Fréttablaðið - 16.03.2010, Blaðsíða 2

2 16. mars 2010 ÞRIÐJUDAGUR
Bjóðum heildarlausnir þegar endurnýja á góleppi
í stigagöngum í ölbýlis- og sambýlishúsum.
Taktu upp símann eða sendu okkur línu og við
göngum í málið.
Ármú la 32 · 108 Reyk j a v í k · S ím i 533 5060 · Fax 533 5061 · t epp i@stepp · www. s t epp . i s
Ó
!
·
1
3
1
3
6
teppi@stepp.is
Vilhjálmur, er ekki öruggast að
fá næstu samninga á álpappír?
„Líst vel á það ef innihald kjara-
samningsins verður til hagsbóta fyrir
starfsmenn.“
Vilhjálmur Birgisson er formaður Verka-
lýðsfélags Akraness sem krefst þess að
laun starfsmanna í álveri Norðuráls í
Hvalfirði verði jafnhá launum starfs-
manna álvers Alcan í Straumsvík.
FÓLK Furðufiskur sem fannst spriklandi úti í móa við
Stekkjarhvamm í Hafnarfirði er síberíustyrja. Talið er
að fugl hafi veitt skrautfiskinn úr tjörn við hús í Hafnar-
firði.
Fréttablaðið sagði frá því á laugardag að tíu ára
stúlka í Hafnarfirði fann styrjuna, sem var enn með
lífsmarki, eftir að fiskur missti hann úr goggi sínum á
flugi yfir móann.
Jónbjörn Pálsson, fiskifræðingur frá Hafrannsókna-
stofnun, rannsakaði fiskinn um helgina. Hann segir að
þetta sé síberíustyrja, sem heitir acipenser baerii á lat-
ínu, og er ein fjögurra styrjutegunda sem vinsælt er að
selja sem skrautfiska í tjarnir erlendis.
„Ég hef heyrt sögur um að mávar og jafnvel kettir
hreinsi allt líf úr tjörnum,“ segir Hlynur Grétarsson.
Hann rekur Fiskaspjall.is þar sem um 1.600 skraut-
fiskaeigendur skrifa um sitt áhugamál.
Hlynur segir það hafa færst í vöxt að skrautfiskar séu
settir í tjarnir við íbúðarhús og veit um nokkrar slík-
ar tjarnir í Hafnarfirði. „Eigendurnir taka ekki eftir
neinu fyrr en þeir setja sólstóla út við tjörnina eitthvert
kvöldið,“ segir Hlynur. „Ég er hissa á að mávur hafi náð
í styrjuna. Hún er botnfiskur.“ Hann segir algengast að
fuglar og kettir veiði gullfiska og þær tegundir sem eru
næst yfirborði tjarnanna.“
Eigandi styrjunnar hefur ekki gefið sig fram. Hlynur
segir líklegt að hann hafi greitt um 20.000 krónur fyrir
25 cm langa styrju í íslenskri skrautfiskaverslun. - pg
Furðufiskurinn sem fannst úti í móa í Hafnarfirði er síberíustyrja:
Tekinn úr tjörn við íbúðarhús
SÍBERÍUSTYRJA Eva Dögg Steinarsdóttir Röver, til vinstri fann
síberíustyrjuna spriklandi í móa við Stekkjarhvamm í Hafnar-
firði. FRÉTATBLAÐIÐ/VALLI
VIÐSKIPTI Ingunni Wernersdótt-
ur verður gert að greiða þrotabúi
Milestone aftur 5,2 milljarða sem
hún fékk fyrir hlut sinn í félaginu
á árunum 2006 til 2007. Bræður
hennar, Karl og Steingrímur, slógu
lán hjá Milestone til að kaupa af
henni hlutinn. Skiptastjórinn lítur
svo á að lánin hafi í raun runnið
beint til Ingunnar, og því stendur
til að höfða skuldamál til að freista
þess að endurheimta féð.
Þetta var meðal þess sem fram
kom á kröfuhafafundi Milestone
í gærmorgun. Þar kynnti skipta-
stjórinn, Grímur Sigurðsson,
kröfuhöfum
skýrslu endur-
skoðunarfyrir-
tækisins Ernst
& Young um
málefni Mile-
stone. Greindi
hann frá því
að ástæða væri
til að höfða um
tuttugu dóms-
mál og í skoðun
væri hvort tilefni væri til ríflega
tíu mála til viðbótar.
