Fréttablaðið - 18.03.2010, Blaðsíða 50

42 18. mars 2010 FIMMTUDAGUR
bio@frettabladid.is
> SACHA Í SVÖRTUM
Sacha Baron Cohen er orðaður við
stórt hlutverk í þriðju myndinni um
Menn í svörtum fötum. Tommy Lee
Jones og Will Smith ætla að endurtaka
leikinn og Josh Brolin hefur einnig
verið orðaður við myndina.
Eins og kemur fram á þessari síðu er The Lov-
ely Bones eftir Peter Jackson frumsýnd nú um
helgina. En það er meira nýtt í kvikmyndahúsum
borgarinnar.
Kvikmyndinni The Bounty Hunter er leikstýrt
af Andy Tennant, þeim sama og gerði Hitch með
Will Smith í aðalhlutverki fyrir nokkrum árum.
Hann virðist hafa góð sambönd í Hollywood þrátt
fyrir misjafnt gengi í leikstjórastólnum því hann
leiðir saman Jennifer Aniston og Gerard Butler í
sinni nýjustu mynd.
Aniston er án nokkurs vafa ein stærsta kven-
kynsstjarna kvikmyndaborgarinnar þótt hún
hafi ekki beint verið heppin með hlutverk á hvíta
tjaldinu og stjarna Butlers hefur verið að fikra sig
hægt og rólega upp á stjörnuhvolfið. Butler leikur
hausaveiðarann Milo sem fær það hlutverk að
hafa upp á fyrrverandi eiginkonu sinni, Nicole,
sem Aniston leikur, og koma henni í hendur
laganna varða. En ekki er allt sem sýnist og
hjónakornin fyrrverandi lenda brátt í bar-
áttu upp á líf og dauða. Minnir eilítið á Mr.
og Mrs. Smith sem fyrrverandi eiginmað-
ur Aniston, Brad Pitt, notaði til að komast í
kynni við Angelinu Jolie.
Hin myndin sem er frumsýnd um helg-
ina heitir Daybreaker og skartar Ethan
Hawke í aðalhlutverkinu. Söguþráðurinn
er kunnuglegur; plága hefur breytt mest-
öllu mannkyninu í vampírur sem þrífast
á blóði hinna örfáu „heilbrigðu“ einstakl-
inga sem eftir eru. Vísindamenn eru því
í baráttu við tímann til að reyna bjarga
manninum frá glötun.
Vampírur, Butler og Aniston
Bandaríski Íslandsvinurinn Ryan
Phillippe er nýjasti leikarinn sem
er orðaður við hlutverk Captain
America. Marvel-myndasöguris-
inn hyggst framleiða kvikmynd
um þessa miklu hetju sem klæð-
ist yfirleitt spandex-galla í banda-
rísku þjóðfánalitunum þegar hann
berst við óvini ríkisins. Einir fimm
leikarar hafa verið orðaðir við
hlutverkið og því er farsinn farinn
að minna óþægilega mikið á sirk-
usinn sem myndast um það þegar
nýr Bond er tilkynntur.
Líklegt þykir að Matrix-ómenn-
ið Hugo Weaving hreppi hlutverk
illmennisins Red Skull en gert er
ráð fyrir því að myndin verði einn
af sumarsmellum næsta árs. Leik-
stjóri verður Joe Johnston sem síð-
ast gerði hina vinsælu úlfamynd
með Benicio Del Toro.
Phillippe fer í röð
Síðasta æðið í Hollywood var
stríðið í Írak, olíubransinn og allt
sem tengdist Mið-Austurlöndum.
Nú virðist nýtt æði vera að renna
upp því þrjár kvikmyndir með
sverð, boga og spjót í aðalhlut-
verkum eru ýmist á vinnslustigi
eða á leið í kvikmyndahús.
Fyrst ber að nefna kvikmynd
Ridley Scott um Hróa Hött þar
sem sjálfur Russell Crowe leið-
ir andspyrnuhópinn gegn hinum
illa fógeta í Nottingham-skíri.
Fyrsta stiklan úr myndinni er
komin á Netið og er óhætt að full-
yrða að hún lofi góðu þótt sum
atriðin séu kunnugleg úr kvik-
myndum á borð við Braveheart
og Gladiator.
Önnur mynd sem er komin ögn
skemur á veg, en hefur þegar
verið tilkynnt um, er Arthur.
Breski leikstjórinn Guy Ritchie
hyggst kvikmynda söguna um
þessa frægu goðsögn. Arthúr
hefur haft það fyrir sið að rata
reglulega á hvíta tjaldið, síðast
fyrir einum sex árum með Clive
Owen, Ray Winstone og Mad
Mikkelsen í helstu hlutverkum.
Rithcie nútímavæddi síðast Sher-
lock Holmes og verður forvitni-
legt að sjá hvað hann gerir fyrir
þessa miklu mýtu.
Þriðja myndin er síðan náttúr-
lega víkingamynd Mels Gibson
með Leonardo DiCaprio í aðal-
hlutverki.
Þar er hugsanlegt að íslensk
tunga komi mögulega við sögu.
Mel Gibson lét nýlega hafa eftir
sér að þetta gæti verið síðasta
myndin sem hann leikstýrði en
það hefði alltaf verið draumur
hans í æsku að gera mynd um
víkinga.
