Fréttablaðið - 16.03.2010, Blaðsíða 6
6 16. mars 2010 ÞRIÐJUDAGUR
N1 Deildin
KONUR
Þriðjudagur
Fylkishöll
Ásvellir
Mýrin
Fylkir - HK
Haukar - Víkingur
Stjarnan - Valur
19:30
19:30
19:30
2009 - 2010
að rafrænum gagnasöfnum og tímaritum
Landsaðgangs
Ársfundur
Fundurinn verður í fyrirlestrarsal Landsbókasafns Íslands –
Háskólabókasafns í Þjóðarbókhlöðu við Arngrímsgötu í Reykjavík.
Nánari upplýsingar á www.hvar.is
verður haldinn föstudaginn 19. mars kl. 15.00.
MENNTAMÁL Umboðsmað-
ur Alþingis hefur úrskurðað
að fjölbrautaskóla hafi verið
óheimilt að breyta einkunn nem-
anda á prófi í íslensku.
Nemandinn fékk einkunn-
ina 5 í lokaáfanga í íslensku á
prófskírteini. Hann fór síðan á
prófsýningu þar sem kennari
í áfanganum tilkynnti honum
að einkunnin hefði misritast og
breytti einkunninni í 4 á próf-
skírteini nemandans.
Nemandinn sætti sig ekki við
þessar málalyktir og fékk lög-
fræðing til að kæra málið til
menntamálaráðuneytis fyrir
sína hönd. Ráðuneytið staðfesti
hins vegar ákvörðun skólans.
Lögfræðingurinn kærði því
málið til umboðsmanns Alþingis
fyrir hönd skjólstæðings síns.
Umboðsmaður féllst ekki á
rök menntamálaráðuneytis-
ins og beindi þeim tilmælum til
ráðuneytisins að málefni nem-
andans yrðu skoðuð að nýju ef
ósk bærist um það.
- jhh
Fjölbrautaskóli gekk of langt:
Var óheimilt að
breyta einkunn
VIÐSKIPTI Willam Fall, fyrrverandi
forstjóri fjárfestingarbankans
Straums, hefur verið ráðinn í stöðu
framkvæmdastjóra á alþjóðasviði
breska bankans Royal Bank of
Scotland.
Fall, sem er dýralæknir að
mennt, er reynslubolti innan fjár-
málaheimsins og þekktur sem slík-
ur á meginlandi Evrópu, að sögn
netútgáfu Financial News. Hann
var yfirmaður á alþjóðasviði Bank
of America á árunum 2001 til 2006
en tók við forstjórastólnum hjá
Straumi 2007. Þaðan hvarf hann á
braut þegar skilanefnd Fjármála-
eftirlitsins tók lyklavöldin í bank-
anum í mars í fyrra. - jab
Willam Fall í bankann á ný:
Sér um alþjóða-
svið hjá RBS
WILLIAM FALL Fyrrverandi forstjóri
Straums. FRÉTTABLAÐIÐ/RÓSA
VERSLUN Fjórtán prósent samdrátt-
ur varð í áfengissölu fyrstu tvo
mánuði þessa árs miðað við janúar
og febrúar 2009.
„Ljóst er að verðhækkanir hafa
haft þessi áhrif,“ segir á heimasíðu
Rannsóknaseturs verslunarinnar á
Bifröst. „Neysla áfengis virðist fara
hratt minnkandi ef marka má þann
mikla samdrátt sem orðið hefur í
sölu þess að undanförnu.“
Í febrúar var áfengisverð 18,2
prósent hærra en í febrúar 2009.
Rannsóknasetur verslunarinnar
birti í gær upplýsingar um veltu í
verslun í febrúar.
Velta dagvöruverslunar í landinu
dróst saman um 1,1 prósent á föstu
verðlagi miðað við sama mánuð í
fyrra.
Fataverslun var 5,2 prósent minni
nú en í febrúar 2009 á föstu verð-
lagi. Verð á fötum hafði hækkað um
12,4 prósent milli ára. Skóverslun
dróst saman um 9,2 prósent og var
verð á skóm 19,9 prósent hærra en
í febrúar í fyrra. Húsgagnaversl-
un dróst saman um 27,2 prósent á
föstu verðlagi.