Flest málin eru ýmist skulda-
mál eða riftunarmál, en einnig
er hugsanlegt að einhver málin
muni varða skaðabótaábyrgð
stjórnenda. Riftunarmálin eru að
stærstum hluta vegna gjafagjörn-
inga. Grímur segir að ekki sé þó
um að ræða gjörninga sem bein-
línis brjóta í bága við lög, að því
er honum sýnist.
Heildarupphæð gjörninganna
sem reyna á að rifta eða endur-
heimta með öðrum hætti liggur
ekki fyrir að sögn Gríms. Einnig
er með öllu óvíst hvort eitthvað
sé að sækja til þeirra sem málin
munu beinast gegn. - sh
Skiptastjóri Milestone sér fram á að höfða rúmlega tuttugu dómsmál:
Ingunn rukkuð um fimm milljarða
INGUNN
WERNERSDÓTTIR
SVÍÞJÓÐ Volvo XC60-bílana má
ekki lengur markaðssetja sem
„öruggasta í heimi“.
Japanski bílaframleiðandinn
Toyota vann dómsmál í Svíþjóð
gegn Volvo, sem nú er í eigu
Ford-bílaframleiðandans.
Niðurstaða dómsins er fyrr-
greint bann, ásamt því að Volvo
þarf að greiða málskostnað Toy-
ota, milljón sænskra króna.
Aftonbladet greinir frá því að
dómstóllinn hafi ekki fallist á rök
Volvo fyrir fullyrðingunni.
- kóþ
Toyota hafði betur í Svíþjóð:
Volvo má ekki
segjast öruggast
SKÓLAR Fimm nemendur við
lagadeild Háskólans í Reykja-
vík undirbúa nú þátttöku sína
í stærstu málflutningskeppni
heims, Willem C. Vis Internation-
al Commercial Arbitration Moot.
Áður en sú keppni hefst, 25.
mars, munu Íslendingarnir taka
þátt í tveimur æfingakeppnum,
annarri í Düsseldorf í Þýskalandi
og hinni í Miskolc í Ungverja-
landi áður en haldið verður til
Vínarborgar þar sem aðalkeppn-
in stendur til 2. apríl.
Síðasta æfing íslensku laga-
nemanna var í gær í nýjum sal í
byggingu Háskólans í Reykjavík
í Nauthólsvík og var aðgangur þá
opinn öllum. Kom fram í tilkynn-
ingu frá skólanum að þátttaka
í málflutningskeppni sé víðast
hvar erlendis talin mikilvægur
þáttur í laganámi.
- gar
Laganemar í keppnisferð:
Brýnt að keppa
í málflutningi
BANDARÍKIN Á vefnum Wikileaks
hefur verið birt tveggja ára
gamalt trúnaðarskjal frá leyni-
þjónustu bandaríska hersins,
þar sem lagt er á ráðin um að
vega að heimildarmönnum vef-
síðunnar með því að sækja þá til
saka, reka þá úr starfi og birta
nöfn þeirra opinberlega fyrir að
hafa birt trúnaðarupplýsingar á
vefnum.
Í tilkynningu frá Wikileaks
segir að þessi herferð gegn síð-
unni hafi engum árangri skilað
þau tvö ár sem liðin eru.
Ríkisútvarpið skýrði í gær frá
því að í bandaríska utanríkis-
ráðuneytinu er hafin rannsókn á
leka á trúnaðarskýrslu um sam-
skipti sendiherra Bandaríkj-
anna á Íslandi við íslenska emb-
ættismenn.
Fullyrt er að fangelsisvist geti
beðið hins seka.
- gb
Bandarísk stjórnvöld:
Hótanir í garð
Wikileaks
UTANRÍKISMÁL Tvær rússneskar
herþotur birtust á hérlendum
ratsjám að morgni miðvikudags-
ins síðasta. Þær virtust á leið í
hringflug um landið, að því er
RÚV greindi frá í gær.
Danskar orrustuþotur bægðu
þeim frá og héldu rússnesku vél-
arnar þá í átt til Færeyja þar
sem breskar herþotur tóku á
móti þeim. Þoturnar sneru því
næst til síns heima.
