Fréttablaðið - 23.03.2010, Blaðsíða 10
10 23. mars 2010 ÞRIÐJUDAGUR
Eldgos á Fimmvörðuhálsi
PIPA
R\TBW
A
• SÍA
• 100756
af bón- og bílahreinsivörum
Og að sjálfsögðu færðu
ráðgjöf hjá bóngóðum
starfsmönnum á plani.
20%
AFSLÁTTUR
Við höldum með þér!
TF-SIF, flugvél Landhelgis-
gæslunnar, hefur nýst jarðeðl-
isfræðingum sem öðrum vel við
rannsóknir á gossvæðinu á Eyja-
fjallajökli.
Landhelgisgæslan fékk vélina,
sem er af gerðinni Dash 8 Q 300,
á 83 ára afmæli gæslunnar 1. júlí
í fyrra. Vélin þykir ein fullkomn-
asta björgunarvél sinnar tegund-
ar. Um borð er öflug infrarauð
myndavél sem getur tekið myndir
frá hlið og beint fram hvort heldur
er á nótt sem degi. Þá er hún búin
öflugum radar, sem meðal ann-
ars getur nýst til að greina skip í
allt að tvö hundruð sjómílna fjar-
lægð og tegund þeirra í fjörutíu
sjómílna fjarlægð frá vélinni.
Flugvél Landhelgisgæslunnar:
Tækin í TF-SIF
Hraunrennsli jókst í eld-
gosinu í Eyjafjallajökli í
gær og er skjálftavirkni
meiri undir kvöld en áður.
Gossprungan er um fimm
hundruð metrar að lengd
og hefur ekki stækk-
að. Upp úr henni standa
nokkrir tæplega tvö hundr-
uð metra háir gosstrókar.
„Þótt þetta sé ekki stórgos
þá hefur það færst í auk-
ana og órói vaxið. Meira
berst af kviku undan yfirborðinu,“
segir Magnús Tumi Guðmunds-
son, prófessor í jarðeðlisfræði við
Háskóla Íslands.
Nýtt hraun úr gosinu þakti um
hundrað fermetra svæði á Eyja-
fjallajökli á sunnudagskvöld en
um fjögur hundruð fermetra í gær.
Hraun rann niður í Hrunagil aust-
an við gönguleiðina á Fimmvörðu-
hálsi og var komið að Heljarkambi
í gær.
Kristín Vogfjörð, jarðskjálfta-
fræðingur hjá Veðurstofu Íslands,
segir aukinn óróa á jarðskjálfta-
mælum merki um meira
hraunrennsli.
Engar vísbendingar
eru skjálftavirkni í Kötlu.
Mest er um litla skjálfta
að ræða, í kringum eitt
til 1,5 stig á Richter. Mest
fór skjálftavirknin í rúm
tvö stig á mælum. „Þetta
hefur gengið á með rokum
í tvo daga, virknin rýkur
upp og dettur svo niður.
Við höfum haft auga
með Kötlu í nokkur ár en hún er
ekki farin að bæra á sér,“ segir
Kristín, sem flaug í fyrsta sinn
yfir gosstöðvarnar í um þriggja
klukkustunda ferð með TF-SIF,
flugvél Landhelgisgæslunnar, um
eittleytið í gær.
Hún segir nýlegan tækjabúnað
Landhelgisgæslunnar hafa nýst vel
í gær enda mjög skýjað á gossvæð-
inu og því hafi lítið sést af hraun-
flæðinu nema stöku gloppur. Með
tækjabúnaðinum hafi verið mögu-
legt að sjá betur stærðina á hraun-
inu þrátt fyrir slæmt skyggni. - jab
Hraunflæðið eykst úr gosinu á Eyjafjallajökli:
Katla er ekki vöknuð
þrátt fyrir lætin
MAGNÚS TUMI
GUÐMUNDSSON
TF-SIF Flugvél Landhelgisgæslunnar er af
fullkomnustu gerð. FRÉTTABLAÐIÐ/LHG
Röskun varð ekki á farþegaflugi
af völdum gossins í Eyjafjalla-
jökli í gær ef frá eru taldar tafir
í skamman tíma á millilandaflugi
um morguninn. Aðeins er heim-
ilt að fljúga í átta þúsund feta
hæð yfir gossvæðinu og innan
ákveðinna marka.