Hins vegar jókst raftækjasala
um 2 prósent frá febrúar 2009
þrátt fyrir að verð á raftækjum
hafi hækkað um 13,8 prósent á því
tímabili. - pg
Samdráttur í öllum tegundum verslunar nema sölu raftækja:
Verðhækkanir draga úr sölu áfengis
ÁTVR Áfengi hefur hækkað í verði um
átján prósent frá því í febrúar í fyrra og
salan minnkað um fjórtán prósent á
sama tíma.
REYKJAVÍK Borgarráð á ekki að
heimila raflínuframkvæmdir í
Heiðmörk eða á vatnsverndarsvæð-
um Reykvíkinga yfirleitt.
Með því væri þjónkað við þrönga
sér- og skammtímahagsmuni og
vatnsverndarsvæðin lögð í bráða
hættu, að sögn Ólafs F. Magnússon-
ar borgarfulltrúa, sem lagði fram
tillögu þessa efnis í borgarráði á
fimmtudag. Hann segir engar for-
sendur fyrir frekari orkusölu til
álfyrirtækja. Tillögunni var vísað
til umsagnar Orkuveitunnar og
umhverfis- og samgönguráðs. - kóþ
Ólafur F. Magnússon:
Gegn raflínum
í Heiðmörkinni
Ætti félagsmálaráðherra einnig
að knýja fram afskriftir á hús-
næðislánum?
JÁ 88%
NEI 12%
SPURNING DAGSINS Í DAG:
Eiga bankastarfsmenn skilið að
fá bónusgreiðslur?
Segðu skoðun þína á visir.is.
MIÐBORGIN Bílastæðasjóður Reykja-
víkur mun leggja um 400 milljónir
króna til félags, sem stofnað verð-
ur um bílastæðahús Hörpu, nýja
tónlistar- og ráðstefnuhússins við
Reykjavíkurhöfn.
Síðastliðið sumar var stofnkostn-
aður við bílakjallara Hörpu með
545 stæðum áætlaður 2,6 milljarð-
ar króna eða rúmar 4,7 milljónir
á hvert stæði. Borgin mun eignast
105 af þeim stæðum, segir Kolbrún
Jónatansdóttir, framkvæmdastjóri
Bílastæðasjóðs. Taka á húsið í
notkun á næsta ári. Upphaflega
áttu að vera 1.600 stæði í húsinu en
það breyttist í kjölfar hrunsins.
Hlutafélag verður myndað um
rekstur bílastæðahússins. Rekstr-
inum verður ætlað að standa undir
sér, segir Kolbrún.
Höskuldur Ásgeirsson, fram-
kvæmdastjóri Portusar, eignar-
haldsfélags Hörpu, segir að auk
Bílastæðasjóðs muni félög tengd
Portusi, eiga hlut í félaginu.
Eignarhlutföll hafa ekki verið end-
anlega ákveðin.
Kolbrún staðfesti að miðað við
400 milljóna framlag borgarinn-
ar og 10 prósenta ávöxtunarkröfu
þyrftu um 400.000 króna tekjur að
koma fyrir hvert stæði á ári til að
reksturinn standi undir sér, eða
um 33.000 krónur á mánuði. Mán-
aðarkort í þau sjö bílastæðahús,
sem nú eru í eigu borgarinnar,
kosta frá 4.000 upp í 9.600 krón-
ur.
Höskuldur Ásgeirsson vildi ekki
veita upplýsingar um rekstraráætl-
anir. Hann segir að ýmsir tekju-
möguleikar aðrir en stæðagjöld
verði nýttir. Til dæmis verði seld-
ar auglýsingar á veggi bílastæða-
hússins og ýmis önnur hliðarþjón-
usta veitt. - pg
Bílastæðasjóður leggur fram 400 milljónir fyrir 105 bílastæði í kjallara Hörpu:
Sérstakt félag stofnað til að
reka hallalaust bílastæðahús
FJÖGURRA MILLJÓNA STÆÐI Stofnkostn-
aður við hvert bílastæði í bílastæðahúsi
í miðborginni er nærri fjórum milljónum
króna. 545 ný stæði verða í bílastæða-
húsi Hörpunnar, nýja tónlistar- og
ráðstefnuhússins. FRÉTTABLAÐIÐ/ANTON BRINK
HEILBRIGÐI Sjö ára stúlka innbyrti
um helgina tífaldan skammt af
sýklalyfinu Furadantin, sem móðir
hennar hafði leyst út í Árbæjar-
apóteki. Málið hefur verið kært til
Lyfjastofnunar.