Þetta er í fyrsta sinn á þessu
ári sem rússneskar herþotur
nálgast Ísland. Vélarnar voru
155 sjómílur austur af land-
inu og létu ekki vita af ferðum
sínum. Rússanna varð vart sex-
tán sinnum á síðasta ári, en frá
því að Bandaríkjaher hvarf á
brott árið 2006 hafa Rússar flog-
ið nærri okkur 62 sinnum. - sh
Tvær herþotur nærri Íslandi:
Rússaflugið
heldur áfram
EFNAHAGSMÁL Heildarskuldir
ríkissjóðs námu 1.176 milljörð-
um króna í lok síðasta árs, eða
78 prósentum af vergri lands-
framleiðslu. Skuldir ríkissjóðs
voru 310 milljarðar árið 2007 og
hafa því tæplega fjórfaldast frá
þeim tíma.
Þetta kemur fram í tilkynningu
frá fjármálaráðuneytinu.
Hreinar skuldir, eða skuldir
að frádregnum peningalegum
eignum, námu 39 prósentum
af landsframleiðslu, en á móti
hreinum skuldum standa ýmsar
eignir, meðal annars í fjármála-
og orkufyrirtækjum.
Gert er ráð fyrir að heildar-
afkoma ríkissjóðs verði í jafn-
vægi 2012 og að afkoman verði
jákvæð 2013.
- sh
Skuldir ríkissjóðs 78% af VLF:
Heildarskuldir
1.176 milljarðar
FÓLK „Þarna get ég farið án þess að
borga inn. Auðvitað kostar þetta
stórfé í popp og kók en það er val-
frjálst,“ segir Guðjón Sigurðs-
son, sem eins og aðrir sem eru í
hjólastólum, fær frítt á sýningar í
Smárabíói.
Konstantín Mikaelsson, yfirmað-
ur kvikmyndadeildar í Smárabíói,
segir að strax í upphafi hafi kvik-
myndahúsið verið hannað til að
geta tekið á móti fólki í hjólastól-
um. Í stærsta salnum séu tvö sér-
stök stæði fyrir hjólastóla en eitt
stæði í hinum sölunum.
„Það var ákveðið strax í byrjun
að rukka ekki þennan hóp og það
hefur ekki þótt ástæða til að end-
urskoða það. Það má segja að þótt
þetta fólk sé að njóta myndarinnar
eins og aðrir þá tekur það ekki sæti
frá öðrum því það kemur með sitt
eigi sæti,“ segir Konstantín, sem
kveður þessa þjónustu ekki hafa
verið kynnta sérstaklega. „Þótt
ég minnist þess ekki að við höfum
þurft að vísa neinum í hjólastól frá
þá komum við ekki mörgum fyrir
á hverja sýningu. Þetta hefur hins
vegar borist frá manni til manns.“
Konstantín segir fyrirkomulag-
ið eingöngu eiga við um bíógesti í
hjólastólum. Aldraðir og öryrkjar
fái hins vegar afslátt. Fólk sé vissu-
lega þakklátt fyrir þjónustuna. „Og
auðvitað erum við alltaf þakklát ef
fólk er þakklátt – það er ekki svo
oft sem það gerist,“ segir hann.
Aðspurður kveðst Guðjón ekki
fara mjög oft í bíó. „En þegar ég
fer þá fer ég í Smárabíó,“ segir
hann.
Guðjón, sem sjálfur er í hjóla-
stól vegna MND-sjúkdóms, útskýr-
ir að sumir sem séu í hjólastólum
þurfi að hafa með sér aðstoðar-
mann á kvikmyndasýningar eða
tónleika. Það fari meðal annars
eftir einstaklingunum og aðstæð-
um á hverjum stað. „Þá þarf maður
venjulega að kaupa tvo miða því
það þarf að borga fyrir aðstoðar-
manninn líka. Oftast fer ég á bíó
með fjölskyldu eða vinum en ef ég
þyrfti að hafa aðstoðarmann með
mér í Smárabíó þá borgaði ég bara
fyrir einn. Það munar um það og
það á að vekja athygli á því sem vel
er gert.“
gar@frettabladid.is
GUÐJÓN SIGURÐSSON Góð aðstaða er fyrir gesti í hjólastólum í Smárabíói. Það eyðileggur ekki ánægjuna að ókeypis er fyrir
þennan hóp á sýningar í kvikmyndahúsinu. FRÉTTABLAÐIÐ/VILHELM
Fólk í hjólastól fær
ókeypis í Smárabíó
Það á að vekja athygli á því sem vel er gert, segir Guðjón Sigurðsson sem er í
hjólastól og fær því ókeypis aðgang að Smárabíói. Konstantín Mikaelsson hjá
Smárabíói segir fólk þar þakklátt ef aðrir séu þakklátir − það gerist ekki svo oft.
SPURNING DAGSINS