Fréttablaðið - 16.03.2010, Blaðsíða 42
22 16. mars 2010 ÞRIÐJUDAGUR
sport@frettabladid.is
IE-deild karla:
KR-Keflavík 92-100
Stig KR: Brynjar Þór Björnsson 27, Tommy John-
son 18, Pavel Ermolinskij 17 (10 frák., 10 stoðs.),
Fannar Ólafsson 11, Morgan Lewis 8, Darri
Hilmarsson 6, Jón Orri Kristjánsson 5.
Stig Keflavíkur: Draelon Burns 29, Uruele Igbav-
bova 25, Hörður Axel Vilhjálmsson 20, Sigurður
Þorsteinsson 14, Gunnar Einarsson 9, Þröstur Leó
Jóhannsson 3.
Grindavík-FSu 106-66
Stig Grindavíkur: Páll Axel Vilbergsson 28, Ómar
Sævarsson 22, Ólafur Ólafsson 13, Guðlaugur
Eyjólfsson 11, Brenton Birmingham 10, Ármann
Vilbergsson 9, Björn Brynjólfsson 5, Þorsteinn
Finnbogason 4, Arnar Freyr Jónsson 4.
Stig FSu: Aleksas Zimnickas 30, Chris Caird 27,
Kjartan Kárason 6, Orri Jónsson 2, Sæmundur
Valdimarsson 1.
Tindastóll-ÍR 94-90
Stig Tindastóls: Cedric Isom 29, Helgi Viggósson
20, Friðrik Hreinsson 15, Donatan Visockas 14,
Svavar Birgisson 11, Axel Kárason 4, Sigmar
Björnsson 1.
Stig ÍR: Nemanja Sovic 33, Steinar Arason 16,
Kristinn Jónasson 13, Robert Jarvis 11, Hreggviður
Magnússon 10, Eiríkur Önundarson 7.
STAÐAN:
KR 21 17 4 1967-1716 34
Keflavík 21 16 5 1962-1676 32
Grindavík 21 16 5 1974-11678 32
Snæfell 21 14 7 1984-1752 28
Stjarnan 21 14 7 1792-1684 28
Njarðvík 21 14 7 1840-1650 28
Tindastóll 21 8 13 1749-1879 16
ÍR 21 7 14 1771-1916 14
Hamar 21 7 14 1759-1867 14
Fjölnir 21 7 14 1688-1829 14
Breiðablik 21 5 16 1634-1909 10
FSu 21 1 20 1568-2129 2
Enska úrvalsdeildin:
Liverpool-Portsmouth 4-1
1-0 Fernando Torres (26.), 2-0 Ryan Babel (28.),
3-0 Alberto Aquilani (32.), 4-0 Fernando Torres
(77.), 4-1 Nadir Belhadj (88.).
STAÐA EFSTU LIÐA:
Man. United 30 21 3 6 70-24 66
Chelsea 29 20 4 5 69-27 64
Arsenal 30 20 4 6 71-33 64
Tottenham 29 15 7 7 53-28 52
Liverpool 30 15 6 9 49-29 51
Man. City 28 13 11 4 53-36 50
ÚRSLIT
Það leyndi sér ekki á svipbrigðum Björgvins Hólmgeirssonar í
gær að það kom honum á óvart að vera valinn besti leikmað-
ur umferða 8-14 í N1-deild karla.
„Nei, ég bjóst ekki við þessu, það voru kannski aðrir sem áttu
skilið að vera besti leikmaðurinn. En það er gaman að tekið
sé eftir manni,“ sagði Björgvin en það hefur svo sannarlega
verið stígandi í hans leik síðan hann gekk í raðir Hauka.
Hafnarfjarðarliðið hampaði bikarmeistaratitlinum fyrir
stuttu. „Það er algjörlega hápunkturinn hingað til hjá
mér. Það er skemmtileg tilbreyting að vera að berjast
um titla núna,“ sagði Björgvin sem kom til Hauka frá
Stjörnunni en er uppalinn í Breiðholtinu hjá ÍR.
Haukar áttu alls fjóra leikmenn í úrvalsliði annars
þriðjungs deildarinnar. Auk Björgvins voru það Birkir
Ívar Guðmundsson, Pétur Pálsson og Sigurbergur
Sveinsson. Þá var Aron Kristjánsson valinn besti þjálfar-
inn.
Aron tekur við Hannover Burgdorf eftir tímabilið og mun
Halldór Ingólfsson þá taka við stjórnartaumunum hjá Haukum.
„Arons verður að sjálfsögðu saknað. En það tekur nýr maður
við þessu og vonandi heldur hann uppteknum hætti. Ég þekki
Halldór ekki eins vel og aðrir leikmenn í liðinu en þetta kemur
allt í ljós. Annars er maður ekki mikið að hugsa út í þetta strax.
Það er enn fullt eftir af þessu tímabili,“ sagði Björgvin.
En hver eru næstu markmið hans í handboltanum?
„Fyrsta markmið mitt er bara að haldast heill út þetta
tímabil,“ sagði Björgvin og hló en hann hefur verið
nokkuð óheppinn með meiðsli það sem af er hans
ferli.
