Fréttablaðið - 16.03.2010, Blaðsíða 39
ÞRIÐJUDAGUR 16. mars 2010 19
HVAÐ? HVENÆR? HVAR?
Þriðjudagur 16. mars 2010
➜ Sýningar
Í Nýlistasafninu við Skúlagötu 28 hefur
verið opnuð sýning á völdum verkum
úr eign safnsins. Opið þri.-lau kl. 12-17.
Nánari upplýsingar á nylo.is.
➜ Kvikmyndir
20.00 Kvikmyndasafn Íslands sýnir
mynd Orson Welles „The Lady from
Shanghai” (1947). Sýningin fer fram í
Bæjarbíói við Strandgötu í Hafnarfirði.
Nánari upplýsingar á kvikmyndasafn.is.
➜ Leikrit
20.00 Fúría, leikfélag Kvennaskólans
í Reykjavík sýnir verkið „Kvennó Edda”
eftir Árna Kristjánsson. Sýningar fara
fram í Uppsölum Kvennaskólans
(Þingholtsstræti 37).
20.00 Leikfélag Fjölbrautaskólans í
Breiðholti sýnir verkið „Frumskógarlög-
málið” sem byggt er á handriti eftir Tinu
Fey. Sýningar fara fram í sal skólans við
Austurberg 5.
➜ Tónlist
19.00 Undankvöld Mús-
íktilrauna fara fram 15.-18.
mars í Íslensku Óper-
unni við Ingólfsstræti.
Nánari upplýsingar á
musiktilraunir.is.
➜ Fyrirlestrar
12.05 Katla Kjartansdóttir þjóðfræð-
ingur flytur erindi um hvernig hugtökin
„útrás” og „útrásarvíkingar” hafa verið
nýtt með margvíslegum hætti í gegnum
tíðina. Fyrirlesturinn fer fram í fyrirlestra-
sal Þjóðminjasafnsins við Suðurgötu.
➜ Málstofa
15.00 Málstofa verður haldin í fundar-
sal Seðlabankans að Sölvhóli. Máls-
hefjandi er Katrín Ólafsdóttir. Efni mál-
stofunnar er „Efficiency of collective
bargaining: Analysing changes in the
wage structure in the public sector in
Iceland”.
Upplýsingar um viðburði sendist á
hvar@frettabladid.is
Á morgun kl. 12.30 verða hádegis-
tónleikar í Norræna húsinu þar
sem verk Alfreds Schnittke og Unu
Sveinbjarnardóttur verða flutt. Eru
þetta fyrstu tónleikar af nokkrum á
fárra vikna bili þar sem verk Rúss-
ans Alfreds Schnittke heyrast, en
Kammersveit Reykjavíkur flytur
tvö verka hans þann 27. mars. Ísa-
fold flytur sinfóníu þann 5. apríl.
Una Sveinbjarnardóttir fiðluleik-
ari og Tinna Þorsteinsdóttir píanó-
leikari spila á tónleikunum á morg-
un; á efnisskránni er Svíta í gömlum
stíl frá 1972 og Una spilar tvær af
Glefsum sínum fyrir einleiksfiðlu,
Sléttubönd og Brælu.
Una Sveinbjarnardóttir er kon-
sertmeistari Kammersveitar
Reykjavíkur og leikur í Sinfóníu-
hljómsveit Íslands. Glefsur fyrir
einleiksfiðlu eru samdar á árun-
um 2006-2010 og voru upphaflega
stefjabrot til skjótrar upphitun-
ar fyrir fiðluleikara í tímahraki.
Síðan hafa Glefsurnar tekið á sig
nýja mynd og þeim fjölgað. Hér
eru frumfluttar tvær Glefsur,
fiðluparturinn í endanlegri mynd.
Sú fyrri, Sléttubönd, er samin eftir
bragarhættinum, og má leika lagið
afturábak og áfram. Sléttubönd er
íhugul Glefsa og algerlega andstæð
síðustu Glefsunnar, Brælu. Bræla er
óútreiknanleg og einna formlausust
Glefsanna.
Rússneska tónskáldið Alfred
Schnittke samdi Svítu í gömlum
stíl árið 1972, síðasta árið sem hann
kenndi við Moskvu-konservatoríið.
