Fréttablaðið - 18.03.2010, Blaðsíða 12
18. mars 2010 FIMMTUDAGUR
Sumarbúðir
KFUM og KFUK
Vatnaskógur
Vindáshlíð
Kaldársel
Hólavatn
Ölver
KFUM og KFUK - Holtavegi 28 - 104 Reykjavík - Sími 588 88 99 - www.kfum.is
Skráning hefst
20. mars kl. 12
með vorhátíð
Sjá nánar á kfum.isStyrktaraðilar
H
:N
m
ar
ka
ð
ss
am
sk
ip
ti
/
SÍ
A
www.karlmennogkrabbamein.is
13.510.100 kr.
hafa safnast –Höldum áfram á
karlmennogkrabbamein.is
Skartaðu skeggi
og verndaðu punginn
Minnka á fé til fram-
kvæmda hjá Reykjavíkur-
borg og dótturfyrirtækjum
úr 26,4 milljörðum króna
í ár í 10,2 milljarða árið
2013. Samfylkingin vill
að borgin sem slík haldi
óbreyttu framkvæmdastigi
en meirihlutinn segir það
óábyrgt.
Stórlega dregur úr framkvæmd-
um á vegum Reykjavíkurborg-
ar og fyrirtækja borgarinnar á
næstu þremur árum samkvæmt
nýrri þriggja ára áætlun. Í ár á
að verja 26,4 milljörðum króna til
framkvæmda en upphæðin verður
10,2 milljarðar á árinu 2013.
Fulltrúar Samfylkingarinnar
lögðu til á fundi borgarstjórnar á
þriðjudag að framkvæmdastigi á
vegum borgarinnar sjálfrar, það
er að segja án dótturfyrirtækja á
borð við Orkuveituna, yrði hald-
ið óbreyttu fram til ársins 2013. Í
fjárhagsáætlun meirihluta Sjálf-
stæðisflokks og Framsóknar-
flokks er hins vegar gert ráð fyrir
að þessi liður lækki stig af stigi úr
5,3 milljörðum króna á þessu ári í
1,4 milljarða á árinu 2013.
„Meirihlutinn er í mikilli vörn
vegna þess að þeir eru að keyra
mikla frjálshyggjustefnu, það er
að segja að Reykjavíkurborg eigi
að halda að sér höndum í fram-
kvæmdum næstu þrjú árin. En
við segjum, í anda klassískrar
jafnaðarstefnu, að þegar kreppur
eru annars vegar skipti máli að
Reykjavíkurborg axli ábyrgð og
reyni að draga úr atvinnuleys-
inu með því að halda uppi eðli-
legu framkvæmdastigi – jafnvel
þótt borgin geti ekki ein og sér
haldið uppi atvinnu hér,“ segir
Dagur B. Eggertsson, oddviti
Samfylkingarinnar.
Óskar Bergsson, borgarfulltrúi
Framsóknarflokksins og formað-
ur borgarráðs, segir að um leið og
kreppan hafi skollið á árið 2008
hafi borgarstjórn tekið meðvitaða
ákvörðun um að halda upp háu
framkvæmdastigi við þær aðstæð-
ur sem þá komu upp. Þess sjái stað
í fjárhagsætlunum áranna 2009 og
2010 og að einhverju leyti einnig í
áætlun fyrir árið 2011.
„Síðan fara menn að draga úr
og þessari framkvæmdahrinu fer
að ljúka. Þá teljum við að þá sé
Reykjavíkurborg búin að gera það
sem henni bar við þessar aðstæð-
ur og aðrir verkkaupar komnir
inn á markaðinn, svo sem eins og
einkaaðilar. Vonandi kemur ríkið
einhvern tíma inn líka en það
hefur í raun bara dregið saman
í framkvæmdum eftir að krepp-
an skall á. Fulltrúar ríkisstjórn-
arflokkanna í borgarstjórn eru í
raun að gagnrýna meirihlutann
þar fyrir að bregðast ekki nógu
hratt við atvinnuleysisstefnu
ríkisstjórnarinnar,“ segir Óskar.
Í bókun meirihlutaflokkanna í
borgarstjórn er áðurnefnd breyt-
ingartillaga Samfylkingarinnar
um auknar framkvæmdir gagn-
rýnd. Samþykkt tillögunnar er
sögð munu leiða af sér hallarekst-
ur. Það stríði gegn sveitarstjórn-
arlögum því óheimilt sé að leggja
fram áætlun með hallarekstri.
Mikil áhætta fælist í lántöku sem
til þyrfti til að fjármagna við-
bótarframkvæmdirnar. Geta til
að standa vörð um lánshæfi og
tryggja greiðsluhæfi yrði skert.
„Leið Reykjavíkurborgar út
úr kreppunni getur ekki verið
sú að borgin steypi sér í skuld-
ir og hækki skatta. Slíkt væri
óábyrgt við þessar aðstæður og
leysir engan vanda heldur dýp-
kar hann og myndi rýra lífskjör
framtíðarkynslóða,“ segir í bókun
meirihlutans.
Dagur B. Eggertsson segir hins
vegar að í tillögu Samfylking-
arinnar sé fjármögnun hennar
útfærð.
„Við mætum þessu með því að
lækka handbært fé sem er 11,7
milljarðar í upphafi áætlunarinnar
og endar í 12,8 milljörðum. Þannig
að þar er svigrúm til að taka á því
sem snýr að rekstrinum en við
leynum því ekkert að fjármun-
ir til framkvæmda í kreppunni
verða teknir að láni,“ segir Dagur.
„Ágreiningurinn snýst einfaldlega
um það hvort það eigi í kreppunni
að viðhalda framkvæmdastiginu
hjá Reykjavíkurborg.“
ÓSKAR
BERGSSON
DAGUR B.
EGGERTSSON
REYKJAVÍKURBORG Borgin og fyrirtæki hennar framkvæma fyrir 26,4 milljarða á
þessu ári en ríkið aðeins fyrir samtals 10 milljarða, segir meirihlutinn í borgarstjórn.
Frá og með næsta ári dregur úr framkvæmdunum. FRÉTTABLAÐIÐ/GVA
FRAMKVÆMDAFÉ HJÁ REYKJAVÍKURBORG 2008-2013
Ár Reykjavíkurborg Borgin og dótturfyrirtæki
2008* 10.263.940 46.918.658
2009** 5.367.000 27.055.074
2010*** 5.280.000 26.400.640
2011*** 3.175.000 18.887.518
2012*** 2.040.000 11.730.072
2013*** 1.385.000 10.235.627
*Rauntölur. **Útkomuspá. ***Áætlun.
Heimild: Frumvarp til fjárhagsáætlunar Reykjavíkurborgar 2011-2013.
FRÉTTASKÝRING: Hversu miklu ver borgin til framkvæmda næstu árin?
FRÉTTASKÝRING
GARÐAR ÖRN ÚLFARSSON
gar@frettabladid.is
Deilur í borgarstjórn
um fé til framkvæmda