Sverðin á loft
SVERÐ OG BOGAR
Russell Crowe leikur
Hróa Hött í nýrri mynd
Ridley Scott, Guy
Ritchie ætlar að gera
mynd um Arthúr
konung og
Mel Gibson
hyggst leik-
stýra stórri
mynd um
víkinga.
HÖFUÐSMAÐUR Íslandsvinurinn Ryan
Phillippe er orðaður við hlutverk
Captain America.
SAMAN Jennifer Aniston
og Gerard Butler eru sögð
vera saman. Þau leika að
minnsta kosti saman í The
Bounty Hunter.
Kvikmynd Peter Jacskons,
Svo fögur bein, verður
frumsýnd í Sambíóunum
um helgina. Þótt engar gór-
illur eða orkar séu í þessari
mynd er tæpast hægt að
kalla hana smámynd. Vera
Júlíusdóttir var viðstödd
blaðamannafund Jacksons í
London.
Er þetta ekki bara einhver „stelpu-
mynd“? varð einum vina minna
að orði um Svo fögur bein (The
Lovely Bones), nýjustu mynd leik-
stjórans Peters Jackson. Myndin
er byggð á samnefndri metsölu-
bók Alice Sebold og er því beðið
með töluverðri eftirvæntingu. Svo
fögur bein fjallar um 14 ára stúlk-
una Susie Salmon sem er myrt á
hrottafenginn hátt. Eftir dauða
sinn fylgist hún með fjölskyldu
sinni vinna úr sorginni úr eins
konar milliheimi, sem hvorki er
handanheimur né himnaríki. Hún
er full reiði yfir örlögum sínum og
á erfitt með að sætta sig við að lífi
hennar sé lokið. Faðir hennar og
systir hefja þrotlausa leit að morð-
ingjanum á meðan móðir hennar
reynir að finna sálarfrið og sátt. Í
huga Susie togast á hefndarþorsti
og von um að sár fjölskyldunnar
nái að gróa.
Peter Jackson hreifst mjög af
bók Alice Sebold og einnig Susan
Sarandon, sem leikur stórt hlut-
verk í myndinni. Jackson segist
hafa viljað gera mynd sem væri
tiltölulega smá í sniðum eftir þrí-
leikinn Hringadróttinssögu og
stórmyndina King Kong. Svo fögur
bein er þó tæplega hægt að kalla
„litla“ mynd. Mikið er í hana lagt
og hún skartar leikurum eins og
Susan Sarandon, Rachel Weisz og
Stanley Tucci. Stúlkan Susie er
leikin af Saoirse Ronan sem var
afar eftirminnileg í myndinni
Friðþæging (Atonement).
Aðlögunin að kvikmyndaform-
inu var krefjandi að sögn leikstjór-
ans og þurfti bæði að sleppa ýmsu
úr bókinni og jafnframt bæta við.
Í kvikmyndinni er til dæmis sýnt
mun meira af Susie á meðan hún
er á lífi heldur en í bókinni. Minna
er gert úr hugleiðingum hennar í
handanheiminum, og meira gert
úr atburðarásinni fyrir og eftir
dauða hennar. Jackson bjó til sína
eigin útgáfu af draumkenndum
milliheiminum sem Susie dvelur
í eftir að hún deyr. Með flókn-
um tæknibrellum og tilfinninga-
þrungnu myndmáli leitaðist hann
við að skapa heim sem væri líkt og
hann sprytti úr undirmeðvitund
Susiar, brothættan og síbreytileg-
an, stundum ógnandi en stundum
fallegan.
Jackson er sjálfur ekki viss
um hvort hann trúir á líf eftir
dauðann en viðurkennir þó að
hafa séð draug einu sinni á Nýja-
Sjálandi. Fyrstu myndir Jacksons
voru grínhrollvekjur og fantasíur
og innihéldu bæði vofur og upp-
vakninga. Himneskar verur (Hea-
venly Creatures) sem út kom 1994
festi Jackson í sessi sem alvöru
leikstjóra. Hún var byggð á sönn-
um atburðum og fjallar um tvær
stúlkur sem myrtu móður annarr-
ar þeirra. Jackson segir Svo fögur
bein „ekki vera morðsögu“. Myndin
sé upplífgandi og boðskapur henn-
ar í grundvallaratriðum jákvæð-
ur þrátt fyrir þann hræðilega
glæp sem er þungamiðja hennar.
Aðspurður hvort honum þyki erfitt
að standa undir væntingum eftir
velgengni síðustu mynda sinna
segir Jackson: „Þegar allt kemur
til alls verður leikstjóri að gera
myndir sem hann langar sjálfan
til að horfa á.“
Litla myndin hans Jacksons
HELSTU VERK
JACKSONS
Bad Taste (1987)
Braindead (1992)
Heavenly Creatures (1994)
The Frighteners (1996)
Hringadrottinssaga I-III (2001-
2003)
King Kong (2005)
RÍSANDI STJARNA OG KÓNGURINN Peter Jackson var nánast tekinn í guðatölu eftir
þríleikinn um Hringadróttinssögu. Hér er hann ásamt aðalleikkonu myndarinnar,
Saoirse Ronan. NORDICPHOTOS/GETTY
Útsölumarkaður Verðlistans opnar í dag
í Ármúla 44 (áður HP húsgögn)
Opið mánudag-föstudags 12-18