Fréttablaðið - 15.03.2010, Blaðsíða 18
15. MARS 2010 MÁNUDAGUR2 ● fréttablaðið ● híbýli og viðhald
Viðarvörn er mörgum ofarlega í
huga þegar vorið nálgast og bústað-
ir, garðhúsgögn pallar og grindverk
hafa veðrast. Gott er að ætla sér
ekki of mikið og ákveða að taka eitt-
hvað eitt fyrir þetta sumar og annað
næsta sumar. Mikilvægt er að leita
ráða hjá fagmanni sem mun í byrj-
un ráðleggja fólki að þrífa viðinn vel
og skrapa gamla málningu af áður
en grunnolían er borin á. Veður-
far skiptir einnig
máli og ekki
er hægt
að standa
í vinnunni í
úða eða rigninu
og mælt gegn því
að vinna fram á kvöld, held-
ur hætta um tveimur til þrem-
ur tímum fyrir sólarlag ef náttfall
skildi leggjast á viðinn. -jma
Framkvæmdir við tónlistar- og
ráðstefnuhúsið Hörpuna eru
í fullum gangi enda þarf að
halda vel á spöðunum ef það á
að vera tilbúið fyrir næsta vor.
„Það er búið að steypa upp húsið og
grófvinnu er að mestu lokið, fyrir
utan glerhjúpinn sjálfan,“ segir
Torfi Hjartarson verkefnastjóri
hjá Portus ehf., sem sér um bygg-
ingu Hörpunnar. Glerhjúpurinn,
sem hannaður er af listamanninum
Ólafi Elíassyni, er þúsundþjalasmíð
og þarfnast mikils nosturs. „Búið
er að setja upp stóran hluta hjúps-
ins á norðurhliðinni sem snýr út að
sjó og nú er verið að vinna í kubb-
unum á suðurhliðinni,“ segir Torfi
sem er afar ánægður með úkomuna.
„Þetta tekst eins vel og menn gerðu
sér vonir um og jafnvel betur.“
Rúmlega þrjú hundruð manns
vinna nú á byggingarsvæðinu.
Þetta eru iðnaðarmenn úr hinum
ýmsum geirum auk verkefnastjórn-
enda. Þá er rekið mötuneyti á svæði
Íslenskra aðalverktaka sem fæðir
allan skarann í hollum yfir dag-
inn.
En hvað annað er verið að gera
í byggingunni? „Unnið er að innri
frágangi. Verið er að setja upp
veggi, mála, setja loftræstilagnir,
raflagnir og þetta klassíska.
Einnig er unnið að því að setja
upp sviðslýsingabúnað í sölunum
auk hljóð- og samskiptakerfis sem
notað er í sýningum,“ svarar Torfi.
Hann bætir við að undirverktaki sé
einnig að setja upp ýmsan sviðs- og
sýningarbúnað. Til að mynda svo-
kallaða kanópíu eða hljómskjöld,
sem hífður er upp og niður fyrir
framan sviðið til að stilla hljóð-
magnið, auk ýmiss búnaðar sem
fylgir honum.
Og hvað er næst á dagskrá? „Nú
er verið að keyra upp ganginn fyrir
sumarið enda á að opna húsið form-
lega næsta vor,“ segir Torfi og býst
við að verkamönnum fjölgi eitthvað
á næstunni, líklega um fimmtíu ef
ekki meira. - sg
Harpan skrýdd glerhjúpi
Stillansar þekja stóra salinn þar sem verktakar eru að koma fyrir ljósakerfi og ýmsu því sem framúrskarandi tónleikasalur þarf að
búa yfir. FRÉTTABLAÐIÐ/ANTON
Iðnaðarmenn eru byrjaðir að raða saman glerhjúpnum á suðurhlið hússins.
Glerhjúpurinn sem Ólafur Elíasson
hannaði er eins og púsluspil sem verka-
mennirnir þurfa að raða saman.
Yfir þrjú hundruð manns vinna við byggingu Hörpunnar.
Tónlistar- og ráðstefnuhúsið Harpan er farin að taka á sig mynd.
Borið á viðinn snemma dags
Mikilvægt er að skoða veður-
spána áður en farið er í að
bera á viðarvörn eftir veturinn og
þá huga einnig að veðurspá
næstu nætur.