Fréttablaðið - 19.03.2010, Blaðsíða 48
28 19. mars 2010 FÖSTUDAGUR
menning@frettabladid.is
> Ekki missa af
Gagarín í samstarfi við Þjóð-
minjasafnið býður upp á fyrir-
lestur um hönnunaraðferðir á
HönnunarMars. Fyrirlesturinn
verður haldinn í Þjóðminja-
safninu í dag kl. 15. Þar mun
Nils Wiberg, hugmyndahönn-
uður hjá Gagarín, fjalla um
hönnun, skapandi hugsun í
hönnunarferlinu og árangurs-
ríkar hönnunaraðferðir. Nils
útskrifaðist með MSc-gráðu í
gagnvirkri hönnun (Interact-
ion Design) frá háskólanum
í Umeå í Svíþjóð árið 2009
og hefur starfað hjá Gagarín
síðan.
Einn elsti og virðulegasti klúbburinn á höfuðborg-
arsvæðinu, Kammermúsíkklúbburinn, hefur um
árabil haldið úti merkilegri dagskrá í Bústaða-
kirkju. Þar hafa áhugamenn um kammertónlist
komið saman og hlýtt á fjölbreytilega tónlist fyrir
smærri hópa. En jafnvel föstum liðum verður
stundum að hnika: á morgun ber svo við að
tónleikar klúbbsins verða á laugardegi og hefjast
kl. 20 í Bústaðakirkju. Þar hittir Vovka Ashkenazy
fyrir gamla félaga sína, Blásarakvintett Reykjavíkur,
og sexmenningarnir takast á við ópusa eftir ekki
minni menn en Hindemith, Danzi, Þorkel okkar
Sigurbjörnsson, Ibert, Mozart og Poulenc.
Vovka leikur ekki oft á Íslandi en er ávallt vel-
kominn og að þessu sinni er hann í góðum hóp:
Blásarakvintett Reykjavíkur skipa þau Hallfríður
Ólafsdóttir, Daði Kolbeinsson, Einar Jóhannesson,
Joseph Ognibene og Hafsteinn Guðmundsson.
Verkin sem þessi grúppa spilar spanna langt skeið
í kammertónlist, elsta verkið var samið 1785, en
það yngsta eftir Þorkel er samið 1992.
Kammermúsík á laugardagskvöldi
TÓNLIST Vovka Ashkenazy leikur með Blásarakvint-
ett Reykjavíkur á laugardagskvöld.
Söngleikurinn Gauragangur
eftir Ólaf Hauk Símonarson
í leikstjórn Magnúsar Geirs
Þórðarsonar verður frum-
sýndur á Stóra sviði Borgar-
leikhússins í kvöld. Nokkur
eftirvænting hefur ríkt um
frumsýninguna en uppselt
er á tuttugu sýningar og
fyrirsjáanlegt að sýningin
muni sópa að sér áhorfend-
um næstu mánuði enda öllu
til tjaldað. Leikhússtjórinn
sjálfur, Magnús Geir
Þórðar son, setur söngleik-
inn á svið og hefur ekki
unnið á stóra sviðinu síðan
hann stóð fyrir sviðsetn-
ingu Stone Free þar fyrir
mörgum árum.
Gauragangur byggir á skáldsögu
Ólafs Hauks sem kom fyrst út 1988
og hefur verið gefin út í þrígang.
Verkinu var snúið í söngleiksform
1994 og það naut mikilla vinsælda
í sviðsetningu Þjóðleikhússins og
gat af sér bæði framhald á bók
og síðan sviði, Meiri Gauragang.
Hefur sagan verið afar vinsæl
meðal ungra lesenda og leikverkið
farið víða á svið í framhaldsskólum
og hjá áhugafélögum.
Verkið fjallar um töffarann og
erkitýpuna Orm Óðinsson. Það
fellur þematískt við ýmis verk
Ólafs, bæði staka söngtexta hans,
ljóðabækur, endurminningar og
endurómar lífssýn hans og upp-
vaxtarsögu. Við kynnumst þessum
höfuðsnillingi íslenskrar unglinga-
menningar; vinum hans, óvinum,
hugsjónum, hugmyndum, orðsnilli,
fjölskyldu, ljóðunum, skólanum og
ástinni sem óneitanlega flækir líf
ungra manna. Við fylgjumst með
óborganlegum tilraunum Orms til
þess að búa til gull, fara á stefnu-
mót, láta reka sig úr skóla og sofa
hjá! Gauragangur er þroskasaga
einnar skemmtilegustu andhetju
Íslandssögunnar.