Samkvæmt lyfseðlinum átti stúlk-
an að taka inn þrjá fimm milli-
gramma skammta á dag, en mæðg-
urnar gengu út úr lyfsölunni með
glas sem innihélt 50 milligramma
skammta. Móðir telpunnar gaf
henni svo þessa skammta.
Stúlkan, Rosalía Hanna Canales
Cederborg, fékk blöðrubólgu í lið-
inni viku og fór til læknis á fimmtu-
dag. Lyfið var leyst út þann daginn
og strax um kvöldið kvartaði stúlk-
an undan magaverk.
„Á föstudaginn kastaði hún upp
og var slöpp allt kvöldið. Ég hélt að
hún væri komin með ælupest,“ segir
móðir hennar, Maria Cederborg, í
kæru sem hún hefur sent til Lyfja-
stofnunar.
Maria gaf dóttur sinni lyfið aftur
á laugardaginn, þrátt fyrir að stelp-
an færðist undan því.
Þegar Rosalía kastaði upp annan
daginn í röð runnu tvær grímur á
móðurina og hún áttaði sig á mis-
tökunum.
„Við vorum heppin að þetta var
ekki skaðlegra lyf. Hugsaðu þér ef
þetta hefði verið eitthvað annað,
eitthvað sem skemmir,“ segir
Maria. Hún tekur fram að hún sé
í góðu sambandi við apótekið og að
þar séu allir miður sín vegna þessa.
Hún hefur vakið athygli Lyfjastofn-
unar á málinu til að fyrirbyggja að
svona geti komið fyrir aftur.
Rannveig Gunnarsdóttir, for-
stjóri Lyfjastofnunar, segir að þetta
mál fari nú í ferli hjá stofnuninni.
Kannað verði hvað fór úrskeiðis og
síðan óskað eftir viðbrögðum frá
lyfsala um hvernig komið verði í
veg fyrir að slíkt endurtaki sig.
„Sem betur er þetta sjaldgæft,
að minnsta kosti okkur vitanlega,“
segir Rannveig.
Lyfjastofnun hefur ekki réttindi
sjúklinga á hendi og Rannveig vill
því ekki segja til um hvaða rétt
neytendur hafa í tilfelli sem þessu,
til dæmis til skaðabóta.
Spurð um viðurlög vegna mis-
taka lyfsala segir Rannveig:
„Það er metið í hverju tilfelli
fyrir sig, en ef það eru mörg mistök
í sömu lyfjabúð þá getur viðkom-
andi aðili fengið áminningu sem
gæti leitt til leyfissviptingar.“
Kristján Steingrímsson lyfja-
fræðingur í apótekinu staðfestir
mistökin.
„Því miður var þetta ranglega
afgreitt,“ segir hann. Nú sé vand-
lega farið yfir verkferla innanhúss.
klemens@frettabladid.is
Barn fékk tífaldan
sýklalyfjaskammt
Mistök í apóteki urðu til þess að sjö ára stúlka innbyrti tífaldan skammt af
sýklalyfinu Furadantin. „Við vorum heppin að þetta var ekki skaðlegra lyf,“ seg-
ir móðirin. „Sem betur fer er þetta sjaldgæft,“ segir forstjóri Lyfjastofnunar.
ROSALÍA OG MARIA MÓÐIR HENNAR Stúlkan fékk tífaldan skammt af lyfi við blöðru-
bólgu, en meðal sjaldgæfra aukaverkana af því eru gula, hiti, slappleiki, lystarleysi og
marblettir. Einnig mæði, útbrot, kláði, bjúgur og öndunarerfiðleikar. FRÉTTABLAÐIÐ/VILHELM
Á föstudaginn kastaði
hún upp og var slöpp allt
kvöldið. Ég hélt hún væri komin
með ælupest.
MARIA CEDERBORG
MÓÐIR ROSALÍU HÖNNU CANALES
KJÖRKASSINN