Fréttablaðið - 18.03.2010, Blaðsíða 13
FIMMTUDAGUR 18. mars 2010 13
KÖNNUN Rúmlega 61 prósent þátttakenda í
nýrri könnun MMR er andvígt því að ríkið
greiði listamannalaun. Stærstur hluti, tæp
33 prósent, segist mjög andvígur en tæp 29
prósent segjast frekar andvíg. Um 29 pró-
sent segjast frekar fylgjandi og tæp tíu
prósent sögðust mjög fylgjandi listamanna-
launum.
Könnunin var gerð símleiðis og á Netinu
dagana 3. til 5. mars. Alls svöruðu 932 á
aldrinum 18 til 67 ára spurningunni.
Lítill munur er á afstöðu kynjanna til
álitaefnisins. Þannig sögðust 62,4 prósent
karla og 60,3 prósent kvenna frekar eða
mjög andvíg listamannalaununum.
Íbúar höfuðborgarsvæðisins eru ívið
hlynntari listamannalaunum en íbúar lands-
byggðarinnar. Á höfuðborgarsvæðinu eru 42
prósent þeim frekar eða mjög fylgjandi, en
33,2 prósent íbúa landsbyggðarinnar.
Oddný G. Harðardóttir, formaður mennta-
málanefndar Alþingis, sagðist í samtali við
Vísi í gær vera hlynnt listamannalaunum.
Með þeim sé hagsmuna almennings gætt.
Einnig gæti þess misskilnings að listamenn
þurfi ekki að gera grein fyrir verkefnum
sínum þegar staðreyndin sé að féð sé sótt í
sjóði til skilgreindra verkefna. - sh
Ný könnun MMR leiðir í ljós andstöðu við að ríkið greiði listamönnum laun:
Meirihluti á móti listamannalaunum
BÆKUR Margir íslenskir rithöfundar eru á listamanna-
launum við skrif sín.
FRÉTTABLAÐIÐ/STEFÁN
BELGÍA, AP Mannréttindasamtök-
in Amnesty International hvetja
Evrópusambandið til að loka
öllum lagalegum smugum sem
evrópsk fyrirtæki hafa notað
til að selja pyntingartól til ríkja
sem líkleg þykja til að nota
slíkan búnað.
Í nýrri skýrslu átelja samtök-
in meðal annars Austurríki og
Sviss fyrir útflutning á pipar-
úða, fótjárnum og búnaði til að
gefa rafstuð.
Samkvæmt reglum Evrópu-
sambandsins er útflutningur á
pyntingartólum bannaður, en
hægt er að sækja um undan-
tekningar fyrir sölu á búnaði til
lögreglustarfa og öryggisvörslu.
Amnesty International segir
að evrópsk fyrirtæki hafi
notfært sér þessa smugu í
lögunum. - gb
Amnesty International:
Evrópuríki selja
pyntingartól
VIÐSKIPTI Eik Banki í Færeyjum
hefur samið við dönsk stjórnvöld
um aðgang að ríkistryggðum
lánum upp á 9,1 milljarð danskra
króna, jafnvirði 209 milljarða
íslenskra. Lánið er hluti af stuðn-
ingi danskra stjórnvalda við fjár-
málafyrirtæki.
Eik Banki hyggst nýta lánin til
að endurfjármagna eldri lán sem
eru á gjalddaga á þessu og næsta
ári og bæta lausafjárstöðu sína.
Eik Banki birtir uppgjör sitt
á föstudag en hefur þegar lýst
því yfir að hann muni þurfa að
færa niður verulegan hluta af
fasteigna lánum sínum sem veitt
voru í Danmörku. - jab
Eik banki fær stuðning Dana:
Bæta í sjóðina
BANKASTJÓRINN Marner Jacobsen,
bankastjóri Eik Banka, hefur varað
við því að bankinn gæti tapað háum
fjárhæðum á dönskum fasteignalánum.
FRÉTTABLAÐIÐ/GVA
EFNAHAGSMÁL Bankastjórn Seðla-
banka Bandaríkjanna ákvað á
þriðjudag að halda stýrivöxtum
óbreyttum í 0,25 prósentum.
Ben Bernanke seðlabankastjóri
sagði á vaxtaákvörðunarfundi
hagvöxt ekki hafa tekið nægi-
lega við sér sem réttlæti hækk-
un vaxta. Bloomberg-fréttastofan
segir aðra seðlabankastjóra sama
sinnis. Þar á meðal ætli japanski
seðlabankinn að tvöfalda lána-
pakka sinn til að styðja við efna-
hagsbatann með lánveitingum til
fyrirtækja og einstaklinga. - jab
Óbreyttir vextir vestanhafs:
Efnahagslífið
enn brothætt
Fá athvarf á Skagaströnd
Háskóli Íslands hefur stofnað rann-
sóknarsetur í sagnfræði á Skaga-
strönd. Fræðasetrið verður hýst í
gamla kaupfélagshúsinu og þar munu
grúskarar fá næði til að kryfja söguna.
MENNTUN
Safnar fjárfestum fyrir DV
Reynir Traustason, ritstjóri DV, er
að safna saman hópi fjárfesta til
að kaupa DV, fréttavefinn DV.is og
Mannlíf. Reynir sagði í gær ekki
tímabært að segja til um hverjir yrðu
með honum í hugsanlegum kaupum
á blaðinu.
FJÖLMIÐLAR