Ekki má gleyma stórgóðri tón-
list Nýdanskrar sem gerir verkið
að lifandi söngleik en hljómsveit-
in snýr nú aftur og leikur undir á
sýningunni. Diskur með tónlist-
inni er þegar kominn í verslanir.
Nýdönsk bætti við lagi fyrir þessa
uppfærslu Gauragangs, Vertu með,
sem samið var sérstaklega í tilefni
hennar og hefur slegið rækilega í
gegn á öldum ljósvakans.
Þetta leikstjórnarverkefni er
það fyrsta sem Magnús Geir Þórð-
arson glímir við í Borgarleikhús-
inu eftir að hann tók við sem leik-
hússtjóri árið 2008. Með honum
er fríður hópur fólks sem stend-
ur að baki sýningunni. Ríflega
tuttugu leikarar taka þátt í henni
auk hljómsveitar og er þarna á
ferðinni úrvalsfólk á öllum póst-
um. Guðjón Davíð Karlsson leikur
aðalhlutverkið og er til alls líkleg-
ur í túlkun sinni á Ormi Óðinssyni.
Besta vin Orms leikur Hallgrímur
Ólafsson og þriðja hjólið í þríeyk-
inu Ormur, Ranúr og Halla leikur
Birgitta Birgisdóttir. Aðrir leikar-
ar sem koma fram í sýningunni eru
Sigrún Edda Björnsdóttir, Guðrún
Bjarnadóttir, Kristín Þóra Har-
aldsdóttir, Þröstur Leó Gunnars-
son, Rúnar Freyr Gíslason, Sveppi
(Sverrir Þór Sverrisson), Valgerð-
ur Guðnadóttir, Walter Grímsson,
Ellert A. Ingimundarson, Vigdís
Gunnarsdóttir, Þorsteinn Gunn-
arsson, Margrét Helga Jóhanns-
dóttir, Jóhanna Vigdís Arnardótt-
ir, Bergur Þór Ingólfsson, Jóhann
Sigurðarson, Örn Árnason, Pétur
Einarsson, Hanna María Karlsdótt-
ir, Viktor Már Bjarnason og Dóra
Jóhannsdóttir. Leikmynd gerir
Snorri Freyr Hilmarsson, búninga
annast Filippía Elísdóttir, Björn
Bergsteinn Guðmundsson lýsir,
hljóðmynd býr Thorbjørn Knud-
sen til, myndband er eftir Henrik
Linnet, hreyfingar/danshöfundur
er Margrét Bjarnadóttir, leikgervi
gerir Elín S. Gísladóttir.
Mikil læti og gauragangur
LEIKLIST Hanna María Karlsdóttir, Guðjón Davíð Karlsson og Pétur Einarsson: kyn-
slóðir rekast á – en sitja saman. MYND LR/GRÍMUR BJARNASON
Dagskrá á
HönnunarMars í dag.
Fyrirlestrar í Hafnarhúsinu – Listasafni
Reykjavíkur kl. 10: David Gensler, The
Keystone Design Union, developing a
global talent army. Kl. 11: Katrín Ólína
Um sköpunarferli. Kl. 12: Hlín Helga
Guðlaugsdóttir, Upplifunarhönnun. Kl.
17: Landslagsarkitektar opna formlega
sína hátíð á hönnunarmarsi með húllum-
hæi á Lækjartorgi, Þar verður lúðrasveit,
mikið fyrir augað.
