Fréttablaðið - 19.03.2010, Blaðsíða 50

30 19. mars 2010 FÖSTUDAGUR
Í dag kl. 17 munu Guðrún Jóhanna Ólafs-
dóttir messósópransöngkona og Ástríður
Alda Sigurðardóttir píanóleikari flytja
nokkrar af fegurstu perlum spænskrar
ljóðatónlistar á Tíbrártónleikum í
Salnum. Tónleikarnir eru tileinkað-
ir minningu Rutar Magnússon,
söngkonu og söngkennara, sem
lést nýverið en hún var einn
þeirra erlendu tónlistarmanna
sem hingað komu og helgaði
starfsævi sína tónlistariðk-
un og tónlistarkennslu. Á
efnisskránni eru söng-
lög og lagaflokkar eftir
Fernando Obradors,
Xavier Montsalvatge,
Enrique Granados og
Manuel de Falla.
Guðrún Jóhanna hefur undanfarin ár
búið og starfað á Spáni. Í Madríd hlaut
hún Joaquín Rodrigo-verðlaunin,
kennd við hið þekkta tónskáld,
og í söngkeppni Zamora-
borgar vann hún til verð-
launa sem besti ljóðasöngv-
arinn. Guðrún hefur komið
fram sem fulltrúi Spánar
og flutt spænska tónlist á
fjölmörgum tónleikum í
Evrópu á vegum spænska
utanríkisráðuneytisins. - pbb
Tónleikar í minningu Rutar
HVAÐ? HVENÆR? HVAR?
Föstudagur 19. mars 2010
➜ Tónleikar
20.00 Trio Zipoli frá Finnlandi verður
með tónleika í Langholtskirkju þar
sem á efnisskránni verður barokktónlist
tileinkuð Maríu mey. Enginn aðgangs-
eyrir og allir velkomnir.
20.30 Í tilefni af 60 ára fæðingar-
afmæli Karenar Carpenter verður
Regína Ósk með tónleika í Salnum við
Hamraborg í Kópavogi þar sem hún
flytur úrval laga The Carpenters.
22.00 Hljómsveitin Dikta heldur
tónleika á Græna Hattinum við Hafnar-
stræti á Akureyri.
22.00 Hljómsveitin Hundur í óskilum
heldur afmælistónleika á Kaffi Rósen-
berg við Klapparstíg.
22.00 Hljómsveitin Gæðablóð heldur
tónleika á Bar gallery 46 við Hverfis-
götu 46. Enginn aðgangseyrir.
22.00 Jenni og Franz flytja þekkt Peter
Gabriel-lög á Prikinu við Bankastræti.
Enginn aðgangseyrir.
➜ Opnanir
17.00 Í Artóteki, Borgarbókasafni við
Tryggvagötu, verður opnuð sýning á
verkum Önnu Sigríðar Hróðmarsdótt-
ur og Guðrúnar Höddu Bjarnadóttur.
Opið mán.-fim. kl. 10-19, fös. kl. 11-19
og um helgar 13-17.
➜ Sýningar
Í Þjóðmenningarhúsinu við Hverfisgötu
hefur verið opnuð sýning á verkum
Mekorku Huldudóttur. Opið alla daga
kl. 11-17.
Í Norræna húsinu við Sturlugötu hefur
verið opnuð fatahönnunarsýning á verk-
um Öglu Stefánsdóttur og Sigrúnar
Höllu Unnarsdóttur. Opið þri.-sun. kl.
12-17.
Í menningarmiðstöðinni Skaftfelli á
Seyðisfirði hefur verið opnuð sýning
á verkum bæði erlendra og innlendra
listaskólanema. Opið mið.-fim kl. 13-17
og fös.-sun. kl. 12-22.
➜ Síðustu forvöð
Sýning um Einar H. Kvaran rithöfund,
leikstjóra og blaðamann í Þjóðarbók-
hlöðunni við Arngrímsgötu lýkur á
sunnudag. Opið mán.-fim. kl. 8.15-22,
fös. kl. 8.15-19, lau. kl. 10-17 og sun kl.
11-17.
➜ Söngleikir
20.00 Nemendamótsnefnd Verzlun-
arskólans sýnir söngleikinn Thriller í
Loftkastalanum við Seljaveg. Nánari
upplýsingar á www.midi.is.
20.00 Leikfélag Menntaskólans á
Egilsstöðum sýnir söngleikinn Ávaxta-
körfuna, eftir Kristlaugu Maríu Sigurðar-
dóttur. Sýningar fara fram í Valaskjálfi á
Egilsstöðum.
➜ Dansleikir
Bermuda verður á skemmtistaðnum
Spot við Bæjarlind í Kópavogi.
➜ Fyrirlestrar
14.50 Listmálarinn Tryggvi Ólafsson
flytur erindi í tengslum við sýningu sína
sem opnar um helgina í Listasafni
Akureyrar. Fyrirlesturinn fer fram í Ketil-
húsinu við Kaupvangsstræti á Akureyri.
15.00 Nils Wiberg flytur erindi um
hönnun, skapandi hugsun í hönnunar-
ferlinu og árangursríkar hönnunarað-
ferðir í fyrirlestri sem hann flytur í Þjóð-
minjasafninu við Suðurgötu.
Upplýsingar um viðburði sendist á
hvar@frettabladid.is
Spiral-dansflokkurinn frumsýndi í gær
verkið óra í Norðurpólnum á Seltjarnarnesi,
nærri úti í Gróttu. Verkið verður næst sýnt
dagana 21., 25. og 28. mars klukkan 20.00.
Verkið er nýtt og framúrstefnulegt, samið af
Spiral-dansflokknum í samvinnu við Svein-
björgu Þórhallsdóttur, Gianluca Vincent-
ini og Róbert Reynisson. Áhorfendur upp-
lifa í verkinu andrúmsloft milli svefns og
vöku þegar þeir ferðast í gegnum rýmið, og
stíga inn í draumaveröld þar sem ævintýri
hugans geta breyst í átakanlega martröð á
hvaða tímapunkti sem er í hráu sýningar-
rými Norðurpólsins á Seltjarnarnesi.
Miðaverð er 1.500 kr. og fer miðasala fram
á midi.is.
Á þessu ári stefnir Spiral-dansflokkurinn
á að vinna með íslenskum sem og erlendum
danshöfundum, en þeir taka þátt í að móta
spennandi starfsár flokksins. Markmið
flokksins er að setja á svið ný dansverk sem
og að vinna að dansleikhúsi með svipuðu
yfirbragði og verk þeirra frá því í fyrra.
- pbb
Spírall með Óra
DANSLIST Snögg mynd úr Spíral sem frumfluttur
var í Norðurpólnum í gærkvöldi.
MYND RACHEL CHERRY/SPIRALL
HOLTAGÖRÐUM GLÆSIBÆ KRINGLUNNI SMÁRALIND WWW.UTILIF.IS
Skíðavörurnar fást aðeins í Glæsibæ.
Brettin fást í öllum verslunum Útilífs.
TÓNLIST Guðrún Jóhanna
messósópransöngkona.