið,“ segir Arnar
Geir Ómarsson, einn færasti
trommari landsins sem hefur
lamið húðir með hljómsveitum
á borð við Ham, Egó og Appar-
ati Organ Quartet við góðan orð-
stír.
Hann hefur þurft að minnka
við sig í trommuleik að undan-
förnu vegna psoriasis-gigtar. „Ég
er í stúdíóinu núna að taka upp
Apparat-plötu en maður verður
að velja svolítið og hafna,“ segir
Arnar Geir, sem hefur glímt við
gigtina síðastliðin tíu ár. En það
er fyrst núna sem hann hefur
ákveðið að gera eitthvað í sínum
málum. „Þetta hefur verið að há
mér svolítið og ég hef minnkað
harðari músík. Gamlar þunga-
rokkssveitir reyna meira á heldur
en nýrri,“ segir hann og staðfest-
ir að hann hafi farið í meðferð við
kvilla sínum og sé á batavegi.
Arnar þarf ekki að hafa áhyggj-
ur af trommuleik með Egó um
þessar mundir því sú sveit er
komin í pásu en Ham er aftur á
móti að undirbúa nýja plötu og
þar verður væntanlega rokkað
feitt, sem eru ekki góð tíðindi
fyrir hann akkúrat í dag. „Ég
er aðeins að reyna að salta það
sökum líkamlegra kvilla,“ segir
hann en stefnir á að tromma inn
á plötuna með vorinu þegar hann
hefur náð góðum bata. Þangað
til ætla aðrir sveitarmeðlimir að
æfa sig eins vel og kostur gefst.
Arnar viðurkennir að eiga erf-
itt með að halda aftur af sér enda
hefur trommuleikurinn átt hug
hans allan undanfarin ár. „Þetta
fer ekki alveg saman því þetta er
svo skemmtilegt en þegar þetta
veldur svona miklum sársauka þá
getur þetta verið erfitt.“
Hann varð fyrst frægur fyrir
höggþungan trommuleik sinn
með rokksveitinni Ham með þá
Sigurjón Kjartansson og Ótt-
arr Proppé í fararbroddi. Því
næst spilaði hann með Appar-
ati á fyrstu og einu plötu þeirrar
sveitar til þessa, sem er í miklum
metum hjá fjölda tónlistaráhuga-
manna. Á síðasta ári trommaði
Arnar síðan með Egó á endur-
komuplötu sveitarinnar. Aðrar
sveitir sem hann hefur spilað
með eru Stríð og friður, Rass og
Funkstrasse.
Meðfram trommuleiknum
hefur Arnar starfað sem graf-
ískur hönnuður og þarf hann því
ekki að hafa áhyggjur af tekju-
skorti þrátt fyrir að rokkkjuðarn-
ir hafi verið settir á hilluna í bili.
freyr@frettabladid.is
ARNAR GEIR ÓMARSSON: ÞETTA HEFUR VERIÐ AÐ HÁ MÉR SVOLÍTIÐ
Tekur sér hlé frá rokkinu
vegna gigtarvandamála
ARNAR GEIR ÓMARSSON Trommarinn knái hefur minnkað við sig í vinnu vegna
gigtarvandamála sem hafa hrjáð hann í áratug. FRÉTTABLAÐIÐ/ANTON
PSORIASIS-GIGT
Psoriasis-gigt lýsir sér með bólgnum liðum í fingrum og öxlum. Talið er að
um 10 til 30% þeirra sem greinast með psoriasis fái þessa tegund gigtar.
Hugleikur Dagsson
sendi frá sér bókina
Íslensk dægurlög fyrir
síðustu jól. Bókin inni-
hélt teikningar hans
við fjölmörg þekkt
lög og þótti
vel heppnuð.
Í kjölfarið byrjaði hann að teikna
myndir við erlenda smelli, en sú
bók fékk vinnutitilinn Popular Hits.
Nú hefur Hugleikur smellt nokkrum
af þessum myndum á boli sem
verða meðal annars til sölu í versl-
uninni Havarí. Á meðal laga sem
hann myndskreytti eru Norwegian
Wood, Personal Jesus og Sympathy
for the Devil og geta lesendur gert
sér í hugarlund hvernig myndirnar
eru.
Skemmtistaðurinn Sódóma
heldur upp á eins árs afmæli sitt
á föstudagskvöldið með ókeypis
tónleikum tólf hljómsveita. Það
vakti athygli þegar staðurinn opnaði
að myndum af útrásarvíkingum var
komið fyrir í pissuskál-
unum. Nú ári síðar
virðist sem „vinsæl-
ustu” skotmörkin séu
Hannes Smárason og
Finnur Ingólfsson,
að minnsta kosti er
mesta kalkmyndunin
á andlitum þeirra. Á
Sódómu bíða menn
nú eftir rannsóknar-
skýrslunni og telja ekki útilokað að
boðið verði upp á fleiri útrásarvík-
ingatengda afþreyingarmöguleika í
kjölfar birtingar hennar.
Unnur Birna Vilhjálmsdóttir er
farin af landi brott og mun ekki
snúa aftur næstu sex mánuði. Eins
og Fréttablaðið greindi frá verður
Unnur í Shanghaí þar sem hún mun
sjá um viðburðastjórnun
og almannatengsl
íslenska skálans á
heimssýningunni sem
hefst í maí. Unnur
hefur komið sér fyrir
á hóteli í miðborg-
inni og unir sér víst
ákaflega vel.
- afb, drg, fgg
FRÉTTIR AF FÓLKI