METSÖLULISTI FÉLAGS BÓKAÚTGEFENDA
Bóksölulistinn er birtur á tveggja vikna fresti og mælir sölu íslenskra
bóka. Listinn er byggður á upplýsingum frá flestum bóksölum landsins,
dagvöru verslunum og öðrum verslunum sem selja bækur. Rannsóknar-
setur verslunarinnnar annast söfnun upplýsinga fyrir hönd Félags íslenskra
bókaútgefenda. Eftirfarandi verslanir taka þátt í gerð listans: Bókabúð Máls
og menningar, Bókabúðin Eskja, Bókabúðin Hamraborg, Bókabúðin Iða,
Bókabúðin við höfnina (Stykkishólmi), Bóksala stúdenta, Bónus, Hagkaup,
Kaupás, N1, Office 1, Penninn - Eymundsson, Samkaup
Metsölulisti 01.03.10 - 14.03.10
1. Póstkortamorðin Liza Marklund/James Patterson JPV útgáfa
2. Risasyrpa – Í grænum sjó Walt Disney Edda
3. Loftkastalinn sem hrundi Stieg Larsson Bjartur
4. Horfðu á mig Yrsa Sigurðardóttir Veröld
5. Bankster Guðmundur J. Óskarsson Ormstunga
6. Stúlkan sem lék sér að eldinum Stieg Larsson Bjartur
7. Harmur englanna Jón Kalman Stefánsson Bjartur
8. Sálmabók þjóðkirkjunnar Ýmsir Skálholtsútgáfan
9. Týnda táknið Dan Brown Bjartur
10. Skemmtilegu smábarnabækurnar Ýmsir Björk
Uppsafnaður metsölulisti tímabilið 01.01.10 - 14.03.10
1. Loftkastalinn sem hrundi Stieg Larsson Bjartur
2. Póstkortamorðin Liza Marklund/James Patterson JPV útgáfa
3. Stúlkan sem lék sér að eldinum Stieg Larsson Bjartur
4. Svörtuloft Arnaldur Indriðason Vaka-Helgafell
5. Skemmtilegu smábarnabækurnar Ýmsir Björk
6. Þegar kóngur kom Helgi Ingólfsson Ormstunga
7. Almanak Háskóla Íslands 2010 Háskóli Íslands
8. Matur og drykkur Helga Sigurðardóttir Opna
9. Bankster Guðmundur J. Óskarsson Ormstunga
10. Horfðu á mig Yrsa Sigurðardóttir Veröld
Næfismi hefur á undanförnum áratugum öðlast
sterka stöðu í íslensku menningarlífi. Verk frumherja
eru eftirsótt á eftirmarkaði, sumir listamenn sem eru
gengnir eru í miklum metum, en margir starfandi
virkir listamenn eru flestum óþekktir og verkum
þeirra lítið flíkað. Á morgun verður opnuð samsýning
í Gerðubergi sem ber yfirskriftina Ástríðulist. Hún
er samsýning fjölmargra lærðra og leikinna lista-
manna sem eiga það sameiginlegt að nálgast listina af
einlægni og ástríðu. Á sýningunni er lögð er áhersla
á fjölbreytni, sköpunargleði, frelsi og frumlega sýn
á lífið og listina. Mikil litadýrð og gleði einkennir
ástríðulist en verkin á sýningunni mætti skilgreina
sem alþýðulist (folk art), utangarðslist (outsiders art),
bernska list (naive art) og samtímalist (contempor-
ary art).
Í bræðslupotti samtímamenningar ægir saman
alls konar myndmáli sem rekja má til listasögunnar
og hefðarinnar, en einnig til alþýðulistarinnar; svo
sem hannyrða, útskurðar og dægurmenningar; svo
sem kvikmynda, myndasagna, graffití eða götulista-
manna. Ungir listamenn sem hafa lokið formlegu list-
námi sækja óhikað í þennan sjóð og sífellt verður erf-
iðara að sundurgreina hina fjölmörgu stíla og stefnur.
Við val á verkum á sýninguna hafa sýningarstjór-
arnir Þorbjörg Br. Gunnarsdóttir og Þórunn Elísabet
Sveinsdóttir haft að leiðarljósi að verkin endurspegli
umfram allt sköpunarþörf, kraft, gleði og persónu-
lega nálgun á viðfangsefninu. Verkin eru fjölbreytt;
veggverk, skúlptúrar, textílverk og innsetningar. Þau
koma víða að, svo sem frá Safnasafninu á Svalbarðs-
strönd, Listasafni Akureyrar, Listasafni Reykjavíkur,
Hafnarborg og Sólheimum, úr einkaeigu og frá lista-
mönnunum sjálfum sem sumir hverjir vinna ný verk
eða innsetningar fyrir sýninguna. Upplýsingar um
sýnendur má nálgast á heimasíðunni gerduberg.is.
- pbb
Utangarðs í Gerðubergi
MYNDLIST Bjartir litir að fornu og nýju mætast. FRETTABLAÐIÐ/VALLI
Kór Bústaðakirkju í Kristskirkju, Landakoti, fimmtudaginn 25. mars kl. 20
Fluttar verða Ave Maríur og tónlist tengd boðunardegi Maríu
Orgelleikari og kórstjóri : Jónas Þórir
Kirkjukórinn syngur ásamt einsöngvurum úr kórnum
Forsala miða í Bústaðakirkju og við inngang á tónleikakvöldi