Fréttablaðið - 19.03.2010, Blaðsíða 23
Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
„Ég hugsa að tveir þriðju hlutar
bókanna séu uppskriftabækur en
afgangurinn bækur sem fjalla um
mat eða tengjast honum á einhvern
veg,“ segir Daninn Mads Holm
sem hefur verið búsettur á Íslandi
í rúm þrjú ár og vinnur sem verk-
efnastjóri fyrir Nýnorræna matar-
menningu í Norræna húsinu. Hann
hefur ekki eldað upp úr nærri því
öllum bókunum enda sækist hann
frekar eftir innblæstri og les og
skoðar þær sér til skemmtunar.
„Ég er hrifnastur af bókum sem
hafa að geyma sögu og fróðleik um
hráefnið og uppskriftirnar en síður
af mikið myndskreyttum bókum
þó að þær geti auðvitað líka verið
skemmtilegar.“
Mads fer gjarnan í Kolaportið
eða til Braga fornbókasala til að
grafa upp gamlar bækur. Hann
á þegar dágott safn af íslenskum
matreiðslubókum og nefnir bók
Úlfars Eysteinssonar, Úlfar og
fiskarnir, sem dæmi um góða bók.
„Þar er að finna ýmsan fróðleik
um ólíkar fisktegundir og vand-
aðar og vel prófaðar uppskriftir
auk þess sem þetta er ein af fáum
íslenskum matreiðslubókum sem
hafa verið þýddar á dönsku. Nýj-
asta bókin í safninu mínu er svo
Réttir úr ríki Vatnajökuls – Upp-
skriftir með hornfirskt hráefni
í aðalhlutverki. Bókin hefur að
geyma uppskriftir að sveitamat
frá svæðinu í bland við sögulegan
fróðleik,“ segir Mads og bendir á
að það sé hægt að fræðast mikið
um land og þjóð með því að kynna
sér matarmenningu hennar.
Mads á einnig fjölmargar bækur
sem fjalla um mat og ást, sem hann
segir nátengd fyrirbæri, og nefn-
ir Aphrodite – the love of food and
the food of love eftir Isabel Allende
og The Romance of Food eftir Bar-
böru Cartland. Hann segir talsvert
um að rithöfundar sem hafi skrifað
fagurbókmenntir eða spennusögur
gefi út matreiðslubækur og reynir
yfirleitt að næla sér í þær.
„Einhvern tímann las ég það að
til að lifa af á Íslandi þyrfti maður
annað hvort að vera mjög ástfang-
inn eða eiga gott bókasafn. Allra
best væri þó að hafa hvort tveggja
og á það við í mínu tilfelli,“ segir
Mads sem kynntist íslenskri konu
á Food and fun-hátíðinni árið 2005
og hefur búið með henni síðan.
Hann unir sér síðan vel í Norræna
húsinu enda umkringdur mat og
bókum. „Ég hugsa að Norræna
húsið sé eitt fallegasta bókasafn
Norðurlandanna og er ekki frá því
að Dill sé besti veitingastaðurinn.“
vera@frettabladid.is
Á 2.000 matreiðslubækur
Mads Holm á myndarlegt matreiðslubókasafn sem hefur að geyma tvö þúsund bækur. Hann hefur ekki eld-
að upp úr nærri því öllum enda sækist hann frekar eftir innblæstri og les og skoðar þær sér til skemmtunar.
Mads við matreiðslubókasafnið með The Romance of Food eftir Barböru Cartland í hönd. FRÉTTABLAÐIÐ/GVA
NORDIC LIGHT kallast þessi skemmtilegi kerta-
stjaki frá Design House Stockholm en hönnuðurinn er
sænskur innanhússarkitekt, Jonas Grundell. Stjakarnir
fást í Kisunni við Laugaveg, í svörtu og hvítu og hægt
er að fá þá fjögurra eða sjö arma.
framlengt til 11. apríl
Veitingahúsið Perlan - Sími 562 0200 - Fax 562 0207
Netfang perlan@perlan.is - Heimasíða www.perlan.is
4ra rétta seðill frá 4.990 kr.
Tilvalið fyrirárshátíðina!
KRYDDLEGIN KLAUSTURSBLEIKJA
með rússneskri pönnuköku, dillrjóma og piparrótarsósu
RJÓMALÖGUÐ HUMARSÚPA
með Madeira og grilluðum humarhölum
FISKUR DAGSINS
ferskasti hverju sinni, útfærður af
matreiðslumönnum Perlunnar (4.990 kr.)
BEIKONVAFINN OG FYLLTUR FASANI
með polentu og kóngasveppasósu (5.590 kr.)
RIB EYE
með kartöfluturni, Bearnaisesósu
og steinseljurótarmauki (6.590 kr.)
NAUTALUND
með grænmetismósaík
og blönduðum skógarsveppum (7.590 kr.)
SÚKKULAÐIFRAUÐ
með hindberjahlaupi, ferskum ávöxtum og passionís
1
2
3
4
VELDU MILLI FJÖGURRA AÐALRÉTTA
Góð tækifærisgjöf
!