Fréttablaðið - 18.03.2010, Blaðsíða 33
FIMMTUDAGUR 18. mars 2010 5
Á nýliðinni tískuviku í París staðfestist það sem hefur sést að undan-förnu, að tískuheimur-
inn er að færast nær nothæfari
og einfaldri tískuhönnun sem
er ætlað að seljast sem víðast.
Frumleikinn víkur því hjá mörg-
um fyrir svokölluðum einfald-
leika, sem kannski ætti frekar að
kallast markaðshyggja. Á erfið-
um tímum er markmiðið að lifa
af meðan á kreppunni stendur
með von um bjartari tíð með
blóm í haga eða öllu heldur þykk-
ari seðlaveskjum. Flest tísku-
húsin eru hætt að leggja mikla
fjármuni í stórsýningar ef frá er
talin sýning Chanel í Grand Pala-
is þar sem það frumlegasta var
líklega ísjakinn sem fluttur var
sérstaklega frá Stokkhólmi fyrir
sýninguna og loðdýrabúningarnir
úr gerviloðfeldum. Ekki spurt um
umhverfisáhrif þar.
Hvort það skýrist af sviplegum
dauða Alexanders McQueen,
að tískuritstjórarnir héldu vart
vatni yfir síðustu sýningunni
hans sem hann hafði mikið til
lokið við, skal ósagt látið, en víst
er þó að mikill listamaður er
horfinn úr heimi tískunnar. Sýn-
ingin fór fram í salarkynnum
eiganda tískuhússins PPR-sam-
steypunnar, sem meðal annars er
eigandi Gucci og YSL og boðs-
gestirnir voru örfáir. McQueen
var undir áhrifum frá óperusöng-
konunni Simone Kermes sem
hann hlustaði á út í eitt á meðan
hann hannaði, en hann var einnig
undir áhrifum frá endurreisnar-
málurum. Á sýningunni mátti
sjá stórkostlegan frakka skreytt-
an gylltum fjöðrum, á sumum
flíkum lífsbrot úr lífi engla og
dýrlinga en einnig kjóll með
áprentuðu baki með vængjum.
Trúarleg tákn eru því áberandi
og líklegt að tískulínan seljist vel
til smásöluaðila.
Með óvæntum hætti barst
stjórnmálaumræðan í Frakklandi
inn á sýningarpallana. Jean-Paul
Gaultier dró upp sína mynd af
frönsku þjóðerni sem hefur verið
til umræðu hér síðan í haust að
ósk forsetans. Spurningin um
hvað það er að vera Frakki og
hver staða Frakka af erlendum
uppruna sé í landinu. Meira að
segja var boðskortið á sýninguna
pólitísk skilaboð, franskt landa-
kort, gert úr héruðum landsins
sem höfðu verið skírð Alsír, Kína,
Tíbet eða Rússland, svo eitthvað
sé nefnt. Sýningin hófst undir
tónum þjóðsöngsins í umdeildri
útgáfu Serge Gainsbourg. Gault-
ier telur tískuna vera eins og
mannlífið, blöndu af ýmsum upp-
runa og að það sé auðlegð sam-
félagsins. Eins konar menning-
arsuða sem einkennir flestar
stórborgir í dag. Marianne er
tákn franska lýðveldisins í kven-
mynd og í gegnum tíðina hafa
ekki ómerkari konur en til dæmis
Brigitte Bardot verið fyrirmynd
þessarar styttu. Á tískusýningu
Gaultiers voru þessar Maríönnur
úr ýmsum áttum eins og rúss-
neskar babúskur, aðrar íklædd-
ar kínverskum útsaumi eða með
stórgerðar afrískar hálsfestar.
Svona er Frakkland í dag.
bergb75@free.fr
Þjóðernispólitík á tískuviku
ÚR HÁBORG TÍSKUNNAR
Bergþór Bjarnason skrifar frá París
SÓLGLERAUGU EFTIR MADONNU
KOMA Á MARKAÐ Í MAÍ.
Madonna hefur gengið til liðs við
ítalska tískuhúsið Dolce & Gabb-
ana og setur á markað nýja sól-
gleraugnalínu
undir nafninu
MDG. Ráðgert
er að fyrstu sex
gerðirnar komi á
markað í maí.
Madonna hann-
aði línuna í sam-
vinnu við fræg-
asta hönnunar-
tvíeyki Ítalíu, þá
Domenico Dolce
og Stefano Gabb-
ana, en hún mun
auk þess verða andlit auglýsinga-
herferðar sem er ætlað að fylgja
gleraugunum eftir. Söngkonan er
ekki ókunnug tískuiðnaðinum en
hún setti á markað eigin fatalínu
í samstarfi við Hennes & Mauritz
árið 2007. - ve
Hannar fyrir D&G
Fyrstu sex
týpurnar eru
væntanlegar
innan skamms.
Lúka Art & Design tekur virkan
þátt í HönnunarMarsi og verð-
ur á flestum stöðum þar sem
fatahönnun kemur við sögu.
„Við tökum þátt í PopUp-mark-
aðnum í Hugmyndahúsi háskól-
anna frá 11-18 á laugardag og
í tískusýningu í O’Johnson &
Kaaber húsinu klukkan átta. Þá
verðum við í Showroom Reykja-
vík í Listasafni Reykjavíkur frá
11-17 á sunnudag og tökum þátt
í sýningu Fatahönnunarfélags
Íslands og Íslenska dansflokks-
ins, Formið flýgur, í Portinu í
Hafnarhúsinu klukkan átta,“
segja hönnuðirnir og systurn-
ar Brynhildur og Gunnhildur
Þórðardætur.
Lúka Art & Design mun
kynna fatalínuna Lúka coll-
ection 2010/11 en í þeirri línu
er unnið með vörumerki fyrir-
tækisins sem er hönd og auga.
„Nafnið Lúka kemur þaðan en
það þýðir höndin sem skapar
og augað sem sér.“ Þær systur
vinna með íslenska ull og end-
urspegla nýju munstrin vöru-
merkið, lífsgleði og þægindi
með rokkuðu ívafi en auk fata-
línunnar mun þær kynna skart-
gripalínu sem þær hafa hannað
í samstarfi við fatahönnuðinn
Ingu Björk Andrésdóttur. - ve
Rokkuð ull og skart
Hönnuðir Lúka Art & Design hafa
þægindi og lífsgleði með rokkuðu ívafi
í fyrirrúmi.
Kúluhatturinn var kynntur til sögunnar
undir lok fyrri heimsstyrjaldarinnar en átti
sín gullaldarár á þriðja áratugnum.
Tíska aldanna
NÝ KJÓLA
SENDING
Í Tösku- og hanskabúðinni má finna
mikið úrval af handtöskum, tölvu- og
skjalatöskum, seðla-og leðurveskjum,
ferðatöskum, leðurhönskum og vönduðum
göngustöfum svo fátt eitt sé nefnt. Þú getur litið
við í verslun okkar eða einfaldlega farið á slóðina
www.th.is þar sem hægt er á aðgengilegan
hátt að skoða úrvalið og gera góð kaup!
18.–20. MARS
TAXFREE HELGI
Í FLASH
Taxfree
af öllum
vörum.
Ný sending
Ótrúlegt
úrval.