„Annars er mitt persónulega markmið bara að
bæta mig og sjá hvað gerist síðan. Ég er að klára
námið mitt núna og maður stefnir á að fara út í
atvinnumennsku. Mér líður samt vel í Haukum svo
mér liggur ekkert á.“
BJÖRGVIN HÓLMGEIRSSON: VAR VALINN BESTI LEIKMAÐUR ANNARS ÞRIÐJUNGSINS Í N1-DEILD KARLA
Skemmtileg tilbreyting að vera að berjast um titla
FÓTBOLTI Ítalska liðið Inter hefur
2-1 forskot að verja í kvöld þegar
liðið mætir Chelsea í seinni viður-
eign liðanna í sextán liða úrslitum
Meistaradeildarinnar. Jose Mour-
inho, þjálfari Inter, heldur hrokan-
um áfram og segist líta á leikinn í
kvöld sem heimaleik fyrir sig.
Mourinho vann sex bikara á
þremur árum sem knattspyrnu-
stjóri Chelsea. „Allir vita að Mour-
inho tapar ekki á Stamford Bridge.
Tölurnar tala sínu máli. Ferill
minn hjá félaginu er ótrúlegur,
við vorum svo góðir í svo langan
tíma,“ segir Mourinho.
„Ég mun ekki finna fyrir við-
brögðum áhorfenda. Ég mun bara
vera í mínu sæti og spila minn leik.
En ég fer ekkert leynt með það að
Chelsea er mikilvægur hluti af
mínu liði,“ segir Mourinho sem
tapaði ekki deildarleik á Stamford
Bridge í meira en þrjú ár.
Reyndar hefur hann ekki tapað
heimaleik í deildarkeppni neins
staðar síðan 23. febrúar 2002
þegar hann var með Porto. Ekki
verður því neitað að það er magn-
aður árangur. Carlo Ancelotti
getur allavega ekki státað sig af
því að vera taplaus í deildinni á
Stamford Bridge, niðurlægingin
gegn Manchester City nýlega sá
til þess.
„Enginn hafði unnið titilinn
á sínu fyrsta ári. Svo kom ég og
skráði nafn mitt í sögubækurnar,“
segir Mourinho en hann segist
ekki ætla að pakka í vörn í kvöld.
„Ég spila alltaf til sigurs. Það er
ein stærsta ástæðan fyrir árangri
mínum.“
Ancelotti segir að það hafi
ekki truflandi áhrif á sína menn
að Mourinho sé að mæta aftur á
Brúna. „Þetta verður sérstakt
kvöld fyrir hann. Hann fær lík-
lega hlýjar móttökur frá stuðn-
ingsmönnum og á það skilið. Leik-
urinn sjálfur er allt annað mál,“
segir Ancelotti.
Hann neitar því að samband
þeirra tveggja sé eitthvað slæmt
og segir að þeir muni skála í víni
eftir leik í kvöld sama hvernig leik-
urinn fer.
- egm
Það verður seint sagt að Jose Mourinho, þjálfari ítalska liðsins Inter, hafi ekki trú á sjálfum sér:
Mourinho tapar ekki á Stamford Bridge
ÓTRÚLEGUR ÁRANGUR Jose Mourinho gerði heimavöll Chelsea að óvinnandi vígi á
sínum tíma. NORDICPHOTOS/GETTY
> Katrín til Kristianstad?
KR hefur gefið sænska úrvalsdeildarliðinu Kristianstad
leyfi til að ræða við landsliðsmanninn Katrínu Ómarsdótt-
ur um samning. Þetta er mikið Íslendingalið enda þjálfað
af Elísabetu Gunnarsdóttur og með liðinu leika landsliðs-
konurnar Margrét Lára Viðarsdóttir, Erla
Steina Arnardóttir og Guðný Björk Óðins-
dóttir. Hólmfríður Magnúsdóttir var
einnig á mála hjá félaginu en
hún er á leið til Bandaríkjanna.
Þar er Katrín einnig í námi og
hún gæti því aldrei tekið þátt í
nema tæplega hálfu tímabilinu með
Kristianstad ef af yrði.
FÓTBOLTI David Beckham flaug
með einkaþotu AC Milan til Finn-
lands í gær þar sem hann gekkst
undir aðgerð vegna meiðslanna
sem hann varð fyrir í leik AC
Milan á sunnudag.
Beckham meiddist á hásin og
verður líklega frá í þrjá til fimm
mánuði. Það þýðir einfaldlega að
Beckham á enga möguleika á að
spila með enska landsliðinu á HM
sem hefur verið draumur hans
lengi. Hann ætlaði sér að verða
fyrsti Englendingurinn til þess
að spila á fjórum heimsmeistara-
mótum í röð.
Bjartsýnustu menn vonast þó
eftir kraftaverki í aðgerðinni og
það ætti að skýrast mjög fljótlega
hvort möguleiki sé á slíku krafta-
verki.