Flugbann hefur verið á til-
teknu svæði við jökulinn frá því
á laugardag og er það enn í gildi,
samkvæmt ákvörðun Veðurstofu
Íslands og vöktunarstöð eldgosa,
sem staðsett er í Bretlandi. Vökt-
unarstöðin ytra er ein af níu í
heiminum sem sjá um útreikn-
inga og spár á öskufalli í kjöl-
far eldgosa. Sú í Bretlandi hefur
umsjón með gosum í Evrópu.
- jab
Engin röskun á farþegaflugi:
Bretar fylgjast grannt með
gosinu í Eyjafjallajökli
FLUGHEIMILD Þríhyrningurinn markar það svæði sem bannað er að fljúga innan
nema í átta þúsund feta hæð.
Mikill straumur ferðamanna hefur
verið inn Fljótshlíðina eftir að frétt-
ir bárust af gosinu. Svo mikill að
heimilisfólki á bæjunum er hætt að
standa á sama.
Malarvegurinn er ekki sem best-
ur og Þorkell Eiríksson bóndi spyr
sig hvernig ævintýramennirnir,
sem aka jafnvel á smábílum inn á
svæðið, ætli að forða sér í hugsan-
legu flóði.
Kona hans, Anna Runólfsdóttir,
viðurkennir að hún sé orðin ansi
lúin af gestaganginum síðustu daga
en ekki síður af því umstangi sem
fylgir því að flytja börnin fram og
til baka frá heimilinu í öryggisskyni.
Þeim var ekki skemmt að fregna
að á meðan þau sváfu á Hvols-
velli hefðu ferðamenn með vasa-
ljós guðað á glugga í Fljótsdaln-
um. Einhver braut svo upp glugga
til að gista í gamla bænum, sem er
farfuglaheimili á sumrin.
„Ég er ekki hrædd við gosið, en
hef áhyggjur af því að þetta dragist
á langinn með öskufalli og tilheyr-
andi fyrir kindurnar,“ segir Anna.
Síminn hringir og BBC vill tala
við húsfreyju sem snöggvast. Að
símtalinu loknu banka jarðfræð-
ingar upp á og fá poka með ein-
hverju sem Anna telur að gæti verið
öskufall. Svo hringir BBC aftur.
Niðri á vegi er fjöldi bíla. Sumir
ferðalangarnir sitja bara rólegir í
jeppum sínum og vona að létti til
svo sjáist í jarðeldinn.
„Ef þetta dregst á langinn eins og
1821 væri hægt að gera út á þetta og
opna kaffihús,“ segir Þorkell bóndi
glettinn í bragði.
Húsfreyjan minnir á að hún sé
nú lunkin að gera cappuccino: „Við
þurfum bara að fá okkur vélina.“
Í gosinu 1821 flæddi vatn langt
upp að gamla bænum en Þorkell
telur minni hættu á flóði núna. Jök-
ullinn hafi minnkað stöðugt síðustu
ár.
Fyrir einum tólf árum var miklu
meiri ís í fjallinu. Því hafi eldurinn
vonandi minna að hella niður hlíð-
arnar en síðast. klemens@frettabladid.is
Gætu opnað kaffi-
hús fyrir ferðamenn
Heimilisfólkið í Fljótsdal, innsta bænum í Fljótshlíð, er nokkuð lúið af stöð-
ugum gestagangi í gosinu. Réttast væri að opna kaffihús. Bóndinn segir mun
minna af ís í jöklinum en var fyrir um áratug og því minni hætta af flóði.
MEÐ BBC Á LÍNUNNI Þau Anna og Þorkell óttast ekki gosið í Eyjafjallajökli, en líklega renna á þau tvær grímur ef Katla gýs einnig.
Börn þeirra, Þorgerður og Runólfur, virðast ekki hafa miklar áhyggjur af gosinu heldur. FRÉTTABLAÐIÐ/VILHELM