Fréttablaðið - 18.03.2010, Blaðsíða 54

46 18. mars 2010 FIMMTUDAGUR
HVAÐ? HVENÆR? HVAR?
Fimmtudagur 18. mars 2010
➜ Tónleikar
20.30 Í tilefni af 60 ára
fæðingarafmæli Karen-
ar Carpenter heldur
Regína Ósk tónleika í
Salnum við Hamraborg
í Kópavogi þar sem hún
flytur úrval laga The
Carpenters.
21.00 Leikararnir úr sýningu LA, Rocky
Horror, taka fyrir lög að eigin vali ásamt
hljómsveit á Græna Hattinum við
Hafnarstræti 96 á Akureyri. Meðal þeirra
sem koma fram eru Andrea Gylfa, Atli
Þór, Bryndís Ásmunds, Hjalti Rúnar,
Maggi Jóns og Matti Matt.
21.00 Inner Urge kvartettinn heldur
tónleika í jazzkjallara Café Cultura við
Hverfisgötu 18. Á efnisskránni verða
verk eftir Joe Henderson.
➜ Opnanir
17.30 Hjá Alliance Française við
Tryggvagötu 8, verður opnuð ljós-
myndasýning Öldu Lóu Leifsdóttur
„Myndir af konum í Togo”. Samhliða
ljósmyndasýningunni, verða sýndar
heimildarmyndir um stöðu kvenna
í Afríku. Nánari upplýsingar á www.
af.is. 0pið virka daga kl. 14-18 og lau.
kl. 14-18.
Fríða Kristín Gísladóttir opnar sýningu
sína „Björt sýn” í Gallerí BHM við Borg-
artún 6. Opið virka daga kl. 9-17.
Saga Sigurðardóttir og Hildur Yeoman
opna sýninguna „Álagafjötrar” í Kling
& Bang gallerí við Hverfisgötu 42. Opið
alla daga kl. 14-18.
➜ Leikrit
20.00 Leikfélag Fjölbrautaskólans í
Breiðholti sýnir verkið „Frumskógar-
lögmálið” sem byggt er handriti eftir
Tinu Fey. Sýningar fara fram í sal skól-
ans við Austurberg 5.
20.00 Verðandi, leikfélag Fjölbrauta-
skólans í Garðabæ sýnir verkið Déjà
Vu eftir Bjarna Snæbjörnsson. Sýningar
fara fram í Urðabrunni, hátíðarsal FG
við Skólabraut í Garðabæ.
➜ Fyrirlestrar
12.00 Ingibjörg Haraldsdóttir þýð-
andi og ljóðskáld flytur erindi í fyrir-
lestraröðinni „Hvernig verður bók til”.
Fyrirlesturinn fer fram á Háskólatorgi
við Sæmundargötu 4 (st. 105).
17.15 Bjarni E. Sigurðsson flytur
erindi um Hallgerði Langbrók, ástir
hennar og örlög í Njálu. Erindið verð-
ur flutt hjá Bókasafni Kópavogs við
Hamraborg 6. Allir velkomnir meðan
húsrúm leyfir og enginn aðgangseyrir.
Upplýsingar um viðburði sendist á
hvar@frettabladid.is
Nú detta inn Eurovision-lögin í
ár. Anna Bergendahl fer fyrir
Svíþjóð með lag sem heitir það
sama og lag Eurobandsins 2008,
This Is My Life. Þetta er ballaða
eftir Bobby Ljunggren sem síðast
samdi sænska framlagið „Hero“
2008. Í Englandi kepptu sex flytj-
endur um það hver gæti best flutt
lag gömlu poppjálkanna Mikes
Stock og Petes Waterman. Hinn
nítján ára Josh Dubovie stóð
uppi sem sigurvegari. Hann, eins
og hin sænska Anna, hafði áður
getið sér orð í hæfileikakeppnum
í sjónvarpi.
This Is My
Life aftur í
Eurovision
Kylfingurinn Tiger Woods vinnur nú að
því að púsla saman lífi sínu á ný. Hann til-
kynnti í vikunni að hann ætli að snúa aftur
á golfvöllinn í apríl, en nú bíður hans erfið-
ara verkefni; að vinna aftur traust Elínar,
eigin konu sinnar. Hún reynir að gefa honum
annað tækifæri, en neitar samt að setja upp
giftingarhringinn strax.
Elín er enn þá að vinna að því að fyrir-
gefa honum samkvæmt fréttamiðlum vest-
anhafs. Þau hittast aðeins í nokkrar mínútur
á dag, stundum í nokkra klukkutíma, en það
fer eftir hvernig þeim semur. Elín ku fara sér hægt í að vinna að lík-
amlegu sambandi þeirra, enda var hún illa svikin þegar það kom í ljós
að hann hafði haldið framhjá henni með á annan tug kvenna. Einnig á
hún erfitt með að komast yfir að klámstjarna hafi verið í hópnum.
Elín ber ekki hringinn
REYNA AFTUR Tiger og Elín
vinna nú að því að bjarga
hjónabandi sínu.
Hljómsveitin Ljótu hálfvitarnir
fer í vinnubúðir til Borgarfjarðar
í lok mánaðarins til að semja lög á
sína þriðju plötu. Upptökur hefjast
svo strax eftir páska og er platan
væntanleg í búðir um mánaðamót-
in maí/júní.
„Við fáum lánað hús sem félagi
okkar hefur aðgang að. Þetta
verður mjög hressandi, örugg-
lega þrír til fjórir sólarhringar,“
segir Oddur Bjarni Þorkelsson.
Síðasta haust fóru Ljótu hálfvit-
arnir í svipaðar vinnubúðir til
Hríseyjar. Sú nýbreytni fór vel í
mannskapinn og fæddust nokkur
bráðskemmtileg lög þar. „Við erum
að prufa þetta í fyrsta sinn fyrir
þessa plötu. Við höfum alltaf unnið
hver í sínu horni en núna ákváðum
við að prófa að neyða menn til að
vinna saman.“
Upptökustjóri nýju plötunnar
verður Alex „Flex“ Árnason sem
þeir félagar hafa ekki unnið með
áður. Oddur Bjarni býst við að plat-
an verði ekki alveg eins poppuð og
þær tvær síðustu þó svo að í grunn-
inn verði þeir á kunnuglegum
slóðum.
Síðasta plata Ljótu hálfvitanna
hafði að geyma lagið Lukkutröll-
ið sem naut mikilla vinsælda og
hver veit nema andrúmsloftið í
Borgarfirði geti af sér annan eins
smell sem fái að hljóma ótt og títt
á öldum ljósvakans. - fb
Í vinnubúðir til Borgarfjarðar
LJÓTU HÁLFVITARNIR Hljómsveitin er á
leiðinni í vinnubúðir til Borgarfjarðar í
lok mánaðarins.