Fréttablaðið - 16.03.2010, Blaðsíða 26
16. MARS 2010 ÞRIÐJUDAGUR4 ● fréttablaðið ● íslandsmót iðn- og verkgreina
Saga iðnnemakeppna á Íslandi
er ekki löng. Í byrjun var keppn-
in hugsuð sem skólakeppni þar
sem nemendurnir kepptu sín á
milli. Fyrsta keppnin var hald-
in í Borgarholtsskóla 2002 þar
sem keppt var í málmsuðu. Árið
2003 var keppnin haldin í Verk-
menntaskólanum á Akureyri þar
sem keppt var í málmsuðu og tré-
smíði. Við undirbúning keppninn-
ar 2004 var lagður grunnur að
formlegra samstarfi við fagfélög-
in og tók Sveina- og meistarafélag
pípulagningamanna og Félag hár-
snyrtisveina þátt í keppninni sem
haldin var í Iðnskólanum í Hafnar-
firði það ár. Þar var keppt í fimm
greinum, málmsuðu, trésmíði,
hárgreiðslu, pípulögn og rafvirkj-
un. Þá varð ljóst að keppnin gæti
ekki stækkað nema hún yrði færð
í stærra húsnæði. Gallinn við að
halda keppnina inni í skólanum
var að erfitt reyndist að fá gesti
til að koma og einnig fékk hún ekki
athygli fjölmiðla.
Frá árinu 2005 hefur Iðnmennt
ses.staðið fyrir Íslandsmóti iðn-
nema í síauknu samstarfi við fag-
félög. Keppnin hefur vaxið frá
ári til árs og fengið samhliða því
aukna athygli. Var ákveðið að
flytja keppnina út til almennings
og árið 2005 var hún haldin á göng-
um Smáralindar. Þótti keppnin
takast vel og auglýsingabásar skól-
anna komu vel út og fengu verð-
skuldaða athygli.
Árin 2006 og 2007 var keppnin
svo haldin í Kringlunni. Að lokinni
keppninni 2007 var fyrirséð að til
þess að lengja keppnina úr einum
degi í tvo, með fleiri þátttakendum
og keppnisgreinum, dygði ekki að
vera á göngum verslunarmiðstöðv-
ar. Keppnin 2008 var því haldin
samhliða sýningunni Verk og vit
í Laugardalshöll. Það var í fyrsta
sinn sem keppnin stóð í tvo daga og
þótti hún takast vel en vegna auk-
ins umfangs var ákveðið að halda
Íslandsmótið annað hvert ár.
Nú er keppnin haldin í Smáralind
undir nafninu SkillsÍsland. Fag-
félög, skólar og hagsmunaaðilar
greinanna taka þátt. Keppendur
verða 128 í 16 greinum alls stað-
ar að af landinu. Flestir keppend-
ur koma frá framhalds-
skólunum en svo eru
líka keppendur sem
hafa lokið námi í
sinni grein.
Íslandsmót
iðngreina
● WORLDSKILLS Íslendingar hafa sent keppend-
ur tvisvar í WorldSkills-keppnina. Fyrsti keppandi fyrir
Íslands hönd keppti í pípulögn á WorldSkills í Japan
2007. Þrír keppendur tóku svo þátt í WorldSkills 2009 í
Canada; í raflögnum, hársnyrtingu og pípulögn.
Miklar kröfur eru gerðar til keppenda um faglega
og verklega getu í alþjóðlegum keppnum og eru þær
fyllilega sambærilegar og jafnvel meiri en gerðar eru
til nemenda í sveinsprófum hér á landi. Faglegar kröfur
felast í því að skilja teikningar og hafa þekkingu á því
efni sem unnið er með. Verklegu kröfurnar felast í því
að geta framkvæmt verkið innan þeirra málvika sem
teikningin setur og þeirra tímamarka sem ákveðin eru.
● STOFNUN IÐNAÐAR-
MANNAFÉLAGSINS Í
REYKJAVÍK Til þess að efla
hag íslenskra iðnaðarmanna
um miðja nítjándu öldina þurfti
samtök, menntun og áræði og
framkvæmdir.
Það varð hlutverk reykvískra
iðnaðarmanna að stuðla að
þessari þróun með stofnun Iðn-
aðarmannafélagsins í Reykjavík
hinn 3. febrúar árið 1867.
Stofnendur voru 31 reykvísk-
ur iðnaðarmaður.
Keppnin var haldin á göngum Smára-
lindar 2005 og vakti þá mikla athygli.
Dagskrá
Fimmtudagurinn 18. mars
Kl. 9.30 Keppni hefst
Kl. 12.30 Setningarathöfn, Katrín Jakobsdóttir, mennta- og
menningarmálaráðherra og Ingi Bogi Bogason frá
Samtökum iðnaðarins
Kl. 13.00 – 16.00 Brúðarsýning á sviði, iðngreinar að verki
Kl. 16.30 Keppni frestað til morguns
Kl. 16.30 -17.30 Sýningaratriði frá framhaldsskólum á sviði
Föstudagurinn 19. mars
Kl. 09.30 Keppni framhaldið
Kl. 13.00 – 15.30 Brúðarsýning á sviði, iðngreinar að verki
Kl. 15.30 Keppni lýkur í öllum greinum
Kl. 15.30 – 18.00 Sýningaratriði frá framhaldsskólum á sviði
Kl. 18.00 Lokaathöfn og verðlaunaafhending
Atriði frá eftirfarndi framhaldsskólum:
Tækniskólanum, Fjölbrautrskólanum í Breiðholti, Fjöbrautrskólaum í Garðabæ
og Kvennaskólanum í Reykjavík
Athugið að atriði framhaldsskólanna fara fram í Vetrargarði Smáralindar
Smáralind 18. og 19. mars 2010
Íslandsmót
iðn- og verkgreina