Það leyndi sér ekki á svipbrigð-
um Beckhams er hann varð fyrir
meiðslunum að hann gerði sér vel
grein fyrir alvarleika meiðslanna
og afleiðingum þeirra. Hann er
sagður hafa grátið í klefanum
eftir leikinn. - hbg
Beckham í aðgerð í Finnlandi
HM-draumur
Beckhams úti
Á HÆKJUM Beckham sést hér á leið til
Finnlands í gær. NORDIC PHOTOS/AFP
KÖRFUBOLTI Keflavík sá til þess
í gær að forráðamenn KR settu
kampavínið aftur inn í ísskáp en
einhverjir voru eflaust farnir að
vinna í töppunum í hálfleik í DHL-
höllinni í gær. Keflavík átti aftur
á móti stórkostlega endurkomu og
vann glæstan átta stiga sigur, 92-
100.
KR-ingar byrjuðu leikinn með
miklum látum þar sem Tommy
Johnson fór mikinn og setti niður
þrjár þriggja stiga körfur. Brynj-
ar var einnig að hitta vel og Pavel
að gera allt rétt. Vörn KR var að
sama skapi ekki sannfærandi og
þeir Burns og Igbavboa sáu til
þess að Keflavík komst aftur inn
í leikinn og munurinn aðeins tvö
stig eftir fyrsta leikhluta, 28-26.
Vörn KR datt heldur betur í
gírinn í öðrum leikhluta. Vörnin
ásamt stórkostlegum leik Pavels
og Brynjars varð þess valdandi
að KR fór að keyra yfir gestina.
Keflvíkingar vissu ekki sitt rjúk-
andi ráð og voru nær meðvitund-
arlausir fyrir utan Igbavboa. Þess
utan voru KR-ingar miklu grimm-
ari og tóku flest fráköstin á báðum
endum vallarins. KR-ingar í góðum
málum í leikhléi, 52-35.
Keflvíkingar komu heldur betur
ákveðnir til leiks í síðari hálfleik.
Gunnar Einarsson gaf tóninn með
tveimur þristum í upphafi hálf-
leiksins. Í kjölfarið kviknaði á
Burns og Herði Axel. Keflavík fór
að spila fantavörn og voru ákveðn-
ir í sókninni.
Smám saman söxuðu þeir á
forskot KR-inga sem virtust enn
vera inn í klefa að drekka Herba-
life. Keflvíkingar spiluðu hreint
út sagt stórkostlega og þegar leik-
hlutanum lauk voru þeir komn-
ir með forystu, 68-73. Ótrúlegur
viðsnúningur. KR sýndi klærnar
á ný í lokaleikhlutanum en Kefl-
víkingar voru einfaldlega of heitir
og sterkir fyrir heimamenn. Þeir
börðu KR-inga af sér hvað eftir
annað og lönduðu hreint út sagt
mögnuðum sigri.
„Síðari hálfleikur var rosalega
flottur hjá okkur. Það er frábært
að ná svona síðari hálfleik á þess-
um erfiða útivelli,“ sagði Guðjón
Skúlason, þjálfari Keflavíkur, him-
inlifandi. „Þessi sigur gefur okkur
mikið og sérstaklega fyrir úrslita-
keppnina þar sem við ætlum okkur
stóra hluti.“
Fannar Ólafsson, fyrirliði KR,
var ekki eins kátur. „Við létum
Keflvíkinga komast upp með að
ýta okkur langt út úr teig í stað
þess að svara eins og menn. Við
fórum inn í skel og spiluðum eins
og unglingaflokkur. Þetta er hrika-
lega svekkjandi.“ henry@frettabladid.is
Kampavínið enn í kælingu
Keflavík eyðilagði sigurhátíð KR-inga í DHL-höllinni í gær með frábærum sigri
á heimamönnum sem hefðu getað orðið deildarmeistarar með sigri. KR þarf nú
að fara í Stykkishólm og vinna til þess að gulltryggja deildarmeistaratitilinn.
MAGNAÐUR Drealon Burns var stórkostlegur í síðari hálfleik í gær rétt eins og flestir
leikmenn Keflavíkur. FRÉTTABLAÐIÐ/VILHELM
FÓTBOLTI Liverpool hristi af sér
mánudagsveikina í gærkvöldi er
liðið rúllaði yfir botnlið Ports-
mouth, 4-1.
Liverpool hafði ekki unnið leik
á mánudegi í um þrjú ár áður en
kom að leiknum í gær.
Það var margt jákvætt að ger-
ast hjá liði Liverpool í gær. Fern-
ando Torres skoraði tvö mörk
og Alberto Aquilani skoraði sitt
fyrsta mark fyrir félagið.
Liverpool komst með sigrinum
upp í fimmta sæti deildarinnar
og heldur því enn í vonina um að
ná hinu dýrmæta fjórða sæti.
- hbg
Liverpool enn á lífi:
Loksins sigur
á mánudegi
LOKSINS BROS Alberto Aquilani skoraði
langþráð mark fyrir Liverpool í gær.
NORDIC PHOTOS/GETTY IMAGES