Fréttablaðið - 23.03.2010, Blaðsíða 22
23. MARS 2010 ÞRIÐJUDAGUR2 ● farsímar
Útgefandi: 365 miðlar ehf., Skaftahlíð 24, s. 512 5000 l Umsjónarmaður auglýsinga: Hlynur Þór Steingrímsson hlynurs@365.is
s. 512 5439 og Benedikt Freyr Jónsson benediktj@365.is s. 512 5411
● SÍMASTAURAR Sumir
þeirra sem lengst muna í dag
ólust ekki upp við neina síma.
Símalínurnar voru hengdar upp í
staura og það var 1929 sem línu-
hringurinn lokaðist umhverfis
landið. Síðasta haftið var frá Vík
til Hafnar og þar þurfti að sigrast
á erfiðum aðstæðum, straum-
þungum vötnum og botnlaus-
um söndum. Ekki hjálpaði að
sumarið sem unnið var að lagn-
ingunni kom hlaup í Skeiðará
sem var nú nógu strembin fyrir.
Þrátt fyrir að búið væri að hringtengja landið þá vantaði mikið upp á
að síminn væri kominn inn á alla bæi landsins. Því skrefi varð ekki náð
fyrr en um 1960. Þangað til var hlaupið á milli með boðsendingar til
þeirra sem voru utan símaleiðar.
Það hefur sjaldan verið að Íslend-
ingum að spyrja þegar nýjungar
eru annars vegar. Það sýndi sig
þegar Íslendingar settu met í far-
símaeign strax á fyrstu mánuð-
um farsímanotkunar og átta mán-
uðum eftir að kerfið
hafði verið tekið í
notkun, í febrúar
1987, áttu Íslend-
ingar flesta farsíma
miðað við höfða-
tölu í Norður-Evr-
ópu, að Noregi und-
anskildum. Reikn-
að var þá út að einn
farsími væri á hverja
níutíu íbúa. Fjórum
árum síðar, 1991, kom-
ust Íslendingar í fjórða
sætið á heimslistanum í
farsímaeign.
Farsímakerfið var
tekið í notkun í júní 1986
og þóttu tímamótin í
fjarskiptum stór – að hægt væri að
hringja beint úr bílnum, bátnum
eða sumarbústaðnum hvert sem er
út í heim. Næsta skref í þróuninni
var svokallaður símboði eða „frið-
þjófur“ eins og hann var í fyrstu
nefndur en menn báru hann á sér
og fengu símanúmer send í hann
sem hringja átti í.
GSM-kerfið kom í kjölfar far-
símakerfisins, árið 1994 og voru
Íslendingar fljótir að taka gsm-
símana upp á sína arma og árið
2001 var farsímanotkun og far-
símaeign næstmest á Íslandi í
heiminum en Finnar stóðu þar
fremstir. Ekki voru allir á eitt
sáttir í byrjun og í Helgarpóstinn
er skrifað í nóvember 1994: „Menn
sem eru að veifa þessu í tíma og
ótíma eru greinilega ekki allir þar
sem þeir eru séðir – það er ómögu-
legt að svo margir séu þetta mikl-
ir viðskiptajöfrar að símalínan sé
logandi út í eitt.“ - jma
Þjóðin fljót að setja met
Ómar Ragnarsson er einn þekkt-
asti farsímanotandinn fyrr og
síðar og hér er hann árið 1988
með farsímann sinn sem þá voru
stórir í sniðum og oft kallaðir
„bílasímar“.
LJÓSMYNDASAFN REYKJAVÍKUR/365
Fyrsti GSM-síminn sem aug-
lýstur var hjá Símanum árið
1994.
● GUMMI OG GOSI Gemsi er íslenskt heiti á
GSM-símum. Það varð hlutskarpast í samkeppni
sem Dagur-Tíminn efndi til meðal lesenda sinna
haustið 1996 um íslenskt heiti á þessa tækninýj-
ung sem þá var sem óðast að ryðja sér til rúms hér
á landi. GSM er jú skammstöfun fyrir Global Syst-
em for Mobile sem er ansi langt frá okkar ylhýra
máli. Um 300 tillögur bárust í keppnina og meðal
þeirra sem taldar voru koma til greina voru nöfn
eins og geimsími, fissími, gosi, gutti, masari,
peyi, gummi, róltól, tífa, stúfur, þrasi, truflari og
vasasími.
Gemsi er annars orð yfir veturgamla kind og
valið á gemsanafni á símann var röksutt með
því að eins og gemsar þroskast í fullvaxnar
kindur ætti þessi vasasími eftir að verða enn
fullkomnari en í byrjun.
Í fyrsta tölublaði veftímarits-
ins Receiver, sem margmiðlunar-
fyrirtækið Vodafone hefur gefið út
síðan árið 2000, birtist grein eftir
Kenny Hirschhorn, yfirmann hjá
breska margmiðlunarfyrirtækinu
Orange, þar sem hann sér fyrir sér
þráðlausa framtíð í símamálum.
Hirschhorn vildi meina að árið
2005, einungis fimm árum eftir
birtingu greinarinnar, hefðu hefð-
bundnir farsímar nánast runnið
sitt skeið á enda. Þess í stað gengju
flestir, að minnsta kosti þeir sem
þéna sæmilega, með agnarsmátt
tæki sem minnti helst á eyrna-
lokk en væri í raun raddstýrð-
ur samskiptabúnaður. Í gegnum
þetta tæki væri hægt að spjalla
við tölvurödd að eigin vali og jafn-
vel mögulegt að forrita „persónu-
leika“ raddarinnar, til að mynda
gæti röddin haft kaldhæðna kímni-
gáfu, verið fær í að róa taugar og
fleira í þeim dúr.
Í samræðum við þessa rödd
fengi fólk allar þær upplýsingar
sem það þyrfti á að halda í dags-
ins önn, en enginn heyrði hana
nema þeir sem gengju með tækið.
Röddin myndi sjá um að vekja fólk
á morgnana, þylja upp upplýsing-
ar um veðrið, ástandið á hluta-
bréfamörkuðum eða í raun hvað
sem hún væri forrituð til að vita.
Röddin myndi lesa tölvupósta við-
komandi, vísa þeim stystu leið-
ina í vinnuna, stjórna flóknum
símafundum og jafnvel þýða það
sem fram fer á slíkum fundum.
Að auki myndi röddin sjá um alla
skipulagningu, panta tíma í klipp-
ingu, skoðun á bílinn og þar fram
eftir götunum. Röddin gæti líka, ef
nauðsyn væri, framkvæmt einfalt
og „gamaldags“ símtal.
Hirschhorn sá fyrir sér að allt
þetta yrði mögulegt vegna þess að
aukin samkeppni í fjarskiptamál-
um myndi að lokum opna allan að-
gang að upplýsingum upp á gátt.
Tækin sem hann skrifaði um voru
ekki orðin almenningseign árið
2005, en hver veit hvað gerist á
næstu árum og áratugum. - kg
Alvitur tölvurödd sem
leiðir þig í gegnum lífið
Ef spár Kenny Hirschhorn hefðu ræst hefðu farsímar nánast runnið sitt skeið árið 2005. Hins vegar virðist enn eftirspurn eftir
slíkum tólum eins og kom bersýnilega í ljós á ráðstefnu í Barcelona fyrr á árinu þar sem helstu nýjungar voru kynntar.
Handfrjáls búnaður kemst kannski næst
því tæki sem Hirschhorn sá fyrir sér.