Fréttablaðið - 16.03.2010, Blaðsíða 27

matur og krabbamein ● fréttablaðið ●ÞRIÐJUDAGUR 16. MARS 2010 5
Þráinn Þorvaldsson rekstrar-
hagfræðingur greindist með
krabbamein í blöðruhálskirtli
fyrir fimm árum. Hann ákvað
að hafna uppskurði og fara
óhefðbundnari leið.
„Ég er ekkert búinn að lækna mig
en hef getað haldið sjúkdómnum
niðri í fimm ár. Því fylgdi þakk-
læti og ákveðinn fögnuður þegar
það mark náðist,“ segir Þráinn og
kveðst ánægður með að hafa slopp-
ið við getuleysi, þvagleka og fleira
sem menn verða að glíma við sem
fara í uppskurð við blöðruhálskir-
tils-krabbameini.
„Almennt er það svo hjá karl-
mönnum sem fá þetta mein að því
fylgir mikil lífsgæðaskerðing,“
segir Þráinn en hver er hans að-
ferð? „Við hjónin höfum breytt
mataræðinu. Tókum mjólkurvör-
ur út en notum sojavörur í staðinn.
Svo er ekkert rautt kjöt á matseðl-
inum nema lambakjöt, því lömb-
in eru alin á íslenskum grösum.
Við borðum mikið af feitum fiski
og útbúum meðlæti með matnum
úr hollustuvörum eins og rauð-
lauk, hvítlauk, kúrbít, spergilkáli,
blómkáli, rauðri papriku, tómöt-
um, baunaspírum og fleiru.“
Matskeið af lýsi og ½ skeið af
Omega-3 eru fastir liðir á morgn-
ana hjá Þráni ásamt ákveðnum
átegundum af ávöxtum og græn-
meti. Auk þess tekur hann auka-
skammt af D-víta-míni. Svo inn-
byrðir hann daglega SagaPro og
Angeliku í talsverðu magni, það
eru efni úr hvönn sem fyrirtæk-
ið SagaMedica framleiðir. Þetta
finnst honum erfitt að tala um því
hann er sjálfur að vinna hjá fyrir-
tækinu og á hlut í því. SagaPro er
úr hvannalaufi. Það hindrar bólgur
en langvinnar bólgur örva frumu-
skipti og útrás í aðra vefi líkam-
ans. Angelikan er úr hvannafræj-
um sem draga úr nýæðamynd-
un. „Tilraunir hafa einungis verið
gerðar á músum hingað til,“ segir
Þráinn. „Ég ákvað að gera tilraun-
ir á sjálfum mér og er hress og
kátur í dag.“
Á sínum tíma hvöttu lækn-
ar Þráin til að fara í aðgerð. „Ég
fór að lesa mér til og komst að því
að það var ekkert sjálfgefið að
allir færu í aðgerð. Það fer eftir
ákveðnum mæligildum sem verð-
ur að fylgjast vel með. Læknar
eiga kannski erfitt með að mæla
með þeirri aðferð því henni fylgir
ákveðin áhætta.“
Þráinn segir marga þætti spila
saman þegar heilsan er annars
vegar. Hann kveðst alltaf hafa
hreyft sig mikið og átt 30 ára
skokkafmæli á síðasta ári. „Ég
dreif mig upp á Hvannadalshnúk
fyrir tveimur árum, kannski til að
sanna fyrir sjálfum mér að ég gæti
það en PSA-gildið hækkaði á eftir
sem sýnir að maður má ekki of-
bjóða líkamanum.“
Markmið Þráins er að halda
meininu niðri þar til nýjar aðferð-
ir gegn því hafa verið þróaðar. „Ég
hef trú á að innan langs tíma verði
meinsemdin brennd með geislum
eða öðrum aðferðum en kirtillinn
ekki tekinn allur. Þegar ég var að
alast upp voru tennur teknar úr
fólki ef þær skemmdust en nú er
gert við holurnar. Ég vonast til að
þannig verði það líka með þetta
krabbamein og að menn sleppi við
hinar hvimleiðu aukaverkanir.“
- gun
Ég er bæði hress
og kátur í dag
Þráinn byrjar daginn á lýsi og Omega-3. Morgunverðurinn samanstendur af ákveðn-
um tegundum grænmetis og ávaxta. Til að líkaminn hafi tóm til að vinna bætiefnin
úr honum neytir hann yfirleitt einskis frekar fyrr en í hádeginu. FRÉTTABLAÐIÐ/GVA
Mikið mál? Minna mál
með SagaPro
Tíð næturþvaglát eru heilmikið
mál fyrir marga karlmenn.
SagaPro er náttúruvara úr
íslenskri ætihvönn ætluð þeim
sem eiga við þetta vandamál
að etja. Með SagaPro fækkar
næturferðum á salernið og
þar með færðu betri hvíld.
SagaPro fæst í heilsuvöruverslunum, apótekum,
stórmörkuðum og Fríhöfninni.
Náttúruvörur úr íslenskri ætihvönn
Auglýsingasími
Allt sem þú þarft…