Hann var undir sterkum áhrifum
frá Dmitri Sjostakovitsj framan af
ferli sínum og tileinkaði sér einn-
ig seríalisma eftir að hafa kynnst
Luigi Nono. Svíta í gömlum stíl er í
fimm köflum sem tengjast sumir án
skýrra skila. Haft er eftir Schnitt-
ke: „Tónskáld samtímans getur
ekki leitt hjá sér fortíðina sem birt-
ist okkur daglega. Við getum lifað á
ýmsum tímum.“
Una leikur Glefsur og svítu Schnittkes
TÓNLIST Una Sveinbjarnardóttir fiðlu-
leikari.
Listfræðafélagið er félag þeirra
sem vinna að fræðistörfum, til
dæmis í listasögu og listheim-
speki, eða stjórnun og skipulagi er
varðar myndlist, hönnun, arkitekt-
úr og skyldar greinar. Nú á vor-
dögum mun félagið standa fyrir
röð stuttra málþinga í samvinnu
við ýmis önnur félög og stofnan-
ir. Fyrsta málþingið verður hald-
ið í Listasafni Íslands, Fríkirkju-
vegi 7, miðvikudaginn 17. mars kl.
17.00-19.00. Á málþinginu verður
fjallað um snertiflöt listfræða og
myndverka listamanna. Leitast
verður við að varpa ljósi á mis-
munandi rannsóknaraðferðir og
einstök viðfangsefni listfræðinga.
Umræða verður síðan um stöðu
listfræðarannsókna á Íslandi og
hvernig verður best hlúð að þeim
í framtíðinni. Frummælendur á
þessu málþingi verða: Halldór
Björn Runólfsson, listfræðingur
og safnstjóri Listasafns Íslands,
Auður Ólafsdóttir, listfræðingur
og lektor í listfræði við Háskóla
Íslands, Hlynur Helgason, mynd-
listarmaður og listfræðingur, Þóra
Kristjánsdóttir, listfræðingur við
Þjóðminjasafn Íslands, og Ólöf
Gerður Sigfúsdóttir, forstöðumað-
ur Rannsóknaþjónustu Listahá-
skóla Íslands. - pbb
Þingað um listfræði
MENNING Auður Ólafsdóttir talar á
Listfræðiþingi MYND FRETTABLAÐIÐ
Samskipta-
erfiðleikar?
Vöndum samskiptin á erfiðum tímum!
Hjálparsími Rauða krossins 1717 stendur nú fyrir
átaksviku sem snýr að samskiptaörðuleikum á
erfiðum tímum. Góð samskipti skila árangri og því
er mikilvægt að vera vakandi og hlúa að eigin líðan
og annarra.
Hjálparsími Rauða krossins 1717 er alltaf opinn
og alveg ókeypis.
NJARÐARBRAUT 9 - REYK
JAN
ES
BÆ
FIS
KIS
LÓÐ
3 - REYKJAVÍK
Upplýsingaþjónusta Norrænu ráðherranefndarinnar, Halló
Norðurlönd, og EURES, evrópsk vinnumiðlun standa fyrir
upplýsingafundum sem ætlaðir eru þeim sem hyggja á
nám eða atvinnuleit á Norðurlöndunum.
Miðvikudaginn 17. mars kl. 17:30 – Að fl ytja til Svíþjóðar
Miðvikudaginn 17. mars kl. 20:00 – Að fl ytja til Noregs
Miðvikudaginn 24. mars kl. 17:30 – Að fl ytja til Danmerkur
Miðvikudaginn 24. mars kl. 20:00 – Að fl ytja út: Noregur,
Svíþjóð og Danmörk
Námskeiðin sem fara fram í húsnæði Norræna félagsins,
Óðinsgötu 7, eru ókeypis. Fjöldi þátttakenda er tak-
markaður og því er nauðsynlegt að skrá sig á net-
fanginu hallo@norden.is eða í síma 5510165.
EURES (EURopean Employment Services) er samstarf um vinnumiðlun milli
ríkja á Evrópska Efnahagssvæðinu (EES). Markmið EURES eru að leiðbeina
fólki í atvinnuleit erlendis, veita upplýsingar um búsetu- og starfsskilyrði og
aðstoða vinnuveitendur sem hafa áhuga á að ráða til sín fólk frá öðrum
EES-löndum. www.eures.is
Halló Norðurlönd er upplýsingaþjónusta sem veitir
norrænum borgurum aðstoð og upplýsingar í tengslum
við fl utning milli Norðurlandanna. Verkefnið er rekið af
Norræna félaginu. www.hallonorden.org